Santiago 2:5 - Kaqchiquel Bible

⁵ Wach'alal ri kan yixinwajo', tich'obo' k'a jebel re xtinbij chiwe. Ri Dios ja ri winaqi' ri man jun ok k'o kik'in chuwech re ruwach'ulew ri xerucha' richin yebeyomer rik'in ri kikuqubabel-k'u'x, y nikichinaj ri ajawaren ri rusujun chike ri ye'ajowan richin.

နောက်ထပ်ဗားရှင်းများ

Kaqchikel Santo Domingo (Xenacoj)

⁵ Nu-hermanos ri tzꞌan ngixinwojoꞌ, tiwakꞌaxaj re nibꞌij chiwa: Ri Dios eruchaꞌon ri maneq ok kichajin chochꞌulew chin ndikitaqij rijaꞌ, y riꞌ kin nimalej bꞌeyomal, y eruchaꞌon chuqaꞌ chin ngeꞌok pa ru-reino ri Dios, reino ri sujun chake konojel ri ngeꞌojowan richin.

Kaqchikel Santa Maria de Jesus

⁵ Hermanos ri altíra nquixvajoꞌ, tivaxaj ri xtinꞌej chiva. ¿Man ja ta came ri i-puobra choch-ulief ri i-ruchoꞌn ri Dios chi quicukubꞌan quicꞌuꞌx riqꞌuin y niquil ri utzulaj bꞌayomal, y niyoꞌx qui-herencia pa ru-reino ri jajaꞌ, ri incheꞌl ranun prometer chi nuyaꞌ chica ri ncaꞌjoꞌn richin?

Kaqchikel Central Guatemala

⁵ Vach'alal ri janíla yixinvajo', tich'obo' c'a jebel re xtinbij chive. ¿Man ja ta cami ri vinek ri man jun c'o quiq'uin chuvech re ruvach'ulef ri yerucha' ri Dios? ¿Man ja ta cami rije' ri yerucha' richin chi niquinimaj y niquil ri utzilej beyomel, y ye'ichinan quiq'uin ri ec'o pa rajavaren o pa ruk'a' rija'? Ri Dios can ja vi c'a ri' ri nusuj chique ri yeniman y ye'ajovan richin.

Re C'ac'a Testamento pa Kach'abal

⁵ Hermanos re camas yixinjo', tinojij c'a rij jabal re xtintz'ibaj-a chiva, che ja re vinak re camas je meba' chach re ruch'ulef re ye'rucha' re Dios y ja chuka' reje' re ye'rucha' chin che niquinimaj y niquivel re utzulaj biyomal, y jare' xtoc qui-herencia roma jec'o pa ruk'a' re Dios. Can ja-va c'a re' re nusuj chique re ye'niman y ye'jovan richin.

Kaqchikel Western Solola

⁵ Wach'alal ri sibilaj yixinwajo', tich'obo' c'a jabel re xtinbij chiwe. Ri Dios ye ri pobres ri ye rucha'on riche (rixin) chi ye riye' ri' ri can nic'oje' jun quicukbel c'u'x riq'ui ri Dios ri can achi'el jun nimalaj beyomel. Y ye chuka' ri pobres ri ye rucha'on ri Dios riche (rixin) chi niquic'ul ri herencia pa rajawaren ri Dios can achi'el ri rutzujun (rusujun) chique ri ye'ajowan riche (rixin).

Santiago 2:5 ပူးပေါင်းရင်းမြစ်များ

San Mateo 5:3

Jebel ruwa-kiq'ij ri noqaqa chikik'u'x chi kan nik'atzin ri Dios chupan ri kik'aslen, roma rije' kan ye'ok-wi chupan ri aj-chikajil ajawaren.

San Lucas 6:20

Kan jari' k'a toq ri Jesús xerutzu' ri rutijoxela' y xubij chike: Jebel ruwa-iq'ij rix ri man jun k'o iwik'in, roma kan yixok pa rajawaren ri Dios.

