Santiago 2:20 - Kaqchiquel Bible

²⁰ Rat xa yalan at nakanik rik'in ri ach'obonik. Xtink'ut na pe chawech wakami, chi wi nabij chi kuqul chik ak'u'x rik'in ri Dios y xa man naben ta ri utzilej taq banobel, xa man jun k'a nik'atzin-wi ri nabij.

နောက်ထပ်ဗားရှင်းများ

Kaqchikel Santo Domingo (Xenacoj)

²⁰ Rat xa rat achel jun wineq ri maneq runoꞌoj keriꞌ. Takꞌoxomaj kꞌa chi ma jun utz ndukꞌen pe chawa si xaxe ok ndabꞌij chi ataqin ri Ajaw, y ma ndabꞌen ta ri utz chake chꞌaqa chik.

Kaqchikel Santa Maria de Jesus

²⁰ Altíra at-nacanic. Tatzꞌata-na-peꞌ. Xa naꞌej chi acukubꞌan acꞌuꞌx riqꞌuin ri Dios y xa man naꞌan ta ri otz, man jun nicꞌatzin-ve ri naꞌej; xa quiminak ri acukbꞌal cꞌuꞌx.

Kaqchikel Central Guatemala

²⁰ Yalan at nacanic riq'uin ri ach'obonic. Xtinc'ut na pe' chavech vacami chi vi nabij chi animan chic ri Dios y xa man naben ta ri utz, can man jun nic'atzin-vi tok xabij chi xanimaj. Xa at achi'el jun caminek. Man jun yatiquir naben.

Re C'ac'a Testamento pa Kach'abal

²⁰ Camas yat nacanic riq'uin re ana'oj. Xtinc'ut-na-pa' chavach vocame, nabij che animan chic re Dios y xa man naban-ta re otz, can man jun nic'atzin-va tak xabij che xanimaj. Xa yat ancha'l jun quiminak. Man jun yatiquir naban.

Kaqchikel Western Solola

²⁰ Sibilaj yit nacanic riq'ui ri ana'oj. Xtinc'ut na pe' chawech wacami. Wi riyit nabij chi animan chic ri Dios y xa majun utzil naben ta, can majun nic'atzin wi tek xabij chi xanimaj. Xa yit achi'el jun caminek ri majun nicowin nuben.

Santiago 2:20 ပူးပေါင်းရင်းမြစ်များ

Santiago 2:26

Achi'el jun ch'akulaj ri man k'o ta chik ri espíritu rik'in xa kamineq chik, keri' chuqa' ri kuqubabel-k'u'x wi man ruk'uan ta utzilej taq banobel.

Santiago 2:17

Y keri' chuqa' wi nabij chi kuqul chik ak'u'x rik'in ri Dios, jak'a xa man naben ta ri utzilej banobel, xa man jun k'a nik'atzin-wi ri nabij.

Wuj Richin Etamabel-Tzij 12:11

Ri kan jebel yerusamajij ri rulew, kan k'o k'a k'iy richin nutej. jak'a ri xaxe nuch'ob chi k'o nrajo' nuben y man nisamej ta, xa jun nakanik.

Romanos 1:21

Roma kan chikiwech k'a ek'o-wi ri yeq'alajirisan chi k'o Dios, xa jak'a rije' man kiya'on ta ruq'ij-ruk'ojlen achi'el ruk'amon chi niban, ni man kimatioxin ta chire. Pa ruk'exel chi keri' xa ja ri man jun kejqalen ri yekich'ob; xa e nakaneq y q'equmatajineq ri kánima.

Gálatas 6:3

Jak'a wi k'o jun ri nuch'ob chi k'o ruq'ij roma man qajineq ta pa mak, xa kan ruyon k'a rija' nuq'ol-qa-ri'.

Santiago 1:26

Wi k'o jun nibin chi nuya' ruq'ij ri Dios y xa man nuchajij ta ri' rik'in ri ruch'abel, ruyon rija' nuq'ol-ri'. Y xa man jun utz nuk'en-pe chi nubij chi rija' kan nuya-wi ruq'ij ri Dios.

Tito 1:10

Roma ek'o e k'iy ri man yeniman ta tzij. Ri winaqi' ri' nikitzijoj ch'abel ri man jun rejqalen y kan yekiq'ol ri ch'aqa' chik winaqi'. Y chikikojol rije' ek'o nuwinaq judío.

1 Timoteo 1:6

Roma ek'o ch'aqa' ri xa xkiya' kan rubanik ronojel re' y xa tzij ri man jun rejqalen ri nikibila'.

Colosenses 2:8

Kan tichajij k'a iwi' richin chi man yixq'olotej pa kiq'a' winaqi' ri xa jun wi chik tijonik kik'uan, stape' jebel ok yeq'alajin. Xa kik'in winaqi' peteneq-wi; xa richin re ruwach'ulew y man rik'in ta ri Cristo peteneq-wi.

Wuj Richin ri Jeremías 2:5

¿Achike ta k'a ri man utz ta xkitz'et chuwij ri ite-itata' richin xinkimalij kan? ¿Achike kami roma xa xekitzeqelibej ch'aqa' chik dios ri xa man jun kejqalen y kiyon rije' xkiben-qa chi maneq chuqa' kejqalen?

Gálatas 5:6

Roma ri' roj ri oj richin chik ri Cristo, man jun nuben chiqe wi yojqupix richin ri retal, o man yojqupix ta. Ri nik'atzin, ja ri qakuqubabel-k'u'x rik'in rija', y rik'in ri' niqak'ut ri ajowabel kik'in ri ch'aqa' chik.

Romanos 3:28

Y keri', niq'alajin k'a chi xabachike wineq ri nukuquba' ruk'u'x rik'in ri Jesús, man jun rumak nik'ulun chuwech ri Dios. Jak'a man roma ta nuben xaxe achi'el nubij ri pixa'.

Romanos 9:20

Jak'a man yojtikir ta niqabij chire ri Dios*f22* chi man utz ta ri nuben chiqe. Jun bojo'y man nubij ta chire ri banoy richin: ¿Achike roma ja nubanikil re' ri naben chuwe? Man nicha' ta chire.