Wuj Richin ri Nimalej Bix 5:1 - Kaqchiquel Bible

¹ Wajowanel yin, xkinapon k'a awik'in, richin yinach'uch'urisaj rat, ri at achi'el nuqejoj; richin xtinseq ri mirra y ri jubulej taq awaq'om ri niwachin chiri'; richin xtintej ri kab, y richin xtinqum k'a ri vino y ri leche ri ek'o chiri'. ¡Rix qachibil, qojwa-qojuk'ya', qojqumun janipe' ri niqajo'!

Wuj Richin ri Nimalej Bix 5:1 ပူးပေါင်းရင်းမြစ်များ

Wuj Richin ri Rutikeribel 37:25

K'ari' xebetz'uye' richin xkitej kiway. Y jari' toq xekitz'et jun tzobaj winaqi' ri e rijatzul kan ri Ismael ri e peteneq, ri yepe k'a kela' pa ruwach'ulew Galaad, y kik'amon-pe jubulej taq aq'om, bálsamo, y mirra chikij ri ki-camello y kik'uan-el richin chi nikik'uaj k'a kela' pa ruwach'ulew Egipto.

Wuj Richin Bix Chire ri Dios 147:11

Ri Jehová nikikot kik'in ri winaqi' ri k'o rukiy chikiwech, kik'in ri koyoben ri rutzil rija'.

Wuj Richin Bix Chire ri Dios 16:3

Yin kan yikikot kik'in ri nuwinaq ri nikitzeqelibej ri Dios, y kik'in ri kan tz'aqet ri kik'aslen chuwech rija'.

Wuj Richin Etamabel-Tzij 24:13

Rat, nuk'ajol yin, kan tatija' k'a ri kab ri kan utz-wi, kan tatija' k'a ri kab ri nikiya' ri taq chikopi', roma kan ki' xtuna-qa ri aqul.

Wuj Richin Etamabel-Tzij 9:5

Kan utzilej ipeten chupan re wa'in re ninsuj chiwe yin, kan kixanpe k'a; kan kixwa-kixuk'ya' wik'in; kan tiqumu' k'a ri vino ri kan iwichin rix nubanon rutzil.

Wuj Richin ri Molojri'il 2:5

xenbanala-qa nutiko'n chupan ri nuqejoj y xinben chuqa' kutzil ri akuchi xentik-qa kotz'i'j. Y chupan k'a re' xentikila' ronojel ruwech che' ri yewachin.

Wuj Richin ri Nimalej Bix 1:13

Rat, wajowanel, kan janila yaqa' chinuwech. Kan at achi'el k'a jun ti peqes ri ya'on jubulej q'ayis chupan. Ri ti peqes ri' kan chuwa-nuk'u'x k'a tzeqel-wi.

Wuj Richin ri Nimalej Bix 4:16

K'ate' ta ri kaq'iq' nipe kere' pa xaman. K'ate' ta ri kaq'iq' nipe kere' pa xokon, richin nuxupuj ri nuqejoj y nutaluj wawe' ri jubulej waq'om. Katanpe k'a wajowanel yin, katanpe chupan ri aqejoj, richin natej ronojel.

Wuj Richin ri Nimalej Bix 4:8

Toq xtiseqer-q'anej, jari' toq xqojxule-qa pa Líbano, xqojbe-qa k'a pa ruwi' ri juyu' richin Amaná, ri Senir y ri Hermón, k'a akuchi k'o-wi kijul ri koj, y akuchi ek'o-wi ri balma.

Wuj Richin ri Nimalej Bix 6:11

Xibe pa nuqejoj akuchi ek'o-wi ri nogal pa taq'aj kojol juyu', richin xinbentz'eta' wi rex chik kibanon. Xinbentz'eta' wi kichapon yesijan-pe ri uva y wi yesijan chik ri granada.

Wuj Richin ri Nimalej Bix 6:2

Ri wajowanel xa k'o wawe' wik'in, roma kan ja yin ri achi'el ruqejoj ri janila jubul. Kan k'o k'a wawe' chupan ri ruqejoj, richin yerumol kotz'i'j lirio.

Wuj Richin ri Nimalej Bix 8:1

K'ate' ta at nuxibal, richin keri' toq yatink'ul ta pa bey, yatintz'ubaj ta, y man jun ta xtitze'en chuwij.

Wuj Richin ri Nimalej Bix 8:13

Rat, wajowanel ri atk'o chupan ri qejoj, ri qachibil kan nikak'axaj ri ach'abel. Taya' k'a q'ij chuwe richin yin chuqa' ninwak'axaj ri ach'abel.

Wuj Richin ri Isaías 23:18

Jak'a ronojel ri xtikich'ek chirij ri kik'ayij, xtikijech-apo chire ri Jehová. Man xtikiyek ta qa chupan ri kiyakonabal. Xa kan xtitalux k'a chike konojel ri yesamajin richin ri Jehová, richin xtikiloq' pa ruk'iyal ri kiway y jebelej taq tzieq.

