Santiago 2:9 - Kaqchiquel Bible

⁹ Jak'a wi xa niben rukojolil kik'in ri winaqi', yixmakun, roma keri' rix xa kan niq'ej ruwi' ri pixa'.

နောက်ထပ်ဗားရှင်းများ

Kaqchikel Santo Domingo (Xenacoj)

⁹ Pero si rix ngeꞌichaꞌ kiwech wineq, mak ngixtajin rikꞌin. Y kin rukꞌulun ndiqaqa pa iwiꞌ ri castigo nduyaꞌ ri Dios, porque rix qꞌajoy tzij chin ri ru-ley ri Dios.

Kaqchikel Santa Maria de Jesus

⁹ Pero xa ixreꞌ ntiꞌan cha jun vinak chi más ntivajoꞌ choch jun chic, nquixka chupan ri pecado, ruma man ntinimaj ta ri nuꞌej ri ru-ley ri Dios.

Kaqchikel Central Guatemala

⁹ Pero vi xa xtitzu' janipe' titzu'un jun vinek, yixmacun, roma rix xa man niben ta ri nubij chupan ri ley richin ri Dios.

Re C'ac'a Testamento pa Kach'abal

⁹ Pero vo xa xtitzu' andex titzu'un jun vinak yixmacun, roma man niban-ta re nubij chupan re ley chin re Dios.

Kaqchikel Western Solola

⁹ Yac'a wi xa xtitzu' achique rubanic jun winek, yixmacun y xaxu (xaxe wi) chic tiwoyobej chi nika ruc'ayewal pan iwi', ruma riyix xa ma niben ta ri nubij chupan ri ley riche (rixin) ri Dios.

Santiago 2:9 ပူးပေါင်းရင်းမြစ်များ

Wuj Richin ri Chojmirisabelri'il 19:15

Toq niben ri q'atoj-tzij, kan tibana' pa ruchojmilal; man roma ta jun wineq ri man jun k'o rik'in nijoyowaj ta ruwech, ni man roma ta chi jun beyom nixibij ta iwi' chuwech. Xa kan pa ruchojmilal k'a tibana' kik'in ri iwinaq.

San Juan 16:8

Y toq xtoqaqa k'a ri Loq'olej Espíritu, kan xtuq'alajirisaj k'a chikiwech ri winaqi' ri k'a kikuquban na kik'u'x rik'in re ruwach'ulew chi kan e aj-maki-wi, chi yin kan in choj, y chi ri Dios kan xtuq'et-wi-tzij pa kiwi' ri winaqi'.

San Juan 8:46

¿K'o kami k'a jun ri nibin-pe chuwe wakami achike mak e nubanalon? Y wi kan jebel niq'alajin chi man jun mak pa nuk'aslen y kan ruyon qitzij ri ninbij, ¿achike k'a roma toq man yininimaj ta?

San Juan 8:9

Toq ri sujunela' chirij ri ixoq xkak'axaj ri xubij ri Jesús, ri kánima xubij chike chi rije' chuqa' e aj-maki', y xe'eleyaj el ri chiri'. Xenabeyej-el ri rijita'q, y k'ari' xebe ri más k'a e ak'uala'. Xa kan xaxe chik k'a ri Jesús y ri ixoq ri xk'oje' kan.

Hechos 10:34

Ri Pedro kan jari' k'a xuchop nich'on, y xubij: Wakami kan qitzij k'a nik'ulun chinuwech chi ri Dios kan junan rubanon chiqe qonojel winaqi'. Man xaxe ta jun tinamit nrajo', y yeretzelaj ta kan ri ch'aqa' chik.

Romanos 3:20

Man jun wineq roma kan rubanon ri nubij ri pixa', roma ta ri' nitz'etetej roma ri Dios chi man jun rumak. Man keri' ta. Ri pixa' xaxe nuk'ut chiqawech chi kan oj aj-maki'.

1 Corintios 14:24

Jak'a xa ta chi'iwonojel pan ich'abel rix yixch'on-wi toq nimol-iwi' richin niq'alajirisaj ri xbix chiwe roma ri Dios, y ye'apon ta ri winaqi' ri', rije' yixkak'axaj ta. Y roma ri' rije' nikina' chi kan e aj-maki' wi. Y ronojel ri' nuben k'a chire ri kánima chi ronojel ri yebix kan qitzij wi.

Gálatas 2:19

Yin man chik ink'o ta chuxe' ri nubij ri pixa', roma xa achi'el in kamineq chik. Y re ink'es wakami, kan roma k'a ri Dios.

Deut 1:17

Man tiben rukojolil kik'in ri winaqi' chupan jun q'atoj-tzij, xa junan tibana' kik'in, chi k'o kiq'ij chi maneq kiq'ij. Man jun achoq chuwech tixibij-iwi', roma re q'atoj-tzij re' kan richin ri Dios. Wi k'o jun k'ayew nuben chiwech, tik'ama-pe wik'in yin, richin chi ja yin ri yichojmirisan, xicha' chike.

1 Juan 3:4

Konojel ri yemakun xa nikiq'ej ruwi' ri rupixa' ri Dios, roma ri mak, junan rik'in naq'ej ruwi' ri pixa'.

Judas 1:15

richin xtuq'et-tzij pa kiwi' konojel, y richin xtuya' ruk'ayewal pa kiwi' ri winaqi' ri man kik'uan ta ri k'aslen ri niqa' chuwech rija', xa ja ri itzel k'aslen kik'uan, y yekibila' poqon taq ch'abel chirij, xcha'.