Wuj Richin ri Nimalej Bix 4:9 - Kaqchiquel Bible

⁹ Xaxe rik'in jun ti atzubal, kan xaweleq'aj kan ri wánima rat, wajowanel yin. Kan xaweleq'aj ri wánima toq nich'ich'an ri awichinaj.

Wuj Richin ri Nimalej Bix 4:9 ပူးပေါင်းရင်းမြစ်များ

Wuj Richin ri Rutikeribel 20:12

Y kan qitzij na wi chi rija' wana' roma junan qatata', xaxe k'a ri man junan ta qate' y yin xik'ule' rik'in.

Wuj Richin ri Rutikeribel 41:42

jari' toq xrelesaj ri retz'aba'l ruwi' ruq'a' ri retal q'atbel-tzij y xuya' chuwi-ruq'a' ri José. K'ari' xubij richin tikijala' ri rutziaq, y tikiya' ri tzieq ri banon rik'in lino ri más utz chire, chuqa' tikiya' jun ichinaj chuqul ri banon rik'in q'anapueq.

Wuj Richin Bix Chire ri Dios 45:9

Chikikojol ri winaqi' ri ek'o awik'in, kan ek'o chuqa' kimi'al taq rey. Pan awijkiq'a' pa'el-apo ri xtibe'ok reina, wiqon jebel rik'in q'anapueq ri nipe pa Ofir.

Wuj Richin Etamabel-Tzij 1:9

Roma re' kan xke'ok jun wiqobel ri nik'oje' pan ijolon, kan xke'ok k'a chuqa' achi'el jun ichinaj ri nikiwiq jebel ri ruwa taq ik'u'x.

Wuj Richin Etamabel-Tzij 6:25

Kan man k'a tirayij chi iwichin ta rix ri jun jebejoj ok ixoq ri', y kan man k'a kixqaqa pa ruq'a' rik'in ri rubanik ri yixrutzu'.

Wuj Richin ri Nimalej Bix 1:10

Ri apalej kan jebejoj ok nitzu'un chikikojol ri ruwi' taq axikin. Ri aqul kan jebejoj ok niq'alajin rik'in ri awichinaj.

Wuj Richin ri Nimalej Bix 1:15

Kan at jebejoj ok rat, wajowanel yin, kan janila wi at jebejoj ok. Ri runaq' taq awech kan janila e jebel ok. Kan e achi'el k'a runaq' taq kiwech ri paloma.

Wuj Richin ri Nimalej Bix 3:11

Rix, ixoqi' aj-Sión, kixel-pe richin no'itz'eta' ri rey Salomón. Rija' kan rukusan ri ru-corona ri xya'ox chire roma ri rute' richin ri ruk'ulubik. Y re q'ij re' ja re' ri q'ij más kikoten chire ri ruk'aslen.

Wuj Richin ri Nimalej Bix 4:10

Kan janila k'a jebel ri awajowabal rat, wajowanel yin. Kan más k'a ruki'il chuwech ri vino ri awajowabal. Y ri jubulej awaq'om kan janila jubul chuwech ronojel ri ek'o.

Wuj Richin ri Nimalej Bix 4:12

Rat, wajowanel, kan janila at jebel ok, achi'el jun qejoj ri jebel k'ojon rij, ri kan xaxe wichin yin. Kan at achi'el jun alaxibel-ya' ri ch'aron xaxe wichin yin; chuqa' kan achi'el jun pozo ri kan xaxe wichin yin.

Wuj Richin ri Nimalej Bix 6:12

Kan jari' toq xinna' jun nimalej kikoten, achi'el xa ta ink'o chupan jun carruaje ri janila rejqalen, y man wetaman ta achike rubanik xinapon chiri'.

Wuj Richin ri Nimalej Bix 6:5

Kan tajech'ej k'a ri atzubal wik'in yin, roma kan yinach'ek. Ri rusumal-awi' yesilon achi'el taq tzobaj tzuntzun ri yetzopiyaj yexule-pe pa juyu' richin Galaad.

Wuj Richin ri Nimalej Bix 7:10

Yin kan irichin ri wajowanel. Y kan xaxe wik'in yin nikikot-wi.

