Wuj Richin ri Nimalej Bix 1:8 - Kaqchiquel Bible

⁸ Wi rat man awetaman ta, rat ri kan janila at jebel ok chikikojol ri ixoqi', tatzeqelibej-el ri retal kaqen ri tzobaj nukarne'l. Y chiri' xke'ayuq'uj ri taq atzuntzun rat chikinaqaj ri taq mo'k ri kichin ri yuq'unela'.

Wuj Richin ri Nimalej Bix 1:8 ပူးပေါင်းရင်းမြစ်များ

Wuj Richin ri Nimalej Bix 6:1

Rat ri más at jebel ok chiqakojol roj, ¿akuchi k'a xbe-wi ri awachijil? ¿Akuchi k'a xbe-wi ri awajowanel?, roma niqajo' yojbe chawij richin nibeqakanoj.

Wuj Richin ri Nimalej Bix 5:9

Rat janila at jebejoj ok chikiwech ch'aqa' chik ixoqi', jak'a ¿achike k'a rejqalen k'o ri awachijil, chikiwech ch'aqa' chik achijlonela', chi rat nabij chiqe chi roj niqakanoj?

1 Pedro 3:6

achi'el xuben ri Sara. Rija' kan xunimaj rutzij ri Abraham ri rachijil, y kan ajaw xcha' chire. Y rix kan xkixok achi'el ri Sara wi nik'uaj jun utzilej k'aslen, y man jun achoq chuwech xtixibij-iwi'.*f5*

Santiago 5:10

Kan kixkoch'on k'a, achi'el xkiben ri achi'a' ojer kan, ri xeq'alajirisan ri ruch'abel ri ajaw, ri kan xkikoch'ola' ri tijoj-poqonal.

Santiago 2:21

Ri qamama' Abraham ri xk'oje' ojer, kan xuben-wi ri xubij ri Dios chire; y man xupoqonaj ta xuya' ri Isaac ri ruk'ajol pa ruwi' ri porobel richin xuya' chire ri Dios. Y rik'in ri' ri Abraham man jun rumak xk'ulun chuwech ri Dios.

Hebreos 13:7

Ke'oqaqa k'a chi'ik'u'x ri uk'uey iwichin, ri xeq'axan ri ruch'abel ri Dios chiwe. Tich'obo' ri kik'aslen, roma kan xkuqer-wi kik'u'x rik'in ri Dios. Y kan tibana' ri achike xkiben rije'.

Hebreos 6:12

Nik'atzin chi rix niben keri' richin man tipe iq'oral. Xa kan ke'itzeqelibej ri ch'aqa' chik ri rik'in ri kikuqubabel-k'u'x y ri koch'onik nikichinaj ri rusujun kan ri Dios.

Efesios 5:27

Keri' xuben richin chi roj ri qakuquban qak'u'x rik'in, man jun ta qamak xtiq'alajin chuwech. Xa nrajo' chi kan ch'ajch'oj ri yojapon rik'in, achi'el jun tzieq ri ch'ajch'oj chik; banon chik ruchojmil, y man yochoyik ta chik.

1 Corintios 11:1

Kan tibana' k'a achi'el ri ninben yin, roma yin kan ninben achi'el xuben ri Cristo.

San Juan 21:15

Toq xekolaj yan konojel, ri Jesús xyakatej-el y xuk'utuj chire ri Pedro: Rat Simón ri ruk'ajol ri Juan, ¿yinawajo' kami más ke chuwech ri yinkajo' rije'?, xcha' chire. Y ri Pedro xubij: Wajaw, kan keri' wi. Rat awetaman chi yatinwajo'. Ri Jesús xubij k'a chire: Kan ke'ayuq'uj y ke'achajij k'a ri taq nukarne'l, xcha'.

Wuj Richin ri Jeremías 6:16

Yin Jehová ninbij chiwe: Kixpa'e' pa taq bey; titz'eta' y tik'utuj ri akuchi ek'o-wi ri utzilej taq bey richin ojer richin xtiwil uxlanibel-k'u'x. Jak'a rix xa xibij chi ni, roma rix man niwajo' ta nitzeqelibej ri bey ri'.

Wuj Richin ri Nimalej Bix 4:10

Kan janila k'a jebel ri awajowabal rat, wajowanel yin. Kan más k'a ruki'il chuwech ri vino ri awajowabal. Y ri jubulej awaq'om kan janila jubul chuwech ronojel ri ek'o.

Wuj Richin ri Nimalej Bix 4:7

Rat kan janila at jebel ok wixjayil yin; nitiker-pe chi'awaqen, y napon k'a pan ajolon.

Wuj Richin ri Nimalej Bix 4:1

Kan janila at jebejoj ok wajowanel yin. Kan janila at jebejoj ok. Ri runaq' taq awech chukojol ri a-velo, janila e jebel ok, achi'el runaq' taq ruwech jun ti paloma. Toq yesilon ri rusumal taq awi', kan achi'el taq tzobaj tzuntzun ri yetzopiyaj yexule-pe chuwa taq juyu' richin Galaad.

Wuj Richin ri Nimalej Bix 2:10

Y wakami nich'on wik'in. Kayakatej wixjayil yin, kayakatej wajowanel yin, y jo' k'a.

Wuj Richin ri Nimalej Bix 1:15

Kan at jebejoj ok rat, wajowanel yin, kan janila wi at jebejoj ok. Ri runaq' taq awech kan janila e jebel ok. Kan e achi'el k'a runaq' taq kiwech ri paloma.

Wuj Richin Etamabel-Tzij 8:34

Jebel ruwa-ruq'ij ri wineq ri kan yirak'axaj; ri kan q'ij-q'ij k'o-apo chuchi' ri wachoch, ri kan royoben chi nril-el kikoten.

Wuj Richin Bix Chire ri Dios 45:13

K'ari' nok-apo ri xtibe'ok reina, chupan ri rachoch ri rey. Ri xten ri' kan janila jebejoj ok y ri rutziaq kan wiqon k'a rupan rik'in q'anapueq.

Wuj Richin Bix Chire ri Dios 45:11

Pa ruk'exel ri', tanimaj k'a rutzij ri awachijil. Wi keri' xtaben kan xkarajo' k'a, roma ja rija' ri awajaw.

Wuj Richin Bix Chire ri Dios 16:3

Yin kan yikikot kik'in ri nuwinaq ri nikitzeqelibej ri Dios, y kik'in ri kan tz'aqet ri kik'aslen chuwech rija'.

Santiago 2:25

Y keri' chuqa' ri Rahab, ri ixoq itzel ruk'aslen; rija' xuben ri xubij ri rukuqubabel-k'u'x chire, y xerewaj ri ka'i' achi'a' judío ri xbekinik'oj ri ruwach'ulew. Kan xeruteq k'a el pa jun chik bey richin man jun xkik'uluwachij. Y roma ri' man jun rumak xk'ulun chuwech ri Dios.