Santiago 3:17 - Kaqchiquel Bible

¹⁷ Jak'a wi ja ri etamabel ri peteneq chila' chikaj rik'in ri Dios ri k'o iwik'in, re' nuben k'a chiwe chi nik'uaj jun k'aslen ch'ajch'oj, chi man niben ta oyowal, utz niben kik'in konojel, niwak'axaj jebel ri achike nikajo' ri winaqi' chiwe, y chi kan nijoyowaj kiwech konojel. Kan niben ronojel ri utz; man niben ta rukojol, ni man ka'i' ta ipalej chuqa'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁷ Pero ri wineq ri kichajin ri nojibꞌel pataneq rikꞌin ri Dios, kin qetzij chi kikꞌuan jun chꞌajchꞌaj kꞌaslen, ndikiqꞌet kiꞌ chuwech ri oyowal, utz kinoꞌoj ndikibꞌen chake chꞌaqa chik, chaj ndikikꞌuaj kiꞌ kikꞌin chꞌaqa chik, ngepoqonan y jabꞌel ngetoꞌon, ma ngekichaꞌ ta kiwech wineq, y ma kaꞌiꞌ ta kipalej.

Kaqchikel Santa Maria de Jesus

¹⁷ Pero xa ja ri noꞌj ri patanak chicaj ri cꞌo iviqꞌuin, can xtivucꞌuaj jun cꞌaslien sak, man xtiꞌan ta ayoval, otz inoꞌj xtiꞌan quiqꞌuin quinojiel, xtivaxaj jaꞌal y xtiꞌan pensar otz ri chica nicajoꞌ ri vinak chiva, y xtijoyovaj quivach quinojiel. Can xtiꞌan jeꞌ nojiel ri otz, man cacaꞌ ta icꞌuꞌx, ni man caꞌyeꞌ ta jeꞌ ipalaj.

Kaqchikel Central Guatemala

¹⁷ Pero vi ja ri etamabel ri petenek chila' chicaj riq'uin ri Dios ri c'o iviq'uin, nuben c'a chive chi nic'uaj jun c'aslen ch'ajch'oj, chi man niben ta oyoval, utz niben quiq'uin conojel, nivac'axaj jebel ri achique nicajo' ri vinek chive, y chi can nijoyovaj quivech conojel. Can niben c'a ronojel ri utz, man ca'i' ta ic'u'x, ni man ca'i' ta ipalej chuka'.

Re C'ac'a Testamento pa Kach'abal

¹⁷ Pero vo xa ja re otz na'oj re pitinak chila' chicaj riq'uin re Dios re c'o iviq'uin, nuban chiva che nic'uaj jun c'aslen ch'ajch'oj, man niban-ta ayoval, niban re otz quiq'uin conojel, nic'axaj jabal re andex niquijo' re vinak chiva, y can nijoyovaj quivach conojel. Can niban ronojel re otz, tak niban jun cosa can riq'uin ronojel ivánma niban y man riq'uin-ta ca'e' ipalaj.

Kaqchikel Western Solola

¹⁷ Pero wi ya ri na'oj ri petenak chila' chicaj riq'ui ri Dios ri c'o iwuq'ui, nabey nuben c'a chiwe chi nic'oje' jun iwánima ch'ajch'oj, c'ac'ari' nuben chiwe chi ma niben ta oyowal, utz ina'oj niben quiq'ui quinojel, ye'ic'ul y ye'iwac'axaj jabel ri winek, y nijoyowaj quiwech quinojel. Can nuben chi niwachin jabel ri ic'aslen, ma ca'i' ta ic'u'x, ni ma ca'i' ta ipalej chuka'.

Santiago 3:17 ပူးပေါင်းရင်းမြစ်များ

Wuj Richin Etamabel-Tzij 2:6

Roma xaxe k'a ri Dios ri niya'on ri na'oj, kan pa ruchi' k'a rija' nel-wi-pe ronojel ri ch'obonik y ri etamabel.

Santiago 3:15

Jun ch'obonik keri' man peteneq ta chila' chikaj rik'in ri Dios. Xa kan kichin ri winaqi' ri maneq Dios chikiwech, y xa richin chuqa' ri Itzel-Wineq.

