Santiago 2:25 - Kaqchiquel Bible

²⁵ Y keri' chuqa' ri Rahab, ri ixoq itzel ruk'aslen; rija' xuben ri xubij ri rukuqubabel-k'u'x chire, y xerewaj ri ka'i' achi'a' judío ri xbekinik'oj ri ruwach'ulew. Kan xeruteq k'a el pa jun chik bey richin man jun xkik'uluwachij. Y roma ri' man jun rumak xk'ulun chuwech ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

²⁵ Keriꞌ chuqaꞌ ri Rahab ri ixaq ri xukꞌayilaꞌ riꞌ chake achiꞌaꞌ ojer, nixta jun rumak xreqalej chuwech ri Dios, porque xerewaj pa rachoch ri ekaꞌiꞌ achiꞌaꞌ etaqon e chin ndekitzꞌetaꞌ chilaqꞌel ri tinamit Jericó, y xeruteq pa jun chik bꞌey chin xeꞌanimej.

Kaqchikel Santa Maria de Jesus

²⁵ Quireꞌ jeꞌ ri Rahab ri xcꞌujieꞌ ojier can; jajaꞌ jun ramera. Pero jajaꞌ xuyaꞌ qui-posada ri icaꞌyeꞌ achiꞌaꞌ israelitas ri i-takuon-el ruma ri Josué y xaꞌralasaj-el jun chic lado, y ruma ri xuꞌon, xiel chi man jun chic ru-pecado choch ri Dios.

Kaqchikel Central Guatemala

²⁵ Y chuka' ri Rahab ri ixok ri xc'oje' ojer can, stape' man utz ta ruc'aslen ruc'uan, man jun rumac xc'ulun chuvech ri Dios roma ri xuben. Rija' xerevaj ri ca'i' achi'a' israelitas ri e takon-el roma ri Josuáe, y xerutek-el pa jun chic bey richin man jun tiquic'ulvachij.

Re C'ac'a Testamento pa Kach'abal

²⁵ Y chuka' re Rahab re ixok re xc'ue' ajuer can, astapa' reja' ruc'uan jun itzel c'aslen, pero man jun rumac xel chach re Dios roma re xuban. Reja' xe'ruvovaj re je ca'e' achi'a' israelitas re je'takon-a roma re Josué, y re ixok re' xe'rutak-a re je ca'e' achi'a' pa jun chic bey chin man jun cosa tiquic'alvachij.

Kaqchikel Western Solola

²⁵ Y chuka' ri ixok ri Rahab rubi' ri xc'oje' ojer ca, astape' ma utz ta ruc'aslen xuc'uaj, pero xtz'etetej ruma ri Dios chi majun rumac ruma ri xuben. Ruma riya' xerewaj ri ca'i' achi'a' israelitas ri ye takon el ruma ri Josué, y xerutek el pa jun chic bey riche (rixin) chi majun xquic'ulwachij.

Santiago 2:25 ပူးပေါင်းရင်းမြစ်များ

Hebreos 11:31

Chuqa' ri Rahab ri ixoq itzel ruk'aslen, kan xukuquba' ruk'u'x rik'in ri Dios. Roma ri' man xken ta kik'in ri ruwinaq toq xtzaq ri rutinamit, roma xeruk'ul ri nachanela' judío chi utzil.

Wuj Richin ri Josúe 2:15

Y ri Rahab xukusaj jun kolo' richin chi yeruqasaj-qa pa ventana, roma ri rachoch rija' k'o chuwech ri tz'aq ri rusutin-rij ri tinamit.

