Santiago 5:8 - Kaqchiquel Bible

⁸ Y keri' chuqa' tibana' rix. Kixkoch'on. Kan tikuquba' ik'u'x rik'in ri Dios, roma chi'anin xtapon ri q'ij toq xtipe chik jun bey ri qajaw.

နောက်ထပ်ဗားရှင်းများ

Kaqchikel Santo Domingo (Xenacoj)

⁸ Keriꞌ chuqaꞌ rix, ma tikꞌo ikꞌuꞌx ndiwoyobꞌej ri qꞌij atoq ri Ajaw nduqaqa chik jumbꞌey, xa kin tikꞌojeꞌ ruchuqꞌaꞌ iwánima rikꞌin rijaꞌ chin jumul, porque jubꞌaꞌ chik ndirajoꞌ chin nduqaqa.

Kaqchikel Santa Maria de Jesus

⁸ Y quireꞌ jeꞌ tibꞌanaꞌ ixreꞌ. Ticꞌujieꞌ i-paciencia. Can tiyaꞌ más ivánima riqꞌuin ri Dios, ruma cierca chic ri kꞌij chi xtipa chic ri Ajaf.

Kaqchikel Central Guatemala

⁸ Y que chuka' ri' tibana' rix. Quixcoch'on. Can ticukuba' ic'u'x riq'uin ri Dios, roma chanin xtapon ri k'ij tok xtipe chic jun bey ri Ajaf.

Re C'ac'a Testamento pa Kach'abal

⁸ Y quire' chuka' tibana' yex. Quixcoch'on. Can tiya' ivánma cha re Dios, roma cha'nin xtapon re k'ij tak xtipa chic jun bey re Ajaf.

Kaqchikel Western Solola

⁸ Y queri' chuka' tibana' riyix. Quixcoch'on. Can ticukuba' ic'u'x riq'ui ri Dios, ruma chanin xtapon ri k'ij tek xtipe chic jun bey ri Ajaf.

Santiago 5:8 ပူးပေါင်းရင်းမြစ်များ

Santiago 5:9

Wach'alal, man jun k'a tibij roma ri niban chiwe, richin keri' man k'ayew ta xtiban chiwe rix toq xtapon ri q'ij chi ri Dios xtuq'et-tzij. Roma chi'anin xtipe ri q'ij ri'.

Gálatas 5:22

Jak'a wi kan niya' q'ij chi ja ri Loq'olej Espíritu nuk'uan iwichin, ri ik'aslen xtiwachin jebel: Xkixajowan, xtikikot ri iwánima, xtik'oje' uxlanibel-k'u'x iwik'in, xkixkoch'on, nim iwánima xtiben, xtibanala' utzil, kan xtiben ri xtibij,

Wuj Richin Bix Chire ri Dios 37:7

Man tipe awoyowal toq ri banoy etzelal nibe pa jotol, y toq utz nel chuwech ronojel ri nuch'ob, Xa kan katuxlan rik'in ri Jehová, y tawoyobej pa ruq'a' rija' ronojel.

1 Pedro 4:7

Y kan chi'anin k'a chuqa' xtapon ri ruk'isibel taq q'ij. Roma ri' rix kan tina' k'a jebel ri achike ye'ibanala' y jantape' kixch'on rik'in ri Dios.

Filipenses 4:5

Ri utzil ri niben kan niq'alajin ta k'a chikiwech konojel, roma ri ajaw naqaj chik k'o-wi ri rupetebal.

Wuj Richin Bix Chire ri Dios 27:14

Tawoyobej rik'in ri Jehová. Tatija' aq'ij y man tamalij ak'u'x; kan tawoyobej k'a pa ruq'a' ri Jehová.

Apocalipsis 22:20

Y ri niq'alajirisan ronojel re', kan nubij chuqa': Ja', kan qitzij wi chi yipe yan, nicha'. Y yin Juan ninbij: Kan keri' ta k'a. Katanpe yan k'a, ajaw Jesús.

1 Tesalonicenses 3:13

Chuqa' niqarayibej chi ri Jesucristo xtuya' ta iwuchuq'a' richin yixok loq'olej, richin keri' man jun ta itzel yixtajin chubanik toq xtipe chik jun bey ri qajaw Jesucristo, e rachibilan-pe konojel ri e loq'olej ri ek'o chik rik'in rija'.

Wuj Richin ri Miqueas 7:7

Jak'a yin Miqueas kan ja ri Jehová ri xtintzu' jantape'. Kan xtinwoyobej k'a ronojel pa ruq'a' ri Dios ri xtikolon wichin, Y ri nu-Dios yin kan xkirak'axaj ri nink'utuj chire.

2 Tesalonicenses 3:5

Ri Cristo xtuben ta k'a chiwe chi yixkoch'on achi'el xkoch'on rija', y chi kan nina' ta pa taq iwánima ri rajowabal ri Dios.

Romanos 8:25

Jak'a roma k'a man jani ek'o ta qik'in ronojel ri utzil ri', k'a e qoyoben na; y kan rik'in k'a janila koch'onik.

Wuj Richin Bix Chire ri Dios 130:5

Yin kan ninkuquba' k'a nuk'u'x rik'in ri Jehová. Ri wánima kan royoben k'a ri ruch'abel.

1 Tesalonicenses 1:10

Y chuqa' nikitzijola' chi iwoyoben ri q'ij toq ri Jesucristo, ri Ruk'ajol ri Dios, xtipe chik jun bey. Rija' xk'astej-pe chikikojol ri kaminaqi' roma ri ruchuq'a' ri Dios. Y chuqa' iwetaman chi ja rija' ri xqojkolon chuwech ri ruk'ayewal ri xtipe.

Wuj Richin ri Habacuc 2:3

Stape' re yinajin chubixik chawe, kan k'a niyaloj na juba' richin nibebanatej Man rik'in ri' kan xtapon k'a ri q'ij richin kan xtibebanatej. Rat kan tawoyobej k'a, roma xa kan xtapon k'a ri q'ij ri'.

Wuj Richin ri Rutikeribel 49:18

Yin kan ninwoyobej k'a ri akolotajik rat Jehová, xcha'.

Ez 7:12

Xoqaqa k'a ri q'ij y xoqaqa k'a ri ramaj toq ri k'ayinel man nikikot ta rik'in ri ruk'ayij y ri loq'onel man nibison ta richin nuya' kan ruméro, roma ninbenya' yan ri rutojbalil pa kiwi' konojel.

San Lucas 21:19

Tikoch'o' ronojel re', y kan xkixkolotej.

San Juan 21:22

Jak'a ri Jesús xubij chire: Wi ta yin ninwajo' chi rija' k'a k'es na toq xkipe chik jun bey, man jun nik'atzin-wi chi jari' ri nach'ob rat. Ri ruk'amon chi naben, ja ri kinatzeqelibej, xcha' ri Jesús.

1 Tesalonicenses 2:19

Roj kan niqajo-wi yojapon iwik'in, roma nikikot qánima chi rix ikuquban ik'u'x rik'in ri Jesucristo rik'in ronojel iwánima. Y roma ri' rik'in kikoten qoyoben ri q'ij toq xtipe ri qajaw Jesucristo. Roma chupan ri q'ij ri' xtikikot ránima ri Jesucristo qik'in roj iwoma rix, chi k'o rejqalen ri xqatzijoj ri ruch'abel ri Dios chiwe.

Santiago 5:3

Ri iméro xtipusir y rik'in ri' kan xtiq'alajin chi man xe'ito' ta ri winaqi'. Y jari' ri xtiporon iwichin. Kan k'iy k'a méro imolon richin ri ruk'isibel taq q'ij.