Wuj Richin ri Nimalej Bix 2:14 - Kaqchiquel Bible

¹⁴ Wajowanel yin, ri awewan-awi', rat kan at achi'el jun ti paloma ri rewan-ri' chupan jun jul chuwech nimalej taq abej, o chupan jun ti sokaj pa juyu'. Tak'utu' k'a awi' chinuwech, Taya' q'ij chuwe richin ninwak'axaj ri ach'abel, roma ri ach'abel kan janila jebel ok, y chuqa' janila jebel ok ri yatzu'un.

Wuj Richin ri Nimalej Bix 2:14 ပူးပေါင်းရင်းမြစ်များ

Wuj Richin ri Achin Job 9:16

Y wi rija' kan nuk'uluba-pe ri nuch'abel toq yin yich'on-q'anej rik'in, stape' keri', kan k'a man jani ninimaj ta chi yirak'axaj.

Wuj Richin Bix Chire ri Dios 110:3

Y ri chiri' toq rat xkabe pan oyowal, ri aj-labal xtikisuj-ki' richin xkebe chawij. Y rije' kan xtikitz'apej ruwech ri ruwach'ulew roma janila e k'iy, achi'el ri raxq'ab ri niqaqa toq k'a man ja ni niseqer-q'anej,

Wuj Richin Bix Chire ri Dios 22:3

Jak'a rat kan at loq'olej-wi; Y roj israelita niqaya' aq'ij.

Wuj Richin Bix Chire ri Dios 45:11

Pa ruk'exel ri', tanimaj k'a rutzij ri awachijil. Wi keri' xtaben kan xkarajo' k'a, roma ja rija' ri awajaw.

Wuj Richin Bix Chire ri Dios 45:12

Ri xtani' ri e richin ri tinamit Tiro xkepe awik'in rik'in sipanik. Ri beyoma' richin ri tinamit kan xkepe richin xtikik'utuj utzil chawe.

Wuj Richin Bix Chire ri Dios 50:23

Ri sipanik ri niqa' chinuwech, ja ri matioxinik ri nipe pan iwánima. Y wi rix choj xkixbiyin chinuwech yin, kan xkixinkol k'a.

Wuj Richin Bix Chire ri Dios 68:13

Xkitaluj k'a kiwachibel paloma ri ya'on saqipueq chirij, ri kixik' ya'on q'anapueq chirij, ¿Rix achi'a' ri xixk'oje' kan kik'in ri iwawej, achike roma man xixbe ta pa labal?

Wuj Richin Bix Chire ri Dios 74:19

Roj ri oj achi'el jun ti paloma man qojajech pa kiq'a' ri itzel taq winaqi'. Man qojamestaj kan roj y qojato' pa kiq'a' rije'.

Ex 3:6

Y chuqa' xubij chire: Ja yin ri ru-Dios ri atata', ri ru-Dios ri Abraham, ri ru-Dios ri Isaac, y ri ru-Dios ri Jacob, xcha' chire. Toq xrak'axaj keri', ri Moisés xrewaj rupalej, roma xuxibij-ri' richin nutzu' ruwech ri Dios.

Wuj Richin Etamabel-Tzij 15:8

Ri Jehová kan nrixowaj k'a ri nisipex chire roma ri wineq itzel; jak'a ri ch'owen ri nuben ri choj ruk'aslen, kan nikikot rik'in.

Wuj Richin ri Nimalej Bix 1:15

Kan at jebejoj ok rat, wajowanel yin, kan janila wi at jebejoj ok. Ri runaq' taq awech kan janila e jebel ok. Kan e achi'el k'a runaq' taq kiwech ri paloma.

Wuj Richin ri Nimalej Bix 1:5

Kiniwak'axaj rix, xtani', richin Jerusalem. Yin kan janila in k'atineq roma ri q'ij; man rik'in ri' in jebejoj ok. In q'eq achi'el ri taq jay e banon rik'in tzieq ri ek'o pa tz'iran ruwach'ulew Quedar.*f1* In jebel ok achi'el ri tzieq tasbel rupan ri rachoch ri rey Salomón.

