Santiago 4:3 - Kaqchiquel Bible

³ O rik'in juba' nik'utuj chire ri Dios. Jak'a xa man nuya' ta chiwe, roma xa man utz ta ri ich'obonik pa ruwi' ri nik'utuj, xa richin itzel taq rayibel ri nik'utuj.

နောက်ထပ်ဗားရှင်းများ

Kaqchikel Santo Domingo (Xenacoj)

³ Y atoq rix ndikꞌutuj jun achike chare ri Dios, rijaꞌ ma nduyaꞌ ta pe chiwa, porque ma ndikꞌutuj ta chin ndibꞌen ri utz, xa chin ndibꞌanalaꞌ ri itzel teq achike ndirayilaꞌ.

Kaqchikel Santa Maria de Jesus

³ Y nticꞌutuj cha ri Dios, pero jajaꞌ man nuyaꞌ ta chiva, ruma ixreꞌ man otz ta ri nticꞌutuj. Ruma ixreꞌ nticꞌutuj xa richin ntiꞌan ri nurayij ri i-cuerpo vaveꞌ choch-ulief.

Kaqchikel Central Guatemala

³ O riq'uin juba' nic'utuj chire ri Dios. Pero man nuya' ta chive, roma rix man utz ta ri nic'utuj. Xa richin itzel tak rayibel ri nic'utuj chire ri Dios.

Re C'ac'a Testamento pa Kach'abal

³ O astapa' nic'utuj cha re Dios. Pero man nuya-ta chiva, roma yex man otz-ta ruc'utuxic niban, roma re nic'utuj cha re Dios xa ndoc chin itzel tak irayibal.

Kaqchikel Western Solola

³ O nic'utuj chare ri Dios, pero ma nuya' ta chiwe, ruma riyix ma utz ta ri nic'utuj. Ruma ri nic'utuj, ma utz ta rucusaxic niben, ruma xa nicusaj riche (rixin) chi niben ri itzel tak iraybel.

Santiago 4:3 ပူးပေါင်းရင်းမြစ်များ

1 Juan 5:14

Y roma ri' roj kan man jun k'a xibinri'il qik'in richin chi yojapon-apo chuwech ri Dios, roma qetaman chi toq k'o niqak'utuj chire, y wi ja ri rurayibel rija' ri niqak'utuj, rija' kan yojrak'axaj.

1 Juan 3:22

Toq yojch'on rik'in ri Dios, rija' nuya' chiqe ronojel ri niqak'utuj chire, roma yeqaben ri yerubij, y chuqa' yeqaben ri yeqa' chuwech.

Santiago 4:1

¿Achike ta k'a nibanon chiwe richin niwetzelaj-iwi' y jantape' k'o oyowalen chi'ikojol? Xa ja ri itzel taq rayibel ri ek'o iwik'in y nikajo' yixkich'ek.

Wuj Richin ri Miqueas 3:4

Roma ri' chupan ri q'ij toq rix xtik'utuj to'onik chire ri Jehová, rija' kan man xkixrak'axaj ta. Xa xtrewaj-ri' chiwech chupan ri q'ij ri', roma kan ruyon itzel taq banobel ri xe'iben.

Wuj Richin Etamabel-Tzij 15:8

Ri Jehová kan nrixowaj k'a ri nisipex chire roma ri wineq itzel; jak'a ri ch'owen ri nuben ri choj ruk'aslen, kan nikikot rik'in.

Wuj Richin Etamabel-Tzij 21:13

Ri wineq ri kan nuben chi man nrak'axaj ta toq nisik'in ri kan man jun ok k'o rik'in; rija' kan keri' k'a xtuk'uluwachij toq k'o ri xtuk'utuj, man jun xtik'uluban-pe ri ruch'abel.

Wuj Richin ri Achin Job 35:12

Y stape' ek'o winaqi' ri yech'on-q'anej rik'in ri Dios, richin nikik'utuj kito'ik, jak'a ri Dios man yerak'axaj ta, roma rije' kan kinimirisan-ki' chuwech y kan e aj-maki'.