Apocalipsis 2:9

Yin wetaman ronojel ri itijoj-poqonal y ri meba'il ri nik'owisaj stape' chinuwech yin kan ix beyoma'. Chuqa' wetaman ri itzel ri nikibila' chiwij ri yebin chi e judío y xa man e judío ta, ri winaqi' ri' xa e jun tzobaj ri e richin ri Satanás.

2 Corintios 8:9

Kan iwetaman chik k'a ri rutzil ri qajaw Jesucristo; rija' roma kan janila ri ajowabel k'o rik'in, kan qoma k'a roj xok'oje-qa re wawe' chuwech re ruwach'ulew. Xuya' kan ri rubeyomel, y xok jun wineq ri man jun k'o rik'in richin chi roj niqil ta ri qitzij beyomel.

San Lucas 12:21

Keri' k'a ri wineq ri nimolo beyomel richin re ruwach'ulew, y man k'o ta ri beyomel richin ri Dios rik'in, xcha' ri Jesús chike ri winaqi'.

1 Pedro 1:4

Ri Dios kan rubanon k'a chiqe chi ri chila' chikaj kan xtiqichinaj ri man xtiq'ey ta, man xtitz'ilub ta y man xtimayamo' ta qa.

Santiago 1:12

Ri wineq ri nukoch' ri tijoj-poqonal, kan jebel ruwa-ruq'ij, roma ri Dios xtuya' chire ri wineq ri' ri sipanik richin ri utzilej k'aslen ri man jun bey xtik'is. Ja sipanik ri' ri rubin chi xtuya' chire ri najowan richin.

Hebreos 11:26

Rija' nuch'ob chi más rejqalen nutej poqon, roma xcha'ox roma ri Dios, ke chuwech nuk'ul ta ronojel ri beyomel ri k'o chiri' pa ruwach'ulew Egipto, roma kan royoben chik apo ri rajel ruk'exel ri xtuya' ri Dios chire.

San Lucas 12:32

Roma ri' man tixibij-iwi' rix ri yixtzeqeliben wichin, roma stape' xa ix juba' ok, kan rurayibel-wi k'a ri aj-chikajil qatata' richin niq'et-tzij pa rajawaren rija'.

1 Corintios 2:9

Kan achi'el ri tz'ibatel kan toq nubij:*f5* Man jun k'a tz'eteyon, ni ak'axayon ri xtibanatej. Man jun ch'oboyon ta juba' pa ruwi' ri xtuya' ri Dios chike ri ye'ajowan richin, nicha'.

San Mateo 25:34

Y jari' k'a toq yin ri in rey xtinbij chike ri ek'o pa wijkiq'a': Kixanpe k'a rix, ri ik'ulun chik ri rutzil ri nata' Dios; kixk'oje' k'a pan ajawaren ri kan iwichin wi rix toq rubanon pa rutikeribel richin re ruwach'ulew.

Apocalipsis 21:7

Ri xtich'akon xtrichinaj re urtisanik re'. Ja yin k'a xkinok ru-Dios, y rija' walk'ual.

Santiago 1:9

Y ri qach'alal ri maneq ok k'o kik'in chuwech re ruwach'ulew, xa tikikot k'a ri kánima, roma chuwech ri Dios rije' kan k'o-wi janila kiq'ij.

2 Timoteo 4:8

Wakami xaxe chik k'a woyoben jun sipanik ri xtink'ul roma nuk'uan jun utzilej k'aslen. Y ri' kan ja ri Dios ri utzilej q'atoy-tzij ri xtiya'on chuwe chupan ri q'ij toq xtipe chik jun bey. Y man xaxe ta chuwe yin xtuya-wi ri sipanik ri', xa kan xtuya' chuqa' chike konojel ri kan rik'in ronojel kánima koyoben ri q'ij toq xtipe chik jun bey rija'.

