Santiago 2:6 - Kaqchiquel Bible

⁶ Man rik'in ri', rix xa iqasan kiq'ij ri winaqi' ri man jun ok k'o kik'in. ¿Kan man noqaqa ta k'a chi'ik'u'x chi xa ja ri beyoma' ri yeya'on iwichin pa k'ayew? ¿Man noqaqa ta chi'ik'u'x chi xa ja chuqa' rije' ri yixqiriren-apo pa taq q'atbel-tzij richin nikiq'abaj tzij chiwij?

နောက်ထပ်ဗားရှင်းများ

Kaqchikel Santo Domingo (Xenacoj)

⁶ Pero rix maneq keqalen ndibꞌen chake ri maneq ok kichajin. ¿Ma nduqaqa ta kꞌa chiꞌikꞌuꞌx chi ja ri bꞌeyomaꞌ ri ngixkiyaꞌ pa kꞌayew chin ngewaꞌ chiwij, y ja chuqaꞌ ri bꞌeyomaꞌ ri rix kijororen ngixkikꞌuaj pa qꞌatbꞌel tzij chin ndikiqꞌabꞌaj tzij chiwij?

Kaqchikel Santa Maria de Jesus

⁶ Pero ixreꞌ ibꞌanun chica ri i-puobra chi manak cakalien. ¿Man nalka ta cꞌa pan iveꞌ chi cuma ri bꞌayomaꞌ ntiꞌan sufrir y ijejeꞌ jeꞌ ri ncaꞌchiririen-el ivichin pa tak juzgados?

Kaqchikel Central Guatemala

⁶ Pero coma ri beyoma', rix xa ikasan quik'ij ri vinek ri man jun c'o quiq'uin. ¿Can man noka' ta cami chi'ic'u'x chi xa ja ri beyoma' ri yeyo'on ivichin pa c'ayef? ¿Man noka' ta chi'ic'u'x chi xa ja chuka' rije' ri yixkiriren-apo pa tak k'atbel-tzij, y xa k'aban tzij niquiben chivij?

Re C'ac'a Testamento pa Kach'abal

⁶ Pero yex xa man jun quik'ij ibanon chique re vinak camas je meba', y xa ja re biyoma' re iyi'on quik'ij. Y te'ka chi'c'o'x che can ja chuka' reje' re ye'yi'o ivichin pa c'ayef. Te'ka chi'c'o'x che xa ja reje' re yixkararen-apo chiquivach re autoridades y xa tz'ucuj tak tzij niquiban chivij.

Kaqchikel Western Solola

⁶ Pero riyix xa ikasan quik'ij ri pobres, y ye ri beyoma' ri iya'on quik'ij. ¿Can ma noka ta cami chi'ic'u'x chi xa ye ri beyoma' ri ye banayon chiwe chi yixc'o pa ruc'ayewal? ¿La ma noka ta chi'ic'u'x chi xa ye chuka' riye' ri yixkiriren apo pa tak k'atbel tzij?

Santiago 2:6 ပူးပေါင်းရင်းမြစ်များ

Wuj Richin Etamabel-Tzij 17:5

Ri xa nutze'ej ri wineq ri man jun k'o rik'in, xa chirij k'a ri xk'iytisan richin nitze'en-wi; roma ri xa nitze'en chirij ri ruk'ayewal, xa kan xtapon k'a chupan ri ruk'ayewal ri'.

1 Corintios 11:22

¿Kan maneq kami iwachoch richin chi chiri' ta yixwa-yixuk'ya-wi? ¿O chiwech rix xa kan man jun ok kiq'ij ri ch'aqa' chik qach'alal, ri nikimol-ki' junan iwik'in rix richin chi niya' ruq'ij ri Dios? ¿Y achike chuqa' roma toq kan ye'ik'ixbisaj ri qach'alal ri xa man jun ok k'o kik'in? ¿Kan niwajo' rix chi rik'in ri ibanobal ri', yin ninya' iq'ij? Kan man keri' ta k'a xtinben.

