Wuj Richin ri Nimalej Bix 2:3 - Kaqchiquel Bible

³ Wajowanel yin, rat kan más at utz chikikojol ri ch'aqa' chik alaboni'. Kan at achi'el jun ruche'el manzana chikikojol ri che' ri ek'o pa k'echelaj. Kan chuxe' k'a ri amujal ninrayij yitz'uye-wi, y ri naben wik'in kan janila utz nina', kan achi'el toq nintej jun manzana.

Wuj Richin ri Nimalej Bix 2:3 ပူးပေါင်းရင်းမြစ်များ

Wuj Richin Bix Chire ri Dios 45:2

Rat rey, ja rat ri más at jebel ok chikikojol ri achi'a'; Kan jebel k'a ri ye'abij; Roma ri' ri Dios at rurtisan richin jantape'.

Wuj Richin Bix Chire ri Dios 45:3

Taya' k'a ri a-espada chuxe' ri apan, rat nimalej ch'akonel, rik'in ri nimalej aq'ij y ak'ojlen.

Wuj Richin Bix Chire ri Dios 57:1

Tabana' utzil tajoyowaj nuwech nu-Dios yin, taya' ri awutzil pa nuwi'; roma awik'in rat nukuquban-wi nuk'u'x y kan awik'in k'a rat ninto-wi-wi', k'a toq xtiq'ax na ri ruk'ayewal.

Wuj Richin Bix Chire ri Dios 89:6

Man jun k'o chila' chikaj ri achi'el rat. Man jun ri k'o chila' awik'in ri junan ta awik'in rat.

Wuj Richin Bix Chire ri Dios 91:1

Ri nikito-ki' rik'in ri nimalej rutzil ri Dios, kan kuqul k'a kik'u'x yek'oje' chuxe' ri rumujal rija'.

Wuj Richin ri Nimalej Bix 1:16

Wajowanel yin, rat kan at jebejoj ok; ja' kan janila at jebejoj-ok. Re akuchi oj kotz'ol-wi kan janila buyul. Kan rex-rex k'a rubanon re savana.

Wuj Richin ri Nimalej Bix 2:5

Kan taya' k'a uva chaqirisan chuwe richin chi nik'oje' chik juba' wuchuq'a', y taya' k'a manzana chuwe roma k'a ninwajo' na más ajowabel.

Wuj Richin ri Nimalej Bix 4:13

Ri ka'i' aq'a' kan e jubul-jubul roma ri ruxla' ri awaq'om: Kan achi'el kuxla' ri granada, y ri ch'aqa' chik jalajoj kiwech kotz'i'j, achi'el ri alhena, ri nardo,

Wuj Richin ri Nimalej Bix 4:16

K'ate' ta ri kaq'iq' nipe kere' pa xaman. K'ate' ta ri kaq'iq' nipe kere' pa xokon, richin nuxupuj ri nuqejoj y nutaluj wawe' ri jubulej waq'om. Katanpe k'a wajowanel yin, katanpe chupan ri aqejoj, richin natej ronojel.

Wuj Richin ri Nimalej Bix 5:16

Ri pa ruchi' kan jebel ki'. Kan ronojel chire rija' kan janila utz. Queri' k'a ri wajowanel yin; kan keri' k'a ri nuk'aslen yin, y roma ri' nintzijoj chiwe rix, ixoqi' aj-Jerusalem.

Wuj Richin ri Nimalej Bix 7:13

Ri rusi'j ri mandrágora*f3* kan janila nijubulin. Y pan okibel chire ri qachoch e nuyakon jalajoj kiwech kab chawe rat. K'o ri kan k'o yan chik q'ij ri ek'o chiri', y k'o ri k'a juba' kenwux, y jari' ri e nuch'aron kan chawe rat, wajowanel yin.

Wuj Richin ri Nimalej Bix 8:11

Ri Salomón k'o rulew ri akuchi nutik-wi uva ri chiri' pa Baal-hamón. Y xuya' pa kiq'a' ri xeqajon ri ulew. Y toq niwachin ri tiko'n, chikijujunal nikijech chire, juwineq wo'o' libra saqipueq.

