Wuj Richin ri Nimalej Bix 5:5 - Kaqchiquel Bible

⁵ K'ari' yin xiyakatej-q'anej richin ninjeq ri ruchi-jay chuwech rija'. Chirij ri nuq'a' kan nibiyin ri ruya'al mirra. Chirij ri ruwi' taq nuq'a' kan nibiyin-qa ri jubulej aq'om. Roma ri' kan xbiyin chirij ri ch'ich' ri tz'apeyon ri ruchi-jay.

Wuj Richin ri Nimalej Bix 5:5 ပူးပေါင်းရင်းမြစ်များ

Wuj Richin ri Nimalej Bix 1:16

Wajowanel yin, rat kan at jebejoj ok; ja' kan janila at jebejoj-ok. Re akuchi oj kotz'ol-wi kan janila buyul. Kan rex-rex k'a rubanon re savana.

Wuj Richin ri Nimalej Bix 3:6

¿Achike kami ri jotol-pe pa tz'iran ruwach'ulew, y nuyek poqolaj achi'el ja ta ri sib pa'el chikaj? Rije' kan yejubulin e peteneq rik'in ri ruxla' ri pom, ri mirra y ri jalajoj kiwech jubulej taq aq'om.

Wuj Richin ri Nimalej Bix 5:13

Ri rupalej nojineq chi jubulej aq'om, y ri ruchi' achi'el ruxla' kotz'i'j lirio.

Wuj Richin ri Nimalej Bix 5:2

Yin xiwer-qa, jak'a ri wánima kan royoben. Chupan ri achik' ri', xinwak'axaj k'a chi ri wajowanel noyon-pe pa ruchi-jay. Y nubij: Tajaqa' ri ruchi-jay wajowanel yin, nu-paloma yin, ri kan at jebel ok, roma ri nujolon nojineq chik rik'in raxq'ab. Ri raxq'ab richin ri aq'a' kan nibiyin chirij ri rusumal-nuwi', ncha'.

San Lucas 12:36

achi'el nikiben ri samajela' pa jun jay. Rije' koyoben chi nitzolin-pe ri kajaw beneq pa jun k'ulubik, richin keri' toq noqaqa y noyon-apo, kan jari' nikijeq ri ruchi-jay chuwech.

2 Corintios 7:7

Ri Tito xorukuquba' qak'u'x, man xaxe ta roma ri xoqaqa qik'in y xqatz'et ruwech. Kan roma chuqa' xutzijoj chiqe ri rubanik ri xikuquba-pe ruk'u'x ri chila'. Xoruya' chuqa' rutzijol chiqe chi rix kan yojiwajo-wi, y chi rix kan janila yixbison. Y chuqa' xorutzijoj chi rix jantape' yinich'ob-pe. Ronojel k'a re', xuben chuwe chi kan janila xkikot ri wánima.

Efesios 3:17

Ja ta ri Cristo xtik'oje' pa taq iwánima roma ri kuqubabel-k'u'x ri k'o iwik'in, y ronojel ri niben y ri nich'ob ja ta ri ajowabel ri ruxe'.

Apocalipsis 3:20

Roma yin kan jare' k'a ink'o chik chuchi' ri iwachoch y yinoyon chik apo. Achike k'a ri xtak'axan-pe wichin y nujeq ri ruchi' jay chinuwech, xkinok-apo rik'in, xkiwa' rik'in y rija' xtiwa' wik'in yin.