Santiago 5:1 - Kaqchiquel Bible

¹ Wakami k'o jun ninwajo' ninbij chiwe rix beyoma'. Ninbij k'a chiwe chi ruk'amon chi yixoq', kixsik'in chi oq'ej, roma janila tijoj-poqonal ri xtipe pan iwi'.

နောက်ထပ်ဗားရှင်းများ

Kaqchikel Santo Domingo (Xenacoj)

¹ Rix bꞌeyomaꞌ, tiwakꞌaxaj reꞌ:¡Kixoqꞌ y kixsikꞌin chi oqꞌej roma ri pataneq pa iwiꞌ!

Kaqchikel Santa Maria de Jesus

¹ Vacame cꞌo ri nivajoꞌ niꞌej chica ri bꞌayomaꞌ: Quixuokꞌ, can tirakaꞌ ichiꞌ quixuokꞌ, ruma nem ri sufrimiento ri xtipa pan iveꞌ.

Kaqchikel Central Guatemala

¹ Vacami c'o jun ninvajo' ninbij chique ri beyoma'. Ninbij c'a chique chi ruc'amon chi que'ok', quesiq'uin chi ok'ej, roma janíla ri tijoj-pokonal ri xtipe pa quivi'.

Re C'ac'a Testamento pa Kach'abal

¹ Vocame c'o chuka' jun tzij ninjo' nimbij chique re biyoma'. Nimbij chique che ruc'amon che que'ok', que'siq'uin che ok'ej, roma camas re tijoj-pokonal re xtipa pa quive' reje'.

Kaqchikel Western Solola

¹ Wacami tiwac'axaj na c'a riyix beyoma' chi can ruc'amon chi yixok', can tiraka' ichi' chi ok'ej, ruma sibilaj q'uiy ri tijoj pokonal ri xtipe pan iwi'.

Santiago 5:1 ပူးပေါင်းရင်းမြစ်များ

Wuj Richin Etamabel-Tzij 11:28

Ri wineq ri kan nukuquba' ruk'u'x rik'in ri beyomel k'o rik'in, xa xtitzaq, jak'a ri kan choj ri ruk'aslen, kan nibek'ulun-pe achi'el ri rex ruxaq-che'.

Wuj Richin ri Jeremías 9:23

Chirij ri', ri Jehová xubij: Tiqasaj-iwi' y man tinimirisaj k'a iwi' rix ri k'o na'oj iwik'in. Chuqa' rix ri k'o iq'ij, man tinimirisaj k'a iwi' rik'in ri'. Y rix ri ix beyoma' man tinimirisaj k'a iwi' roma ri beyomel.

Wuj Richin Etamabel-Tzij 11:4

Toq ri Dios xtuq'et-tzij, ri beyomel xa man xtukol ta ri wineq, jak'a ri chojmilej k'aslen kan nukol ri wineq chuwech ri kamik.

Santiago 1:11

roma toq nipe ruwech ri q'ij, ri q'ayis y ri rusi'j xa nichaqi'j y nik'is-qa, stape' kan jebel nitzu'un ri pa nabey. Kan keri' chuqa' nuk'uluwachij ri beyom rik'in ri rubeyomel, eqal-eqal nik'is qa.

Wuj Richin ri Miqueas 6:12

Rix beyoma' rik'in iwuchuq'a' nichop ri niwajo' rix. Rix xaxe tz'ukuj-tzij ri nibij, y kan xaxe k'a ri q'oloj ri niben.

Wuj Richin ri Sofonías 1:18

Stape' ri winaqi' k'o saqipueq y q'anapueq kik'in, man jari' ta xtikolon kichin chuwech ri royowal ri Jehová. Roma ri ruq'aq'arinen ri royowal ri Jehová kan xtuk'is chijun ri ruwach'ulew, y konojel k'a ri winaqi' ri ek'o chiri' kan chi'anin k'a xkek'is.

Wuj Richin ri Isaías 13:6

Kixsik'in k'a roma bis pa kiwi' ri aj-Babilonia, roma ri q'ij richin nuq'et-tzij ri Jehová kan xtipe-wi. Kan xtipe ri Dios ri k'o ronojel uchuq'a' pa ruq'a' richin nutoloba' kan chijun ri kiruwach'ulew.

