Wuj Richin ri Nimalej Bix 4:11 - Kaqchiquel Bible

¹¹ Ri pan achi' kan ki-ki', achi'el ri kab ri nikiya' taq chikopi'. Y chuxe' ri awaq' kan ki-ki' achi'el xa ta nibiyin kab y leche. Y ri ruxla' ri atziaq kan achi'el ri kuxla' ri jalajoj kiwech che' ri ek'o pa Líbano.

Wuj Richin ri Nimalej Bix 4:11 ပူးပေါင်းရင်းမြစ်များ

Wuj Richin ri Rutikeribel 27:27

Xjel k'a apo ri Jacob richin xutz'ubaj, y ri Isaac xuseq ri ruxla' ri rutziaq, k'ari' ri Isaac xrurtisaj y kere' xubij chire: Jare' ri ruxla' ri rutziaq ri nuk'ajol y kan jubul, jubul k'a ri ruxla' achi'el ri ruxla' ri juyu' ri urtisan roma ri Jehová;

Wuj Richin Bix Chire ri Dios 19:10

Ronojel re' kan janila e rayixel achi'el ri q'anapueq, kan más chuwech ri q'anapueq, ri e ya'erisan pa q'aq'. Kan más k'a ruki'il ke chuwech ri ruya'al kab ri nikiya' ri taq chikopi', ri nibiyin-pe chupan ri ruk'ojelibal.

Wuj Richin Bix Chire ri Dios 45:8

Ri atziaq kan nijubulin k'a rik'in ri ruxla' ri mirra, ri canela y ch'aqa' chik jubulej taq aq'om; k'a chupan ri awachoch ri wiqon rik'in marfíl, ri bixanela' nikiya' aq'ij rik'in q'ojom richin yakikot.

Wuj Richin Bix Chire ri Dios 92:13

Rije' kan xkebe k'a pa jotol achi'el ri che' ri e tikil chuwa-rachoch ri Jehová, achi'el ri che' ri yesijan chuwa-jay chire ri rachoch.

Wuj Richin Etamabel-Tzij 16:24

Roma ri' ri ruki'il ri ruch'abel, kan junan ruki'il rik'in ri kab ri nikiya' ri taq chikopi'; kan nuya' ruki'il ri k'aslen y nuya' raxnaqil chire ri ch'akulaj.

Wuj Richin Etamabel-Tzij 5:2

Y keri' ri na'oj kan xkixruq'et k'a richin chi man ye'ibila' tzij ri ch'obon man ch'obon, y chuqa' ri na'oj kan xtuchajij jebel ri ichi',

Wuj Richin Etamabel-Tzij 5:3

Ri ixoq itzel ruk'aslen kan nujaluj ri ruch'abel y ki-ki' nuben chire, achi'el ri kab ri nikiya' ri taq chikopi', kan buyul-buyul nuben chire ri ruch'abel, achi'el xa ta ruya'on aceite chikij.

Wuj Richin ri Nimalej Bix 4:10

Kan janila k'a jebel ri awajowabal rat, wajowanel yin. Kan más k'a ruki'il chuwech ri vino ri awajowabal. Y ri jubulej awaq'om kan janila jubul chuwech ronojel ri ek'o.

Wuj Richin ri Nimalej Bix 4:3

Ri ti achi' kan keq-keq achi'el ri betz' keq. Y toq yach'on, kan jebel ok niq'alajin. Ri apalej kan keq yeq'alajin-pe chupan ri a-velo, kan achi'el nik'ajta'q taq granada.

Wuj Richin ri Nimalej Bix 5:1

Wajowanel yin, xkinapon k'a awik'in, richin yinach'uch'urisaj rat, ri at achi'el nuqejoj; richin xtinseq ri mirra y ri jubulej taq awaq'om ri niwachin chiri'; richin xtintej ri kab, y richin xtinqum k'a ri vino y ri leche ri ek'o chiri'. ¡Rix qachibil, qojwa-qojuk'ya', qojqumun janipe' ri niqajo'!

Wuj Richin ri Nimalej Bix 5:13

Ri rupalej nojineq chi jubulej aq'om, y ri ruchi' achi'el ruxla' kotz'i'j lirio.

Wuj Richin ri Nimalej Bix 7:9

y ri achi' kan ki' ta achi'el ruki'il ri vino. Kan nibiyin ta ri vino k'a rik'in ri wajowanel.

Wuj Richin ri Isaías 7:15

Kan k'a man jani nik'iy-el rija' richin nretamaj ri utz y ri man utz ta, kan xtuqum k'a leche t'oqol y chuqa' xtutej kab ri nikiya' ri taq chikopi'. Y chupan ri q'ij ri', ri ruwach'ulew ri kichin ri e ka'i' rey ri' kan xtimalix kan, y man jun chik xibinri'il xtik'oje'.

Os 14:2

Titzolej-pe ak'u'x y kach'on rik'in, tak'utuj utzil chire y kere' k'a tabij: Tabana' utzil Jehová takuyu' ronojel ri qamak. Tak'ulu' k'a chi utzil ri bix ri niqasuj chawe.

Hebreos 13:15

Roma ri' jantape' k'a tiqaya' ruq'ij ri Dios pa rubi' ri Jesucristo. Kan tiqaq'alajirisaj rik'in ri qachi' chi ja rija' ri qaniman.