Wuj Richin ri Zacarías 7:13

Chupan ri q'ij toq yin xich'on iwik'in, man xiniwak'axaj ta. Roma ri' yin chuqa' man xixinwak'axaj ta toq xixch'on wik'in. Yin Jehová k'iytisanel richin ronojel ri yibin.

San Lucas 15:13

K'a juba' ri', ri chaq'laxel xuk'ayila' kan ronojel ri xrichinaj. Rik'in ri' xbe nej pa jun chik ruwach'ulew, y xuk'is ri ruméro, roma xuk'uaj jun itzel k'aslen.

Marcos 10:38

Jak'a ri Jesús xubij chike: Rix xa man iwetaman ta ri nik'utuj: ¿Nikoch' kami chuqa' jun tijoj-poqonal achi'el ri xtiqaqa pa nuwi' yin? Roma ronojel ri xtiq'ax pa nuwi' yin, kan jun k'ayewalej tijoj-poqonal, xcha' ri Jesús.

San Mateo 20:22

Jari' k'a toq ri Jesús xubij chike ri ka'i' alk'ualaxela' ri': Rix man iwetaman ta k'a ri nik'utuj. Roma ¿nikoch' kami chuqa' jun tijoj-poqonal achi'el ri xtiqaqa pa nuwi' yin?, xcha'. Y rije' xkibij chi ja', yetikir nikikoch'.

Wuj Richin ri Jeremías 11:14

Roma ri', rat Jeremías, man kach'on-pe wik'in pa kik'exel re awinaq. Man kakamela'an-pe chinuwech koma rije' toq xtikik'utuj-pe to'onik chuwe toq ek'o chupan re ruk'ayewal, roma yin kan man xkenwak'axaj ta, xcha' chuwe.

Wuj Richin Etamabel-Tzij 21:27

Ri kamelabel ri nikiya' ri winaqi' ri kan e banoy richin ri etzelal, xa netzelex roma ri Jehová, y más nretzelaj toq xa rik'in jun itzel kánima nikiya'.

Wuj Richin Etamabel-Tzij 1:28

Y jari' toq rix kan xkiniwoyoj richin yixinto', jak'a yin man xkiniman ta chiwe; k'ari' toq rix xkinikanola' y xa man xkiniwil ta chik.

Wuj Richin ri Jeremías 14:12

Stape' rije' xkemewayin, yin man xkenwak'axaj ta toq xkech'on wik'in. Y stape' xtikisuj chikop ri niporox chijun y ch'aqa' chik sipanik chinuwech, yin kan man xtink'ul ta. Xa kan xkenk'is k'a chi espada, rik'in wayjal y rik'in nima-yabil, xcha' ri Dios.

Wuj Richin Bix Chire ri Dios 18:41

Xkik'utuj k'a kito'ik, jak'a man jun xto'on kichin. Kan xkoyoj k'a chuqa' ri Jehová, jak'a rija' man xerak'axaj ta.

Wuj Richin ri Jeremías 11:11

Roma ri' rija' nubij: Wakami kan xtinbenya' k'a jun ruk'ayewal pan iwi' y man jun xtitikir xtukol ta ri' chuwech ri ruk'ayewal ri'. Stape' xtiraqaqej-ichi' richin nik'utuj to'onik, man xkixinwak'axaj ta.

San Lucas 15:30

Wakami rat xakamisaj-qa ri ti wákix ti'oj, xaxe roma xtzolin-pe re jun ak'ajol re', ri xa xberuk'isa' yan kan ronojel ri abeyomel kik'in ixoqi' ri itzel kik'aslen, xcha'.

1 Rey 3:11

y roma ri' xubij chire: Kan xqa' k'a chinuwech ri xak'utuj chuwe; man xak'utuj ta k'iy q'ij chire ri ak'aslen, ni ta beyomel, ni ta ri kikamik ri etzelanel awichin. Xa kan ja k'a ri nojibel ri xak'utuj richin yatikir naq'et-tzij pa ruwi' ri atinamit.

San Lucas 11:10

Roma ronojel ri xtik'utuj, kan xtik'ul-wi. Wi rix kan nikanoj, kan xtiwil-wi. Y wi xkixoyon-apo, kan xtijaq ri ruchi-jay chiwech.