Wuj Richin ri Nimalej Bix 1:4 - Kaqchiquel Bible

⁴ Kan chi'anin k'a kinak'uaj-el, kan kinak'uaj k'a el pan awachoch. Kan janila k'a yojkikot awik'in rat. Kan niqaya' más rejqalen ri awajowabal rat ke chuwech ri vino. Xa roma aj k'a ri' janila yatajowex.

Wuj Richin ri Nimalej Bix 1:4 ပူးပေါင်းရင်းမြစ်များ

Wuj Richin Bix Chire ri Dios 111:4

E nima'q taq banobel yeruben ri Jehová richin natabel richin. Rija' kan joyowanel y koch'onel.

Wuj Richin Bix Chire ri Dios 119:32

Kan rik'in ronojel wánima xkibiyin chupan ri bey ri nuk'ut ri apixa'. roma kan in anojisan rik'in kikoten,

Wuj Richin Bix Chire ri Dios 119:60

Yin kan ninwajo' k'a ninnimaj atzij, y man ninwoyobej ta na richin ninben.

Wuj Richin Bix Chire ri Dios 149:2

Ri israelita kan kekikot k'a rik'in ri xbanon kichin. Ri aj-Sión, kan kekikot k'a rik'in ri ki-rey.

Wuj Richin Bix Chire ri Dios 42:4

Toq noqaqa chinuk'u'x ronojel re', kan achike na k'a nuben ri wánima. Noqaqa k'a chinuk'u'x ri ojer toq in beneq kik'in ri tzobaj winaqi', y yenk'uaj k'a chupan ri awachoch. Y qonojel kan yojnimaq'ijun k'a, y ri qabix kan richin k'a kikoten y matioxinik.

Wuj Richin Bix Chire ri Dios 48:9

Nimalej Dios, toq ojk'o chupan ri awachoch, kan noqaqa chiqak'u'x ri ajoyowanik ri man k'isel ta.

Wuj Richin Bix Chire ri Dios 63:5

Xaben k'a chi xch'uch'u' ri wánima achi'el xa ta jebel in wayneq. Kan rik'in k'a kikoten xtinbixaj bix chawe richin ninya' aq'ij.

Wuj Richin ri Nimalej Bix 3:4

Kan xaxe toq xiq'ax-pe chiri' kik'in rije', jari' toq xinbenk'ulu-pe ri ninwajo' yin. Kan jari' xintzeqeba-wi' chuqul, y man xinwisq'opej ta kan, k'a toq xojapon pa rachoch ri nte', ri akuchi rija' xyawej kan chuwij yin.

Wuj Richin ri Nimalej Bix 4:10

Kan janila k'a jebel ri awajowabal rat, wajowanel yin. Kan más k'a ruki'il chuwech ri vino ri awajowabal. Y ri jubulej awaq'om kan janila jubul chuwech ronojel ri ek'o.

Wuj Richin ri Isaías 25:8

Chupan ri q'ij ri' xtuben chi man jun chik wineq ri xtiken. Kan xtusu' ri ruya'al-kiwech konojel winaqi', y xtrelesaj ri qak'ixbilal. Ronojel re' xtibanatej roma ja ri Jehová ri xbin.

Wuj Richin ri Isaías 45:25

Jak'a yin, Jehová, xtinben chi ri winaqi' israelita kan xkech'akon, y kan xtel utzilej kitzijol, ncha' ri Dios.

Wuj Richin ri Isaías 61:3

Xiruteq-pe kik'in ri winaqi' aj-Sión ri ek'o pa bis, richin xtik'oje' kikoten kik'in, achi'el toq niya'ox jun corona pa ruk'exel ri chaj ri k'o pa kiwi'. Pa ruk'exel ri bis xtik'oje' jubulej taq aq'om, y pa ruk'exel nikikusaj tzieq richin bis, nikikusaj tzieq richin kikoten. Ri winaqi' ri' kan jantape' xtikiben pa ruchojmilal, roma rije' e achi'el jun paten-che' ri tikon roma ri Jehová, ri man niq'ochotej ta roma ri kaq'iq'. Y ri winaqi' ri' e banon richin nikiya' ruq'ij rija'.

Wuj Richin ri Isaías 63:7

Yin kan ninwajo' yich'on pa ruwi' ri rajowabal ri Dios, y kan ninbixaj bix richin ninya' ruq'ij roma ri xuben pa qawi'. Roma ri nimalej rajowabal pa ruwi' ri tinamit Israel, kan xuk'ut chi kan xojrupoqonaj y kan janila k'iy ri xuben pa qawi'.

