Wuj Richin ri Nimalej Bix 1:7 - Kaqchiquel Bible

⁷ Tabij k'a chuwe rat ri yatajowan wichin: ¿Akuchi k'a xke'ak'uaj-wi ri tzobaj karne'l richin ye'ayuq'uj? ¿Akuchi k'a xke'ak'uaj-wi pa nik'aj-q'ij richin yebe'uxlan, richin chi yin man ninben ta achi'el jun ixoq itzel ruk'aslen, ri nibe-kela' nibe-kela' chikikojol ri ch'aqa' chik yuq'unela'?

Wuj Richin ri Nimalej Bix 1:7 ပူးပေါင်းရင်းမြစ်များ

Wuj Richin ri Rutikeribel 37:16

Y ri José xubij: Yenkanoj ri wach'alal. Takuyu' juba', ¿man awetaman ta kami akuchi yeyuq'un-wi?, xcha'.

Wuj Richin Bix Chire ri Dios 116:1

Yin kan ninwajo' ri Jehová, roma toq yin xink'utuj utzil chire, rija' kan xirak'axaj.

Wuj Richin Bix Chire ri Dios 18:1

Jehová, yin kan janila yatinwajo', roma kan ja rat yaya'on wuchuq'a'.

Wuj Richin Bix Chire ri Dios 28:1

Ja ri abi' rat ninnataj Jehová, nuto'onel yin. Man k'a tapoqonaj nak'uluba-pe ri nuch'abel. Roma wi keri' xa kan in ajlan chik k'a chikikojol ri kaminaqi'.

Wuj Richin Bix Chire ri Dios 80:1

Tawak'axaj ri qach'owen, rat nimalej Jehová ri yachajin ri tinamit Israel. Qojachajij k'a, achi'el nuben jun yuq'unel kik'in ri taq rukarne'l. Rat ri atk'o pa kiwi' ri kiwachibel ri querubín,*f80*

Wuj Richin ri Nimalej Bix 2:16

Rokik ri akarne'l yewa' chikikojol ri lirio, rat alé kan at wichin yin, y yin kan in awichin rat.

Wuj Richin ri Nimalej Bix 2:3

Wajowanel yin, rat kan más at utz chikikojol ri ch'aqa' chik alaboni'. Kan at achi'el jun ruche'el manzana chikikojol ri che' ri ek'o pa k'echelaj. Kan chuxe' k'a ri amujal ninrayij yitz'uye-wi, y ri naben wik'in kan janila utz nina', kan achi'el toq nintej jun manzana.

Wuj Richin ri Nimalej Bix 5:10

Ri wajowanel yin kan janila jebel ok, kan jebel rubanik y kan tz'aqet. Kan man jun chik achi'el rija' chikikojol e 10,000 achi'a'.

Wuj Richin ri Nimalej Bix 5:16

Ri pa ruchi' kan jebel ki'. Kan ronojel chire rija' kan janila utz. Queri' k'a ri wajowanel yin; kan keri' k'a ri nuk'aslen yin, y roma ri' nintzijoj chiwe rix, ixoqi' aj-Jerusalem.

Wuj Richin ri Nimalej Bix 5:8

Rix xtani' richin Jerusalem wi nitz'et ri wajowanel ke taq ri', tibana' utzil tibij chire chi yin ninwajo' chi k'o yan ta pe wik'in.

Wuj Richin ri Nimalej Bix 6:2

Ri wajowanel xa k'o wawe' wik'in, roma kan ja yin ri achi'el ruqejoj ri janila jubul. Kan k'o k'a wawe' chupan ri ruqejoj, richin yerumol kotz'i'j lirio.

Wuj Richin ri Nimalej Bix 6:3

Yin kan irichin rija', y rija' kan wichin yin, rokik yerumol kotz'i'j lirio.

Wuj Richin ri Nimalej Bix 8:13

Rat, wajowanel ri atk'o chupan ri qejoj, ri qachibil kan nikak'axaj ri ach'abel. Taya' k'a q'ij chuwe richin yin chuqa' ninwak'axaj ri ach'abel.

Wuj Richin ri Isaías 13:20

Man jun bey chik k'a ri k'o ta xkek'oje' chiri'; kan man jun chik wineq ri xtik'ase' ri chiri' ri chi wiq chi tanaj. Man jun xtapon chiri' richin nuq'axaj kan jun aq'a', ni ri yuq'unela' man xkeq'ax ta chik juba' chiri'.

Wuj Richin ri Isaías 26:9

Rik'in ronojel qánima niqarayibej yojch'on awik'in ri chi'aq'a'; chuqa' ri nimaq'a' yan niqajo' chi nijunamatej-qawech awik'in. Toq rat xkaq'aton-tzij pa ruwi' ri ruwach'ulew, k'a jari' toq roj xtiqetamaj chi rat kan pa ruchojmilal-wi ri yaq'aton-tzij.

