Wuj Richin ri Nimalej Bix 1:5 - Kaqchiquel Bible

⁵ Kiniwak'axaj rix, xtani', richin Jerusalem. Yin kan janila in k'atineq roma ri q'ij; man rik'in ri' in jebejoj ok. In q'eq achi'el ri taq jay e banon rik'in tzieq ri ek'o pa tz'iran ruwach'ulew Quedar.*f1* In jebel ok achi'el ri tzieq tasbel rupan ri rachoch ri rey Salomón.

Wuj Richin ri Nimalej Bix 1:5 ပူးပေါင်းရင်းမြစ်များ

Wuj Richin Bix Chire ri Dios 120:5

Toq'ex nuwech yin, ri ink'o pa ruwach'ulew Mésec,*f104* ri in k'es chikikojol ri aj-Quedar.

Wuj Richin Bix Chire ri Dios 149:4

Roma ri Jehová kan nikikot rik'in ri rutinamit. Ri kiqasan-ki' chuwech kan nuya' ch'akonik chike.

Wuj Richin Bix Chire ri Dios 45:9

Chikikojol ri winaqi' ri ek'o awik'in, kan ek'o chuqa' kimi'al taq rey. Pan awijkiq'a' pa'el-apo ri xtibe'ok reina, wiqon jebel rik'in q'anapueq ri nipe pa Ofir.

Wuj Richin Bix Chire ri Dios 90:17

Jehová ri at qa-Dios roj, ri asaqil rat ja ta ri' ri xtisaqirisan pa qawi' roj. Ronojel ri samaj ri yeqaben roj kan ta xtawurtisaj-pe. Kan keri', ri samaj ri yeqaben kan ta xtiqa' chawech rat Jehová.

Wuj Richin ri Nimalej Bix 2:14

Wajowanel yin, ri awewan-awi', rat kan at achi'el jun ti paloma ri rewan-ri' chupan jun jul chuwech nimalej taq abej, o chupan jun ti sokaj pa juyu'. Tak'utu' k'a awi' chinuwech, Taya' q'ij chuwe richin ninwak'axaj ri ach'abel, roma ri ach'abel kan janila jebel ok, y chuqa' janila jebel ok ri yatzu'un.

Wuj Richin ri Nimalej Bix 2:7

Jak'a rix xtani' ri ixk'o pa Jerusalem, tiya' itzij pa kibi' ri masat y ri tzuntzun ri ek'o pa k'echelaj, chi man tik'asoj chi'anin ri ajowabel, k'a ja toq xtapon na ri ruq'ijul.

Wuj Richin ri Nimalej Bix 3:10

Ri pa taq ruxikin, xuya' saqipueq chirij, ri ruraq'alibal ri ch'aket ri' xuya' q'anapueq chirij, y pa ruwi' ri akuchi nitz'uye-wi, xuya' tzieq kaqkoj. Ri pa taq ka'i' ruxikin, ri chuwech y ri chirij, xwiq koma ixoqi' aj-Jerusalem. Y kan xkiben rik'in janila ajowabel.

Wuj Richin ri Nimalej Bix 3:5

Jak'a rix, xtani' ri ixk'o pa Jerusalem, tiya' itzij pa kibi' ri masat y ri tzuntzun ri ek'o pa k'echelaj, chi man tik'asoj chi'anin ri ajowabel, k'a ja toq xtapon na ri ruq'ijul.

Wuj Richin ri Nimalej Bix 4:3

Ri ti achi' kan keq-keq achi'el ri betz' keq. Y toq yach'on, kan jebel ok niq'alajin. Ri apalej kan keq yeq'alajin-pe chupan ri a-velo, kan achi'el nik'ajta'q taq granada.

Wuj Richin ri Nimalej Bix 5:16

Ri pa ruchi' kan jebel ki'. Kan ronojel chire rija' kan janila utz. Queri' k'a ri wajowanel yin; kan keri' k'a ri nuk'aslen yin, y roma ri' nintzijoj chiwe rix, ixoqi' aj-Jerusalem.

Wuj Richin ri Nimalej Bix 5:8

Rix xtani' richin Jerusalem wi nitz'et ri wajowanel ke taq ri', tibana' utzil tibij chire chi yin ninwajo' chi k'o yan ta pe wik'in.

Wuj Richin ri Nimalej Bix 6:4

Rat, wajowanel yin, kan janila at jebel ok achi'el ri tinamit Tirsá. Kan janila at rayixel achi'el ri tinamit Jerusalem. Nawelesaj ri wuchuq'a', roma kan at achi'el jun tzobaj aj-labal, ri kicholajen-ki'.

Wuj Richin ri Nimalej Bix 8:4

Jak'a rix, xtani' ri ixk'o pa Jerusalem, tiya' itzij chi man tik'asoj chi'anin ri ajowabel, k'a ja toq xtapon na ri ruq'ijul.

