Wuj Richin ri Nimalej Bix 4:15 - Kaqchiquel Bible

¹⁵ Kan qitzij na wi, rat yinach'uch'urisaj, achi'el jun alaxibel-ya' ri k'o pa qejoj, ó jun alaxibel-ya' ri kan nibulbu'x ri nibe-qa k'a pa Líbano.

Wuj Richin ri Nimalej Bix 4:15 ပူးပေါင်းရင်းမြစ်များ

Wuj Richin Bix Chire ri Dios 46:4

K'o k'a jun raqen-ya' ri pa rutinamit ri Dios, ri nuben chi kan nik'ases nitzu'un, chiri' chupan ri rachoch ri akuchi k'o-wi rija'.

Wuj Richin Etamabel-Tzij 5:16

Rix achi'a' man k'a tiya' q'ij chi ri alaxibel-ya' ri k'o iwik'in choj nibiyin-el pa bey, man tichoxij-el choj keri' pa taq bey.

Wuj Richin Etamabel-Tzij 5:18

Kan kixkikot k'a kik'in ri iwixjayilal, kan kixkikot k'a kik'in rije', ri kan k'a e xtani' na toq xixk'ule' kik'in.

Wuj Richin ri Molojri'il 2:6

Xenben nima'q taq yakbel-ya', richin chi chiri' nink'en-wi ya' richin yenya'aj ri che' ri e nutikilon-qa.

Wuj Richin ri Nimalej Bix 4:12

Rat, wajowanel, kan janila at jebel ok, achi'el jun qejoj ri jebel k'ojon rij, ri kan xaxe wichin yin. Kan at achi'el jun alaxibel-ya' ri ch'aron xaxe wichin yin; chuqa' kan achi'el jun pozo ri kan xaxe wichin yin.

Wuj Richin ri Isaías 58:11

Yin xkixinyuqej beneq ruwech, y stape' rix ix beneq pa tz'iran ruwach'ulew, kan xtinya' iway pa ruk'iyal. Chuqa' kan xtinya' jebel iwuchuq'a', y kan xtinben chiwe achi'el jun qejoj ri jebel ya'an, chuqa' achi'el jun alaxibel-ya' akuchi jantape' k'o ya'.

Wuj Richin ri Jeremías 17:13

Jehová, ja rat ri at oyobenri'il richin ri qatinamit Israel, achi'el jun alaxibel-ya' ri nuya' k'aslen. Jak'a konojel ri winaqi' ri xkatkimalij, kan xkek'ixbitej y konojel ri xtikich'er kan ki' awik'in kan xkek'is achi'el jun bi'aj tz'ibatel kan pa poqolaj.

Wuj Richin ri Jeremías 2:13

Rix nutinamit kan iqajben ka'i' mak: Rix xa xinimalij kan yin ri in k'aslik alaxibel-ya'. Chuqa' xa xe'itzeqelibej dios ri xa e achi'el yakbel taq ya' ri xa e teq'el, ri xa man utz ta richin niyak ya' chupan.

Wuj Richin ri Zacarías 14:8

Xtibanatej k'a chupan ri q'ij ri' chi pa Jerusalem xtibiyin ya' ri nuya' k'aslen. Chupan chijun ri juna' kan xtibiyin k'a. Nik'aj k'a chire ri ya' ri' xtapon chupan ri Tzayi-Choy ri k'o pa relebel-q'ij y ri nik'aj chik xtapon pa palou ri k'o pa qajbel-q'ij.

San Juan 4:10

K'ari' ri Jesús xubij chire ri ixoq ri': Rat man awetaman ta achike chi sipanik ri nusuj ri Dios. Chuqa' man awetaman ta in achike yin ri yik'utun juba' nuya' chawe. Xa ta awetaman, ja ta rat ri yak'utun aya' chuwe, y yin ninya' ta aya' ri kan niya'on k'aslen, xcha' ri Jesús.

San Juan 4:14

Jak'a ri yequmu ri ya' ri ninya' yin, xtuben k'a chike chi man xtichaqi'j ta chik kichi'. Xa kan xtuben chike chi kik'in rije' nalex-wi ri ya' ri', y kan xtichoxin k'a pe richin nuya' k'aslen ri man k'isel ta, xcha'.

San Juan 7:38

Ri ruch'abel ri Dios nubij chi ri xtipe wik'in yin richin yirunimaj, kan xtik'oje' k'a ri ya' richin k'aslen pa ránima, y ri ya' ri' kan achi'el k'a ri nuben ri ya' pa ralaxibel, keri' xtuben pa ruk'aslen, xcha'.

Apocalipsis 22:1

Y k'ari' ri ángel ri uk'uayon wichin xuk'ut jun ch'ajch'ojilej raqen-ya' chinuwech ri niya'on k'aslen. Ri raqen-ya' ri', chay-chay nitzu'un y nalex-pe ri akuchi k'o-wi ri rutz'uyubal ri Dios y ri Karne'l.