Wuj Richin ri Nimalej Bix 2:12 - Kaqchiquel Bible

¹² Kan xebe-el yan k'a pe ri kotz'i'j chuwech re ruwach'ulew. Xoqaqa yan ri q'ij richin bixanik. Kan nak'axatej chik chupan chijun ri ruwach'ulew ri kibix ri taq paloma.

Wuj Richin ri Nimalej Bix 2:12 ပူးပေါင်းရင်းမြစ်များ

Wuj Richin ri Isaías 55:12

Keri' k'a rix kan xkixel-pe ri chiri' pa Babilonia rik'in janila kikoten. Kan rik'in uxlanibel-k'u'x xkixtzolin-pe chupan ri itinamit. Toq xkixq'ax pa kiwi' ri juyu' y ri ruwi' taq juyu', kan janila kikoten xtik'oje', achi'el ri juyu' y ri ruwi' taq juyu' xkebixan chiwech, y konojel ri che' ri ek'o pa juyu' kan xtikipaq'apa' ri kiq'a'.

Colosenses 3:16

Kan nik'atzin k'a chuqa' chi ri qánima nojineq ta rik'in ri ruch'abel ri Cristo. Kan rik'in ronojel etamabel tiqatijola-qi' chiqachibil-qi'. Y tiqabixaj rubi' ri ajaw roma ri matioxinik ri k'o pa taq qánima.

Wuj Richin ri Jeremías 8:7

Chuqa' ri al, ri aj-xik' taq chikopi' ri yebe chikaj, ketaman toq nik'atzin yetzolin. Keri' chuqa' ri ch'aqa' chik aj-xik' taq chikopi' kan ketaman toq k'atzinel richin yebe juk'an chik ruwach'ulew. Jak'a rix ri nutinamit kan man iwetaman ta ri nuq'atoj-tzij yin.

Wuj Richin Bix Chire ri Dios 89:15

Jebel ruwa-kiq'ij ri nikiya' aq'ij rik'in bix, kan yebiyin k'a rik'in ri awutzil.

Wuj Richin ri Nimalej Bix 6:11

Xibe pa nuqejoj akuchi ek'o-wi ri nogal pa taq'aj kojol juyu', richin xinbentz'eta' wi rex chik kibanon. Xinbentz'eta' wi kichapon yesijan-pe ri uva y wi yesijan chik ri granada.

Wuj Richin ri Nimalej Bix 6:2

Ri wajowanel xa k'o wawe' wik'in, roma kan ja yin ri achi'el ruqejoj ri janila jubul. Kan k'o k'a wawe' chupan ri ruqejoj, richin yerumol kotz'i'j lirio.

Wuj Richin ri Rutikeribel 15:9

Y ri Jehová xubij chire: Tak'ama-pe chuwe oxi' chikopi' ri k'o oxi' kijuna'; jun ixoq wákix, jun ixoq tzuntzun y jun achij karne'l, y chuqa' jun paloma nim y jun ti alaj paloma, xcha'.

Wuj Richin Bix Chire ri Dios 74:19

Roj ri oj achi'el jun ti paloma man qojajech pa kiq'a' ri itzel taq winaqi'. Man qojamestaj kan roj y qojato' pa kiq'a' rije'.

Wuj Richin ri Nimalej Bix 2:11

Tatz'eta', xik'o yan el ri ruq'ijul ri job, kan xuk'ol yan el ri' y kan xik'o yan el.