Wuj Richin ri Nimalej Bix 8:12

Jak'a ri wulew yin kan ninsipaj chire rija'. Roma ri' rija' tik'oje' kan rik'in ri juwineq wo'o' libra saqipueq ri', y ri ch'aqa' chik chuqa' kek'oje' kan rik'in ri wo'o' libra saqipueq.

Wuj Richin ri Nimalej Bix 8:5

¿Achike kami ri jotol-pe pa tz'iran ruwach'ulew, y raq'en-pe roma ri rajowanel? Chuxe' jun che' richin manzana xink'asoj ri ajowabel chawe, akuchi ri ate' xyawej kan chawij, y k'ari' xaruya' chuwech re ruwach'ulew.

Wuj Richin ri Isaías 25:4

Roma rat at achi'el jun tobel chike ri man jun k'o kik'in. Ye'ato' ri k'o nik'atzin chike toq ek'o pa tijoj-poqonal. Rat at achi'el jun parabel chike toq nipe ri q'eqel-job. Rat yatok achi'el kimujal toq janila q'ij. Ri e itzel taq winaqi' toq nel-pe ri kuxla', xa kan e achi'el jun q'eqel job ri norupaxij-ri' chuwech jun jay.

Wuj Richin ri Isaías 32:2

Chikijujunal rije' xke'ok achi'el tobel chuwech jun kaq'iq', y xke'ok achi'el jun jay, ri kan xtikito-ki' chupan chuwech jun q'eqel-job. Rije' kan xtikiben chike ri winaqi' richin xkech'uch'u', achi'el nuben jun ti raqen-ya' ri nibiyin chupan ri tz'iran ruwach'ulew, y achi'el rumujal jun nimalej abej chupan ri tz'iran ruwach'ulew.

Wuj Richin ri Isaías 4:2

Chirij re' xtapon k'a jun q'ij toq ri Jehová xtuben chik chire ri ruwach'ulew Israel kan janila jebel y kan xtibeya'ox janila rejqalen. Y ri winaqi' ri xkek'oje' kan chiri' kan xtinimirisex kiq'ij roma ri tiko'n ri xtibewachin chuwech ri kiruwach'ulew.

Wuj Richin ri Isaías 4:6

Re' kan xtik'atzin k'a chike richin kimujal chuwech ri q'ij y richin nikito-ki' chuwech ri job y ri koqolajay.

Ez 47:12

Y chi e ka'i' ruchi' ri raqen-ya' ri' xkebek'iy-pe jalajoj kiwech che'. Y ri che' ri' kan xkewachin y e tijel ri ruwech. Ri kixaq man jun bey xketzaq-el y jantape' yewachin. Ik'-ik' yechaq'aj kiwech ri che' ri', roma ri niya'an richin ja ri ya' ri nel-pe pa rachoch ri Dios. Y ri ruwech kan richin yetij y ri kixaq ri che' ri' kan xtik'atzin richin aq'om, xcha' ri achin ri'.

Joel 1:12

Ri juwi-uva y ri che' richin wíkix xechaqi'j-qa; keri' chuqa' ri granada y ri palma; ri che' richin ri manzana keri' chuqa' xkiben, y ronojel kiwech che' ri ek'o pa juyu'. Roma ri' xk'is-el ronojel kikoten kik'in ri winaqi'.

Hebreos 12:2

Kan rik'in ri Jesús tiqaya-wi ri qatzubal, roma ja rija' ri xbanon chiqe chi xqanimaj ri Dios y chi kuqurineq chik qak'u'x. Rija' man xupoqonaj ta xken chuwech ri cruz, stape' ri kamik ri' nik'ixbisan, roma retaman chi chirij ri kamik xtipe jun nimalej kikoten. Y kan xbetz'uye' k'a chila' chikaj pa rijkiq'a' ri Dios.

Wuj Kichin ri To'onela' 9:15

Y ri k'ix ri' xubij chike ri che' chi wi qitzij chi ja rija' xkicha' richin nok rey pa kiwi', kan kepe k'a konojel richin nikito-ki' chuxe' ri rumujal. Y wi man keri' ta, kan tel k'a q'aq' chire ri k'ix ri', y tuk'isa' k'a ronojel ri tiox-che' richin ri Líbano, xcha' ri Jotam.