Santiago 4:14 - Kaqchiquel Bible

¹⁴ Chiwech rix jebel ri ich'obonik, jak'a xa man iwetaman ta achike xtik'uluwachij ri chua'q-kabij. Roma ri qak'aslen xa achi'el jun ti sib ri nik'oje-el juba', y xa chi'anin nik'is-el.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁴ Y xa ma iwetaman ta ri ndipuꞌun pa ruwiꞌ ri ikꞌaslen chuwaꞌq-kabꞌij. Porque ri ikꞌaslen xa achel ri neblina ndiqaqa chochꞌulew, ri xa jubꞌaꞌ ok kꞌo y ndikꞌis paqiꞌ e.

Kaqchikel Santa Maria de Jesus

¹⁴ Chivach ixreꞌ, jaꞌal ri ntiꞌan pensar. Pero man ivataꞌn ta ri chica xtibꞌanataj chuaꞌk chi cabꞌij. Ruma ri kacꞌaslien xa incheꞌl ri mukul ri nika-pa, nicꞌujieꞌ jubꞌaꞌ y chaꞌnin niqꞌuis-el.

Kaqchikel Central Guatemala

¹⁴ Chivech rix jebel ri ich'obonic, pero xa man ivetaman ta achique xtic'ulvachij ri chua'k-cabij. Roma ri kac'aslen xa achi'el ri sutz' ri nika-pe. Nic'oje-el juba', y chanin niq'uis-el. Y ri kac'aslen roj xa achi'el ri sutz'. Chanin yojq'uis-el chuvech re ruvach'ulef.

Re C'ac'a Testamento pa Kach'abal

¹⁴ Chivach yex camas jabal re ninojij, pero man itaman-ta andex xtic'alvachij re chua'k-cabij. Roma re kac'aslen xa ancha'l re nube re nika-pa. Nic'ue-a ba', y cha'nin niq'uis-a. Y re kac'aslen yoj xa ancha'l re nube. Cha'nin yojq'uis-a chach re ruch'ulef.

Kaqchikel Western Solola

¹⁴ Chiwech riyix jabel ri nich'ob, pero xa ma iwetaman ta achique xtic'ulwachij ri chua'k cabij. Ruma ri kac'aslen xa achi'el ri moyef ri nika pe. Nic'oje' el juba', y chanin niq'uis el.

Santiago 4:14 ပူးပေါင်းရင်းမြစ်များ

1 Pedro 1:24

Chupan ri ch'abel ri', nubij:*f2* Konojel ri winaqi' xa e achi'el ok ri q'ayis. Y ri kiruwaq'ijaj xa achi'el ok ri kotz'i'j ri ek'o pa juyu'. Roma ri q'ayis xa nichaqi'j-qa, y ri kotz'i'j xa nitzaq-el.

Wuj Richin Bix Chire ri Dios 39:5

Rat kan abanon k'a chuwe chi xa ti juba' ok ri nuk'aslen. Ronojel ri nujuna' xa kan man jun ok chawech rat. Ri nuk'aslen xa kan chi'anin niq'ax, y man jun retal nik'oje' kan, achi'el nuben ri kaq'iq'.

1 Juan 2:17

Jak'a re ruwach'ulew xa xtik'is, y xkek'is chuqa' ronojel ri itzel taq rayinik. Jak'a ri wineq ri nibanon utz chuwech ri Dios man xtik'is ta ruk'aslen. Xa xtik'oje' ruk'aslen ri man k'isel ta.

Wuj Richin Bix Chire ri Dios 102:3

Ri q'ij richin ri nuk'aslen xa kan chi'anin k'a beneq achi'el nuben ri sib. Ri nubaqil kan achi'el k'a ri rutza'n si' ri k'atineq chik.

Santiago 1:10

Y keri' chuqa' ri qach'alal beyoma' ri kan k'o kiq'ij, kan tikikot ri kánima toq ri Dios nuqasaj kiq'ij. Roma rije' chuqa' xa man yeyaloj ta el chuwech re ruwach'ulew; xa e q'axel achi'el jun rusi'j q'ayis,

Wuj Richin Bix Chire ri Dios 89:47

Toqaqa chi'ak'u'x chi ri qak'aslen xa ti juba' ok, xa k'o chi yojken.

1 Pedro 4:7

Y kan chi'anin k'a chuqa' xtapon ri ruk'isibel taq q'ij. Roma ri' rix kan tina' k'a jebel ri achike ye'ibanala' y jantape' kixch'on rik'in ri Dios.

Wuj Richin ri Isaías 38:12

Chi kan xtelesex k'a el nuk'aslen, achi'el niban rik'in ri ti rachoch ri yuq'unel, toq nikik'uq-el ri che' y nikibot-el ri tzieq. Ri nuk'aslen jubama xtzak'ix-el, achi'el niban chire tzieq ri nikem. Q'ij-q'ij xk'is-qa ri wuchuq'a' richin ta xiken.

Wuj Richin Bix Chire ri Dios 78:39

Roma kan xoqaqa k'a chuk'u'x chi rije' xa e relik winaqi', xa e achi'el jun uxla' ri xbe y man nitzolin ta chik pe.

Wuj Richin Bix Chire ri Dios 144:4

Ri wineq xa kan chi'anin niq'ax-el, achi'el ri kaq'iq'. Ri q'ij richin ri ruk'aslen xa achi'el ok ri muj ri xa chi'anin niq'ax.

Wuj Richin Etamabel-Tzij 27:1

Rat, kan man jun bey taben chi at k'es chupan ri q'ij richin chua'q y nanojila' yan ri achike xtaben; roma xa man jun awetaman wi kan k'a k'o na ak'aslen o xa maneq chik, toq xtapon ri chua'q.

Wuj Richin ri Isaías 2:22

Roma ri', rix nuwinaq, man tikuquba' ik'u'x kik'in ch'aqa' chik winaqi', roma rije' kan juba' ok kejqalen y ri kik'aslen xa juba' ok k'o chuwech re ruwach'ulew.

2 Sam 19:34

Jak'a ri Barzilai xubij chire ri rey: Yibe ta, xa jak'a ri k'iy chik nujuna' y juba' chik ok in k'es richin chi yibe-el awik'in pa Jerusalem.