Wuj Richin ri Nimalej Bix 4:13 - Kaqchiquel Bible

¹³ Ri ka'i' aq'a' kan e jubul-jubul roma ri ruxla' ri awaq'om: Kan achi'el kuxla' ri granada, y ri ch'aqa' chik jalajoj kiwech kotz'i'j, achi'el ri alhena, ri nardo,

Wuj Richin ri Nimalej Bix 4:13 ပူးပေါင်းရင်းမြစ်များ

Wuj Richin Bix Chire ri Dios 92:14

Stape' kan k'o chik kijuna', kan utz nel chikiwech ronojel. Kan jantape' k'a k'o kuchuq'a' y jebel yetzu'un.

Wuj Richin ri Molojri'il 2:5

xenbanala-qa nutiko'n chupan ri nuqejoj y xinben chuqa' kutzil ri akuchi xentik-qa kotz'i'j. Y chupan k'a re' xentikila' ronojel ruwech che' ri yewachin.

Wuj Richin ri Nimalej Bix 1:12

Rokik rat, nu-rey, at kotz'ol, ri jubulej waq'om nijubulin.

Wuj Richin ri Nimalej Bix 1:14

Janila jebejoj ok yatintz'et, achi'el jun boraj kotz'i'j alhena, ri k'amon-pe chupan ri tiko'n richin uva pan En-gadi.

Wuj Richin ri Nimalej Bix 2:3

Wajowanel yin, rat kan más at utz chikikojol ri ch'aqa' chik alaboni'. Kan at achi'el jun ruche'el manzana chikikojol ri che' ri ek'o pa k'echelaj. Kan chuxe' k'a ri amujal ninrayij yitz'uye-wi, y ri naben wik'in kan janila utz nina', kan achi'el toq nintej jun manzana.

Wuj Richin ri Nimalej Bix 4:14

ri azafrán, ri aji'j, ri canela, ri jalajoj kiwech pom, ri mirra, ri áloe, y ri jalajoj kiwech jubulej taq aq'om.

Wuj Richin ri Nimalej Bix 4:16

K'ate' ta ri kaq'iq' nipe kere' pa xaman. K'ate' ta ri kaq'iq' nipe kere' pa xokon, richin nuxupuj ri nuqejoj y nutaluj wawe' ri jubulej waq'om. Katanpe k'a wajowanel yin, katanpe chupan ri aqejoj, richin natej ronojel.

Wuj Richin ri Nimalej Bix 6:11

Xibe pa nuqejoj akuchi ek'o-wi ri nogal pa taq'aj kojol juyu', richin xinbentz'eta' wi rex chik kibanon. Xinbentz'eta' wi kichapon yesijan-pe ri uva y wi yesijan chik ri granada.

Wuj Richin ri Nimalej Bix 6:2

Ri wajowanel xa k'o wawe' wik'in, roma kan ja yin ri achi'el ruqejoj ri janila jubul. Kan k'o k'a wawe' chupan ri ruqejoj, richin yerumol kotz'i'j lirio.

Wuj Richin ri Nimalej Bix 8:2

Y yatink'uaj ta el pa rachoch ri nte' richin rat nak'ut chinuwech ri ajowabel. Y yin ninya' ta vino chawe, y chuqa' ninya' ta chawe ruya'al granada.

Wuj Richin ri Isaías 60:21

Chupan ri q'ij ri' konojel k'a ri iwinaq kan choj xtikiben, y xtikichinaj kan ri kulew richin q'asen, roma rix ix jun banobel ri kan ja yin in banayon, achi'el jun che' ri nutikon-qa. Y rix kan xtiya' nuk'ojlen.

Wuj Richin ri Isaías 61:11

Ri Jehová xtuben chi kan xtibek'ulun-pe ri ruchojmilal, y kan xtinimirisex k'a ruq'ij rija' chikiwech konojel ri tzobaj winaqi', achi'el ri ulew toq nel-pe q'ayis chuwech, y ri qejoj ri kan yebebos-pe ri ija'tz ri e tikon-qa chupan.

Joel 2:8

Man jun ri nunim ta kan ri rachibil, jak'a chikijujunal choj yebe chupan ri kibey. Stape' yeq'ijux rik'in jun kamisabel, rije' man ye'el ta kan chupan ri kicholajen.

Marcos 14:3

Toq ri Jesús k'o ri pa Betania, chiri' pa rachoch ri Simón ri xk'achojirisex chire ri yabil ri nutaluj-ri', rije' e raq'el k'a chuchi' ri mesa,*f17* y jari' k'a toq k'o jun ixoq xok-apo y ruk'uan-apo jun k'ojelibel ri banon rik'in ri abej alabastro ri nojineq-el rik'in ri jubulej aq'om nardo ri janila jotol rajel. Ri ixoq ri' xupaxij ruwi' ri k'ojelibel ri', k'ari' xuq'ej k'a ri jubulej aq'om pa rujolon ri Jesús.

San Juan 12:3

Ri María xberuk'ama' k'a pe jun libra jubulej aq'om ri janila jotol rajel.*f14* Jare' k'a ri xuya' chirij raqen ri Jesús y xerusula' kan rik'in ri rusumal taq ruwi' rija'. Y ri jay ri' kan xnoj k'a rik'in ri rujubulil ri aq'om ri'.

Filipenses 1:11

Y richin niq'i' re', ri Jesucristo kan xkixruto' k'a richin chi kan choj ri ik'aslen xtik'uaj, y niwachin ta jebel. Y keri', ri Dios xtuk'ul ta ruq'ij-ruk'ojlen.