2 Corintios 6:10

Kan achi'el yojbison yojtzu'un, jak'a xa kan yojkikot. Stape' ojk'o pa meba'il, jak'a kan ek'o ri xebeyomer qoma roj. Y stape' chuqa' kan man jun ok k'o qik'in, xa kan yojtikir niqabij chi kan ronojel k'o qik'in.

Apocalipsis 3:18

Roma ri' ninbij chiwe chi kan tiloq'o' k'a q'anapueq ri k'o wik'in yin ri kan k'owisan chik pa q'aq' richin keri' kan yixok qitzij beyoma'. Chuqa' kan tiloq'o' k'a ri seq tzieq richin chi nukuch ri ik'ix. Y tiloq'o' chuqa' ri aq'om richin niya' pa taq runaq'-iwech richin yixtzu'un chik jebel.

1 Timoteo 6:18

Tabij chike chi kekibanala' k'iy utzil, y e beyoma' ta chubanik ri utzilej taq banobel kik'in ri ch'aqa' chik, y man tikik'ek'ej ri nikiya' chike ri beyomel ri k'o kik'in.

San Lucas 16:25

Jak'a ri Abraham xubij chire: Toqaqa k'a chi'ak'u'x, chi toq xak'ase' chuwech ri ruwach'ulew, yalan jebel xak'owisaj ri ak'aslen, jak'a re Lázaro yalan tijoj-poqonal xuk'owisaj. Jak'a re wakami, rija' yalan jebel ri ruk'aslen ri xorila' wawe', y rat xa jun k'aslen richin tijoj-poqonal xawil.

San Mateo 11:5

Chi ri moyi' yetikir chik yetzu'un; ri winaqi' ri man kan ta yetikir yebiyin roma e jetz', yebiyin jebel; ri e yawa'i' rik'in ri yabil ri nutaluj-ri', kan xech'ajch'ojir-el; ri man ye'ak'ex ta xek'achoj; ri kaminaqi' xek'astej; y ri winaqi' ri meba' kánima chuwech ri Dios, kan nitzijox k'a ri utzilej ch'abel richin kolotajik chike.

1 Sam 2:30

Roma ri', yin Jehová ri i-Dios ninbij chi stape' yin xibin chi ri aj pan awachoch y ri aj pa rachoch ri atata' ye'ok nu-sacerdote richin q'asen, jak'a re wakami ninbij chi man jun bey chik xtinben kere'. Wakami k'a, ri xtuya' nuq'ij xtinya' ruq'ij, y ri xkinketzelaj, kan xtinben chike chi man jun kejqalen. Ja yin Jehová ri yibin.

2 Pedro 1:11

Wi keri' niben, kan xkixk'ul k'a chila' chikaj, ri akuchi ri kan ja ri qajaw y qakolonel Jesucristo ri q'atoy-tzij, y ri rajawaren rija' kan man k'isel ta.

2 Timoteo 4:18

Y yin wetaman chi ri Dios xtikolon wichin chupan ronojel etzelal. Chuqa' wetaman chi xkiruchajij richin keri' xkinok chupan ri ruq'atbel-tzij chila' chikaj. Rija' kan xtuk'ul ta ruq'ij-ruk'ojlen richin tibe-q'ij tibe-seq. Kan keri' ta k'a.

2 Tesalonicenses 1:5

Ronojel re' nuq'alajirisaj chi ri Dios kan choj wi nuq'et-tzij, y nuk'ut chi rix kan ruk'amon chi yixok pa rajawaren. Y roma ri' toq rix nik'owisaj tijoj-poqonal re wakami.

Efesios 3:8

Xa ja yin ri man kan ta más wejqalen chikiwech konojel qach'alal. Man rik'in ri' ri Dios xuya' ri rutzil chuwe richin nintzijoj ri rutzil ri Cristo chiwe rix ri man ix judío ta. Y ri utzil ri' kan janila nim, y man tikirel ta niq'ax chiqawech.

