Santiago 4:1 - Kaqchiquel Bible

¹ ¿Achike ta k'a nibanon chiwe richin niwetzelaj-iwi' y jantape' k'o oyowalen chi'ikojol? Xa ja ri itzel taq rayibel ri ek'o iwik'in y nikajo' yixkich'ek.

နောက်ထပ်ဗားရှင်းများ

Kaqchikel Santo Domingo (Xenacoj)

¹ ¿Achike kꞌa ri ndibꞌanun chiwa chi itzel nditzꞌet iwiꞌ chiwech chin ngeꞌibꞌen kakaj y nimaꞌq teq oyowal? Ri ndibꞌanun keriꞌ chiwa, ja ri itzel teq rayinik kꞌo pa iwánima, ri ndikajoꞌ ngixkiyaꞌ chuxeꞌ ri kuchuqꞌaꞌ.

Kaqchikel Santa Maria de Jesus

¹ ¿Chica nibꞌano chiva chi itziel ntitzꞌat-ka-iviꞌ y cꞌo ayoval chicajol? Ri nibꞌano chiva chi cꞌo ayoval chicajol, ja ri itziel tak kax ri nquiꞌirayij, y nicajoꞌ nquixquichꞌec.

Kaqchikel Central Guatemala

¹ ¿Achique ta c'a nibanon chive richin chi ye'ibanala' cocoj y nima'k tak oyoval? Ri nibanon c'a chive chi c'o oyoval, ja ri itzel tak rayibel ri ec'o iviq'uin y nicajo' yixquichop.

Re C'ac'a Testamento pa Kach'abal

¹ ¿Anchique nibano chiva yex tak nipa ayoval chi'icojol y can itzel nitz'at-ivi'? Re nibano chiva tak nipa ayoval chi'icojol, ja re itzel tak rayibal. Jare' re ye'samaj pan ic'aslen.

Kaqchikel Western Solola

¹ ¿Achique ta c'a nibano chiwe tek ye'ibanala' ch'a'oj y oyowal? Ri nibano c'a chiwe tek c'o ch'a'oj y oyowal chicojol ya ri itzel tak raybel ri yec'o iwuq'ui y nicajo' yixquich'ec.

Santiago 4:1 ပူးပေါင်းရင်းမြစ်များ

1 Pedro 2:11

Wach'alal ri yalan yixinwajo', roma xa ix q'axel chuwech re ruwach'ulew, ninbij k'a chiwe chi man tiya' q'ij chire ri itzel taq rayinik pan ik'aslen roma jari' ri yebanon oyowal iwik'in.

Gálatas 5:17

Roma ri rayibel ri' kan man yeqa' ta chuwech ri Loq'olej Espíritu. Y ri nrajo' ri Loq'olej Espíritu, man niqa' ta chikiwech ri itzel taq rayibel ri ek'o iwik'in rix. Roma ri' man kan ta yixtikir niben ri nirayij.

Romanos 7:23

Jak'a yin wetaman chi k'o chik jun pixa' ri uk'uayon wichin; ri kan yirukusaj richin yimakun. Y re jun re' nuben oyowal rik'in ri nurayij ri wánima. Kan ink'o-wi k'a pa ruq'a' y chuxe' rutzij ri mak.

Romanos 8:7

Ri e uk'uan roma ri itzel taq rayibel kan e etzelanel richin ri Dios. Kan man nikinimaj ta ri nubij ri rupixa', y kan man yetikir ta nikinimaj.

Santiago 1:14

Roma ri itzel taq rayibel ri ek'o rik'in ri wineq jari' ri yebanon chire chi niqaqa pa mak.

Wuj Richin ri Jeremías 17:9

Xa ruyon q'oloj k'o pa ránima ri wineq. Man nuben ta ronojel pa ruchojmilal. Y kan man jun nitikir niq'ax chuwech ri nuch'ob.