Romanos 12:9

Kan kixajowan k'a rik'in ronojel iwánima. Tiwetzelaj ri man utz ta y tiwojqaj ri utz.

Santiago 1:17

Ronojel sipanik niqaqa-pe chila' chikaj rik'in ri Dios ri xbanon ri saqil, achi'el ri q'ij, ri ik', ri ch'umila'. Ri Dios man jun bey nijalatej achi'el nijalatej ri mach'ach'il.

Santiago 1:5

Y wi ek'o qach'alal chi'ikojol ri nikajo' chi nik'oje' kina'oj, tikik'utuj chire ri Dios. Y rija' kan man xtupoqonaj ta xtuya-pe k'iy chike. Keri' nuben qik'in qonojel ri yojk'utun, y man jun achike ta xtubij chiqe.

1 Juan 3:18

Rix walk'ual, man k'a kixajowan xaxe rik'in ri ich'abel. Xa kan ke'ito' ri ch'aqa' chik. Y rik'in ri' kan xtiq'alajin k'a chi kan qitzij yixajowan.

1 Pedro 1:22

Y toq xinimaj ri qitzij, kan xch'ajch'ojir ri ik'aslen richin nik'oje' qitzij ajowabel iwik'in chike ri ch'aqa' chik. Wakami kan janila k'a tiwajo-iwi' rik'in ronojel iwánima y rik'in ruch'ajch'ojil.

San Mateo 5:8

Jebel ruwa-kiq'ij ri ch'ajch'oj kánima, roma rije' kan xtikitz'et ruwech ri Dios.

1 Juan 3:3

Y ri kan kuqul ruk'u'x rik'in, ruchapon ruch'ajch'ojirisaxik ri ruk'aslen, achi'el ri Jesucristo ri kan ch'ajch'oj-wi.

San Lucas 21:15

roma kan ja yin ri xkiya'on ch'abel chiwe. Xtinya' chuqa' etamabel chiwe richin keri' man jun xketikir xtikibij chiwe ri ye'etzelan iwichin.

San Lucas 6:36

Tijoyowaj kiwech ri winaqi', kan achi'el ri nujoyowaj qawech roj ri qatata' Dios.

Hebreos 12:14

Titija' iq'ij chi nik'oje' uxlanibel-k'u'x chi'ikojol kik'in konojel winaqi', y tik'uaj jun k'aslen ri kan loq'olej. Roma wi man keri' ta, man xkixtikir ta xtitz'et ruwech ri Dios.

2 Timoteo 2:24

Roma rat at jun rusamajel ri Ajaw, man ruk'amon ta chi naben oyowal. Jak'a kan nik'atzin chi utz naben kik'in konojel. Y nik'atzin chuqa' chi ye'atijoj chi utzil ri qach'alal, y chi yakoch'on chuqa'.

1 Pedro 2:1

Roma ri' kan tiya' k'a kan ronojel ruwech etzelal, ri q'oloj, ri ka'i' ipalej, ri ch'upun-k'u'x y ronojel kamulun taq tzij,

Santiago 2:4

Wi keri' xtiben, kan xtiq'alajin-wi chi rix xa kan niben ri rukojolil kik'in ri winaqi', chi jun wineq más rejqalen chuwech jun chik, y ri' xa jun itzel ch'obonik.

Hebreos 12:11

Kan qitzij wi chi toq ojk'o pa tijoj-poqonal, stape' richin yojtijox, xa man nuya' ta kikoten chiqe, xa oq'ej nuk'en-pe chiqe. Jak'a chirij ri' kan k'o-wi ri uxlanen nuk'en-pe y nuben más choj chire ri nik'ulu richin.

Colosenses 1:10

Keri' xtik'uaj jun k'aslen ri kan niqa' chuwech ri Dios y kan ta niwachin; niben ta ronojel ri utzilej taq banobel y niwetamaj ta más chirij ri Dios.

Romanos 15:14

Wach'alal, yin wetaman chi kan utz wi ri ik'aslen, chi kan ix nojineq rik'in etamabel y chuqa' yixtikir ye'itijoj ri qach'alal.

