Santiago 3:2 - Kaqchiquel Bible

² Qonojel k'iy bey xa man ja ta ri yeqaben. Y wi ta k'o jun ri man jun bey nimakun rik'in ri ruch'abel, ri wineq ri' kan tz'aqet ri ruk'aslen. Roma wi nitikir nuq'et ri ruch'abel, kan nitikir chuqa' nuben keri' rik'in chijun ri ruch'akul.

နောက်ထပ်ဗားရှင်းများ

Kaqchikel Santo Domingo (Xenacoj)

² Porque roj qonojel kꞌiy mul ma ja ta ri ndiqabꞌen, y ngeqabꞌij tzij ri ndubꞌen chake chꞌaqa chi ma utz ta ndikinaꞌ chare, pero si kꞌo jun ri ma ndisach ta rikꞌin ri tzij ngerubꞌilaꞌ, ri rukꞌaslen ri jun riꞌ kin ja achel ri ndirajoꞌ ri Dios, y nditiker chuqaꞌ nduqꞌet riꞌ chikiwech ri itzel teq achike.

Kaqchikel Santa Maria de Jesus

² Konojiel qꞌuiy mul nakaꞌej ri man otz ta. Y ruma man nakaꞌan ta cuenta-kiꞌ riqꞌuin ri ncaꞌkaꞌej, nakaꞌan pecado, pero xa cꞌo jun ri man nuꞌon ta pecado riqꞌuin ri ncaꞌruꞌej, jun quireꞌ, otz ri rucꞌaslien. Ruma jun ri nitiquir nukꞌil-riꞌ riqꞌuin ri ncaꞌruꞌej, can nitiquir jeꞌ nukꞌil nojiel ri ru-cuerpo.

Kaqchikel Central Guatemala

² Konojel q'uiy bey man ja ta ri yekaben. Y vi ta c'o jun ri man jun bey nimacun riq'uin ri ruch'abel, ri jun ri' can tz'aket ri ruc'aslen. Roma vi nitiquir nuben chi man nimacun ta riq'uin ri ruch'abel, can nitiquir chuka' nuben queri' riq'uin ronojel ri ruch'acul.

Re C'ac'a Testamento pa Kach'abal

² Konojel q'uiy bey mana-ta re ye'kabanala'. Y vo xa c'o-ta jun re man jun bey nimacun riq'uin re nubila', re jun re' can choj re ruc'aslen. Roma vo xa nitiquir nuban che man nimacun-ta riq'uin re nubila', can nitiquir chuka' nuban quire' riq'uin ronojel re ru-cuerpo.

Kaqchikel Western Solola

² Konojel, q'uiy mul ma ya ta ri yekaben. Y wi ta c'o jun ri majun bey nimacun riq'ui ri ruch'abel, ri jun ri' can tz'aket ri ruc'aslen. Ruma wi nicowin nuben chi ma nimacun ta riq'ui ri ruch'abel, can nicowin chuka' nuben queri' riq'ui ronojel ri ruch'acul.

Santiago 3:2 ပူးပေါင်းရင်းမြစ်များ

Santiago 1:26

Wi k'o jun nibin chi nuya' ruq'ij ri Dios y xa man nuchajij ta ri' rik'in ri ruch'abel, ruyon rija' nuq'ol-ri'. Y xa man jun utz nuk'en-pe chi nubij chi rija' kan nuya-wi ruq'ij ri Dios.

Wuj Richin Etamabel-Tzij 13:3

Ri wineq kan nuchajij k'a ri ruk'aslen, rik'in nuchajij ri ruchi'; jak'a ri bilon man bilon ri yerubila', ja rija' k'a nikanon ri nipe chirij.

1 Pedro 3:10

*f6*Roma wi niwajo' k'iy q'ij richin yixk'ase', y niq'axaj q'ij rik'in kikoten; tiq'ata' ri iwaq' chubixik ri etzelal. Y kan man jun bey k'a tel q'oloj pan ichi'.

