Santiago 4:4 - Kaqchiquel Bible

⁴ Rix ri ichapon chi niya' kan ri Dios, ¿man iwetaman ta k'a chi wi nibe iwánima chirij re ruwach'ulew, niq'alajin chi niwetzelaj ri Dios? Roma ri', rix ri iwojqan re ruwach'ulew, kan niq'alajin k'a chi ix etzelanel richin ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

⁴ ¡Rix ma xe ta chare ri Dios iyoꞌon ri iwánima! ¿La ma iwetaman ta kꞌa si ndibꞌa iwánima chirij ri ndusuj ri rochꞌulew, rix yakatajneq chirij ri Dios? Romariꞌ konojel ri ndibꞌa kánima chirij ri ndusuj ri rochꞌulew, kin eyakatajneq chirij ri Dios.

Kaqchikel Santa Maria de Jesus

⁴ Ixreꞌ ri ntivajoꞌ ntiyaꞌ can ri Dios, ¿man ivataꞌn ta cꞌa chi xa niꞌa ivánima chirij ri cꞌo choch-ulief, nikꞌalajin chi itziel ntitzꞌat ri Dios? Y chica-na chivach ri nrajoꞌ niꞌa chirij ri icꞌo choch-ulief, can ntuoc-ka jun ru-enemigo ri Dios.

Kaqchikel Central Guatemala

⁴ Rix ri ichapon chic niya' can ri Dios, ¿man ivetaman ta c'a chi vi nibe ivánima chirij re ruvach'ulef, nik'alajin chi nivetzelaj ri Dios? Romari', rix ri ivojkan chic re ruvach'ulef, can nik'alajin c'a chi ix ru-enemigos na vi ri Dios, roma xa nivetzelaj can.

Re C'ac'a Testamento pa Kach'abal

⁴ Yex re can nijo' niya' can re Dios, can itaman che tak niba ivánma chij re banabal chin re ruch'ulef, nik'alajin che nitzelaj re Dios. Mare', yex re can niban ronojel re c'o chach re ruch'ulef, can nik'alajin che yex yix ru-enemigos re Dios, roma xa nitzelaj can.

Kaqchikel Western Solola

⁴ Riyix ri xinimaj ri Dios y wacami ichapon chic niya' ca, ¿la ma iwetaman ta c'a chi tek nibe iwánima chrij ri raybel riche (rixin) re ruwach'ulef, nik'alajin chi niwetzelaj ri Dios? Rumari', riyix ri benak chic iwánima chrij ri raybel riche (rixin) re ruwach'ulef, can nik'alajin c'a chi riyix ntoc ic'ulel ri Dios, ruma xa niwetzelaj ca.

Santiago 4:4 ပူးပေါင်းရင်းမြစ်များ

Romanos 8:7

Ri e uk'uan roma ri itzel taq rayibel kan e etzelanel richin ri Dios. Kan man nikinimaj ta ri nubij ri rupixa', y kan man yetikir ta nikinimaj.

Gálatas 1:10

¿Y achike nibij rix? ¿Ninben kami yin chi utz yitz'et koma ri winaqi', o ninben chi utz yitz'et roma ri Dios? Yin man ninben ta chi yiqa' chikiwech ri winaqi'. Roma wi ta keri' ninben, man ta xinok rusamajel ri Cristo.

San Juan 15:19

Wi rix ix junan ta kik'in ri winaqi' ri k'a kikuquban na kik'u'x rik'in re ruwach'ulew, yixkajo' ta. Jak'a wakami yixketzelaj, roma xixincha' richin man ix richin ta chik re ruwach'ulew.

San Mateo 6:24

Man jun k'a loq'on samajel ri nitikir ta ri yerusamajij e ka'i' rajaw. Roma wi nrajo' ri jun, nretzelaj ri jun chik. Y wi kan janila nunimaj rutzij ri jun, man nunimaj ta rutzij ri jun chik. Keri' kan man xkixtikir ta k'a chi xtisamajij ri Dios y ri beyomel.

San Juan 17:14

Rije' kan nuya'on-wi k'a ri ach'abel chike. Jak'a ri winaqi' ri k'a kikuquban na kik'u'x rik'in re ruwach'ulew xeketzelaj, roma rije' man e richin ta chik re ruwach'ulew, achi'el yin man in richin ta re ruwach'ulew.

Santiago 1:27

Roma ri kan qitzij nuya' ruq'ij ri Dios, yerutola' ri malkani' taq ixoqi' y ri ak'uala' ri e maneq chik kite-kitata', y chuqa' man nunim ta chik ri' chupan ri etzelal richin re ruwach'ulew.

Romanos 5:10

Y wakami ri Dios xuben chi junan chik qawech rik'in roma ri ruk'ajol xken qoma roj. Y xtiqil ri kolotajik ri richin jantape' roma rija' xk'astej.

San Mateo 16:4

Rix ix jun sol winaqi' ri janila ix itzel y man ninimaj ta ri Dios. Kan niwajo' k'a chi yin ninben ta chi k'o ta jun meyel banobel ri nik'uluwachitej chupan ri kaj richin yininimaj. Jak'a man ja ta ri niwajo' rix ri xtik'uluwachitej. Roma xa kan xaxe ri xk'uluwachitej rik'in ri Jonás ri q'alajirisey ruch'abel ri Dios, jari' ri retal chiwe, xcha' ri Jesús. Chirij ri' rija' xeruya' kan kiyon ri achi'a' ri'. Xbe y e rachibilan-el ri e rutijoxela'.

