Santiago 4:9 - Kaqchiquel Bible

⁹ Tina' q'axo'n pa taq iwánima, kixbison y kixoq' roma ri imak. Rix ri yixtze'en roma ri kikoten richin re ruwach'ulew, man chik kixtze'en. Xa kixoq'. Rix ri janila kikoten ina'on chupan re ruwach'ulew, xa kixbison.

နောက်ထပ်ဗားရှင်းများ

Kaqchikel Santo Domingo (Xenacoj)

⁹ ¡Kixbꞌison, tiqꞌaxa iwánima y kixoqꞌ roma ri imak! ¡Rix ri ngixtzeyaj roma ri itzel teq achike ngeꞌibꞌanalaꞌ, titzꞌamaꞌ oqꞌej, y rix ri ndikikot ri iwánima roma ri itzel teq achike ngeꞌibꞌanalaꞌ, kixbꞌison!

Kaqchikel Santa Maria de Jesus

⁹ Tinaꞌ kꞌaxuon riqꞌuin ivánima, quixbꞌisuon y quixuokꞌ ruma ri i-pecado. Ixreꞌ ri nquixtzeꞌn ruma nquixquicuot riqꞌuin ri cꞌo choch-ulief, xa quixuokꞌ. Ixreꞌ ri altíra nquixquicuot choch-ulief, xa quixbꞌisuon.

Kaqchikel Central Guatemala

⁹ Tina' c'a k'axo'n pa tak ivánima, quixbison y quixok' roma ri imac. Rix ri yixtze'en roma ri quicoten richin re ruvach'ulef, man chic quixtze'en. Xa quixok'. Rix ri janíla quicoten ina'on chupan re ruvach'ulef, xa quixbison ri pa tak ivánima.

Re C'ac'a Testamento pa Kach'abal

⁹ Tina' k'axomal pa tak ivánma, quixbison y quixok' roma re imac. Yex re yixtze'en roma yixqui'cot chach re ruch'ulef, man chic quixtze'en. Xa quixok', xa quixbison pa tak ivánma.

Kaqchikel Western Solola

⁹ Tina' c'a k'axon pa tak iwánima, quixbison y quixok' ruma ri imac. Riyix ri yixtze'en ruma ri quicoten riche (rixin) re ruwach'ulef, ma quixtze'en ta chic. Xa quixok'. Riyix ri sibilaj quicoten ina'on chuwech re ruwach'ulef, xa quixbison pa tak iwánima.

Santiago 4:9 ပူးပေါင်းရင်းမြစ်များ

Wuj Richin ri Nehemías 8:9

Konojel k'a ri winaqi' toq xkak'axaj ri nubij ri pixa' janila k'a xe'oq'. Yin Nehemías, ri sacerdote Esdras y ri e levita ri yojq'axan chikiwech ri winaqi', xqabij k'a chike: Man jun k'a chiwe rix tibison, ni man jun toq', roma re q'ij re' kan ch'aron-wi chire ri Jehová ri qa-Dios, xojcha'.

Wuj Richin ri Achin Job 30:31

Ri ruch'abel ri arpa ri nuq'ojom, kan bis-bis k'a ninwak'axaj yin, y ri niq'ajan ri nuxul, xa achi'el nujililej oq'ej.

Wuj Richin Bix Chire ri Dios 119:136

Yin kan yinoq' k'a roma q'axo'n, roma yentz'et ri winaqi' chi man nikitaqej ta ri apixa'.

Wuj Richin Bix Chire ri Dios 119:67

Nabey chuwech richin xaya' tijoj-poqonal pa nuwi', yin xa man nutzeqeliben ta ri abey, jak'a re wakami kan nutaqen k'a ri apixa'.

Wuj Richin Bix Chire ri Dios 119:71

Janila utz xuben chuwe toq rat xinaya' pa tijoj-poqonal, richin yin ninwetamaj ri apixa'.

Wuj Richin Etamabel-Tzij 14:13

Ri wineq stape' kan nitze'en ruwech, ri pa ránima xa nutej poqon; y xaxe nitane-qa chi tze'en, kan jari' noqaqa chik ri bis rik'in.

Wuj Richin ri Molojri'il 2:2

Y yin chuqa' xinbij k'a chire ri tze'en: Rat xa yach'ujirisan y chire ri kikoten xinbij: Rat xa man jun utz nak'en-pe, xicha'.

Wuj Richin ri Jeremías 31:13

Ri xtani' kan xkeropilan rik'in kikoten, keri' chuqa' ri alaboni' y ri rijita'q. Yin kan xtinya' kuqubabel-k'u'x kik'in. Xtinwelesaj-el ri koq'ej y pa ruk'exel ri' xtinya' kikoten chike.

Wuj Richin ri Jeremías 31:9

Xkepe rik'in oq'ej y nikik'utuj utzil chuwe. Y yin xkenk'uaj chunaqaj ch'uti'n raqen taq ya', pa jun bey ri kan choj nibe, ri akuchi ri kan man xtikipajk'ij ta kaqen. Roma yin kan in jun tata'aj richin ri tinamit Israel y ri Efraín ri nabey nuk'ajol.

Wuj Richin ri K'uxla'anik 5:15

Kan man jun chik k'a ri kikoten pa qánima. Pa ruk'exel yojtzopin ta roma kikoten, xa kan ruyon q'axo'n k'o.

Ez 16:63

Y chupan k'a ri q'ij ri' yin kan utz chik xkatintz'et rat Jerusalem. Y kan xtoqaqa chi'ak'u'x ri xaben y xtik'oje' ak'ix. Y kan man jun bey chik xtikijeq pa kichi' chawij. Ja yin Jehová ri yibin, xcha'.

Ez 7:16

Y ri winaqi' ri ek'o kan chupan ri tinamit, xa xke'animej-el pa taq juyu'. Y toq ye'oq' roma ri kimak, xa xkeq'ajan achi'el nikiben ri taq paloma.

San Mateo 21:41

Ri winaqi' xkibij k'a: Ri rajaw ri ulew man k'a xtujoyowaj ta kiwech ri itzel taq qajoy-ulew y xkeruk'is; y k'ari' ri rulew xtuya' chik kan pa qajik chike ch'aqa' chik qajoy taq ulew, ri kan xtikiya-wi ri uva qajibel richin, toq napon ri ruq'ijul, xecha'.

San Mateo 5:4

Jebel ruwa-kiq'ij ri ye'oq' wakami, roma rije' kan xtibekuqubex kik'u'x.

San Lucas 16:25

Jak'a ri Abraham xubij chire: Toqaqa k'a chi'ak'u'x, chi toq xak'ase' chuwech ri ruwach'ulew, yalan jebel xak'owisaj ri ak'aslen, jak'a re Lázaro yalan tijoj-poqonal xuk'owisaj. Jak'a re wakami, rija' yalan jebel ri ruk'aslen ri xorila' wawe', y rat xa jun k'aslen richin tijoj-poqonal xawil.

San Lucas 6:21

Jebel ruwa-iq'ij rix ri yixnum, roma ri Dios xtuben k'a chiwe chi xtich'uch'u' ri iwánima. Jebel ruwa-iq'ij rix ri yixoq', roma ri Dios xtujel ri iwoq'ej rik'in tze'en.

San Lucas 6:25

Toq'ex iwech rix ri yixwa' jebel, roma xtapon k'a ri q'ij toq xtitej wayjal. Toq'ex k'a iwech rix ri jebel yixtze'en wakami, roma xtapon ri q'ij toq xtok ri oq'ej iwik'in, roma ri bis.