Wuj Richin ri Nimalej Bix 5:2 - Kaqchiquel Bible

² Yin xiwer-qa, jak'a ri wánima kan royoben. Chupan ri achik' ri', xinwak'axaj k'a chi ri wajowanel noyon-pe pa ruchi-jay. Y nubij: Tajaqa' ri ruchi-jay wajowanel yin, nu-paloma yin, ri kan at jebel ok, roma ri nujolon nojineq chik rik'in raxq'ab. Ri raxq'ab richin ri aq'a' kan nibiyin chirij ri rusumal-nuwi', ncha'.

Wuj Richin ri Nimalej Bix 5:2 ပူးပေါင်းရင်းမြစ်များ

Apocalipsis 3:20

Roma yin kan jare' k'a ink'o chik chuchi' ri iwachoch y yinoyon chik apo. Achike k'a ri xtak'axan-pe wichin y nujeq ri ruchi' jay chinuwech, xkinok-apo rik'in, xkiwa' rik'in y rija' xtiwa' wik'in yin.

Wuj Richin ri Nimalej Bix 2:14

Wajowanel yin, ri awewan-awi', rat kan at achi'el jun ti paloma ri rewan-ri' chupan jun jul chuwech nimalej taq abej, o chupan jun ti sokaj pa juyu'. Tak'utu' k'a awi' chinuwech, Taya' q'ij chuwe richin ninwak'axaj ri ach'abel, roma ri ach'abel kan janila jebel ok, y chuqa' janila jebel ok ri yatzu'un.

Wuj Richin ri Zacarías 4:1

K'ari' ri ángel ri ch'owineq-pe wik'in xtzolej chik pe, y kan achi'el xa ta xiruk'asoj chire jun waran.

Wuj Richin ri Nimalej Bix 6:9

Jak'a rat, wajowanel yin, kan xaxe rat ri k'o aq'ij chikikojol, rat kan at jebel ok. Rat at juney xten rik'in ri ate', y kan janila yarajo'. Toq ri ch'aqa' chik xtani' yatkitz'et, nikibij chawe chi jebel ruwa-aq'ij; ri reina y ri ch'aqa' chik ixoqi' nikiya' aq'ij.

Wuj Richin Bix Chire ri Dios 119:1

Jebel ruwa-kiq'ij ri kan e tz'aqet yebiyin chupan ri kik'aslen, ri kan ja ri rupixa' ri Jehová ri kitzeqeliben.

San Mateo 8:17

Richin keri' kan nibanatej k'a ri rubin kan ri Isaías, q'alajirisey ruch'abel ri Dios, toq xubij:*f15* Kan ja rija' ri xejqalen ri qayabil y xuk'uaj ronojel q'axomal, chayineq kan.

Wuj Richin ri Isaías 52:14

Jak'a kan janila e k'iy ri xtikimey toq xtikitz'et ri rubanik, y ri nitzu'un kan man achi'el ta nitzu'un jun wineq, roma ri xtibanatej rik'in rija'.

Wuj Richin ri Isaías 50:6

Kan xinya' k'a ri ruche'el-wij chikiwech ri yech'ayon wichin, y chuqa' kan xinya' ri nupalej chikiwech ri xe'elesan ri rusumal-nuchi'. Kan man xinwewaj ta nupalej chikiwech ri janila xinkiyoq' y ri xinkichubaj.

Wuj Richin ri Nimalej Bix 8:7

Stape' xkepe ronojel ri ya' richin ri palou, man xketikir ta xtikichup ri ajowabel. Ni ri raqen taq ya' chuqa' man xketikir ta xtikichup. Y wi k'o ta jun nusuj ronojel rubeyomel chuwe pa ruk'exel ri awajowabal, yin xa xkitze'en chirij.

Wuj Richin ri Nimalej Bix 7:9

y ri achi' kan ki' ta achi'el ruki'il ri vino. Kan nibiyin ta ri vino k'a rik'in ri wajowanel.

Wuj Richin ri Nimalej Bix 5:11

Ri rujolon nich'ich'an achi'el ri q'anapueq; ri rusumal-ruwi' kan pich'u'y-pich'u'y, y kan xaq-xaq achi'el ri qo'ch.

Wuj Richin ri Nimalej Bix 4:9

Xaxe rik'in jun ti atzubal, kan xaweleq'aj kan ri wánima rat, wajowanel yin. Kan xaweleq'aj ri wánima toq nich'ich'an ri awichinaj.

Wuj Richin ri Nimalej Bix 4:7

Rat kan janila at jebel ok wixjayil yin; nitiker-pe chi'awaqen, y napon k'a pan ajolon.

Wuj Richin ri Nimalej Bix 3:1

Ri tokoq'a' xinkanoj pa nuwarabel, ri ninwajo' yin. Kan xinkanoj, jak'a man xinwil ta.

Wuj Richin ri Nimalej Bix 2:10

Y wakami nich'on wik'in. Kayakatej wixjayil yin, kayakatej wajowanel yin, y jo' k'a.