1 Pedro 1:14

Y roma ix ralk'ual chik ri Dios, kan tinimaj k'a ri rutzij. Man k'a tiben ri itzel taq rayibel achi'el xiben toq k'a man jani tiwetamaj ruwech rija'.

Colosenses 3:5

Roma ri', kan tikamisaj ri itzel taq rayinik ri xa richin re ruwach'ulew. Ri achi'a' y ri ixoqi' man tikikanola-ki' richin yemakun. Kan man k'a kixok man ix ch'ajch'oj ta. Man tiya' q'ij chire ri itzel taq irayibel. Man chik tirayij chi iwik'in ta rix k'o-wi ronojel. Roma ri keri' xa kan junan rik'in ri niya' ta kiq'ij ri dios ri xa man e qitzij ta.

2 Pedro 3:3

Y ri nabey ri ninwajo' ninnataj chiwe, chi xkepe winaqi' chupan ri ruk'isibel taq q'ij, ri xa kan xaxe ri nikirayij rije' ri xtikiben. Y rije' xa kan xketze'en chiwij,

Santiago 4:3

O rik'in juba' nik'utuj chire ri Dios. Jak'a xa man nuya' ta chiwe, roma xa man utz ta ri ich'obonik pa ruwi' ri nik'utuj, xa richin itzel taq rayibel ri nik'utuj.

2 Pedro 2:18

Kan nikibananej chi k'o k'iy etamabel kik'in, jak'a xa ch'abel ri man jun kejqalen ri yekibila'. Y rik'in itzel taq rayinik yekiq'ol ri xa k'a juba' kekolotej-pe chikikojol ri e uk'uayon itzel k'aslen.

Tito 3:3

Roma toq rubanon kan, roj chuqa' oj nakaneq rik'in ri qach'obonik. Man xojniman ta tzij, y yalan oj sachineq ri chiri'. Man xojtikir ta xqaq'il-qi' chuwech ri mak. Xa kan xqaben ronojel ri itzel ri xqarayij. Yalan itzel ri qak'aslen xqak'uaj. Itzel xeqatz'et ri ch'aqa' chik roma ri utz k'o kik'in. Y kan niqetzelaj-qi'.

Tito 3:9

Jak'a man ke'awak'axaj ri tzij ri xa man jun kejqalen, achi'el toq yekinataj ri rucholajen ri kik'aslen ri kati't-kimama', toq nikiben oyowal y xa man jun achike ta roma, y toq nikiben oyowal pa ruwi' ri rupixa' kan ri Moisés. Ronojel re tzij ke taq re' xa man jun utz nuk'en-pe.

Romanos 7:5

Rubanon kan, toq kan k'a ojk'o na chupan ri qamak, ri pixa' xa xuben chiqe chi xqaben ri itzel taq rayinik. Roma ri', ronojel ri xqaben xa xojruk'uaj chupan ri kamik.

San Mateo 15:19

Roma xa pa kánima k'a ri winaqi' yepe-wi ri itzel taq ch'obonik. Chiri' nipe-wi ri ch'obonik toq yekamisan. Chiri' chuqa' nipe-wi ri ch'obonik toq ri winaqi' ri e k'ulan y ri man e k'ulan ta nikikanola-ki' richin yemakun; chuqa' chiri' nipe-wi toq ye'eleq', toq yetz'uku tzij, y chuqa' toq yeyoq'on.

San Juan 8:44

Ri itata' rix xa kan ja ri Itzel-Wineq y ja ri niqa' chuwech rija', jari' ri yixtajin chubanik. Rija' kan ja ri pa rutikeribel tikerineq-wi-pe richin nikamisan. Man k'a xk'oje' ta chik chupan ri qitzij, roma xa kan man jun k'a qitzij ri k'o ta rik'in. Xa kan jun tz'ukuy-tzij. Y kan kitata' k'a konojel ri e tz'ukuy taq tzij.

2 Timoteo 2:23

Man k'a kach'on pa ruwi' ch'abel ri man jun kejqalen y xa man jun utz nikik'en-pe chawe, roma xa nikik'en-pe oyowal.