Wuj Richin ri Jeremías 31:3

Yin k'a nej xink'ut-wi' chikiwech ri iwati't-imama' y xinbij chike: Yin kan yixinwajo' rik'in jun ajowabel ri man jun bey nik'is y roma ri' kan jantape' xtinjoyowaj iwech, xicha' chike.

Os 11:4

Kan xenbochi'ij k'a rik'in ajowabel, kan achi'el k'a jun te'ej ri nrejqaj ri ti ral, keri' xinben chike, kan xiqaqa k'a pe kik'in richin chi xentzuq.

Wuj Richin ri Sofonías 3:14

Chupan ri q'ij ri' rix kan kere' k'a xtibij toq xkixbixan: Rix winaqi' richin ri tinamit Sión kan kixbixan k'a, kan kixsik'in k'a roma kikoten rix tinamit Israel. Kan kixkikot y kixnimaq'ijun rix aj-Jerusalem. Kan kixkikot k'a rik'in ronojel iwánima.

Wuj Richin ri Zacarías 9:9

Kan kixkikot k'a janila rix aj-Sión. Kan kixbixan k'a rik'in kikoten rix aj-Jerusalem, roma ri i-rey xa kan xtipe k'a iwik'in. Rija' jun choj laj achin y kan ch'akonel-wi. Kan jun achin ri kan yalan ch'uch'uj. Rija' ch'okol-pe chirij jun alaj bur.

San Mateo 25:10

Jak'a toq ri wo'o' xtani' ri' e beneq chuloq'ik aceite, jari' toq xok'ulun ri ala' ri xtik'ule'. Ri wo'o' xtani' ri kan ek'o-wi-apo koyoben ri ala', xe'ok k'a pa jay akuchi niban ri k'ulubik, y xtz'apex k'a kan ri ruchi' ri jay.

San Lucas 2:10

Jak'a ri ángel xubij chike: Man tixibij-iwi'. Roma yin nuk'amon-pe jun utzilej rutzijol chiwe, richin janila kikoten chike konojel winaqi';

San Lucas 22:19

Keri' chuqa' xuk'en-apo ri kaxlan-wey, y toq rumatioxin chik chire ri Dios, xuper y xuya' chike ri rutijoxela' y xubij: Kan titija' k'a. Roma jare' ri nuch'akul ri kan xtijach pan ik'exel rix. Kan tibana' k'a richin jun natabel wichin yin, xcha'.

San Juan 12:32

Y toq yin xkijotobex-q'anej, ri winaqi' kan xkenk'en-pe wik'in, xcha' rija'.

San Juan 6:44

Y xubij: Man jun wineq ri xtipe wik'in wi man ja ta ri nata' taqayon-pe, y nink'asoj-el chikikojol ri e kaminaqi' chupan ri ruk'isibel q'ij.

Efesios 2:6

Y roma ri Dios xuk'asoj ri Cristo chikikojol ri kaminaqi', keri' chuqa' xuben qik'in roj; xojruk'asoj y xuben chiqe chi xojtz'uye' chila' chikaj rik'in ri Cristo Jesús richin niqaq'et-tzij.

Efesios 6:24

Y ri rutzil ri Dios xtik'oje' ta k'a iwik'in chi'iwonojel rix, ri rik'in ronojel ik'u'x niwajo' ri qajaw Jesucristo. Kan keri' ta k'a.

Filipenses 3:3

Ja roj ri oj uk'uayon ri qitzij etal ri', y man ta rije'; roma roj kan niqaya' ruq'ij ri Dios rik'in ri Loq'olej Espíritu y yojkikot rik'in ri jun qabanon rik'in ri Cristo Jesús. Roj kan man niqakuquba' ta qa qak'u'x qik'in roj.

Filipenses 4:4

Jantape' k'a tikikot ri iwánima rik'in ri Cristo; kan ninkamuluj k'a rubixik chiwe chi kan tikikot ri iwánima beneq-ruwech.

Hebreos 12:1

Kan janila k'a e k'iy ri yek'utu chiqawech chi xkikuquba' kik'u'x rik'in ri Dios. Roma ri' roj kan tiqelesaj k'a kan ronojel ri niya'on ejqa'n chiqij y ri mak ri sutiyon qichin, kan rik'in koch'onik tiqatija' qaq'ij yojbiyin chupan ri bey ri k'o chiqawech.

1 Pedro 1:8

Y stape' man jun bey itz'eton ri Jesucristo, kan janila niwajo'; stape' man nitz'et ta re wakami, ikuquban ik'u'x rik'in. Y roma ri' man niwil ta achike rubixik niben chire ri nimalej kikoten ri k'o pa taq iwánima.