Santiago 5:5 - Kaqchiquel Bible

⁵ Rix beyoma' jebel ik'aslen y beneq iwánima rik'in ri kikoten richin re ruwach'ulew. Jebel iti'ojirisan-iwi' richin ri q'ij richin ri ikamik, achi'el ri wákix.

နောက်ထပ်ဗားရှင်းများ

Kaqchikel Santo Domingo (Xenacoj)

⁵ Jakꞌa rix, chireꞌ chochꞌulew ikꞌuan jun kꞌaslen ri kin nojel kꞌo iwikꞌin, y nojel ri ndurayij ri iwánima iyoꞌon chare. Itiojrisan iwiꞌ achel wakx ri xe chik koyobꞌen ri qꞌij chin ngekamisex.

Kaqchikel Santa Maria de Jesus

⁵ Ixreꞌ bꞌayomaꞌ, otz ixcꞌo ruma man jun kax nuꞌon falta chivach, y bꞌanak ivánima chirij ri icꞌo choch-ulief. Rumareꞌ xixtiojir can incheꞌl nrajoꞌ ri ivánima, pero xa ya nipa ri camic pan iveꞌ.

Kaqchikel Central Guatemala

⁵ Ri beyoma' jebel quic'aslen y benek cánima riq'uin ri quicoten richin re ruvach'ulef. Jebel e ti'oj, achi'el nurayij ri cánima, y xa nipe yan ri camic chiquij.

Re C'ac'a Testamento pa Kach'abal

⁵ Re biyoma' jabal quic'aslen y binak cánma riq'uin re banabal chach re ruch'ulef. Jabal je tioji', ancha'l nurayij re cánma, y xa nipa-yan re castigo pa quive' reje'.

Kaqchikel Western Solola

⁵ Riyix beyoma', can jabel benak ri iwánima riq'ui re ruwach'ulef. Can yixtajin nic'usaj ic'u'x riq'ui ri itzel tak iraybel. Jabel xixtiojir, ruma nitij ri nurayij ri iwánima, xa yac'a chi ri camic xa nipe yan chiwij.

Santiago 5:5 ပူးပေါင်းရင်းမြစ်များ

1 Timoteo 5:6

Ri malkani' ri xaxe ri kikoten richin re ruwach'ulew nikich'ob, xa e kaminaqi' chik, stape' k'a e k'es na.

San Lucas 16:25

Jak'a ri Abraham xubij chire: Toqaqa k'a chi'ak'u'x, chi toq xak'ase' chuwech ri ruwach'ulew, yalan jebel xak'owisaj ri ak'aslen, jak'a re Lázaro yalan tijoj-poqonal xuk'owisaj. Jak'a re wakami, rija' yalan jebel ri ruk'aslen ri xorila' wawe', y rat xa jun k'aslen richin tijoj-poqonal xawil.

San Lucas 16:19

Ri Jesús xubij k'a: Xk'oje' k'a jun achin ri janila beyom. Rija' ruyon k'a jebel taq tzieq ri jotol kajel ri yerukusala', y q'ij-q'ij nubanala' nima'q taq wa'in.

Am 6:1

Toq'ex iwech rix winaqi' ri man jun nimey ixk'o chiri' pa juyu' Sión; chuqa' rix ri kan ikuquban ik'u'x rik'in ri juyu' Samaria; rix ri kan k'o iwejqalen, ri achoq ik'in ye'apon-wi ri iwinaq richin jun to'onik.

Wuj Richin ri Jeremías 12:3

Jak'a yin, kan awetaman nuwech y chuqa' awetaman chi yin kan nukuquban nuk'u'x awik'in. Roma ri' ke'ak'uaj k'a re winaqi' re' achi'el toq ye'uk'uex-el ri taq karne'l richin yebekamisex. Kan ke'ach'ara' k'a kan richin yekamisex chupan ri q'ij richin ri aq'atbel-tzij.

Apocalipsis 18:7

Tiya' pa q'axo'n y tijoj-poqonal. Roma rija' xunimirisaj-ri', y toq k'o chupan ri itzel k'aslen ri', xubila' k'a pa ránima: Ja yin ri kan achi'el reina in tz'uyul wawe', man in malka'n ta, ni man xtink'owisaj ta chuqa' q'axo'n, xcha-qa.

Wuj Richin ri Jeremías 25:34

¡Kixjilon rix yuq'unela' y kixsik'in roma q'axo'n! roma xapon ri q'ij richin rix kan xkixkamisex achi'el niban chike ri karne'l jebel e ti'oj. Roma ri' tibolqotila-iwi' pan ulew richin nik'ut ri bis.

Wuj Richin ri Isaías 22:13

Jak'a rix xa yixnimaq'ijun, xe'ikamisaj wákix y karne'l richin jebel nitej. Jebel yixqumu vino y nibij: Qojwa-qojuk'ya' roma ri chua'q xa xqojken, yixcha'.

1 Sam 25:36

K'ari' ri Abigail xtzolin-el y toq xapon chirachoch, ri Nabal najin chubanik jun nimaq'ij achi'el nikiben ri rey. Y roma ri ruq'abarik kan janila nikikot ri ránima y roma ri' chupan ri q'ij ri', ri Abigail man jun xubij chire k'a ja toq xseqer-q'anej ri ruka'n q'ij.