Wuj Richin ri Achin Job 28:28

Roma ri' ri Ajaw kan rubin wi k'a chike ri winaqi': Jun wineq ri kan k'o rukiy ri Dios chuwech, kan q'alaj k'a chi k'o na'oj rik'in, y jun wineq ri kan nuch'er-pe ri' chike ri itzel taq banobel, kan q'alaj k'a chi k'o etamabel rik'in.

1 Crón 22:12

Kan ja ta ri Jehová xtiya'on ana'oj y awetamabal toq xtaq'et kan tzij pa ruwi' ri Israel, richin kan tataqej k'a ri pixa' ri ruya'on ri Jehová ri qa-Dios.

1 Corintios 12:8

Chike ch'aqa' qach'alal nuya' etamabel richin nikich'abalij ri ruch'abel ri Dios. Y chike ch'aqa' chik nuya' na'oj, richin nikisol rij ri nubij ri ruch'abel ri Dios.

Wuj Richin ri Achin Job 28:23

Y xaxe k'a ri Dios etamayon ri bey ri nuk'uan k'a rik'in ri na'oj, xaxe rija' etamayon akuchi nilitej-wi.

Santiago 4:8

Kixjel-apo rik'in ri Dios, y rija' chuqa' xtijel-pe iwik'in. Rix ri yixmakun chuwech ri Dios, tich'ajch'ojirisaj ri ik'aslen. Rix ri ka'i' ik'u'x rik'in ri Dios, tich'ajch'ojirisaj ri iwánima.

1 Timoteo 5:21

Chuwech ri Dios y chuwech ri ajaw Jesucristo y chikiwech ri ángel ri e cha'on roma ri Dios, kan ninbij k'a chawe rat Timoteo, chi tabana' ronojel re' kik'in ri qach'alal, y man jun rukojol taben.

Hechos 11:24

Ri Bernabé, kan jun achin k'a ri kuqul ruk'u'x rik'in ri Dios, y kan nojineq-wi chuqa' ri ránima rik'in ri Loq'olej Espíritu. Rija' jun utzilej achin. Y ri winaqi' ri xkikuquba' kik'u'x rik'in ri ajaw Jesucristo, kan janila e k'iy.

San Mateo 23:28

Kan ix keri' wi k'a rix; yixq'alajin k'a chi choj ri ik'aslen chikiwech ri winaqi', jak'a ri pan iwánima xa man keri' ta, xa nojineq rik'in etzelal. Chuqa' xa ka'i' ipalej.

1 Tesalonicenses 2:7

stape' kan ruk'amon ta chi keri' roma kan oj taqon-pe roma ri Cristo. Jak'a pa ruk'exel ri' roj xa janila xixqajo', achi'el nuben jun te'ej kik'in ri taq ral.

Filipenses 4:8

Wach'alal, pa ruk'isibel ninwajo' k'a ninnataj chiwe, chi ri ruk'amon nich'ob, ja ri qitzij, ri choj, ri ch'ajch'oj, ri jebel, ronojel ri k'o utzilej rutzijol, y ri kan ruk'amon richin niya'ox ruq'ij. Ronojel re' kan jare' ri tich'obo'.

Filipenses 1:11

Y richin niq'i' re', ri Jesucristo kan xkixruto' k'a richin chi kan choj ri ik'aslen xtik'uaj, y niwachin ta jebel. Y keri', ri Dios xtuk'ul ta ruq'ij-ruk'ojlen.

Hechos 9:36

Chupan ri tinamit Jope, ri q'ij ri' k'o k'a jun qach'alal ixoq rubini'an Tabitá, y Dorcas*f23* nibix chire ri pa ch'abel griego. Re ixoq k'a re' janila jebel kik'in ri winaqi', y rija' yerutola' k'a ri winaqi' ri man jun k'o kik'in.

San Juan 1:47

Toq ri Jesús xutz'et ri Natanael chi xa napon yan apo rik'in, xubij chike ri winaqi' ri ek'o chiri': Titzu' la jun achin la'. Rija' jun qitzij israelita y kan man jun q'oloj k'o rik'in, xcha'.

San Juan 1:14

Ri ch'abel ri' xoqaqa k'a chuwech re ruwach'ulew y kan xok k'a chuqa' jun wineq. Y kan xqatz'et k'a chi ja rija' ri juney ruk'ajol ri Dios, y kan k'o ruq'ij-ruk'ojlen ri Dios rik'in. Chuqa' kan nojineq k'a rik'in ri qitzij y ri utzil.