Wuj Richin ri Nimalej Bix 1:8

Wi rat man awetaman ta, rat ri kan janila at jebel ok chikikojol ri ixoqi', tatzeqelibej-el ri retal kaqen ri tzobaj nukarne'l. Y chiri' xke'ayuq'uj ri taq atzuntzun rat chikinaqaj ri taq mo'k ri kichin ri yuq'unela'.

Wuj Richin ri Nimalej Bix 5:2

Yin xiwer-qa, jak'a ri wánima kan royoben. Chupan ri achik' ri', xinwak'axaj k'a chi ri wajowanel noyon-pe pa ruchi-jay. Y nubij: Tajaqa' ri ruchi-jay wajowanel yin, nu-paloma yin, ri kan at jebel ok, roma ri nujolon nojineq chik rik'in raxq'ab. Ri raxq'ab richin ri aq'a' kan nibiyin chirij ri rusumal-nuwi', ncha'.

Wuj Richin ri Nimalej Bix 8:13

Rat, wajowanel ri atk'o chupan ri qejoj, ri qachibil kan nikak'axaj ri ach'abel. Taya' k'a q'ij chuwe richin yin chuqa' ninwak'axaj ri ach'abel.

Wuj Richin ri Isaías 2:21

Xtibanatej ronojel re' toq ri Jehová xtiyakatej richin nusiloj ri ruwach'ulew, y ri winaqi' xtikewaj-ki' chuxe' nima'q taq abej, chuqa' chuxe' taq jul xtikewaj-ki' chuwech ri Jehová, roma rija' kan k'o rukiy y ri rusaqil ri ruk'ojlemal kan nunojisaj ri ruwach'ulew rik'in xibinri'il.

Wuj Richin ri Isaías 51:3

Kan xtinkuquba' kik'u'x ri iwinaq israelita. Ri iruwach'ulew, ri kan xwuluwu' jumul, kan xtinben jun nimalej qejoj chire, achi'el ri qejoj ri kan nik'ases wichin yin. Chiri' kan xtik'oje' kikoten, y kan xtibixex bix richin matioxinik rik'in jalajoj taq q'ojom.

Wuj Richin ri Isaías 6:5

Jari' toq yin xinbij: ¡Wakami yin yiken! Roma ronojel ri ninbij, man e ch'ajch'oj ta, chuqa' chikikojol winaqi' ri man ch'ajch'oj ta ri kich'abel ink'o-wi. Man rik'in ri' kan xintz'et rik'in runaq'-nuwech ri rey, ri Jehová k'iytisanel richin ronojel, xicha'.

Wuj Richin ri Isaías 60:8

¿Achike re' ri yexik'an achi'el sutz', y achi'el paloma richin yebe pa taq kisok?

Wuj Richin ri Jeremías 48:28

Roma ri' rix aj-Moab xtimalij kan ri iruwach'ulew y xtibewewaj k'a iwi' chuxe' nima'q taq abej, achi'el nikiben ri taq paloma, ri nikiben kisok chuchi' nima'q taq siwan.

Wuj Richin ri Jeremías 49:16

Rix kan ye'ixibij ch'aqa' chik y kan janila inimirisan-iwi', roma kan ikuquban ik'u'x kik'in ri nimalej taq abej. Jak'a stape' xixjote' pa ruwi' nima taq juyu' y stape' ibanon isok k'a janila nej achi'el nuben ri kot, yin kan xkixinqasaj-pe k'a chiri'.

Ez 7:16

Y ri winaqi' ri ek'o kan chupan ri tinamit, xa xke'animej-el pa taq juyu'. Y toq ye'oq' roma ri kimak, xa xkeq'ajan achi'el nikiben ri taq paloma.