Judas 1:12

Ri winaqi' ri' xa nikik'en-pe ruk'ixbilal toq rix nimol-iwi' rik'in ajowabel y junan niben jun wa'in. Xa kan e achi'el ri yuq'unela' ri xaxe rije' nikitzuq-qa-ki' y man yekich'ob ta ri kawej. E achi'el ri sutz' ri man richin ta job ri e uk'uan roma kaq'iq'. Xa e achi'el chaqi'j taq che' ri man nikiya' ta kiwech, achi'el kaminaqi' taq che' ri e k'uqutajineq chik el.

2 Pedro 2:13

Y ri winaqi' ri' xtikik'ul k'a rutojbalil ri kibanobal. Rije' kan jebel nikina' yequmun y yenimaq'ijun stape' xa pa q'ij. Re achi'a' k'a re' kan e tz'il y maneq kik'ix. Yixkiq'ol stape' nikimol chuqa' ki' iwik'in ri pa taq wa'in ri k'o rejqalen.

2 Timoteo 3:4

xkepiskolin chikij ri kachibil, man xtikich'ob ta juba' achike nuk'en-pe ri nikiben y más xtikajo' ri kikoten richin re ruwach'ulew, ke chuwech xtikajo' ta ri Dios,

Romanos 13:13

Roj ojk'o chik chupan ri saqil y roma ri' k'o chi niqak'uaj jun k'aslen utz. Man ruk'amon ta chi yojq'aber, ni yojbe pa taq nima-wa'in akuchi ri winaqi' man nikiq'et ta ki'. Man ruk'amon ta chi ri achi'a' y ri ixoqi' nikikanola-ki' richin yemakun; man jun k'a ruwech etzelal re kere' tiqaben. Man tik'oje' oyowal ni ri ch'upun-k'u'x chiqakojol.

Ez 39:17

Rat Ezequiel, yin ninbij chawe chi ke'awoyoj konojel ri jalajoj kiwech ri aj-xik' taq chikopi' y ri k'uxunela' taq chikopi' y tabij chike chi tikimolo-pe-ki' richin nikitej ri nimalej kamelabel ri nubanon rutzil chike pa ruwi' ri juyu' richin Israel. Xtikitej ti'ij y xtikiqum kik'.

Wuj Richin ri Isaías 56:12

Iwonojel nisuj vino chike ri ch'aqa' chik k'a toq yixq'aber na. Y ri jun chik q'ij chuqa' keri' xtiben, y rik'in juba' más k'ayew ri xtiben.

Wuj Richin ri Isaías 47:8

Re wakami k'a, kan jebel tiwak'axaj re'. Rix kan xaxe ri irayibel ri niben, y kan ikuquban ik'u'x. Kan nibij-qa pan iwánima chi man jun chik achi'el rix. Nich'ob chi ri itinamit man jun bey xtik'is ruchuq'a' y kan xtimalix kan, achi'el jun malka'n ixoq. Chuqa' nich'ob chi kan man jun bey xkek'is-el ri iwalk'ual.

Wuj Richin ri Isaías 3:16

Chuqa' ri Jehová nubij chikij ri ixoqi' aj-Sión; chi janila kinimirisan-ki', kan nikiyek-el ri kijolon chikaj, y kan rik'in ri runaq' taq kiwech yekoyoj ri achi'a'. Toq yebiyin, kan kokoj taq kixak ri nikiya', y nikiben xaxe richin nak'axatej ri kiwiqobel ri k'o chikaqen.

Wuj Richin ri Molojri'il 11:9

Rat ri k'a at k'ajol ala' na, kan kakikot k'a chupan ri ak'ajolil. Rokik ri k'a at k'ajol na, k'iy k'a ri nawajo' naben chupan ri ak'aslen. Y kan jari' ri tabana', xaxe k'a man tamestaj chi ja ri Dios k'o pa ruwi' ronojel, y k'o jun q'ij kan xtuq'et chuqa' tzij pa ruwi' ronojel banobel.

Wuj Richin Etamabel-Tzij 17:1

Xa más jebel chi ri wineq xa chaqwey ri nutej, xaxe wi rik'in kikoten; ke chuwech ek'o jebelej taq rukil y xaxe oyowal pa jay.

Wuj Richin Etamabel-Tzij 7:14

Re wakami, yin kan k'o na k'a chi xinya' ri sipanik richin chi xjunamatej-nuwech rik'in ri Dios, kan xinben yan k'a ronojel ri nusujun chire chi ninben,

Wuj Richin Bix Chire ri Dios 17:14

Rik'in ri aq'a' kinakolo' chikiwech re winaqi' re'; ri xa rik'in re ruwach'ulew kikuquban kik'u'x, ri xa rik'in re k'aslen chuwech re ruwach'ulew yekikot-wi; ri kan nikinojisaj ri kipan rik'in ri abeyomel rat; rik'in ri' yekitzuq ri kalk'ual y kan k'a k'o nik'oje' kan chike ri kiy-kimam.

1 Sam 25:6

Ninwajo' chi nik'oje' uxlanibel-k'u'x awik'in y chuqa' kik'in ri ek'o pan awachoch y konojel ri ek'o awik'in.

Wuj Richin Bix Chire ri Dios 73:7

Ri runaq' taq kiwech kan achi'el ye'el-pe roma kitiojil; ronojel ri nurayij ri kánima kan nikil.

Ez 16:49

Jare' k'a ri rumak ri xuben ri awach'alal Sodoma y ri kokoj taq rutinamit: Rije' kan xkinimirisaj k'a ki'. Chuqa' kan pa ruk'iyal ri xk'oje' kik'in, jak'a man xekito' ta ri e poqonatajineq y ri e molonel.