Wuj Richin ri Nimalej Bix 2:10 - Kaqchiquel Bible

¹⁰ Y wakami nich'on wik'in. Kayakatej wixjayil yin, kayakatej wajowanel yin, y jo' k'a.

Wuj Richin ri Nimalej Bix 2:10 ပူးပေါင်းရင်းမြစ်များ

2 Sam 23:3

Ri qa-Dios roj israelita xch'on. Ja ri to'onel qichin ri xbin re ch'abel re' chuwe: Toq jun niq'aton-tzij pa ruchojmilal, kan achi'el ri saqil ri nel-pe nimaq'a' yan ri man jun sutz' k'o chuwech. Toq jun q'atoy-tzij kan k'o rukiy ri Dios chuwech, kan achi'el ri job ri nibanon chi nibek'ulun-pe ri q'ayis pan ulew.

Wuj Richin Bix Chire ri Dios 85:8

Yin kan xtinwak'axaj k'a ri xtubij ri Jehová Dios, roma kan nusuj uxlanen chiqe roj ri oj rutinamit y chike ri kan kich'aron-ki' chire rija', richin chi man yetzolej ta chik kan chupan ri etzelal.

Wuj Richin ri Nimalej Bix 1:15

Kan at jebejoj ok rat, wajowanel yin, kan janila wi at jebejoj ok. Ri runaq' taq awech kan janila e jebel ok. Kan e achi'el k'a runaq' taq kiwech ri paloma.

Wuj Richin ri Nimalej Bix 1:9

Chinuwech yin, rat kan más at jebel ok chikiwech ri taq ixoqi' kiej, ri ye'uk'uan ri ru-carruaje ri rey richin Egipto.

Wuj Richin ri Nimalej Bix 2:11

Tatz'eta', xik'o yan el ri ruq'ijul ri job, kan xuk'ol yan el ri' y kan xik'o yan el.

Wuj Richin ri Nimalej Bix 2:13

Chuqa' ri wíkix niwachin chik, y ri rukotz'ijal ri uva nijubulin chik. Kayakatej k'a wajowanel yin, katanpe y jo' k'a.

Wuj Richin ri Nimalej Bix 2:8

Kan jari' peteneq chik ri wachijil. Kan ninwak'axaj chik ri ruch'abel. Kan niropiyaj peteneq pa ruwi' taq juyu', kan nitzopiyaj peteneq chikikojol taq juyu'.

Wuj Richin ri Nimalej Bix 5:2

Yin xiwer-qa, jak'a ri wánima kan royoben. Chupan ri achik' ri', xinwak'axaj k'a chi ri wajowanel noyon-pe pa ruchi-jay. Y nubij: Tajaqa' ri ruchi-jay wajowanel yin, nu-paloma yin, ri kan at jebel ok, roma ri nujolon nojineq chik rik'in raxq'ab. Ri raxq'ab richin ri aq'a' kan nibiyin chirij ri rusumal-nuwi', ncha'.

Wuj Richin ri Jeremías 31:3

Yin k'a nej xink'ut-wi' chikiwech ri iwati't-imama' y xinbij chike: Yin kan yixinwajo' rik'in jun ajowabel ri man jun bey nik'is y roma ri' kan jantape' xtinjoyowaj iwech, xicha' chike.

San Mateo 9:9

Toq ri Jesús xel-el ri chiri', xutz'et k'a jun achin rubini'an Mateo. Ri achin ri' tz'uyul k'a chiri' akuchi nik'ul-wi ri k'o chi nitoj kan chike ri aj-Roma. Ri Jesús xubij k'a chire ri Mateo chi tutzeqelibej. Y rija' kan xutzeqelibej k'a el.

2 Corintios 11:2

Kan yixinchajij-wi k'a rik'in ri ik'aslen achi'el nuben ri Dios iwik'in. Yin ninwajo' chi rix yixapon ta rik'in ri Cristo rik'in jun k'aslen ch'ajch'oj, achi'el ta jun xten ri kan ch'ajch'oj y nibek'ule' yan rik'in jun ala' ri xtok rachijil.

Apocalipsis 22:17

Y ri Loq'olej Espíritu y ri k'o chi xtik'ule' rik'in ri Jesucristo, nikibij: Katanpe, yecha'. Y konojel ri ye'ak'axan, kan tikibij chuqa': Katanpe, kecha'. Y ri nichaqi'j ruchi', tipe y tuqumu ruya' ri niya'on k'aslen, ri maneq rajel.