San Mateo 12:37

Roma k'a ri utzilej taq ch'abel ri nikibij ri winaqi', xtiq'alajin k'a chi man jun kimak chuwech ri Dios. Jak'a ri man utz taq ch'abel ta ri nibij rix, kan nuk'ut k'a chi xtiqaqa ruk'ayewal pan iwi', xcha' ri Jesús.

Wuj Richin Bix Chire ri Dios 34:13

wi keri', tiq'ata' ri iwaq' chubixik ri etzelal. Y kan man jun bey k'a xtel q'oloj pan ichi'.

Wuj Richin Etamabel-Tzij 20:9

¿Kan nitikir kami nubij ri wineq? Yin kan nuchajin-wi' y roma ri' ri wánima kan ch'ajch'oj. ¿Y kan nitikir ta kami chuqa' nubij? Yin kan in ch'ajch'oj y man jun mak k'o ri pa nuk'aslen.

Wuj Richin ri Molojri'il 7:20

Kan keri', chuwech re ruwach'ulew man jun ri kan choj ruk'aslen, ri kan xaxe ta ri utz nuben y man ta nimakun.

Romanos 3:10

Keri' chuqa' nubij ri ruch'abel ri Dios,*f6* ri tz'ibatel kan: Kan man jun ri choj ta ruk'aslen, kan man jun wi ri keri'.

Santiago 1:4

Man jun bey tik'is ri koch'onik iwik'in, roma k'iy utzil nuk'en-pe chire ri ik'aslen, nuben chiwe chi yixk'iy, tz'aqet ri ik'aslen y man jun chik nrajo'.

1 Rey 8:46

Yin wetaman chi kan man jun ri man ta nimakun chawech. Roma ri', toq ri atinamit xkemakun chawech, rat xtiyakatej awoyowal chikij, y xke'ajech-el pa kiq'a' ri xabachike etzelanel qichin.

Santiago 2:10

Roma wi kan nibij chi niben ronojel ri nubij ri pixa', jak'a xa k'o jun chire ri man niben ta, niq'alajin chi man jun ninimaj chire ri pixa'.

Wuj Richin ri Isaías 64:6

Qonojel roj xa man oj ch'ajch'oj ta. Roj niqach'ob chi ri qabanobal kan e utzilej-wi, jak'a chawech rat xa kan achi'el jun tzieq ri tz'il-tz'il. Qonojel oj tzaqineq achi'el nitzaq ri ruxaq taq che' ri e mayirneq chik, y ri qamak yojruqirirej achi'el nuben ri kaq'iq' chike ri ruxaq taq che'.

1 Corintios 9:27

Man ninya' ta q'ij chi ja ri nuch'akul ri nich'akon chuwij. Xa kan ninben-wi chire chi ja yin ri rajaw y tunimaj nutzij. Roma yalan ta k'ayew, wi ta yin man yich'akon ta, toq xa kan ja yin ri xitzijon ri ruch'abel ri Dios chike janila e k'iy winaqi'.

Hebreos 13:21

xtuya' ta k'a ronojel rutzil chiwe, y xkixtikir ta xtiben ri utzilej taq banobel richin niben ri rurayibel rija'. Y nuben ta qik'in roj ri niqa' chuwech rija' rik'in ri rusamaj ri Jesucristo ri ruk'amon chi nuk'ul ruq'ij-ruk'ojlen richin jantape'. Keri' ta k'a.

Colosenses 4:12

Ri Epafras nuteq-el rutzil-iwech. Y rix jebel iwetaman ruwech rija' roma chila' iwik'in rix peteneq-wi, y jun utzilej rusamajel ri Cristo. Rija' rik'in ronojel ránima nich'on rik'in ri Dios iwoma rix, richin chi rix kan xtikuqer ta ik'u'x, chi kan ta xtitz'aqet ri ik'aslen y kan ta xtiben ronojel ri nrajo' ri Dios.

