Wuj Richin ri Nimalej Bix 5:15 - Kaqchiquel Bible

¹⁵ Ri raqen kan k'o janila kuchuq'a' achi'el ri pilar ri e banon rik'in mármol, ri ek'o pa ruwi' ri ch'okolibel ri e banon rik'in q'anapueq. Ri rupalen kan achi'el rujotolen ri juyu' Líbano, kan nim rupalen achi'el rujotolen jun tiox-che'.

Wuj Richin ri Nimalej Bix 5:15 ပူးပေါင်းရင်းမြစ်များ

1 Rey 4:33

Chuqa' rik'in ri retamabal kan xtijon k'a pa kiwi' jalajoj kiwech che'; ri tiox-che' ri richin ri Líbano y chuqa' pa ruwi' ri hisopo, ri jun q'ayis ri nik'iy-pe chuwech tz'aq. Chuqa' xtijon pa kiwi' ri chikopi' ri ek'o pa k'echelaj, pa kiwi' ri aj-xik' taq chikopi', pa kiwi' ri chikopi' ri e jepejeq y ri nikiqirirej-ki', y chuqa' pa kiwi' ri ker.

1 Timoteo 3:16

Y qitzij na wi chi kan janila nim rejqalen ri ruq'alajirisan chik ri Dios chiqawech re wakami: Ri Jesucristo xpe wawe' chuwech re ruwach'ulew, y xok wineq achi'el roj. Xk'ut chiqawech roma ri Loq'olej Espíritu chi kan choj wi ruk'aslen. chuqa' xtz'etetej koma ri ángel. Xtzijox chuwech ronojel re ruwach'ulew, y e k'iy xkikuquba' kik'u'x rik'in. Y toq xel-el chuwech re ruwach'ulew, xk'ul chila' chikaj roma ri Dios.

Hechos 2:28

Xtak'ut k'a chinuwech ri bey richin k'aslen, Y awik'in rat k'o kikoten richin jantape', xcha' ri David.

San Mateo 28:3

Ri rusaqil ri ángel ri' xa kan junan k'a rik'in ri saqil nuya' jun koyopa'. Y ri rusaqil ri rutziaq kan junan k'a rik'in ri rusaqil ri tew ri niqaqa.

San Mateo 17:2

Chiri' ri Jesús xjalatej k'a ruwech chikiwech ri e oxi' rutijoxela'. Xok k'a achi'el nitzu'un ri q'ij toq jebel niyik'lun. Y ri rutziaq kan xok achi'el ri saqil.

Wuj Richin ri Zacarías 9:17

Kan janila k'a jebel xtiben chuwech ri iruwach'ulew. Ri iwalk'ual chi alaboni' chi xtani' kan jebel k'a xkek'iy-q'anej, achi'el ri tiko'n y ri juwi-uva, xcha'.

Os 14:7

Ri tinamit Israel kan xtik'oje' chik k'a chuxe' ri wutzil yin. Kan xkek'iy chik k'a achi'el ri trigo, kan xkesijan chik k'a achi'el nisijan ri juwi-uva. Kan xtel chik k'a kitzijol chi rije' kan e achi'el ri jebelej vino ri nipe pa Líbano.

Wuj Richin ri Nimalej Bix 7:4

Ri aqul kan liq'-liq' achi'el jun torre ri banon rik'in rey tix. Ri runaq' taq awech kan yech'ich'an achi'el rubanon ri ya' chupan ri yakbel-ya' ri k'o pan Hesbón, ri k'o pan okinen chire ri tinamit ri nibe pa Bat-rabim. Ri atza'n kan jebel ok achi'el ri juyu' Líbano, ri nitzu'un-qa pa Damasco.

Wuj Richin ri Nimalej Bix 4:11

Ri pan achi' kan ki-ki', achi'el ri kab ri nikiya' taq chikopi'. Y chuxe' ri awaq' kan ki-ki' achi'el xa ta nibiyin kab y leche. Y ri ruxla' ri atziaq kan achi'el ri kuxla' ri jalajoj kiwech che' ri ek'o pa Líbano.

Wuj Richin ri Nimalej Bix 2:14

Wajowanel yin, ri awewan-awi', rat kan at achi'el jun ti paloma ri rewan-ri' chupan jun jul chuwech nimalej taq abej, o chupan jun ti sokaj pa juyu'. Tak'utu' k'a awi' chinuwech, Taya' q'ij chuwe richin ninwak'axaj ri ach'abel, roma ri ach'abel kan janila jebel ok, y chuqa' janila jebel ok ri yatzu'un.

Wuj Richin Bix Chire ri Dios 92:12

Ri winaqi' ri choj kik'aslen, kan utz k'a xtel chikiwech ronojel ri nikiben, xkek'iy k'a achi'el ri palma, y achi'el ri tiox-che' ri k'o pa Líbano.

Wuj Kichin ri To'onela' 13:6

Re ixoq re' xberutzijoj chire ri rachijil y xubij chire: Jun achin richin ri Dios xpe wik'in, y ri rubanik achi'el jun ángel, y kan nak'en rukiy; jak'a yin man xink'utuj ta chire akuchi peteneq-wi, ni ta rija' xubij ri rubi' chuwe.

Ex 26:19

Xkekiben k'a kawineq kich'okolibal ri marco ri' y xkekiben rik'in saqipueq. Jun marco k'o chi ka'i' ruch'okolibal. Y ri ch'okolibel ri' yebe chuxe' ri akuchi nikitun-wi-ki' ri marco.

Wuj Richin Bix Chire ri Dios 80:10

Y keri' kan xkinojisaj-q'anej ruwech chijun ri ruwach'ulew, y xe'apon k'a akuchi e tikil-wi ri tiox-che' ri ek'o pa Líbano.

Ez 17:23

Pa ruwi' ri juyu' ri más nej jotol ri k'o pa ruwach'ulew Israel, chiri' k'a xtintik-wi kan. Xtik'oje' ruq'a' y xtiwachin k'a y xtok chuqa' jun jebelej tiox-che'. Y jalajoj kiwech aj-xik' taq chikopi' ri xtibekibana' kisok pa taq ruq'a' y chiri' xkebek'ase-wi.

Ez 31:8

Kan man jun tiox-che' ri k'o pa qejoj ri kan nik'ases, nijunamatej rik'in re jun tiox-che' re'. Y chuwech rija' kan man jun che' ri k'o ta janila ruq'a'. man jun chik che' achi'el ri ruq'a' ri ek'o re jun tiox-che' re'. Man jun che' ri k'o pa qejoj ri kan nik'ases ri nijunamatej rik'in ri jebelej rubanik rija'.

Wuj Richin Bix Chire ri Dios 92:13

Rije' kan xkebe k'a pa jotol achi'el ri che' ri e tikil chuwa-rachoch ri Jehová, achi'el ri che' ri yesijan chuwa-jay chire ri rachoch.

Wuj Richin ri K'uxla'anik 4:7

Ri e tata'al ri xek'oje' pa Jerusalem kan janila k'a e ch'ajch'oj. Kan más k'a kiloxil chuwech ri leche. Jebel k'a xtzu'un ri kibanikil. Rije' kan xeyok'olin achi'el yeyok'olin ri jebelej taq abej.