Santiago 4:2 - Kaqchiquel Bible

² Rix xa kan janila yixrayin, jak'a xa man jun niwil, y roma ri' yixkamisan. Nirayij chi iwichin ta rix ri xa richin ri iwach'alal, jak'a xa man nok ta iwichin. Roma ri' niben oyowal y yixchapo-iwi' rik'in ch'abel, maneq iwik'in ri niwajo' roma man nik'utuj ta chire ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

² Rix ngixjamem chirij kꞌiy achike, pero roma ma ndiwil ta, hasta ngixkamisan, y itzel ndinaꞌ chare roma utz rubꞌanun jun chik, y roma ma ngixtiker ta ndiwil ri ndiwojoꞌ, ndibꞌanalaꞌ kakaj y nimaꞌq teq oyowal chiwech. Rix maneq iwikꞌin ri ndiwojoꞌ, porque ma ndikꞌutuj ta chare ri Dios.

Kaqchikel Santa Maria de Jesus

² Ixreꞌ altíra nquiꞌirayij ri kax ri manak iviqꞌuin, rumareꞌ nquixquimisan chi nicꞌujieꞌ iviqꞌuin ri ntirayij. Pero man ntivil ta. Altíra ayoval ntiꞌan, pero man ntivil ta ri ntirayij, ruma man nticꞌutuj ta cha ri Dios.

Kaqchikel Central Guatemala

² Rix xa can janíla c'a nirayij jun cosa ri manek iviq'uin, y romari' yixcamisan, roma yalan nirayij ri cosa ri'. Pero xa man nivil ta. Niben oyoval. Janíla oyoval niben. Pero man nivil ta ri achique nirayij, roma man nic'utuj ta chire ri Dios.

Re C'ac'a Testamento pa Kach'abal

² Yex xa camas nirayij cosas re manak iviq'uin, y roma camas nirayij re cosas re' mare' yixquimisan, pero man nivel-ta. Ye'banala' ayoval, itzel ye'tz'at re vinak. Pero man nivel-ta re andex nirayij, roma man nic'utuj-ta cha re Dios.

Kaqchikel Western Solola

² Riyix xa can nirayij chi iwuq'ui ta riyix c'o wi ronojel cosas, y rumari' hasta yixcamisan. Pero xa ma niwil ta. Niben ch'a'oj y oyowal. Y can q'uiy oyowal niben. Pero ma niwil ta ri achique nirayij, ruma ma nic'utuj ta chare ri Dios.

Santiago 4:2 ပူးပေါင်းရင်းမြစ်များ

San Juan 16:24

K'a re wakami kan man jun k'a ri ik'utun ta chire ri nata' pa nubi' yin. Jak'a re wakami kan tik'utuj k'a, y xtik'ul. Richin keri' kan tz'aqet ta k'a ri kikoten ri pa taq iwánima.

Santiago 1:5

Y wi ek'o qach'alal chi'ikojol ri nikajo' chi nik'oje' kina'oj, tikik'utuj chire ri Dios. Y rija' kan man xtupoqonaj ta xtuya-pe k'iy chike. Keri' nuben qik'in qonojel ri yojk'utun, y man jun achike ta xtubij chiqe.

San Juan 4:10

K'ari' ri Jesús xubij chire ri ixoq ri': Rat man awetaman ta achike chi sipanik ri nusuj ri Dios. Chuqa' man awetaman ta in achike yin ri yik'utun juba' nuya' chawe. Xa ta awetaman, ja ta rat ri yak'utun aya' chuwe, y yin ninya' ta aya' ri kan niya'on k'aslen, xcha' ri Jesús.

Wuj Richin Etamabel-Tzij 1:19

Kan k'a chiri' k'a ye'apon-wi ri winaqi' ri janila eleq' kibanalon, kan jari' ri xtelesan ri kik'aslen.

Wuj Richin ri Habacuc 2:5

Ri winaqi' ri kikuquban kik'u'x rik'in ri kibeyomel, xa nikiq'ol-ki'. Ri wineq ri jantape' nirayin man jun bey nikuqer ruk'u'x rik'in ri k'o rik'in. Achi'el ri jul richin muqbel ri man jun bey nikuqer ta ruk'u'x. Roma ri' yekich'ek ch'aqa' chik tzobaj winaqi' richin ri ruwach'ulew.

Wuj Richin ri Isaías 7:12

Jak'a ri Acaz xubij chi man jun xtuk'utuj, ni man xtutejtobej ta ri Jehová.

Wuj Richin ri Molojri'il 4:8

Etaman k'a chirij jun achin ri xa ruyon k'o: Maneq rixjayil, maneq ralk'ual y man jun chuqa' rach'alal. Man rik'in ri' man nitane' ta chi samaj y man nikuqer ta ruk'u'x rik'in ri rubeyomel ri rumolon chik y kan man nubij ta qa juba', ¿achoq roma k'a janila yisamej? Y ¿achike roma man yik'ase' ta juba' chi utzil man nicha' ta qa? Ronojel re' xa kan q'axel y janila samaj ruk'amon-pe.

Santiago 5:6

Rix beyoma' niyek ch'a'oj chikij ri winaqi' choj kik'aslen, y rik'in ri' yeken pan iq'a'. Y rije' man jun nikiben richin nikito' ta ki'.

1 Juan 3:15

Y ri nretzelaj ri rach'alal xa achi'el jun kamisanel. Y rix iwetaman, chi ri kamisanel maneq ru k'aslen ri man k'isel ta.

1 Rey 21:6

Rija' xubij: Yin xich'on rik'in ri Nabot aj-Jezreel, richin xinbij chire chi tuk'ayij chuwe ri rulew ri rutikon uva chuwech, o wi niqa' chuwech, yin ninya' chire jun ulew ri tikon uva chuwech pa ruk'exel. Man rik'in ri', rija' xubij chi man nuya' ta chuwe, xcha' ri Acab.