Santiago 4:10 - Kaqchiquel Bible

¹⁰ Tich'utinirisaj-iwi' chuwech ri Ajaw, y rija' xtunimirisaj iq'ij.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁰ Tiqasaj iwiꞌ chuwech ri Ajaw, y rijaꞌ kin xtunimrisaj iqꞌij.

Kaqchikel Santa Maria de Jesus

¹⁰ Coꞌl-oc tibꞌanaꞌ choch ri Ajaf, y jajaꞌ xtuꞌon chiva chi ix nimaꞌk.

Kaqchikel Central Guatemala

¹⁰ Tich'utinirisaj-ka-ivi' chuvech ri Ajaf, y rija' xtunimirisaj ik'ij.

Re C'ac'a Testamento pa Kach'abal

¹⁰ Tibana' che manak ik'ij chach re Ajaf, y reja' xtuya' ik'ij.

Kaqchikel Western Solola

¹⁰ Tich'utinirisaj iwi' chuwech ri Ajaf, y Riya' xtunimirisaj ik'ij.

Santiago 4:10 ပူးပေါင်းရင်းမြစ်များ

Wuj Richin Bix Chire ri Dios 147:6

Ri Jehová nunimirisaj kiq'ij ri kiqasan-ki' chuwech. Jak'a ri e banoy taq etzelal kan yeruqasaj k'a pan ulew.

San Mateo 23:12

Roma ri nikinimirisaj-ki', xa xtiqasex kiq'ij. Jak'a ri nikiqasaj-ki', kan xtinimirisex kiq'ij.

1 Pedro 5:6

Roma ri', kan tiqasaj-iwi' chuwech ri Dios, roma rija' kan k'o-wi ruchuq'a'. Richin keri' toq xtapon ri q'ij, rija' xtunimirisaj iq'ij.

San Lucas 14:11

Roma ri', ri nikinimirisaj-ki', xa xtiqasex kiq'ij. Jak'a ri kan ruqasan-ri', xtinimirisex ruq'ij, xcha' ri Jesús.

Wuj Richin ri Achin Job 22:29

Roma ri winaqi' ri kan nim nikina-ki', ri Dios xa nuben chike chi maneq ok kiq'ij, man rik'in ri' ri Dios kan yerukol k'a ri winaqi' ri maneq ok kiq'ij.

Wuj Richin Bix Chire ri Dios 113:7

Ri Jehová nuyek-q'anej ri meba' chupan ri meba'il. y ri kan k'o nik'atzin chire nrelesaj chupan ri ruk'ayewal ri'.

San Lucas 1:52

Xerelesaj ri nima'q taq q'atoy-tzij chupan ri kajawaren, y xeruya-apo ri xa man jun ok kiq'ij.

San Lucas 18:14

Kan qitzij ninbij chiwe, chi ri achin moloy méro xtzolin-el, y man jun rumak xk'ulun chuwech ri Dios. Jak'a ri fariseo man keri' ta xk'ulun chuwech ri Dios. Roma xabachike k'a ri nunimirisaj-ri', xtiban k'a chire chi xtiqasex ruq'ij. Jak'a ri ruqasan-ri', xtinimirisex ruq'ij, xcha' ri Jesús.

Wuj Richin Bix Chire ri Dios 27:6

Keri', kan xkitikir xkench'ek ri e etzelanel wichin. Kan xtinsuj k'a sipanik chire rik'in raqoj-chi'ij y kikoten. Xkibixan y kan ja ri rubi' ri Jehová ri xtinbixaj.

Wuj Richin Bix Chire ri Dios 30:1

Jehová, kan xkatinnimirisaj k'a, roma kan xinakol. Kan man xaya' ta k'a q'ij chi ri e etzelanel wichin xekikot ta chuwij.

1 Sam 2:9

Rija' nuchajij ri rubinibal ri rukuquban ruk'u'x rik'in, y jak'a ri e itzel taq winaqi' kan xkek'is pa q'equ'm. Y man jun xtich'akon, wi ja ri ruchuq'a' rija' xtukusaj.

Wuj Richin Bix Chire ri Dios 28:9

Jehová, takolo' y tawurtisaj ri atinamit. Tayuq'uj y taq'axaj k'a richin jantape'.

Ex 10:3

K'ari' ri Moisés y ri Aarón xebe rik'in ri rey y xkibij chire: Ri Jehová ri qa-Dios roj israelita nubij: ¿K'a janipe' k'a xtaqasaj-awi' chinuwech? Taya' q'ij chire ri nutinamit richin nel-el wawe' richin chi yiberusamajij.

1 Sam 2:7

Ri Jehová nuben chi ri wineq nok meba' y nuben chi nok beyom. rija' nuqasaj ruq'ij y nunimirisaj ruq'ij.

2 Crón 7:14

Jak'a wi rix ri kan ik'uan ri nubi', kan xtiqasaj-iwi' chinuwech y xkixch'on wik'in y xkinikanoj y man niben ta chik itzel, yin kan xkixinwak'axaj k'a ri chila' chikaj, y kan xtinkuy ri imak y xtinkol ri iwulew.

Wuj Richin ri Achin Job 5:11

Ri winaqi' ri xa man jun ok kejqalen, rija' nuya-q'anej kiq'ij, y ri yebison kan nukuquba' kik'u'x.

Wuj Richin Etamabel-Tzij 29:23

Ri wineq ri nunimirisaj-ri', jari' ri xtibanon chire chi nibe pa xulan, jak'a ri wineq ri xa maneq ok ruq'ij nuna' ri pa ránima, jari' ri xtibanon chire chi xtinimirisex ruq'ij.

Ez 21:26

Kan xtelesex k'a chire ri nimalej sacerdote ri kuchubel-rujolon ri retal rusamaj y chuqa' xtelesex k'a el ri ru-corona ri rey. Rije' xtiqasex kiq'ij y ri ch'aqa' chik winaqi' xtinimirisex-q'anej kiq'ij rik'in ri kisamaj.