Wuj Richin ri Nimalej Bix 4:10 - Kaqchiquel Bible

¹⁰ Kan janila k'a jebel ri awajowabal rat, wajowanel yin. Kan más k'a ruki'il chuwech ri vino ri awajowabal. Y ri jubulej awaq'om kan janila jubul chuwech ronojel ri ek'o.

Wuj Richin ri Nimalej Bix 4:10 ပူးပေါင်းရင်းမြစ်များ

Wuj Richin ri Nimalej Bix 1:12

Rokik rat, nu-rey, at kotz'ol, ri jubulej waq'om nijubulin.

Wuj Richin ri Nimalej Bix 3:6

¿Achike kami ri jotol-pe pa tz'iran ruwach'ulew, y nuyek poqolaj achi'el ja ta ri sib pa'el chikaj? Rije' kan yejubulin e peteneq rik'in ri ruxla' ri pom, ri mirra y ri jalajoj kiwech jubulej taq aq'om.

Wuj Richin ri Nimalej Bix 4:9

Xaxe rik'in jun ti atzubal, kan xaweleq'aj kan ri wánima rat, wajowanel yin. Kan xaweleq'aj ri wánima toq nich'ich'an ri awichinaj.

Wuj Richin ri Nimalej Bix 5:5

K'ari' yin xiyakatej-q'anej richin ninjeq ri ruchi-jay chuwech rija'. Chirij ri nuq'a' kan nibiyin ri ruya'al mirra. Chirij ri ruwi' taq nuq'a' kan nibiyin-qa ri jubulej aq'om. Roma ri' kan xbiyin chirij ri ch'ich' ri tz'apeyon ri ruchi-jay.

Wuj Richin ri Nimalej Bix 7:6

Wajowanel yin, rat kan janila at qajineq chinuwech, Kan janila at jebel ok.

Gálatas 5:22

Jak'a wi kan niya' q'ij chi ja ri Loq'olej Espíritu nuk'uan iwichin, ri ik'aslen xtiwachin jebel: Xkixajowan, xtikikot ri iwánima, xtik'oje' uxlanibel-k'u'x iwik'in, xkixkoch'on, nim iwánima xtiben, xtibanala' utzil, kan xtiben ri xtibij,

Filipenses 4:18

Yin kan nuk'ulun k'a ronojel ri xiteq-pe rix toq xpe ri qach'alal Epafrodito, y jare' ri retal chi yin xink'ul. Kan pa ruk'iyal chik k'a k'o wik'in, kan man jun chik k'a xtinwajo'. Re sipanik re' kan nijubulin k'a napon chuwech ri Dios, y kan jun sipanik ri kan xk'ul roma ri Dios roma kan xqa' chuwech.

Apocalipsis 5:8

Y toq ruchapon chik ri boton wuj, ri e kaji' ri k'o kik'aslen e kachibilan ri e juwineq kaji' achi'a' ri k'o kiq'ij, xexuke-qa chuwech ri Karne'l ri'. Konojel kik'ualon ki-arpa y porobel-pom ri e banon rik'in q'anapueq ri e nojineq rik'in pom. Re' nuk'exewachuj ri kich'owen ri ralk'ual ri Dios.