Wuj Richin ri Malaquías 3:3

Y rija' kan xtitz'uye' pa rutz'uyubal richin xtuben ri q'atoj-tzij pan iwi' rix sacerdote. Kan xkixruch'ajch'ojirisaj achi'el yech'ajch'ojirisex ri q'anapueq y ri saqipueq toq yeq'axex pa q'aq', richin xtik'en-pe isipanik rik'in chojmilal.

Wuj Richin ri Malaquías 2:9

Y roma rix man xitzeqelibej ta ri nubey achi'el nubij ri nupixa' y chuqa' man junan ta xiben kik'in ri winaqi', roma ri' yin xinben chiwe richin yixetzelex y kan man jun iwejqalen chikiwech ri tinamit, xcha' ri Dios.

Dn 1:17

Ri Dios kan xuya' k'a ronojel etamabel y na'oj chike ri kaji' alaboni' ri', richin niq'ax chikiwech ri tijonik ri niya'ox chike. Y chire ri Daniel xuya' na'oj richin nuq'alajirisaj achik' y ronojel ri yek'utumej chuwech jun wineq.

1 Rey 3:9

Tabana' utzil chuwe yin ri in asamajel chi tanojisaj ri wánima rik'in na'oj, richin keri' xkitikir xtinq'et-tzij pa ruwi' ri atinamit roma, ¿achike ta k'a nitikir niq'aton-tzij pa ruwi' ri atinamit, roma kan janila nim?, xcha'.

Ex 36:2

Xeri' ri Moisés xeroyoj ri Besalel y ri Oholiab y konojel ri achi'a' ri kik'ulun na'oj chuwi-ruq'a' ri Jehová, richin nikiben ronojel ruwech samaj, rik'in ri rayibel ri k'o kik'in.

Tito 3:2

chi man nikibij ta itzel chirij jun chik wineq, y chi man nikiben ta oyowal. Xa utz ta nikiben kik'in konojel, y kan ta rik'in ch'uch'ujil.

Tito 1:15

Ri winaqi' ri ch'ajch'oj ri kik'aslen, utz nikitz'et ronojel. Jak'a ri winaqi' ri man ch'ajch'oj ta ri kik'aslen y man kiniman ta chuqa' ri Dios, ronojel ri utz, itzel nikitz'et, roma xa yojtajineq ri kich'obonik y man nikina' ta chi man utz ta ri kik'aslen chuwech ri Dios.

Romanos 12:18

Man k'a tiben oyowal; xa titija' iq'ij chi nik'oje' uxlanibel-k'u'x iwik'in kik'in konojel winaqi'.

Wuj Richin ri Isaías 32:6

Ri wineq ri bilon man bilon yerubij, xa man jun najowan, y xa ruyon itzel yeruch'ob. Kan nukanoj k'a richin nuben itzel taq banobel, y chuqa' kan nutz'uk k'a tzij chirij ri Jehová. Jun wineq ri janila ninum nipe rik'in, jak'a rija' kan man jun nuya' chire, y kan man nuya' ta ruya' ri chaqi'j ruchi'.

Wuj Richin ri Isaías 2:4

Ri Jehová xtiq'aton-tzij chikikojol ri ch'aqa' chik winaqi'. Rije' man jun chik labal xtibekibana'. Roma ri' ri ki-espada xa xtikijel rubanik, y xtikiben arado chike. Chuqa' ri kikum xa xtikiben kijos chike. Man jun chik ruwach'ulew xtiyakatej chirij jun chik ruwach'ulew, ni man xketijox ta chik richin yebe pa taq labal.

1 Crón 22:9

Chuqa' xubij chuwe chi xtik'oje' jun nuk'ajol, y kan xtok jun achin richin uxlanibel-k'u'x, roma ri Dios xtuya' uxlanibel-k'u'x rik'in, y ri e etzelanel richin man jun xtikiben chire. Y roma ri' xubij chi xtubini'aj Salomón.*f8* Y chi chupan ri ruq'atbal-tzij kan xtik'oje' k'a uxlanibel-k'u'x y uxlanenri'il wawe' pan Israel.

