Wuj Richin ri Nimalej Bix 4:8 - Kaqchiquel Bible

⁸ Toq xtiseqer-q'anej, jari' toq xqojxule-qa pa Líbano, xqojbe-qa k'a pa ruwi' ri juyu' richin Amaná, ri Senir y ri Hermón, k'a akuchi k'o-wi kijul ri koj, y akuchi ek'o-wi ri balma.

Wuj Richin ri Nimalej Bix 4:8 ပူးပေါင်းရင်းမြစ်များ

1 Rey 4:33

Chuqa' rik'in ri retamabal kan xtijon k'a pa kiwi' jalajoj kiwech che'; ri tiox-che' ri richin ri Líbano y chuqa' pa ruwi' ri hisopo, ri jun q'ayis ri nik'iy-pe chuwech tz'aq. Chuqa' xtijon pa kiwi' ri chikopi' ri ek'o pa k'echelaj, pa kiwi' ri aj-xik' taq chikopi', pa kiwi' ri chikopi' ri e jepejeq y ri nikiqirirej-ki', y chuqa' pa kiwi' ri ker.

2 Rey 5:12

Ri raqen-ya' Abaná y ri raqen-ya' Farfar, ri ek'o pa Damasco, kan más e utz chuwech ri ek'o wawe' pan Israel. Wi ta yibe'atin chupan jun chike ri ka'i' raqen taq ya' ri, ¿man yik'achoj ta kami?, xcha'. Y rik'in janila royowal xel-el chiri'.

1 Crón 5:23

Ri nik'aj chire ri tzobaj richin ri Manasés ri ek'o pa relebel-q'ij chire ri raqen-ya' Jordán kan janila k'a xewinaqir; xkiq'atapuj k'a ri ruwach'ulew, nitiker-el rik'in Basán y napon k'a pa Baal-hermón, ri nibix chuqa' Senir y juyu' Hermón chire.

Wuj Richin Bix Chire ri Dios 45:10

Tawak'axaj k'a rat xten y taya' axikin chire ri xtinbenbij chawe; wakami man ja ta chik ri nikibij ri e aj pan awachoch y ri awinaq ri nanimaj.

Wuj Richin Bix Chire ri Dios 72:16

Kan pa ruk'iyal k'a ri ixin ri xtiwachin chiri'; kan ta k'a k'iy ri tiko'n xtiwachin pa ruwi' ri juyu'. Kan ta achi'el kibanon ri che' chuwech ri Líbano, y kan ta achi'el nik'iy-pe ri q'ayis, xtik'iy-pe ri trigo.

Wuj Richin Bix Chire ri Dios 76:1

Ri Dios kan janila etaman ruwech chupan ri ruwach'ulew Judá; ri rubi' rija' kan nimirisan k'a chupan chijun ruwach'ulew Israel.

Wuj Richin Bix Chire ri Dios 76:4

Nimalej Dios, rat kan nim k'a ri aq'ij-ak'ojlen. Ri ak'ojlemal kan más k'a nim ke chuwech ri juyu' ri kan ek'o richin q'asen.

Wuj Richin Bix Chire ri Dios 89:12

nitiker-pe pa xaman y napon k'a pa xokon. Ri juyu' Tabor y ri Hermón kan yebixan rik'in kikoten richin nikiya' aq'ij.

Wuj Richin Etamabel-Tzij 9:6

Kan tiya' k'a kan ri ik'aslen ri akuchi xa maneq na'oj, y tiwila' ri k'aslen, y kan tichapa-el ri k'aslen ri akuchi kan k'o etamabel.

Wuj Richin ri Nimalej Bix 2:13

Chuqa' ri wíkix niwachin chik, y ri rukotz'ijal ri uva nijubulin chik. Kayakatej k'a wajowanel yin, katanpe y jo' k'a.

Wuj Richin ri Nimalej Bix 5:1

Wajowanel yin, xkinapon k'a awik'in, richin yinach'uch'urisaj rat, ri at achi'el nuqejoj; richin xtinseq ri mirra y ri jubulej taq awaq'om ri niwachin chiri'; richin xtintej ri kab, y richin xtinqum k'a ri vino y ri leche ri ek'o chiri'. ¡Rix qachibil, qojwa-qojuk'ya', qojqumun janipe' ri niqajo'!

Wuj Richin ri Nimalej Bix 7:11

Katanpe k'a wajowanel yin, jo' pa taq juyu', xtibeqaq'axaj ri aq'a' pa jun ko'ol tinamit.

Wuj Richin ri Isaías 62:5

Ri winaqi' richin ri tinamit kan janila xtuk'en kiwech rik'in ri kulew, achi'el jun ala' toq nik'ule' rik'in jun xten. Ri Dios kan janila xtikikot kik'in rije', achi'el nikikot jun achijlonel rik'in ri rixjayil ri k'a juba' kek'ule'.

Ez 27:5

Rik'in k'isis ri peteneq pa juyu' Hermón, xban ri ruwech ri barco. Richin xban ri che' ri nipa'e' pa runik'ajal, xk'amer-pe jebelej tiox-che', ri peteneq pa Líbano.

San Juan 12:26

Wi k'o k'a jun ri nrajo' chi yin yinok rajaw, tipe k'a wik'in. Y ri akuchi ink'o-wi yin, kan chiri' k'a xtik'oje-wi ri nusamajel. Y wi rija' xtuben ri nusamaj, xtinimirisex k'a ruq'ij roma ri nata'.

Deut 3:25

Roma ri' nink'utuj jun nimalej utzil chawe richin chi naya' ta q'ij chuwe richin yiq'ax la juk'an chik chire ri raqen-ya' Jordán, roma yin ninwajo' nintz'et ri utzilej ruwach'ulew, y nintz'et ta ri jebelej taq juyu' richin ri Líbano, keri' xinbij.

Deut 3:9

y ronojel ri chuwi' taq juyu' ri k'o chukojol ri Galaad y ri Basán, k'a pa Salcá y Edrei, xcha' ri Moisés. Ri juyu' Hermón ri aj-Sidón nikibij Sirión chire, y ri amorreo nikibij Senir chire.

Wuj Richin ri Josúe 12:1

Toq ri Moisés k'a k'es na, jari' toq ri winaqi' israelita xekich'ek ri e ka'i' rey ri yeq'aton-tzij pa ruwi' ri ruwach'ulew ri k'o pa taq'aj chire ri relebel-q'ij chire ri raqen-ya' Jordán, y chuqa' ri chuwi' taq juyu' ri nitiker-el rik'in ri ch'uti'n raqen-ya' Arnón y napon k'a pa juyu' Hermón.