Santiago 1:8 - Kaqchiquel Bible

⁸ Roma wi xa ka'i' ik'u'x toq nik'utuj chire ri Dios, niq'alajin chi xa ka'i' chuqa' ik'u'x iwik'in-qa rix chupan ronojel ri ik'aslen.

နောက်ထပ်ဗားရှင်းများ

Kaqchikel Santo Domingo (Xenacoj)

⁸ Porque ri keriꞌ ndubꞌen, jun wi achike ndunojij kami, y jun wi achike ndunojij chuwaꞌq, y keriꞌ ndubꞌen rikꞌin nojel.

Kaqchikel Santa Maria de Jesus

⁸ Ruma xa cacaꞌ rucꞌuꞌx nucꞌutuj cha ri Dios, kꞌalaj chi cacaꞌ jeꞌ rucꞌuꞌx riqꞌuin ri najin chubꞌanic.

Kaqchikel Central Guatemala

⁸ Roma vi xa ca'i' ic'u'x tok nic'utuj chire ri Dios, nik'alajin chi xa ca'i' chuka' ic'u'x iviq'uin ka rix chupan ronojel ri ic'aslen.

Re C'ac'a Testamento pa Kach'abal

⁸ Roma vo xa ca'e' ivánma tak nic'utuj jun cosa cha re Dios, nik'alajin che xa ca'e' chuka' ivánma iviq'uin-ka yex mismo chupan ronojel re ic'aslen.

Kaqchikel Western Solola

⁸ Ruma jun winek wi xa ca'i' ruc'u'x tek nuc'utuj chare ri Dios, nik'alajin chi ma cukul ta ruc'u'x riq'ui ri ntajin chubanic.

Santiago 1:8 ပူးပေါင်းရင်းမြစ်များ

1 Rey 18:21

Y toq ri winaqi' ek'o chik chiri', jari' toq ri Elías xubij chike: ¿K'a janipe' k'a xkixtane' rix richin chaq kaka' ik'u'x? Wi ja ri Jehová jari' ri Dios titzeqelibej k'a rija'. Y wi ja ri Baal, kixbiyin k'a chikij rije', xcha' chike. Y ri winaqi' kan man jun k'a xkibij chire.

San Mateo 6:24

Man jun k'a loq'on samajel ri nitikir ta ri yerusamajij e ka'i' rajaw. Roma wi nrajo' ri jun, nretzelaj ri jun chik. Y wi kan janila nunimaj rutzij ri jun, man nunimaj ta rutzij ri jun chik. Keri' kan man xkixtikir ta k'a chi xtisamajij ri Dios y ri beyomel.

Santiago 4:8

Kixjel-apo rik'in ri Dios, y rija' chuqa' xtijel-pe iwik'in. Rix ri yixmakun chuwech ri Dios, tich'ajch'ojirisaj ri ik'aslen. Rix ri ka'i' ik'u'x rik'in ri Dios, tich'ajch'ojirisaj ri iwánima.

Wuj Richin ri Isaías 29:13

Rix xaxe rik'in ri ich'abel niya' nuq'ij; jak'a ri iwánima xa kan k'o janila nej chuwe yin. Y toq niya' nuq'ij, xaxe nikamuluj pixa' ri e banon koma winaqi'.

2 Pedro 2:14

Xabachike ixoq ri nikitz'et, kan jari' nikajo' yek'oje' rik'in. Kan man yekos ta chubanik ri etzelal. Nikiben k'a chike ri kan k'a man jani jebel kuqul kik'u'x rik'in ri Dios chi yemakun. Jebel ketaman ronojel ruwech q'oloj, richin nikimol k'iy méro. Rije' kan xtiqaqa na wi ri ruk'ayewal pa kiwi'.

2 Rey 17:41

Keri' chuqa' xkiben ri winaqi' ri e k'amon-pe; xa man xkiya' ta ruq'ij ri Jehová, chuqa' xa kan xekisamajij ri ch'aqa' chik dios. Y chuqa' ri kalk'ual y ri kiy-kimam, keri' xkiben achi'el xkiben ri kite-kitata'; y kan keri' nikiben k'a re wakami.

2 Pedro 3:16

Y chupan ronojel ri ruwuj k'o tzij ke taq re' yerubij. Y ek'o k'a chike re tzij ke taq re' ri k'ayew richin yeq'ax. Y roma ri' ri winaqi' ri maneq ketamabal y man kikuquban ta kik'u'x xa nikisuq'ula-qa ri ruch'abel. Rije' keri' nikiben rik'in ch'aqa' chik tzij ri nubij chupan ri ruch'abel ri Dios. Y roma ri' xa kamik nikoyoj-qa chikij.

Os 10:2

Rije' xa kan ruch'aron-ri' ri kánima, wakami kan xtibekitojo' k'a ri kimak. Ri Jehová kan xtuben k'a chi xkewulex-el ronojel porobel ri e kibanon. Kan xkewulex k'a chuqa' ronojel ri wachibel ri e kibanalon richin nikiya' ruq'ij.

San Mateo 6:22

Ri runaq'-iwech kan yek'atzin k'a, achi'el nik'atzin jun q'aq' richin saqil; y wi ri runaq'-iwech e utz, rix ixk'o pa jun saqil.

Wuj Richin Bix Chire ri Dios 119:113

Ri winaqi' ri ka'i' kipalej, yin kan yenwetzelaj, jak'a ri apixa', ri' kan jantape' ninwajo'.

Santiago 1:7

Y wi rix keri' niben, man k'a tich'ob chi ri Dios xtuya-pe chiwe ri nik'utuj chire.