Os 3:1

Ri Jehová xch'on chik k'a jun bey wik'in yin Oseas y xubij chuwe: Wakami kan tawajo' chik jun bey jun ixoq itzel ruk'aslen ri ajowan koma ch'aqa' chik achi'a'. Kan tawajo' k'a achi'el ri wajowabal yin Jehová, kik'in ri tinamit Israel. stape' ri winaqi' ri' xa kan xekitzeqelibej ch'aqa' chik dios. Y kan niqa' chikiwech ri kaxlan-wey ri banon rik'in uva ri sujun chik chikiwech ri Baal, xcha' chuwe.

San Juan 7:7

Rix xa kan man k'a yixetzelex ta koma ri winaqi' ri k'a kikuquban na kik'u'x rik'in re ruwach'ulew. Jak'a yin kan yinketzelaj-wi, roma yin kan ninq'alajirisaj ri itzel taq kibanobal ri yekibanala'.

Wuj Richin Bix Chire ri Dios 73:27

Ri at kimalin kan xa kan xkeken k'a; rat xtaben chi xkek'is-el konojel ri nikich'er kan ki' awik'in.

San Lucas 19:27

Wakami, ninwajo' chi ye'ik'en-pe ri xe'ajowan chi man ta xinok kan rey. Y k'a ja re chinuwech yin ke'ikamisala-wi, xcha' ri rey. Keri' xubij ri Jesús.

San Mateo 12:39

Ri Jesús xubij k'a chike: Rix ix jun sol winaqi' ri janila ix itzel y man ninimaj ta ri Dios. Kan niwajo' k'a chi yin ninben na jun meyel banobel chiwech richin yininimaj. Jak'a xa man xtink'ut ta chiwech ri niwajo', roma xa kan xaxe ri xbanatej rik'in ri Jonás, ri q'alajirisey ruch'abel ri Dios, xaxe ri' ri retal chuqa' ri xtinya' chiwe rix.

Wuj Richin Bix Chire ri Dios 21:8

Ri awuchuq'a' rat kan nitikir k'a chikij konojel ri e etzelanel awichin. Rat kan ye'atzeq k'a ri ye'etzelan awichin.

Wuj Richin ri Jeremías 9:2

Jebel ta ri' xa ta k'o akuchi yik'oje-wi chiri' pa tz'iran ruwach'ulew richin chi yibe nej chire ri nutinamit, roma konojel xa man ja ta ri utz xkiben chuwech ri Jehová y xa ja ri ruche'el-kij ri xkiya' kan chuwech, xicha' yin.

Wuj Richin ri Isaías 57:3

Jak'a rix kixanpe kere' richin niwak'axaj nuch'abel. Rix kan xinimalij kan, y xa kik'in aj-itza' yixbe-wi.

Wuj Richin Bix Chire ri Dios 50:18

Wi natz'et jun eleq'om, kan chi'anin nawachibilaj-el. Kan junan k'a awech naben-el kik'in ri nikiben ixoqinik.

Wuj Richin ri Jeremías 2:2

Kabiyin pa tinamit Jerusalem y tabij chike ri winaqi' chi ja ch'abel re' ri ninbij yin chike: Noqaqa k'a chinuk'u'x chi ri pa rutikeribel, ri ite-itata' kan kiniman-wi nutzij, achi'el nuben jun ixjayilonel ri k'a juba' tik'ule', ri janila nrajo' ri rachijil. Ri ite-itata' kan xinkitzeqelibej pa tz'iran ruwach'ulew.

Wuj Richin ri Rutikeribel 3:15

Xtinben chiwe chi ri ixoq y rat xtik'oje' k'ululanik chi'ikojol, y keri' kik'in ri awijatzul rat; y jun chike ri ral-riy rija' xtupach'ij ri ajolon rat, y rat xtajich'aj ri ruxtuxil rija', xcha'.

Ez 16:32

Jak'a rat naben achi'el jun ixoq ri k'ulan y ye'akusaj chik apo ch'aqa' chik achi'a' pan awachoch.

1 Corintios 1:20

Wi keri', ¿akuchi k'a ek'o-wi ri etamanela' y ri tijonela'? Y ¿akuchi k'a ek'o-wi ri jebel yetikir yech'on pa ruwi' re etamabel richin re ruwach'ulew? Roma ri Dios rubanon chire ri etamabel richin re ruwach'ulew chi xa jun ch'ujerik.

1 Corintios 1:21

Ri Dios rik'in ri na'oj ri k'o rik'in, roma ri' man xucha' ta ri etamabel richin re ruwach'ulew richin chi rik'in ri' ri winaqi' niketamaj ta ruwech rija'. Ri Dios xuch'ob nukusaj ri rutzijol, ri nich'on chirij ri rukamik ri Cristo richin yerukol ri winaqi' ri nikikuquba' kik'u'x rik'in, stape' re rutzijol re' xa kan ch'ujerik chikiwech ri ch'aqa' chik.