Wuj Richin Etamabel-Tzij 14:31

Ri kan nutz'ila' ri xa man jun k'o rik'in, kan nuyoq' ri Dios ri banayon richin; jak'a ri kan utz runa'oj nuben kik'in ri k'o nik'atzin chike, kan nuya' ruq'ij-ruk'ojlen ri Dios.

Wuj Richin Bix Chire ri Dios 14:6

Ri e banoy etzelal kan yetze'en chirij ri ruch'obonik ri man jun ok k'o rik'in, jak'a ri Dios kan nuto' ri wineq ri'.

Santiago 5:4

Rix xa rik'in q'oloj man e itojon ta ri isamajela' richin pa juyu' y rije' kan yejilo k'a. Jak'a ri nimalej ajaw, ri rajaw ronojel, kan xrak'axaj ri kiraqoj-chi'ij rije'.

Santiago 2:3

Wi rix xa ja ri achin beyom ri nitzu' nabey, niloq'oq'ej, niq'axaj-el k'a chuwech y niya' jebel ruch'akat. Jak'a chire ri achin ri xa kan niq'alajin chi man jun ok k'o rik'in, rix man jun ruch'akat nisuj. Pa ruk'exel ri' xa nibij chire chi tipa'e' kan chirij, o xa nibij chire chi titz'uye-qa pan ulew.

Hechos 17:6

Jak'a xa man xekil ta pe ri Pablo y ri Silas. Roma ri' toq xa ja chik ri Jasón y ch'aqa' chik qach'alal ri xekik'uaj-el k'a chikiwech ri q'atoy taq tzij. Kan rik'in k'a kuchuq'a' yech'on-apo, y nikibij: Ri Pablo y Silas e yojoy kich'obonik konojel winaqi' richin re ruwach'ulew, y xe'oqaqa yan k'a re wawe' chupan re qatinamit.

Hechos 13:50

Jak'a ri winaqi' judío ri man nikinimaj ta ri Jesús, xebe kik'in ri achi'a' ri k'o kiq'ij chikikojol ri winaqi', y kik'in ri ixoqi' ri kan k'o-wi kiq'ij, ri man e judío ta y kan nikiya-wi ruq'ij ri ki-dios, richin xbekiya' kina'oj, richin xekoqotaj-el ri Pablo y ri Bernabé ri chiri' pa kiruwach'ulew.

Hechos 8:3

Jak'a ri Saulo janila k'a itzel nuben chike ri qach'alal. Nok chi jujun chi jujun ri jay richin yeberelesala-pe. Y chi achi'a' chi ixoqi' yeberuqirirela-pe, y k'ari' nuteq kitz'apexik pa taq cárcel.

Wuj Richin ri Zacarías 7:10

Man ke'itz'ila' ri malkani', ri e meba'i', ri man e iwinaq ta y winaqi' ri man jun k'o kik'in, y man jun xtipe ta pa ránima chi xtuch'ob ta itzel chirij ri rachpochel.

Am 5:11

Rix ye'ixolq'otij ri winaqi' ri man jun k'o kik'in. Y niben chike chi k'o chi nikitoj trigo chiwe. Roma ri' man xkixtikir ta xkixk'oje' chupan ri nimalej iwachoch ri e banon rik'in abej. Stape' itikon-qa jebelej taq uva, man xtiqum ta vino chire.

Wuj Richin ri Molojri'il 5:8

Man tamey toq yetz'ilox ri winaqi' man jun k'o kik'in y xa man pa ruchojmilal ta ri niban chike. Roma ri jun aj-raqen k'o jun chik ri k'o más ruq'ij ri k'o pa ruwi' y ri k'o más kejqalen ja chik ri' ri ek'o pa kiwi' ri e ka'i' rije'.

Wuj Richin Etamabel-Tzij 22:16

Ri wineq ri kan k'o ri nutz'oq chuwi-kiq'a' ri xa man jun ok k'o kik'in, xaxe richin chi rija' nibeyomer, y rija' k'o chi nutoj chire jun wineq más beyom, rija' xa nik'oje' chuqa' kan pa meba'il.

Wuj Richin Bix Chire ri Dios 12:5

Jak'a ri Jehová kere' nubij: Xkiyakatej k'a richin xkento' ri man jun ok k'o kik'in y yetz'ilox, chuqa' roma ri kijiloj ri k'o nik'atzin chike kan xkento' pa kiq'a' ri yetz'ilo kichin, ncha'.