Dn 9:7

Rat ajaw kan at choj-wi, jak'a roj xa sachineq qak'u'x; keri' ri ek'o pa Jerusalem, y keri' chuqa' ri ch'aqa' chik qawinaq israelita ri ek'o nej naqaj chupan ch'aqa' chik ruwach'ulew, ri akuchi xojataluj-wi rat, roma xqapaba-qi' chawech.

Wuj Richin ri Abdías 1:3

Rix ixk'o chukojol nima'q taq abej, ixk'o pa ruwi' taq juyu'; y roma ri' iq'olon-iwi' y chuqa' inimirisan-iwi', y nibij-qa pan iwánima: ¿Achike ta k'a xtitikir xtich'akon chiqij roj?, yixcha-qa.

San Mateo 10:16

Wakami yin yixinteq-el, achi'el taq karne'l ri yixbeqaqa chikikojol ri winaqi' ri e achi'el utiwa'. Jak'a rix xa kan kixok k'a nowineq achi'el nuben ri kumetz. Kan man tich'upu ik'u'x. Xa tibana' achi'el jun paloma ri kan man jun etzelal ri k'o ta rik'in.

San Mateo 3:16

Y toq ri Jesús qasan chik ya' pa ruwi', xbe'el-pe chupan ri raqen-ya'. Y xutz'et k'a chi ri kaj xjaqatej, y ri Loq'olej Espíritu richin ri Dios ruchapon-pe qajen pa ruwi' achi'el jun paloma. Y kan choj xopa'e' pa ruwi' rija'.

Efesios 5:27

Keri' xuben richin chi roj ri qakuquban qak'u'x rik'in, man jun ta qamak xtiq'alajin chuwech. Xa nrajo' chi kan ch'ajch'oj ri yojapon rik'in, achi'el jun tzieq ri ch'ajch'oj chik; banon chik ruchojmil, y man yochoyik ta chik.

Colosenses 1:22

Jak'a re wakami rix junan chik iwech rik'in ri Dios, roma ri samaj ri xuben ri Ruk'ajol. Kan xok-wi k'a wineq achi'el roj y xken richin chi rix xixok loq'olej, ch'ajch'oj ri ik'aslen, maneq imak y man jun itzel nitz'etetej chiwij toq xkixruya' chuwech ri Dios.

Hebreos 10:22

Roma ri' qojjel k'a apo rik'in ri Dios, rik'in ch'ajch'oj qánima y kan kuqul-qak'u'x. Ch'ajch'ojirisan ta ri qánima chire ri etzelal, y ri qak'aslen ch'ajon ta chik rik'in ch'ajch'ojilej ya'.

Hebreos 4:16

Roma ri' kan kuqul k'a qak'u'x qojjel-apo rik'in ri Dios ri niya'on ronojel utzil. Richin chi xtujoyowaj qawech y xtuya-pe ri rutzil pa qawi'. Y toq k'o jun xtiqak'uluwachij, kan jari' k'o-pe qik'in richin yojruto'.

1 Pedro 3:4

Xa titija' iq'ij richin ja ta ri iwánima jebel wiqil chuwech ri Dios. Tiwiqa-iwi' rik'in ch'uch'ujil y qasanri'il, roma re wiqobel re' man xtik'is ta, y jare' ri más rejqalen chuwech ri Dios.

Judas 1:24

Kan xaxe chire ri Dios ri qakolonel, ri nitikir yojruchajij richin man yojtzaq ta pa mak y nitikir nuben chiqe chi yojapon chila' chikaj rik'in ch'ajch'ojil y man jun qamak chuwech ri nimalej rajawaren,

Apocalipsis 5:8

Y toq ruchapon chik ri boton wuj, ri e kaji' ri k'o kik'aslen e kachibilan ri e juwineq kaji' achi'a' ri k'o kiq'ij, xexuke-qa chuwech ri Karne'l ri'. Konojel kik'ualon ki-arpa y porobel-pom ri e banon rik'in q'anapueq ri e nojineq rik'in pom. Re' nuk'exewachuj ri kich'owen ri ralk'ual ri Dios.