Wuj Richin ri Isaías 5:1

Xtinbenbixaj k'a re jun bix re' chire ri wachibil ri janila ninwajo', Re bix re' richin ri rutiko'n richin uva. Ri wachibil kan k'o k'a jun rutiko'n richin uva ri rubanon-qa, pa jun ulew ri akuchi niwachin-wi ronojel ruwech tiko'n.

Wuj Richin ri Isaías 51:3

Kan xtinkuquba' kik'u'x ri iwinaq israelita. Ri iruwach'ulew, ri kan xwuluwu' jumul, kan xtinben jun nimalej qejoj chire, achi'el ri qejoj ri kan nik'ases wichin yin. Chiri' kan xtik'oje' kikoten, y kan xtibixex bix richin matioxinik rik'in jalajoj taq q'ojom.

Wuj Richin ri Isaías 53:11

Jak'a re wakami, ri Dios nubij: Chirij ri poqonal, ri nusamajel kan xtikikot y kan xtikuqer ruk'u'x. Ri nusamajel ri choj ruk'aslen kan e k'iy winaqi' ri xkerukol, y kan ja rija' ri xtuk'uan ri kimak.

Wuj Richin ri Isaías 58:11

Yin xkixinyuqej beneq ruwech, y stape' rix ix beneq pa tz'iran ruwach'ulew, kan xtinya' iway pa ruk'iyal. Chuqa' kan xtinya' jebel iwuchuq'a', y kan xtinben chiwe achi'el jun qejoj ri jebel ya'an, chuqa' achi'el jun alaxibel-ya' akuchi jantape' k'o ya'.

Wuj Richin ri Isaías 61:11

Ri Jehová xtuben chi kan xtibek'ulun-pe ri ruchojmilal, y kan xtinimirisex k'a ruq'ij rija' chikiwech konojel ri tzobaj winaqi', achi'el ri ulew toq nel-pe q'ayis chuwech, y ri qejoj ri kan yebebos-pe ri ija'tz ri e tikon-qa chupan.

Wuj Richin ri Isaías 65:13

Roma ri' yin Jehová kere' ninbij: Ri nusamajela' kan jebel k'a xkewa-xke'uk'ya', jak'a rix ri ix aj-maki' man jun xtiwil. Rije' kan jantape' k'a xkekikot, jak'a rix kan xkixk'ixbitej.

Wuj Richin ri Isaías 66:14

Toq rix xtitz'et ronojel re', ri iwánima kan janila xtikikot. Ri iwuchuq'a' kan xtik'iy achi'el nijotayin chi'anin ri q'ayis. Yin kan xkixinwurtisaj rix, jak'a pa kiwi' ri e etzelanel wichin kan ja ri woyowalen ri xtiqaqa pa kiwi'.

San Mateo 25:40

Y yin ri in rey xtinbij k'a: Kan qitzij wi k'a ri ninbij chiwe chi roma keri' xiben kik'in ri wach'alal ri maneq kiq'ij, xa kan chuwe k'a yin xiben-wi ri utzil xiben chike, xkicha'.

San Lucas 12:4

Wachibil yin: Man tixibij-iwi' chikiwech ri xaxe ok ri ch'akulaj ri yetikir nikikamisaj, roma chirij ri' man jun chik yetikir nikiben.

San Juan 3:29

Yin kan xtz'aqet k'a ri kikoten pa wánima wakami, rik'in ri xinwak'axaj chi janila e k'iy winaqi' ye'apon rik'in ri Jesús ri Cristo. Kan achi'el nik'uluwachitej chupan jun k'ulubik toq ri ala' ri k'a juba' tik'ule' nitzijon rik'in ri rixjayil y ri rachibil janila nikikot roma nrak'axaj ri ruch'abel ri k'ak'a' achijlonel.

Hechos 11:29

Roma ri' ri qach'alal ri ek'o pan Antioquía xkich'ob k'a yekito-el ri qach'alal ri ek'o pa Judea, chi chikijujunal k'a nikiya-el ri janipe' yetikir nikiya'.

Efesios 5:18

Man kixq'aber, roma ruyon itzel nuk'en-pe chiwe. Pa ruk'exel ri' tiya' q'ij chire ri Loq'olej Espíritu chi yixruyuqej.

Apocalipsis 22:17

Y ri Loq'olej Espíritu y ri k'o chi xtik'ule' rik'in ri Jesucristo, nikibij: Katanpe, yecha'. Y konojel ri ye'ak'axan, kan tikibij chuqa': Katanpe, kecha'. Y ri nichaqi'j ruchi', tipe y tuqumu ruya' ri niya'on k'aslen, ri maneq rajel.

Wuj Kichin ri To'onela' 14:11

Y toq ri aj-Timná xkitz'et ri Sansón, xekicha' e juwineq lajuj alaboni' chikikojol rije' richin yerachibilaj ri Sansón chupan ri ruk'ulubik.

Wuj Kichin ri To'onela' 14:20

Y ri rixjayil ri Sansón xa xya'ox chik k'a el chire jun chike ri alaboni' ri xerachibilaj chupan ri ruk'ulubik.