Romanos 8:17

Y roma oj ralk'ual chik ri Dios, roj kan xqojichinan k'a chuqa' junan rik'in ri Cristo. Jak'a nik'atzin chi man tiqapoqonaj niqatej poqon, achi'el xutej poqon rija', richin keri' xtiqak'ul qaq'ij junan rik'in rija'.

San Lucas 16:22

Jun q'ij rija' xken-el, y k'a ja ri akuchi k'o kikoten xapon-wi, ri chiri' rik'in ri Abraham. Kan k'a chiri' xuk'uex-wi, koma ri ángel. Y chuqa' ri achin beyom xken, y xmuq.

Wuj Richin ri Zacarías 11:7

K'ari' yin xenchajij rije' achi'el nuben jun yuq'unel ri nuchajij ri nibeken. Y xinchop k'a ka'i' ch'ame'y: Ri jun xinbij Utzil chire y ri jun chik xinbij Junan Kiwech chire. K'ari' xenyuq'uj rije'.

Wuj Richin ri Isaías 29:19

Ri winaqi' ri janila qasan kiq'ij, xa xkekikot wik'in yin Jehová. Chuqa' ri kan man jun k'o kik'in, kan xkekikot wik'in yin ri in Loq'olej.

Wuj Richin ri Isaías 14:32

Y wi k'o jun taqonel richin ri ruwach'ulew ri' xtapon, man jun itzel xkixtikir xtibij chire. Jak'a ri Jehová xtuyek chik el jun bey ri tinamit Sión, y chiri' k'a xkeruya-wi konojel ri ek'o pa bis richin ri rutinamit.

Wuj Richin ri Achin Job 34:19

Chuwech rija' qonojel oj junan, man xaxe ta kik'in ri achi'a' e tata'al k'o-wi, chuqa' man xaxe ta ri beyoma' ri yeruto', xa kan yeruto' chuqa' ri man jun k'o kik'in, roma kan qonojel roj winaqi' kan ja ri ruq'a' rija' ri banayon qichin.

Wuj Richin ri Achin Job 34:10

Roma ri' rix nowineq taq achi'a', kan kiniwak'axaj k'a: Ri Dios kan man jun bey k'a xtuben ta jun itzel banobel; ri Dios ri k'o ronojel uchuq'a' pa ruq'a' man jun bey xtuben ta jun banobel ri man pa ruchojmilal ta.

Ex 20:6

Man rik'in ri', kan xtinjoyowaj k'a iwech rix y keri' chuqa' xtinben kik'in ri iwijatzul richin jantape'. Keri' xtinben kik'in ri ye'ajowan wichin y ri nikitaqej ri nupixa'.

Santiago 1:16

Wach'alal ri yalan yixinwajo', man k'a kixq'olotej.

Efesios 1:18

Chuqa' nink'utuj chi tusaqirisaj más ri inojibal, richin chi niq'ax ta chiwech ri utzil ri qoyoben, ri achike roma toq xojroyoj ri Dios. Y chuqa' richin niq'ax ta chiwech ri rejqalen ri k'o chi niqichinaj roj ri oj richin chik rija'.

2 Corintios 4:15

Y roma k'a niqajo' chi rix niwil ri utzil ri', roma ri' toq roj qakoch'on janila tijoj-poqonal. Y rik'in ri' kan janila ta e k'iy ri yematioxin chire ri Dios y nikiya' ta ruq'ij-ruk'ojlen.

San Juan 7:48

¿K'o kami chike ri achi'a' ri pa komon yeq'aton-tzij y chiqe roj ri fariseo ri qaniman ta ri nubij ri Jesús?

