Wuj Richin ri Nimalej Bix 3:10 - Kaqchiquel Bible

¹⁰ Ri pa taq ruxikin, xuya' saqipueq chirij, ri ruraq'alibal ri ch'aket ri' xuya' q'anapueq chirij, y pa ruwi' ri akuchi nitz'uye-wi, xuya' tzieq kaqkoj. Ri pa taq ka'i' ruxikin, ri chuwech y ri chirij, xwiq koma ixoqi' aj-Jerusalem. Y kan xkiben rik'in janila ajowabel.

Wuj Richin ri Nimalej Bix 3:10 ပူးပေါင်းရင်းမြစ်များ

Apocalipsis 3:12

Ri xkech'akon xtinben chike chi xke'ok achi'el jun pilar richin ri rachoch ri nu-Dios y chiri' xkek'oje-wi jantape'. Y chikij k'a rije' xtintz'ibaj ri rubi' ri nu-Dios y ri rubi' ri rutinamit rija', ri k'ak'a' Jerusalem ri niqaqa-pe chila' chikaj. Y chiri' chuqa' xtintz'ibaj ri k'ak'a' nubi' yin.

Apocalipsis 1:5

Y kan tik'ulu' chuqa' ri utzil y ri uxlanen ri nuya' ri Jesucristo, ri nuq'alajirisaj ri qitzij, ri xk'astej-pe nabey chikikojol ri kaminaqi' y k'o pa kiwi' konojel q'atoy taq tzij ri ek'o chuwech re ruwach'ulew. Rija' yojrajo' y roma ri' xken y xbiyin rukik'el richin xojrukol chuwech ri qamak.

Romanos 5:8

Jak'a ri Cristo xken qoma roj, stape' oj aj-maki'. Y rik'in ri', ri Dios xuk'ut chiqawech ri rajowabal.

Wuj Richin ri Nimalej Bix 1:5

Kiniwak'axaj rix, xtani', richin Jerusalem. Yin kan janila in k'atineq roma ri q'ij; man rik'in ri' in jebejoj ok. In q'eq achi'el ri taq jay e banon rik'in tzieq ri ek'o pa tz'iran ruwach'ulew Quedar.*f1* In jebel ok achi'el ri tzieq tasbel rupan ri rachoch ri rey Salomón.

Wuj Richin Bix Chire ri Dios 87:3

Rutinamit ri Dios, kan janila k'a k'iy jebelej taq ch'abel ri yebix chawij rat.

Wuj Richin ri Nimalej Bix 3:9

Ri ch'aket ri' ja ri rey Salomón ri xbanon, rik'in che' ri peteneq pa Líbano.