Wuj Richin ri Isaías 54:5

roma yin kan xkixinchajij achi'el nuben jun achijlonel. Ja yin ri in k'iytisanel iwichin, y ri nubi' ja ri Jehová k'iytisanel richin ronojel. Ja yin ri in loq'olej ri xtikolon iwichin rix israelita, y ri winaqi' kan nikibij chuwe chi ja yin in Dios richin chijun ruwach'ulew.

Wuj Richin ri Isaías 62:5

Ri winaqi' richin ri tinamit kan janila xtuk'en kiwech rik'in ri kulew, achi'el jun ala' toq nik'ule' rik'in jun xten. Ri Dios kan janila xtikikot kik'in rije', achi'el nikikot jun achijlonel rik'in ri rixjayil ri k'a juba' kek'ule'.

Ez 16:11

Xatinwiq k'a rik'in jalajoj ruwech wiqobel ri e banon rik'in q'anapueq, xinya' retz'aba'l-aq'a' y awichinaj,

Ez 16:8

Chirij ri' xiq'ax chik jun bey chi'anaqaj y xintz'et chi k'o chik ajuna' richin nawajo' achin. Y xinrik' ri nuq'a' chawij richin xatinkuch y xinxim nutzij awik'in, richin xatok wichin.

Dn 5:7

K'ari' xsik'in y xubij chi ke'oyox-pe ri etamanela' ri aj-Caldea, ri aj-q'ija' y ri aj-itza'. Y toq ek'o chik chuwech xubij chike: Xabachike k'a ri nitikir nitz'eton re tz'ibanik re' y nubij chuwe ri achike nel chi tzij, kan xtinben k'a chire chi nukusaj ri tzieq q'eqq'oj-keq nitzu'un, y xtinya' jun ichinaj chiruqul ri banon rik'in q'anapueq. Y kan jari' xtok q'atoy-tzij chuwij qa yin, xcha'.

Wuj Richin ri Sofonías 3:17

Roma ri Jehová kan k'o pa qanik'ajal roj. Rija' ri k'o ronojel uchuq'a' rik'in, xqojrukol. Roj kan xqojkikot rik'in. Rik'in ri rajowabal xtuya' k'ak'a' quchuq'a'.

San Mateo 12:50

Roma kan konojel k'a ri yebanon ri rurayibel ri nata' ri k'o chila' chikaj, jari' ri nte', wana' y ri wach'alal, xcha' ri Jesús.

San Juan 3:29

Yin kan xtz'aqet k'a ri kikoten pa wánima wakami, rik'in ri xinwak'axaj chi janila e k'iy winaqi' ye'apon rik'in ri Jesús ri Cristo. Kan achi'el nik'uluwachitej chupan jun k'ulubik toq ri ala' ri k'a juba' tik'ule' nitzijon rik'in ri rixjayil y ri rachibil janila nikikot roma nrak'axaj ri ruch'abel ri k'ak'a' achijlonel.

1 Corintios 9:5

¿Man ruk'amon ta kami chi jujun chiqe roj nikik'uaj ta kixjayilal toq yojel-el chubanik rusamaj ri Dios, achi'el nikiben ri Pedro, ri ch'aqa' chik ri e taqon roma ri Cristo y ri e rach'alal ri qajaw Jesús?

2 Corintios 11:2

Kan yixinchajij-wi k'a rik'in ri ik'aslen achi'el nuben ri Dios iwik'in. Yin ninwajo' chi rix yixapon ta rik'in ri Cristo rik'in jun k'aslen ch'ajch'oj, achi'el ta jun xten ri kan ch'ajch'oj y nibek'ule' yan rik'in jun ala' ri xtok rachijil.

Apocalipsis 21:2

Y xintz'et ri k'ak'a' Jerusalem ruchapon-pe qajen chila' chikaj rik'in ri Dios. Kan jebel k'a ruchojmirisan y ruwiqon-pe ri', achi'el jun xten ri nuwiq-ri' jebel royoben ri ala' ri nik'ule-wi-el.