Wuj Richin ri Nimalej Bix 1:17 - Kaqchiquel Bible

¹⁷ Ri kiq'a' ri tiox-che' achi'el xa ta e tem richin ri qachoch, y ri kiq'a' ri k'isis achi'el xa ta ruwi' ri qachoch.

Wuj Richin ri Nimalej Bix 1:17 ပူးပေါင်းရင်းမြစ်များ

1 Rey 6:10

Toq xeruben k'a ri cholaj jay ri xkisutij-rij ri rachoch ri Dios, ri kipalen chikijujunal wiq jay jun jaj rik'in jun q'a'aj jotol. Keri' k'a xban chire richin chi ri tiox-che' ri yeq'e'e', yeli'e-qa pa ruwi' ri wiq tz'aq ri e banon kan.

1 Rey 6:9

Y toq xk'is-q'anej rubanik ri tzaq, k'ari' xya'ox ri ruwi', rik'in tiox-che' ri e banon tz'alem y tem chire.

2 Crón 3:5

y chupan apo ri nima-jay, xeruya' tz'alem ri banon rik'in k'isis, y chuwech k'a ri tz'alem ri' ya'on q'anapueq. Rija' xerubanala' k'a kiwachibel palmera y cadena chuwech ri rupan ri jay.

Wuj Richin Bix Chire ri Dios 92:12

Ri winaqi' ri choj kik'aslen, kan utz k'a xtel chikiwech ronojel ri nikiben, xkek'iy k'a achi'el ri palma, y achi'el ri tiox-che' ri k'o pa Líbano.

Wuj Richin ri Nimalej Bix 7:5

Ri ajolon kan jantape' ayakon chikaj, achi'el ri juyu' Carmelo. Ri rusumal-awi' kan jijoj achi'el ri betz' keq. Y roma kan jebel ok, yin xiq'ate' kan chiri'.

Wuj Richin ri Nimalej Bix 8:9

Roma rija' man achi'el ta jun tz'aq, richin ta niqato' rik'in tobel ri banon rik'in saqipueq. Y chuqa' man achi'el ta ri ruchi-jay, richin ta niqato' rik'in nima'q taq tz'alem ri e banon rik'in tiox-che'.

Wuj Richin ri Jeremías 22:14

Y ri rey ri' nubij: Kan xtinpaba-q'anej wachoch ri kan jebel nim y xtinpaba-q'anej jay nima'q pa rukaj wiq. Chuqa' xtinya' ki-ventana y kan jebel tiox-che' ninya' chirij. Y ri tz'aq kichin ri jay ri' xkenwaq'omaj rik'in keq, ncha'.

Ez 41:16

e tz'apen kiwech rik'in che'. Chuqa' ri ventana ya'on k'arak'ik taq che' chikiwech. Ronojel ri marco richin ri ruchi-jay tz'apen-kij rik'in che'. Chuqa' ri tz'aq ri k'o chupan ri jay ri' e tz'apen-kij rik'in che', nitiker-pe k'a chuxe-qa y napon-q'anej k'a rik'in ri ventana. Y chuqa' pa ruwi-q'anej ri ruchi' tz'apen rik'in che'. Re' xya'ox chupan ri oxi' jay ri richin ri rachoch ri Dios.

Ez 42:3

Ri pa xokon richin ri jay ri' k'o ri ruwa-jay ri k'o chuwech ri rachoch ri Dios. Y re ruwa-jay re' waqi' jaj raqen. Y ri pa xaman richin ri jay ri' k'o ri jun chik nim ruwa-jay. Y re jay re' ruk'uan oxi' wiq.

Hebreos 11:10

Ri Abraham xuben keri', roma kan royoben ri jun chik tinamit ri kan jebel jikil ri ruxe' y kan ja ri Dios ri xch'obo y xbanon richin.