Wuj Richin ri Nimalej Bix 2:8

Kan jari' peteneq chik ri wachijil. Kan ninwak'axaj chik ri ruch'abel. Kan niropiyaj peteneq pa ruwi' taq juyu', kan nitzopiyaj peteneq chikikojol taq juyu'.

Wuj Richin Etamabel-Tzij 23:26

Rat, nuk'ajol yin, kan tajacha' k'a chuwe ri nojibel ri k'o pan awánima, richin nataqej ri nuch'abel; richin kan jebel k'a xtatzu' y jebel chuqa' xtana' chupan ri nubey yin.

Wuj Richin Bix Chire ri Dios 81:10

Kan xaxe k'a yin Jehová, ri in i-Dios, y ja yin ri xinelesan-pe iwichin chupan ri ruwach'ulew Egipto. Tik'utuj k'a chuwe ri nik'atzin chiwe y yin kan xtinya', xicha' chike ri iwati't-imama'.

Wuj Richin ri Rutikeribel 29:20

Y keri' ri Jacob xsamej k'a wuqu' juna' roma ri Raquel, jak'a chuwech rija' man k'iy ta juna' xsamej, roma janila nrajo'.

Apocalipsis 14:4

Y jare' ri man jun bey xek'oje' ta kik'in ixoqi'. Kan e ch'ajch'oj-wi y kan jantape' kojqan ri Karne'l. Jare' ri nabey ri xekol-pe chikikojol ri winaqi', richin chi ye'ok achi'el nabey sipanik chire ri Dios y ri Karne'l.

Apocalipsis 3:4

Man rik'in-wi-ri, ri chiri' pa Sardes k'a ek'o jujun ri man kitz'ilobisan ta ri kitziaq.Y jere' k'a ri xkebiyin wik'in yin, kikusalon seq taq tzieq, roma jari' ruk'amon chike.

Efesios 5:14

Roma ri' k'o jun tzij ri nubij: Rat ri xa achapon waran, tuna' k'a awech; kayakatej-pe chikikojol ri kaminaqi'. y ri Cristo xtusaqirisaj ri ak'aslen, nicha'.

Gálatas 2:20

Roma toq ri Cristo xkamisex, yin achi'el ta kan xiken rik'in. Y roma ri' re nuk'aslen re k'o wakami, man wichin ta yin, xa kan richin ri Cristo ri k'o pa wánima. Y ronojel k'a ri ninben-el chuwech re ruwach'ulew, xtinben k'a roma kan rik'in ri Cristo ri ruk'ajol ri Dios nukuquban-wi nuk'u'x; ri Cristo ri najowan wichin, y xuya' chuqa' ri' richin xkamisex woma.

San Juan 10:4

Toq e relesan chik k'a el konojel ri rukarne'l, ninabeyej-el chikiwech, y ri karne'l yetzeqe-el chirij. Ri karne'l kan keri' wi nikiben roma kan ketaman k'a ruch'abel ri niyuq'un kichin.

San Lucas 22:44

Y kan janila k'a q'axo'n ri k'o pa ránima. Roma ri' kan rik'in k'a ronojel ránima nich'on rik'in ri Dios. Y roma ri' xuchop nitz'oqpin. Y ri ya' ri nel chirij kan nima'q taq tz'uj, achi'el toq jun nibiyin rukik'el.]*f36*

San Lucas 9:32

Ri Pedro y ri e rachibil jebel yewer. Chaq k'ate' xek'astej y xkitz'et k'a ri saqil ri k'o chirij ri Jesús. Xekitz'et chuqa' ri e ka'i' chik achi'a' ri ek'o rik'in.

San Lucas 6:12

Chupan ri ruq'ijul ri', ri Jesús xbe k'a pa ruwi' jun juyu' richin xbech'on rik'in ri Dios. Y junaq'a' k'a xk'ase' chi ch'owen rik'in rija'.

Marcos 1:35

Ri ruka'n q'ij toq k'a man jani tiseqer-pe, ri Jesús xyakatej-el y xbe akuchi kan man jun k'o, y chiri' xch'on-wi rik'in ri Dios.

Dn 8:18

Rokik rija' nich'on wik'in, yin xa ximayamo-qa y xijupuju-qa pan ulew. Jak'a rija' xiruchop-qa y xuben chuwe richin xipa'e' chik q'anej.

San Mateo 7:8

Roma xabachike ri nik'utuj, kan xtik'ul k'a; ri kan nikanoj, kan xtiwil-wi. Y wi rix xkixoyon-apo, kan xtijaq-wi-pe ri ruchi-jay chiwech.

Wuj Richin ri Nimalej Bix 1:16

Wajowanel yin, rat kan at jebejoj ok; ja' kan janila at jebejoj-ok. Re akuchi oj kotz'ol-wi kan janila buyul. Kan rex-rex k'a rubanon re savana.

Wuj Richin ri Nimalej Bix 5:6

Xinjeq k'a ri ruchi-jay chuwech ri wajowanel, jak'a xa maneq chik ri chiri'. Chupan ri achik' ri' xinel-el pa bey richin xinkanoj, jak'a man xinwil ta. Xinwoyoj, jak'a man jun xch'on-pe chuwe.