Wuj Richin Bix Chire ri Dios 10:14

Rat kan atzuliben ri tijoj-poqonal ri nikik'owisaj ri winaqi', kan ach'obon chik richin xke'ato'. Ri man jun nito'on kichin, kan awik'in rat kikuquban-wi kik'u'x; rat kan at to'onel kichin ri meba'i'.

Santiago 5:6

Rix beyoma' niyek ch'a'oj chikij ri winaqi' choj kik'aslen, y rik'in ri' yeken pan iq'a'. Y rije' man jun nikiben richin nikito' ta ki'.

Hechos 18:12

Chupan ri q'ij ri', ja k'a ri jun achin aj-Roma rubini'an Galión ri q'atoy-tzij ri chiri' pa ruwach'ulew Acaya, ri akuchi k'o-wi ri Corinto. Ja q'ij ri' toq ri judío xkimol-ki' richin xeyakatej chirij ri Pablo. Xbekichapa-pe, y xkik'uaj pa q'atbel-tzij,

Wuj Richin ri Habacuc 3:14

Xe'akamisaj ri e aj-raqen ri' rik'in ri kich'ab rije'; toq ri aj-labal xeyakatej chiqij, toq ri kinimirisan-ki' xeyakatej chikij ri man jun k'o kik'in, stape' rije' xa kewan-ki'.

Am 4:1

Rix ixoqi' aj-Samaria, kan janila ix ti'oj, achi'el ri wákix ri ek'o pa ruwach'ulew Basán. Rix kan janila ye'itz'ila' ri winaqi' ri man jun k'o kik'in. Rix niben chike ri iwachijilal chi tikik'ama-pe más vino richin yixq'aber. Roma ri' tiwak'axaj re ch'abel re':

Wuj Richin ri Isaías 53:3

Kan xetzelex k'a, y kan man jun rejqalen xkiben ri winaqi' chire. Rija' jun achin ri kan janila xq'axomer, y kan xuk'owisaj ruk'ayewal. Kan man jun xjoyowan ta ruwech, y kan man jun xpoqonan ta richin, y roj xqapiskolij ri qapalej richin man xqatzu' ta.

Wuj Richin Bix Chire ri Dios 10:10

Ruwononen-ri' y rewan-ri', y kan e k'iy k'a yeqaqa pa ruq'a'.

Wuj Richin Bix Chire ri Dios 10:8

Niq'eleben k'a chikinaqaj ri ko'ol taq tinamit; pan ewel k'a yerukamisaj ri maneq kimak; Kan rutzuliben k'a ri man nitikir ta nuto-ri'.

Wuj Richin Bix Chire ri Dios 10:2

Ri banoy etzelal rik'in nimirisanen rutzeqeliben ri k'o pa meba'il. Ri pikbel ri rubanon xa ja rija' ri xtitzaq chupan.

Wuj Richin ri Achin Job 20:19

Roma rija' kan xuben chike ri winaqi' ri man jun k'o kik'in chi nikitej poqon. Xa xerumajla' jay, pa ruk'exel chi xerubanala' ta q'anej richin rija'.

San Juan 8:49

Jak'a ri Jesús xubij chike: Yin man jun itzel espíritu ri k'o ta wik'in. Yin kan ja ri nata' ri ninya' ruq'ij, jak'a rix xa man niya' ta nuq'ij.

Wuj Richin Etamabel-Tzij 18:23

Ri wineq ri kan man jun ok k'o rik'in, kan nikamela'an toq nuk'utuj jun utzil; jak'a ri wineq beyom toq nrak'axaj ri', kan rik'in kowilej taq ch'abel nich'on-pe rik'in.

Wuj Richin Etamabel-Tzij 22:7

Ja ri wineq beyom k'a ri niq'aton-tzij pa ruwi' ri wineq ri man jun ok k'o rik'in; y ri wineq ri nibanon qajo'n rik'in jun chik wineq, kan xtok k'a samajel richin ri nibanon ri qajo'n chire.