Wuj Richin ri Isaías 40:11

Rija' kan xqojruchajij roj ri oj rutinamit, achi'el jun yuq'unel ri kan yeruchajij ri rawej. Xqojruq'etej pa ruq'a', achi'el jun yuq'unel nuq'etej ri ti karne'l. Xqojruch'elej-el chuwa-ruk'u'x, achi'el nuben jun yuq'unel kik'in ri chikopi'. Y kan eqal xqojruk'uaj, achi'el nuben jun yuq'unel kik'in ri karne'l ri k'a juba' ke'alex taq kal.

Wuj Richin ri Isaías 5:1

Xtinbenbixaj k'a re jun bix re' chire ri wachibil ri janila ninwajo', Re bix re' richin ri rutiko'n richin uva. Ri wachibil kan k'o k'a jun rutiko'n richin uva ri rubanon-qa, pa jun ulew ri akuchi niwachin-wi ronojel ruwech tiko'n.

Wuj Richin ri Jeremías 33:12

Yin Jehová ri k'iytisanel richin ronojel, ninbij: Chupan re ruwach'ulew re', man jun chik wineq ni chikop k'o. Jak'a ri q'ij ri' xtik'oje' chik kiway ri chikopi' ri akuchi ri yuq'unela' yetikir nikiyuq'uj chik ri taq kikarne'l.

Wuj Richin ri Miqueas 5:4

Y rija' kan xkeruyuq'uj rije' rik'in ri runimirinen y ri uchuq'a' richin ri Jehová ri qa-Dios. Y rije' kan kuqul k'a kik'u'x xkek'ase', roma ri rey ri' kan xtinimirisex k'a ruq'ij chuwech chijun ruwach'ulew.

San Mateo 10:37

Ri wineq ri kan más yerajo' ri rute-rutata' ke chinuwech yin, xa kan man ruk'amon ta richin yinkitzeqelibej yin. Ri te'ej-tata'aj ri kan más yekajo' ri kalk'ual chinuwech yin, kan man ruk'amon ta chi yinkitzeqelibej.

San Juan 10:11

Y ja yin k'a ri utzilej yuq'unel, y ri jun utzilej yuq'unel nuya' ri ruk'aslen richin utz yek'oje' ri rukarne'l.

San Juan 21:17

Y pa rox bey, ri Jesús xubij chik chire: Rat Simón ri ruk'ajol ri Juan, ¿kan yinawajo'?, xcha'. Ri Pedro kan q'alaj wi k'a chi xpe bis pa ránima, roma ja yan ri' ri rox bey ri xk'utux chire roma ri Jesús. K'ari' ri Pedro xubij: Wajaw, rat kan ronojel k'a awetaman. Kan awetaman k'a chi yatinwajo', xcha'. Y ri Jesús xubij chik chire: Kan ke'ayuq'uj y ke'achajij k'a ri nukarne'l.

1 Pedro 1:8

Y stape' man jun bey itz'eton ri Jesucristo, kan janila niwajo'; stape' man nitz'et ta re wakami, ikuquban ik'u'x rik'in. Y roma ri' man niwil ta achike rubixik niben chire ri nimalej kikoten ri k'o pa taq iwánima.

1 Pedro 2:7

Chiwech rix ri ninimaj rija', janila rejqalen jak'a ri winaqi' ri man nikinimaj ta, xtikiben chire achi'el jun abej ri man xqa' ta chikiwech ri aj-tz'aq. Jak'a re wakami ri abej ri' kan más k'atzinel chire ri jay richin chi kow xpa'e' kan.

1 Juan 2:19

Xek'oje' chiqakojol, jak'a xa xe'el-el roma man e qachibil ta. Wi ta e qachibil, ek'o ta qik'in wakami. Xe'el k'a el qik'in, xaxe richin chi xeq'alajin chi kan man ek'o ta qik'in.

Apocalipsis 7:17

Roma kan ja ri Karne'l ri k'o-apo chunaqaj ri akuchi tz'uyul-wi ri Dios, jari' ri xtiyuq'un kichin achi'el yeyuq'ux ri taq karne'l, y kan yeruk'uaj richin nuya' kiya' ri pa taq alaxibel-ya' richin k'aslen. Y ri Dios kan xtuben k'a chike chi man jun chik q'axo'n ni oq'ej xtik'oje' kik'in, xcha'.

Wuj Richin ri Rut 2:21

Y ri Rut xubij: Ri achin ri' xubij chuqa' chuwe chi utz chi yitzeqe' chikij ri raj-ik'a' ixoqi' y keri' ninben k'a toq xtik'is na ri q'atoj, xcha'.