San Lucas 22:29

Roma ri', yin xtinya' jun q'atbel-tzij pan iq'a' rix, kan achi'el ri rubanon ri nata' Dios wik'in yin,

Marcos 7:14

Ri Jesús xch'on chik k'a jun bey kik'in ri janila chi winaqi' ri kimolon-apo-ki' chiri', y xubij k'a chike: Tiwak'axaj k'a chi'iwonojel re xtinbij chiwe y tiq'ax-el chiwech.

Wuj Richin ri Zacarías 11:11

Chupan k'a ri q'ij ri' xa xk'is kan ri jikibel-tzij. Y ri winaqi' in kitzuliben y xq'ax k'a chikiwech chi kan ja ri Jehová ri nibanon chuwe richin chi ninben keri'.

Wuj Richin ri Sofonías 3:12

Jak'a yin kan xtinya' kik'aslen ri kiqasan-ki' chinuwech, roma kikuquban kik'u'x wik'in.

Wuj Richin Etamabel-Tzij 8:32

Wakami k'a, kan kiniwak'axaj rix walk'ual alaboni', kan jebel wi k'a ruwa-kiq'ij ri kik'uan ri nubey yin.

Wuj Richin Etamabel-Tzij 7:24

Wakami k'a, rix walk'ual alaboni' kan kiniwak'axaj k'a; kan tiya' k'a ixikin chire ronojel ri nubin-qa chiwe.

Wuj Richin ri Achin Job 38:14

Toq nibek'ulun-pe ri rusaqil ri q'ij, kan jebel yeq'alajin-pe ri juyu' y ri kojol taq juyu', kan jebel nibeq'alajin-pe achi'el nuwiq-ri' rik'in jun tzieq ri jebel ok.

1 Rey 22:28

Y ri Micaías xubij chire: Wi rat xkatzolin-pe rik'in uxlanibel-k'u'x, man ja ta k'a ri Jehová ri xbin chuwe ri xinbij chawe ri', xcha'. Y ri Micaías chuqa' xubij chike ri winaqi': Rix kan xiwak'axaj k'a ri xinbij chire ri Acab, xcha'.

Hechos 7:2

Ri Esteban xubij: Nuwinaq judío y rix aj-raqen pa ruwi' re qatinamit, tiwak'axaj k'a re xtinbij chiwe re wakami. Ri Dios ri k'o ruq'ij-ruk'ojlen xuq'alajirisaj-ri' chuwech ri qatata' Abraham ri ojer kan, toq k'a k'o na k'a ri chiri' chupan ri ruwach'ulew Mesopotamia, toq k'a man jani rutzijol chi nibek'oje' ta ri pa tinamit Harán.

Wuj Kichin ri To'onela' 9:7

Toq ri Jotam xunabej ronojel re', rija' xjote-q'anej pa ruwi' ri juyu' Guerizim, y chiri' rik'in janila uchuq'a' xch'on-pe y xubij: Kiniwak'axaj chi'iwonojel rix achi'a' aj-Siquem, y ri Dios kan xtrak'axaj ri xtibij rix.

1 Sam 2:8

Nuben chire ri man jun k'o rik'in, richin nrelesaj-pe pa rumeba'il. Jak'a ri molonel nrelesaj-pe pa q'ayis richin nitz'uye' chikikojol ri tata'al, richin niya'ox ruq'ij. Roma ja ri Jehová rajaw ri ruch'okolibal ri ruwach'ulew y pa ruwi' ri' xuch'okoba-wi ri ruwach'ulew.

Wuj Richin Etamabel-Tzij 13:7

Ek'o winaqi' ri kan nikibananej chi e beyoma' y xa man jun k'o kik'in; y ek'o ch'aqa' chik nikiben chi man jun k'o kik'in y xa nimalej taq beyomel kiyakon.

Santiago 1:19

Wach'alal ri yalan yixinwajo', kan tiwak'axaj k'a nabey ri ruch'abel jun wineq y man chi'anin tik'uluba' ri ruch'abel. Chuqa' kan man k'a kixoyower chi'anin.