Santiago 4:5 - Kaqchiquel Bible

⁵ Jak'a chupan ri ruch'abel ri Dios, nubij chi rija' janila yojrajo' roma ri ru-espíritu ri ruya'on qik'in.

နောက်ထပ်ဗားရှင်းများ

Kaqchikel Santo Domingo (Xenacoj)

⁵ Ma tinojij rix chi maneq reqalen ri tzꞌibꞌan kan chupan ri rutzij ri Dios ri kereꞌ ndubꞌij: Ri Dios santienta ndirajoꞌ ri espíritu ri ruyoꞌon chaqe. Keriꞌ tzꞌibꞌan kan.

Kaqchikel Santa Maria de Jesus

⁵ ¿O ntiꞌan pensar chi ri tzꞌibꞌan can chupan ri ruchꞌabꞌal ri Dios man ketzij ta, ruma nuꞌej chi rutakuon-pa ri Espíritu Santo chi nicꞌujieꞌ riqꞌuin kánima? Y ri Espíritu Santo altíra nkojrajoꞌ y nrajoꞌ chi joꞌc ta ri Dios ri nakajoꞌ. Quireꞌ nuꞌej chupan ri ruchꞌabꞌal ri Dios.

Kaqchikel Central Guatemala

⁵ Y man tich'ob chi man kitzij ta ri tz'ibatel can chupan ri ruch'abel ri Dios, tok nubij chi ri Dios rutakon-pe ri Lok'olej Espíritu richin nic'oje' pa tak kánima. Y ri Lok'olej Espíritu ri' janíla yojrajo', y can rurayibel chi xaxe ta ri Dios ri nikajo'. Queri' nubij chupan ri ruch'abel ri Dios ri tz'ibatel can.

Re C'ac'a Testamento pa Kach'abal

⁵ Y man tinojij che man katzij-ta re tz'iban can chupan re ruch'abal re Dios, tak nubij che re Dios rutakom-pa re Espíritu Santo chin nic'ue' pa tak kánma. Y re Espíritu Santo re' camas yojrajo', y can nrajo' che xe-ta re Dios re nakajo'. Quire' nubij chupan re ruch'abal re Dios re tz'iban can.

Kaqchikel Western Solola

⁵ Y man xa tich'ob chi man ta kitzij ri tz'ibatal ca chupan ri ruch'abel ri Dios, tek nubij chi ri Lok'olaj Espíritu ri rutakon pe ri Dios riche (rixin) chi nic'oje' pa tak kánima sibilaj yojrajo', y can ruraybel chi xaxu (xaxe) ta wi ri Dios ri nikajo'. Queri' nubij ri tz'ibatal ca.

Santiago 4:5 ပူးပေါင်းရင်းမြစ်များ

Wuj Richin ri Rutikeribel 26:14

Xek'oje' k'a k'iy tzobaj kokoj y nima'q taq rawej y xk'oje' chuqa' k'iy rutiko'n. Roma ri' ri aj-Filistea xch'upun-kik'u'x chirij.

Wuj Richin ri Rutikeribel 30:1

Toq ri Raquel xunabej chi man yek'oje' ta ral, janila xch'upun-ruk'u'x chirij ri runimal y xubij chire ri Jacob: Katalk'ualan k'a wik'in, roma wi man xtik'oje' ta wal xkiken roma bis, xcha'.

Wuj Richin ri Rutikeribel 37:11

Ri rach'alal nich'upun kik'u'x chirij, jak'a ri rutata' janila nuch'ob rij re achik' re'.

Wuj Richin ri Rutikeribel 38:9

Jak'a ri Onán kan retaman-wi chi wi yek'oje' rijatzul rik'in ri rixnan, man ye'ok ta richin rija' y roma ri' toq nik'oje' rik'in ri rixnan nuben chi man nijatzun ta kan rik'in, xa pan ulew nuya-wi-el.

Wuj Richin ri Rutikeribel 6:5

Y ri Jehová xutz'et ronojel ketzelal ri winaqi' chi kan man utz ta ri kibanobal y ri kich'obonik, ri nalex-pe pa taq kánima, kan beneq ruwech janila itzel,

Wuj Richin ri Rutikeribel 8:21

Y ri Jehová kan xqa' chuwech y kan nijubulin ri ruxla' ri kamelabel, y xubij pa ránima: Man jun bey chik xtinya' ruk'ayewal pa ruwi' re ruwach'ulew roma ri rumak ri wineq; stape' ri wineq xaxe nuch'ob nimakun ri k'a pa ralaxik-pe; kan man k'a xkenkamisaj ta chik konojel ri k'o kik'aslen, achi'el re xinben wakami.

Wuj Richin Bix Chire ri Dios 106:16

Xch'upun kik'u'x chirij ri Moisés chiri' akuchi ek'o-wi-qa, keri' chuqa' xkiben chire ri Aarón, ri kan cha'on roma ri Jehová.

Wuj Richin Bix Chire ri Dios 37:1

Man tipe awoyowal koma ri aj-maki', ni man tich'upu-ak'u'x chikij roma ri mak ri nikiben.

Wuj Richin Etamabel-Tzij 21:10

Ri ránima ri wineq banoy richin etzelal, xaxe ri itzel taq banobel ri niqa' chuwech nuben, roma ri' ri winaqi' ri k'o kachoch chunaqaj ri rachoch rija', ni rije' man jun utzil ri nikil ta rik'in.