1 Rey 3:28

Konojel k'a winaqi' ri ek'o pan Israel xketamaj ri q'atoj-tzij ri xuben ri rey Salomón pa ruwi' ri jun ch'ojikil ri', y konojel ri winaqi' kan xkiya' ruq'ij ri rey, roma xkitz'et chi kan ja ri Dios xya'on runa'oj richin nuq'et-tzij pa kiwi'.

1 Rey 3:12

Y roma ri' ninya' chawe ri xak'utuj chuwe. Xtinojisaj k'a ri awánima rik'in na'oj y re' kan man jun achoq chire nuya'on-wi y man jun achoq chire xtinya-wi ri chawech-apo.

Efesios 5:9

Ri saqil ri' kan nuben-wi k'a chiwe chi niben utzil, chi niben ri choj y richin chi kan xaxe ri qitzij titzeqelibej.

2 Corintios 10:1

Rix nibij chi toq ink'o iwik'in yalan ninxibij-wi', jak'a toq nej ink'o-wi, xa man ninpoqonaj ta chik ninbij-el ch'abel chiwe. Man rik'in ri' yin chi utzil yich'on iwik'in, rik'in ch'utirinen y rik'in ch'uch'ujil, kan achi'el xuben ri Cristo.

2 Corintios 9:10

Ri Dios ri kan nuya' ri ija'tz chire ri tikonel y nuya' ri qaway, xtuben chi kan xtuya' y xtik'iyer chiwech ri xtitik-qa. Y keri' chuqa' rik'in ronojel ri utzilej taq ibanobal, ri Dios xtuben chi xtiq'alajin más ri ruchojmilal ri niben.

Wuj Richin ri Isaías 40:11

Rija' kan xqojruchajij roj ri oj rutinamit, achi'el jun yuq'unel ri kan yeruchajij ri rawej. Xqojruq'etej pa ruq'a', achi'el jun yuq'unel nuq'etej ri ti karne'l. Xqojruch'elej-el chuwa-ruk'u'x, achi'el nuben jun yuq'unel kik'in ri chikopi'. Y kan eqal xqojruk'uaj, achi'el nuben jun yuq'unel kik'in ri karne'l ri k'a juba' ke'alex taq kal.

Wuj Richin ri Achin Job 28:12

Jak'a ri na'oj, ¿akuchi kami nilitej-wi? y ¿akuchi kami nilitej-wi ri etamabel richin netamex ri rukojolil ronojel?

San Mateo 5:9

Jebel ruwa-kiq'ij ri yeqasan ruwi' oyowal, roma rije' xtibix chike chi e ralk'ual ri Dios.

2 Corintios 6:6

Kan niq'alajin-wi chi oj rusamajela' ri Dios roma ch'ajch'oj ri qak'aslen, qetaman ri qitzij, nim qánima, oj utz kik'in ri winaqi', ri ajowabel ri k'o qik'in kan qitzij, k'o ri Loq'olej Espíritu qik'in,

2 Corintios 7:11

Xaxe tich'obo' rij ri xuben pa taq ik'aslen ri bis ri xuya' ri Dios chiwe. Kan xuben chiwe chi xichojmirisaj ronojel. Kan man xqa' ta k'a chiwech ri rubanon ri jun, chi qajineq pa mak. Kan xixibij-iwi' roma xich'ob chi rik'in juba' ek'o ch'aqa' chik ri xkebanon keri'. Roma ri' rix kan xiwajo' chi yin ink'o ta apo iwik'in, y kan xiya' chiwech chi niya' ri rutojbalil-mak pa ruwi' ri xmakun. Ronojel k'a re' pa ruch'ajch'ojil xiben chire.

Santiago 2:13

Roma wi man xtijoyowaj ta kiwech ri ch'aqa' chik winaqi', ri Dios man xtujoyowaj ta chuqa' iwech rix chupan ri q'ij toq xtuq'et-tzij. Jak'a wi xtijoyowaj kiwech ri ch'aqa' chik, xkixch'akon, roma ri Dios chuqa' xtujoyowaj iwech rix chupan ri q'ij ri'.

1 Pedro 2:18

Y rix ri ix ximon pa samaj, kan tiqasaj k'a iwi' y tinimaj kitzij ri iwajaw, stape' yalan jebel kina'oj iwik'in, o yalan e itzel.