Wuj Richin ri Isaías 21:16

Roma ri Jehová xubij chuwe chi re' xtibanatej ke taq wa' juna' apo, achi'el nrajlaj ruq'ij jun achin ri nisamej chi q'ij. Chupan ri q'ij ri' xtibek'is ri tinamit Quedar.

Wuj Richin ri Isaías 53:2

Ri rusamajel ri Jehová man jebel ta xk'iy, xa achi'el ok jun che' o jun q'ayis ri nibebos-pe pa chaqi'j ulew. Man jebel ta ok ri rubanik, chuqa' ri nitzu'un; richin roj xqatzeqelibej ta.

Wuj Richin ri Isaías 60:7

Konojel k'a tzobaj awej richin ri ruwach'ulew Quedar xke'ok iwichin, y ri karne'l richin ri tinamit Nebaiot kan xkek'oje' chiri' richin ye'ikusaj, richin nisuj chuwe pa ruwi' ri porobel. Y kan ninimirisaj ri nuq'ij-nuk'ojlen.

Wuj Richin ri Isaías 61:10

¡Kan janila k'a xkikikot rik'in ri Jehová! Ri wánima kan jantape' k'a xtik'ases rik'in ri nu-Dios, roma kan ruya'on ri kolotajik chuwe, y kan xiruwiq k'a rik'in ruchojmilal, achi'el ruwiqon-ri' jun ala' ri nibek'ule' yan pe, y chuqa' ri xten ri xtibe'ok rixjayil rukusan chik jalajoj ruwech wiqobel.

Ez 16:14

Roma ri' xtalutej ri utzilej atzijol k'a pa taq ruwach'ulew, roma ja yin xiwiqon*f3* awichin. Yin Jehová ri yibin.

Ez 27:21

Ri winaqi' aj-Arabia y ri e aj-raqen pa ruwi' ri tinamit Quedar chuqa' ye'oloq'on rik'in. Y rije' nikitojbej kan rik'in jalajoj kiwech ri kokoj taq awej.

San Mateo 10:25

Tiwak'axaj k'a: Ri tijoxel kan achi'el ri rutijonel y ri samajel kan achi'el ri rajaw. Roma chuwe yin ri in tata'aj xkibij Beelzebú chuwe, k'a ta la' chik chiwe rix ri ix aj pa wachoch chi man ta xtibix janila chi ch'abel chiwij.

San Mateo 22:11

K'ari' ri rey xok k'a apo chikitz'etik konojel ri xeroyoj. Y rija' xutz'et k'a chi k'o k'a jun achin ri chiri' ri man rukusan ta el ri rutziaq ri nik'atzin chupan ri jun k'ulubik ri'.

San Lucas 13:34

K'ari' ri Jesús xch'on chik, y xubij: Aj-Jerusalem, aj-Jerusalem, ¿achike k'a roma toq ye'ikamisala' ri achi'a' ri yeq'alajirisan ruch'abel ri Dios, y ye'ikamisala' chi abej ri yeruteq-pe ri Dios chi'ikojol? Yin kan janila k'a bey ri xinwajo' chi xixinmol ta wik'in, achi'el nuben ri kite-ek' chike ri taq ral, yerumol chuxe' ri ruxik'. Jak'a rix kan man jun bey xiwajo' ta.

San Lucas 15:22

Jak'a ri tata'aj xubij k'a chike ri rusamajela': Tiwelesaj-pe ri tzieq más jebel y tiwiqa' ri nuk'ajol. Tiya' jun lipq'a' chire retal chi rija' kan nuk'ajol, y tiya' chuqa' ruxajab.

Romanos 13:14

Nik'atzin k'a chi jun tiqabana' rik'in ri ajaw Jesucristo, y man tiqach'ob niqaya' q'ij chike ri itzel taq rayinik.

2 Corintios 5:21

Ri Cristo kan man jun bey k'a xmakun, jak'a kan xban chire roma ri Dios chi achi'el xa ta jun aj-mak, richin chi qonojel roj yojk'ulun ta chuwech ri Dios chi man jun qamak.

Gálatas 4:26

Jak'a ri Sara nuk'exewachuj ri tinamit Jerusalem, ri richin ri chila' chikaj. Y roj kan oj ral k'a rija' y kan oj totajineq chik.

Efesios 5:26

Keri' xuben ri Cristo richin chi ri tzobaj ri' xe'ok loq'olej. Y re' xuben rik'in ri ruch'abel y ri qasan ya'.

1 Juan 3:1

Kan tich'obo' k'a jebel ri rubanik ri ajowabel ri k'o rik'in ri Tata'ixel, roma ri ajowabel ri' kan janila nim, roma kan xuben chiqe chi ruk'amon chi nibix ralk'ual chiqe y kan keri' wi. Y ri winaqi' ri k'a kikuquban na kik'u'x rik'in re ruwach'ulew man ketaman ta k'a qawech, roma rije' man ketaman ta ruwech ri Dios.