Colosenses 1:28

Roj kan ja ri Cristo ri niqaq'alajirisaj. Niqabij chike konojel chi tikiya' kan ri mak, y rik'in ronojel etamabel yeqatijoj konojel, roma niqajo' chi kan tz'aqet ta ri kik'aslen toq ye'apon-q'anej rik'in ri Dios.

Gálatas 3:22

Jak'a ri ruch'abel ri Dios nubij chiqe chi kan qonojel roj winaqi' kan oj aj-maki-wi; richin keri' tiqetamaj chi k'o chi niqakuquba' qak'u'x rik'in ri Jesucristo richin niqak'ul ri rusujun kan ri Dios.

Romanos 7:21

Y yin nintz'et chi jantape' keri' nibanatej. Roma toq ninwajo' ninben ri utz, chi'anin niq'alajin-pe ri mak ri k'o pa wánima.

2 Crón 6:36

Yin wetaman chi kan man jun ri man ta nimakun chawech. Roma ri', toq ri atinamit xkemakun chawech, rat xtiyakatej awoyowal chikij, y xke'ajech-el pa kiq'a' ri xabachike etzelanel qichin.

1 Pedro 5:10

Y toq ik'owisan chik el re tijoj-poqonal re', ri Dios xtuben chiwe chi xkixok tz'aqet, kow xkixk'oje', xtik'oje' iwuchuq'a' y kuqul-ik'u'x xkixk'ase'. Ri Dios rik'in rajowabal xixroyoj richin yixilon chuqa' rix chire ri ruq'ij-ruk'ojlen richin jantape', keri' xtuben iwik'in roma jun ibanon rik'in ri Cristo.

Gálatas 5:17

Roma ri rayibel ri' kan man yeqa' ta chuwech ri Loq'olej Espíritu. Y ri nrajo' ri Loq'olej Espíritu, man niqa' ta chikiwech ri itzel taq rayibel ri ek'o iwik'in rix. Roma ri' man kan ta yixtikir niben ri nirayij.

Wuj Richin Bix Chire ri Dios 39:1

Yin kan nubin k'a chi xtinchajij ri nubanobal, y man xkimakun ta rik'in ri waq'. Xinch'ob chi xtinq'et ri nuch'abel, rokik ri e banoy etzelal ek'o pe naqaj chuwe.

Wuj Richin Etamabel-Tzij 10:19

Toq kan janila k'iy ch'owen niban, kan yebitej chuqa' ri man ruk'amon ta, jak'a ri kan nitikir nuq'et-ri', kan k'o-wi runa'oj.

Wuj Richin Etamabel-Tzij 21:23

Ri wineq ri kan nitikir nuq'et ri ruchi' y nitikir nuq'et ri raq' richin man yekibij ta etzelal, kan retaman-wi nuchajij ri ruk'aslen, richin man napon ta pa bis.

San Mateo 12:34

Roma ri' ja rix ri ix q'olonela', y chuqa' ix kijatzul kan ri itzel taq q'olonela'. ¿Kan yixtikir kami nibij ri utz, toq xa ja ri etzelal k'o iwik'in? Roma jun wineq kan jak'a ri k'o pa ránima ri nubij.

Wuj Richin ri Chojmirisabelri'il 13:39

ri sacerdote nutz'et ri ruch'akul. Y wi nutzu' chi ri seq'esik-seq xa nok-qa q'eQ'oj, re' xa kan achi'el k'a salpi'ch ri xel-pe chirij ri ruch'akul y ri wineq ri' kan ch'ajch'oj-wi.

Wuj Richin ri Achin Job 15:13

¿Achike k'a roma toq kan janila yakatajineq awoyowal chirij ri Dios, roma kan jebel q'alaj rik'in ri ch'abel ri ye'el pan achi'?