Santiago 5:13 - Kaqchiquel Bible

¹³ Y wi k'o jun chi'ikojol ri k'o pa tijoj-poqonal, tich'on rik'in ri Dios. Wi k'o jun nikikot ri ránima, tubixaj rubi' ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

¹³ Si kꞌo jun nduqꞌasaj kꞌayew chiꞌikajal, tubꞌanaꞌ orar. Si kꞌo jun ndikikot, tubꞌixaj rubꞌiꞌ ri Dios.

Kaqchikel Santa Maria de Jesus

¹³ Y xa cꞌo jun chicajol ri nuꞌon sufrir, tubꞌanaꞌ orar. Xa cꞌo jun niquicuot ri ránima, tubꞌixaj rubꞌeꞌ ri Dios.

Kaqchikel Central Guatemala

¹³ Y vi c'o jun chi'icojol ri c'o pa tijoj-pokonal, tubana' c'a orar. Vi c'o jun niquicot ri ránima, tubixaj rubi' ri Dios.

Re C'ac'a Testamento pa Kach'abal

¹³ Y vo xa c'o jun chi'icojol re c'o pa tijoj-pokonal, tubana' orar. Vo xa c'o jun niqui'cot ránma, tubixaj rube' re Dios.

Kaqchikel Western Solola

¹³ Y wi c'o jun chicojol ri c'o pa tijoj pokonal, tubana' c'a orar. Wi c'o jun niquicot ri ránima, tubixaj rubi' ri Dios.

Santiago 5:13 ပူးပေါင်းရင်းမြစ်များ

Wuj Richin Bix Chire ri Dios 50:15

Y kan kinawoyoj k'a chupan ri q'ij richin tijoj-poqonal. Y yin kan xkatinkol y rat kan xtaya' nuq'ij.

Efesios 5:19

Tipixabala-iwi' rik'in ri ch'abel ri kik'uan ri jalajoj kiwech bix. Y kan kixbixan k'a richin tiya' ruq'ij ri Dios.

Wuj Richin ri Jonás 2:2

Y kere' k'a xubij: Chupan ri nuq'axo'n xich'on awik'in rat, Jehová, y kan xinawak'axaj k'a. Toq xik'oje' chuwi' kamik xich'on awik'in, y kan xawak'axaj ri nuch'abel.

Hebreos 5:7

Toq ri Cristo k'a k'o na wawe' chuwech re ruwach'ulew y xapon chuwech ri tijoj-poqonal, xch'on rik'in ri Dios rik'in ronojel ruchuq'a', xoq' y xuk'utuj chire chi tuto', roma retaman chi ri Dios kan nitikir-wi nuto' chuwech ri kamik. Y ri Dios kan xrak'axaj-wi ri Cristo, roma rija' kan ruya'on-wi ruq'ij ri Dios.

Wuj Richin ri Jonás 2:7

Toq xinna' chi nipe yan ri kamik, yin xatinkanoj, y kan xinato'. Y ri nuch'abel xapon awik'in ri akuchi atk'o-wi.

Os 6:1

Kixanpe y titzolej qak'u'x rik'in ri Jehová. Ja rija' ri xojya'on pa tijoj-poqonal, ja rija' ri xtik'achojirisan chik qichin. Ja rija' ri xojsokon, ja rija' ri xtaq'oman chik qichin.

Apocalipsis 14:3

Chuwech k'a apo ri akuchi tz'uyul-wi ri Dios y ri akuchi ek'o-wi ri achi'a' ri k'o kiq'ij y ri e kaji' ri k'o kik'aslen, chiri' yebixan-wi, y jun k'ak'a' bix k'a ri nikibixaj. Y kan man jun k'a nitikir netaman ri bix ri', xa kan xaxe ri e 144,000 ri e kolotajineq chik el chuwech ri ruwach'ulew.

San Lucas 22:44

Y kan janila k'a q'axo'n ri k'o pa ránima. Roma ri' kan rik'in k'a ronojel ránima nich'on rik'in ri Dios. Y roma ri' xuchop nitz'oqpin. Y ri ya' ri nel chirij kan nima'q taq tz'uj, achi'el toq jun nibiyin rukik'el.]*f36*

San Mateo 26:30

Y toq kibixan chik k'a ri bix richin nikiya' ruq'ij ri Dios, ri Jesús y ri rutijoxela' xe'el-el ri chiri' pa jay y xebe ri pa juyu' richin Olivo.