Santiago 4:13

Y wakami tiwak'axaj k'a rix ri nibij: Wakami o chua'q yojbe pa jun chik tinamit richin yojk'oje' chiri' jun juna', richin yojloq'on y yojk'ayin richin niqach'ek qaméro, yixcha'.

Santiago 2:6

Man rik'in ri', rix xa iqasan kiq'ij ri winaqi' ri man jun ok k'o kik'in. ¿Kan man noqaqa ta k'a chi'ik'u'x chi xa ja ri beyoma' ri yeya'on iwichin pa k'ayew? ¿Man noqaqa ta chi'ik'u'x chi xa ja chuqa' rije' ri yixqiriren-apo pa taq q'atbel-tzij richin nikiq'abaj tzij chiwij?

Deut 32:15

Jak'a rix aj-Jesurún,*f5* toq jebel xixtzuq yan, xa xixyakatej chirij ri xilin iwichin. Rix xixok k'a achi'el jun chikop ri liq'-liq' rij, kan jebel k'a xixti'ojir. Jari' toq kan xipiskolij-el-iwi', jari' toq xixbe nej chire ri Dios ri xbanon iwichin. Xa xiwetzelaj kan ri Dios, ri nimalej abej, ri akuchi xiwil to'onik.

Joel 1:11

Kan janila k'a kixbison rix tikonela', tiraqa' ichi' roma bis rix tikoy taq uva; roma ri trigo y ri cebada xa xk'is-el kiwech.

Joel 1:5

Roma ri', kixyakatej rix q'abarela', y kixoq'. Tiraqa' ichi' roma bis chi'iwonojel ri yixqumu vino, roma ri ruya'al uva kan xelesex-el chiwe.

Ez 19:2

Ri tinamit Israel kan janila k'a'el achi'el jun ixoq koj, jari' ri más k'a'el chikikojol ri ch'aqa' chik koj. Y jupul chikikojol ri taq ral, richin xeruk'iytisaj.

Wuj Richin ri Jeremías 4:8

Roma ri' tikusaj k'a tzieq richin bis. Kixoq' y kixjilon roma ri q'axo'n, roma ri Jehová man relesan ta ri nimalej royowal chiqij.

Santiago 4:9

Tina' q'axo'n pa taq iwánima, kixbison y kixoq' roma ri imak. Rix ri yixtze'en roma ri kikoten richin re ruwach'ulew, man chik kixtze'en. Xa kixoq'. Rix ri janila kikoten ina'on chupan re ruwach'ulew, xa kixbison.

Joel 1:13

Tikusaj itziaq richin bis rix sacerdote; tiraqa' ichi' roma bis rix ri ix richin ri qa-Dios. Kixbison chi junaq'a' rix ri yixsamej rik'in ri porobel, roma pa rachoch ri qa-Dios maneq chik sipanik napon; achi'el ri vino y ri jalajoj ruwech ixin.

Wuj Richin Bix Chire ri Dios 17:14

Rik'in ri aq'a' kinakolo' chikiwech re winaqi' re'; ri xa rik'in re ruwach'ulew kikuquban kik'u'x, ri xa rik'in re k'aslen chuwech re ruwach'ulew yekikot-wi; ri kan nikinojisaj ri kipan rik'in ri abeyomel rat; rik'in ri' yekitzuq ri kalk'ual y kan k'a k'o nik'oje' kan chike ri kiy-kimam.

Wuj Richin ri Isaías 15:3

Ri pa taq bey konojel ri winaqi' xkebiyaj rik'in tzieq qiriqoj richin bis; pa ruwi' ri taq kachoch xkesik'in roma q'axo'n. Ri pa taq nima'q ruwech bey, konojel ri winaqi' man xtik'oje' ta chik kuchuq'a' roma janila xke'oq'.

Ez 30:2

Rat Ezequiel, taq'alajirisaj re jun rutzijol re' y tabij chi kere' ninbij yin: Kan xkixsik'in k'a, toq xtapon ri q'ij ri'.