Wuj Richin ri Molojri'il 4:4

Chuqa' xintz'et chi ri ruk'ayewal ri samaj y ri ch'akoj chupan jun samaj xa nuk'amala-pe ch'upun-k'u'x chiqakojolil, chuqa' re' xa q'axel y xa man tikirel ta nawil ronojel ri nawajo'.

Wuj Richin ri Isaías 11:13

Ri ch'upun-k'u'x ri k'o kik'in ri qawinaq ri ek'o pa xaman chire ri ruwach'ulew Israel kan xtik'is. Y man itzel ta chik xtikina' chiqe roj ri ojk'o wawe' pa ruwach'ulew Judá. Chuqa' ri ch'upun-k'u'x ri k'o kik'in ri qawinaq ri ek'o wawe' pa Judá kan xtik'is. Y man itzel ta chik xtikina' chike ri ek'o chiri' pa xaman.

Wuj Richin ri Q'axanri'il 11:29

Jak'a ri Moisés xubij chire: ¿Achike roma niq'axon awánima roma re'? ¿Nach'ob rat chi xaxe yin ri yibanon re samaj re'? Jebel ta ri' wi ta ri Dios nuya' ta pe ri ru-Espíritu pa kiwi' konojel ri qawinaq chi nikiq'alajirisaj ri ruch'abel achi'el rije', xcha'.

Wuj Richin ri Q'axanri'il 23:19

Ri Dios man junan ta rubanik rik'in jun achin y nutz'uk ta tzij, rija' man wineq ta richin chi nujel ruch'obonik. Ronojel ri nusuj rija', kan nuben-wi. Toq nich'on k'a rija', kan nibanatej-wi.

San Juan 10:35

Kan qetaman k'a chi ri ruch'abel ri Dios kan qitzij richin jantape'. Rija' kan xubij dios chike ri achoq chire xuya-wi ri ch'abel ri'.

San Juan 19:37

Y chupan ri ruch'abel ri Dios, kan k'o chik k'a jun ri tz'ibatel kan chirij ri Jesús, y nubij:*f24* Kan xtikitzu-wi k'a ri jun ri xkiju' jun kum pa ruch'akul, nicha'.

San Juan 7:42

Roma ri ruch'abel ri Dios ri tz'ibatel kan nubij chi ri Cristo rijatzul kan ri rey David. Ri chiri' pa Belén, ri tinamit ri xalex-wi ri David, chiri' k'o chi nipe-wi, yecha'.

Hechos 7:9

Rije' itzel k'a xkina' chire ri kichaq' José. Roma ri' toq xkik'ayij-el, y xuk'uex-el k'a pan Egipto. Jak'a ri Dios kan k'o-wi rik'in ri José,

Romanos 1:29

Kan konojel yekibanala' ri man pa ruchojmilal ta, nikibanala' etzelal chike ri ch'aqa' chik, nikirayij ri k'o rik'in jun chik, k'iy etzelal nikirayij nikiben chike ri ch'aqa'. Janila ch'upun-k'u'x ri k'o kik'in, yekamisan, nikiben oyowal, yeq'olon, yekamulun-tzij,

Romanos 9:17

Toqaqa chi'ik'u'x ri xubij ri Dios chirij ri rey richin Egipto:*f21* Jak'a yin kan qitzij ri ninbij chawe chi kan nuya'on-wi ri ak'aslen, richin chi ri nibanatej awik'in, xtuben chi niq'alajin ri wuchuq'a' yin; y keri' kan xtinimirisex k'a ri nubi', chuwech chijun re ruwach'ulew.

1 Corintios 6:19

¿Man iwetaman ta k'a chi rix ix rachoch chik ri Loq'olej Espíritu? Rija' peteneq rik'in ri Dios, y pa taq iwánima k'o-wi. Y roma ri' ri ich'akul kan man iwichin ta chik rix.

2 Corintios 6:16

¿Kan yek'oje' ta kami ri wachibel chupan ri rachoch ri Dios? Roma kan ja roj ri oj rachoch ri k'aslik Dios. Roma ri' rija' kan keri' wi k'a rubin:*f4* Jantape' k'a xkik'oje' chi'ikojol y kan ja yin ri i-Dios y rix kan ix nutinamit, nicha'.

Gálatas 3:8

Y chupan ri ruch'abel ri Dios, niq'alajin chi ri Dios kan xtuben-wi k'a chike ri winaqi' ri man e judío ta chi man jun kimak yek'ulun chuwech rija' wi nikikuquba' kik'u'x rik'in. Y chuqa' xbix k'a chire ri Abraham chi roma rija', konojel winaqi' richin chijun ruwach'ulew kan xtikik'ul-wi ri utzil.*f5*

Tito 3:3

Roma toq rubanon kan, roj chuqa' oj nakaneq rik'in ri qach'obonik. Man xojniman ta tzij, y yalan oj sachineq ri chiri'. Man xojtikir ta xqaq'il-qi' chuwech ri mak. Xa kan xqaben ronojel ri itzel ri xqarayij. Yalan itzel ri qak'aslen xqak'uaj. Itzel xeqatz'et ri ch'aqa' chik roma ri utz k'o kik'in. Y kan niqetzelaj-qi'.