Dn 5:4

Yequmun k'a y nikiya' ruq'ij ri ki-dios ri xa e banon rik'in q'anapueq, saqipueq, q'enq'oj-pueq, q'eqapueq, che' y abej.

Wuj Richin Bix Chire ri Dios 118:5

Kan chupan k'a ri nuq'axo'n xinnataj rubi' ri Jehová, y rija' kan xirak'axaj k'a, y xirukol.

Wuj Richin Bix Chire ri Dios 91:15

Rija' k'o xtuk'utuj chuwe, y yin xtink'uluba-pe ri ruch'abel. Kan xkik'oje' rik'in pa bis, Xtinkol k'a y xtinnimirisaj ruq'ij.

Apocalipsis 7:10

Y konojel rik'in kuchuq'a' nikibij: Re xojkolotej, kan xaxe ri Dios ri tz'uyul chupan ri tz'uyubel ri xbanon, kan xaxe ri Karne'l ri xkolon qichin, yecha'.

1 Corintios 14:26

Wach'alal, ri ruk'amon chi niben toq nimol-iwi'; wi ek'o chiwe rix ri yebixan, ri yetijon, ri yeq'alajirisan ri ruch'abel ri Dios, ri yech'on pa ch'aqa' chik ch'abel y ri yeq'axan, ronojel ta re' nik'atzin ta chi ri qach'alal yek'iy rik'in ri kik'aslen.

San Lucas 23:42

Y ri eleq'om ri' xubij k'a apo chire ri Jesús: Kinoqaqa k'a chi'ak'u'x, toq xkape y ja rat chik ri at rey, xcha'.

Wuj Richin ri Miqueas 4:5

Stape' ri ch'aqa' chik winaqi' xkebiyin pa rubi' ri ki-dios, man rik'in ri' roj kan xqojbiyin pa rubi' ri Jehová ri qa-Dios, richin q'asen y tibe-q'ij tibe-seq.

Wuj Richin Bix Chire ri Dios 105:2

Kan tiya' k'a ri bix chire; tibixaj ri rubi'. Kixtzijon pa ruwi' ri meyel taq rubanobal.

Wuj Richin Bix Chire ri Dios 95:2

Qojapon k'a chuwech rija' rik'in matioxinik. Kan tiqanimirisaj k'a ruq'ij rik'in kikoten.

Wuj Richin Bix Chire ri Dios 18:6

Chupan k'a ri nimalej bis ri' xich'on rik'in ri Jehová, xink'utuj utzil chire richin yiruto'. Rija' kan xirak'axaj-pe k'a ri akuchi-k'o-wi, ri nuch'owen rik'in, xapon k'a chuwech rija' y kan xrak'axaj.

Wuj Richin ri Achin Job 33:26

Toq rija' xtich'on-el rik'in ri Dios, kan xtik'ul-wi jebel, re' kan xtuben chire chi xtuya' ruq'ij ri Dios rik'in kikoten; y ri Dios kan xtuben chire chi xtich'akon y xtikolotej chuwech ri kamik.

1 Crón 16:9

Xqojbixan k'a richin niqaya' ruq'ij-ruk'ojlen. Kan tiqatzijoj ri meyel taq banobel ri yeruben.

Wuj Richin ri Isaías 65:14

Rije' xkebixan rik'in janila kikoten, jak'a rix kan xkixoq' y xtireq ichi' roma bis y q'axo'n.

1 Corintios 14:15

¿Achike k'a ri k'o chi ninben? Roma yin ninwajo' yich'on rik'in ri Dios rik'in ri wánima y rik'in chuqa' ri nunojibal. Y keri' chuqa' ninwajo' yibixan rik'in ri wánima y rik'in chuqa' ri nunojibal.

Santiago 5:10

Kan kixkoch'on k'a, achi'el xkiben ri achi'a' ojer kan, ri xeq'alajirisan ri ruch'abel ri ajaw, ri kan xkikoch'ola' ri tijoj-poqonal.