Wuj Richin ri Josúe 2:4

Jak'a ri Rahab xa xerewaj ri achi'a', y xubij-el chike ri yekanon kichin: Qitzij na wi chi ek'o achi'a' xek'oje-el pa wachoch, jak'a man xinwetamaj ta akuchi na kepe-wi,

Wuj Richin ri Josúe 6:17

Ri tinamit y ronojel ri k'o chupan, ri Jehová kan rubanon chire chi nik'is jumul, xaxe k'a ri Rahab, ri ixoq itzel ruk'aslen, ri xtik'ase' kan kik'in konojel ri ek'o pa rachoch, roma kan xerewaj ri nachanela' ri xeqateq-pe.

Wuj Richin ri Josúe 2:1

Toq ri tinamit Israel k'a ek'o na chiri' pa k'echelaj Sitim, ri Josué ri ruk'ajol kan ri Nun, xeruteq-el ka'i' achi'a' pan ewel richin yebe chupan ri ruwach'ulew Canaán richin nibeketamaj kan jebel ri tinamit rubini'an Jericó. Y ri achi'a' xebe k'a y xe'ok pa rachoch jun ixoq itzel ruk'aslen rubini'an Rahab y chiri' xkiq'axaj-wi ri aq'a'.

San Mateo 21:31

¿Achike chike ri ka'i' ri xbanon ri rurayibel ri rutata'?, xcha'. Y ri achi'a' ri' xkibij chi ja ri nabey. Ri Jesús xubij k'a chike: Kan qitzij k'a ninbij chiwe chi ri winaqi' e moloy méro ri k'o chi nitoj chire ri q'atbel-tzij y ri ixoqi' ri man utz ta kik'aslen, xa ja chik k'a rije' ri xkenabiyej chiwech richin ye'ok pa rajawaren ri Dios.

San Mateo 1:5

Y ri Salmón y ri Rahab xkalk'ualaj ri Booz, ri Booz y ri Rut xkalk'ualaj ri Obed, y ri Obed xralk'ualaj ri Isaí.

Santiago 2:22

Ri Abraham kan xuk'ut chi ri rukuqubabel-k'u'x y ri utzilej taq rubanobal kan junan xebiyin. Keri' ri rukuqubabel-k'u'x xtz'aqet rik'in ri utzilej taq rubanobal.

Santiago 2:18

Rik'in juba' k'o ta jun nibin chire jun chik: Rat k'o ri akuqubabel-k'u'x, y yin ninben ri utzilej taq banobel. Tak'utu' k'a chinuwech ri kuqubabel-ak'u'x ri man rik'in ta utzilej taq banobel. Jak'a yin ninbij chawe chi rik'in ri ninben ri utzilej taq banobel, yitikir nink'ut chi qitzij kuqul nuk'u'x rik'in ri Dios.

Wuj Richin ri Josúe 2:6

Rija' keri' xubij chike, jak'a xa man keri' ta, xa e rujotoban-q'anej pa ruwi' ri rachoch y xerewaj chukojol ri raqen lino ri e rusa'on pa ruwi' ri jay.

Wuj Richin ri Josúe 2:16

Y toq man jani keqaqa-qa xubij chike: Kixbiyin k'a la chuwa taq juyu' y tiwewaj-iwi' chiri' oxi' q'ij richin chi man yixilitej ta koma ri e tzeqelibeyon-el iwichin y toq xketzolin-pe rije', k'ari' xtichop-el ibey rix, xcha'.

Hechos 17:7

Ja re Jasón ri xk'ulun-apo kichin ri pa rachoch. Konojel k'a ri ye'ojqan kichin ri Pablo y ri Silas, man ja ta ri nubij ri pixa' richin re qaruwach'ulew ri ye'ajin chubanik. Rije' xa man nikinimaj ta ri nubij ri rey César, roma xa nikibij chi k'o jun chik ki-rey, y rubini'an Jesús, xecha'.

Santiago 2:24

Wawe' niq'alajin chi ri Dios nuk'ul jun wineq man xaxe ta roma ri rukuqubabel-k'u'x, xa kan nik'atzin chuqa' chi nuben ri utzilej taq banobel achi'el nubij ri rukuqubabel-k'u'x.