Santiago 1:12 - Kaqchiquel Bible

¹² Ri wineq ri nukoch' ri tijoj-poqonal, kan jebel ruwa-ruq'ij, roma ri Dios xtuya' chire ri wineq ri' ri sipanik richin ri utzilej k'aslen ri man jun bey xtik'is. Ja sipanik ri' ri rubin chi xtuya' chire ri najowan richin.

နောက်ထပ်ဗားရှင်းများ

Kaqchikel Santo Domingo (Xenacoj)

¹² Kin jabꞌel roruqꞌij ri ndikochꞌon ri kꞌayew nduqꞌasaj, porque atoq xukachꞌ yan, nditzꞌetetej chi qetzij kuqul rukꞌuꞌx rikꞌin ri Dios, y ndiyoꞌox chare jun nimalej rajel-rukꞌexel y riꞌ ja ri kꞌaslen ma ndikꞌis ta, ri rusujun ri Dios chake ri ngeꞌojowan richin.

Kaqchikel Santa Maria de Jesus

¹² Can altíra tiquicuot ri rucukubꞌan rucꞌuꞌx riqꞌuin ri Dios y nucochꞌ ri sufrimientos ri nipa chirij. Ruma antok rucachꞌuon chic nojiel, ri Dios xtuyaꞌ incheꞌl jun ru-corona; ri corona ri xtuyaꞌ cha, ja ri utzulaj cꞌaslien ri man xtiqꞌuis ta. Ja cꞌaslien reꞌ ri ranun prometer ri Dios chi xtuyaꞌ chica ri ncaꞌjoꞌn richin.

Kaqchikel Central Guatemala

¹² Pero roj ri kacukuban kac'u'x riq'uin ri Dios, vi xtikacoch' ri tijoj-pokonal ri nipe chikij, jebel c'a ruva-kak'ij. Roma tok kacoch'on chic ronojel, ri Dios xtuya' ri lok'olej sipanic chike, ri utzilej c'aslen ri man jun bey xtiq'uis ta. Ja lok'olej sipanic ri' ri rubin can ri Dios chi xtuya' chike ri yojajovan richin.

Re C'ac'a Testamento pa Kach'abal

¹² Pero yoj re can kayi'on kánma cha re Dios, vo xa xtakacoch' re tijoj-pokonal re nipa chakij, jabal yojqui'cot. Roma tak kacoch'on chic ronojel, re Dios xtuya' re corona re rusujun chaka, jare' re utzulaj c'aslen re man xtiq'uis-ta. Ja corona re' re rubin can re Dios che xtuya' chaka yoj re yojovan richin.

Kaqchikel Western Solola

¹² Jabel c'a ruwaruk'ij ri winek ri can rucukuban ruc'u'x riq'ui ri Dios y nucoch' ri tijoj pokonal ri nipe chrij. Ruma tek rucoch'on chic ronojel, ri Dios xtuya' ri lok'olaj sipanic chare, ri utzilaj c'aslen ri majun bey xtiq'uis ta. Ya lok'olaj sipanic ri' ri rubin ca ri Dios chi xtuya' chake ri yojajowan riche (rixin).

Santiago 1:12 ပူးပေါင်းရင်းမြစ်များ

1 Pedro 5:10

Y toq ik'owisan chik el re tijoj-poqonal re', ri Dios xtuben chiwe chi xkixok tz'aqet, kow xkixk'oje', xtik'oje' iwuchuq'a' y kuqul-ik'u'x xkixk'ase'. Ri Dios rik'in rajowabal xixroyoj richin yixilon chuqa' rix chire ri ruq'ij-ruk'ojlen richin jantape', keri' xtuben iwik'in roma jun ibanon rik'in ri Cristo.

Apocalipsis 2:10

Man tixibij-iwi' chuwech ri tijoj-poqonal ri xtipe pan iwi' ri chiwech-apo. Roma ri Itzel-Wineq xtuben chi ek'o jujun chiwe rix xkeruya' pa cárcel richin chi yerutejtobej. Lajuj k'a q'ij ri xkixk'oje' pa tijoj-poqonal. Jak'a kan kow kixk'oje' k'a toq xkixapon na chuwech ri kamik. Y yin xtinya' jun sipanik richin ch'akonik chiwe y ri' ja ri k'aslen ri man k'isel ta.

Santiago 5:11

Y keri' chuqa' tibana' rix wach'alal. Roma qetaman chi ri yekoch'on, jebel ruwa-kiq'ij. Achi'el xkoch'on ri achin Job, ri janila tijoj-poqonal xuk'owisaj. Y kan iwetaman k'a ri xuben ri ajaw rik'in ri pa ruk'isibel. Ri ajaw k'o joyowanik rik'in y yeruto' ri ek'o pa q'axo'n.

Romanos 8:28

Qetaman chi ronojel ri niqak'owisaj utz nuben chiqe roj ri niqajo' ri Dios, roma xojroyoj rija' richin xojok ralk'ual.

San Mateo 10:22

Jak'a rix kan konojel k'a xke'etzelan iwichin roma ikuquban ik'u'x wik'in. Jak'a ri kan xtutej ruq'ij chi nipa'e' kow y xtukoch' k'a pa ruk'isibel chire ronojel re', kan xtikolotej-wi.

1 Corintios 9:25

Ri ye'ok k'a pa jun etz'anen richin anin, kan janila wi nikichajij-ki'; rije' xaxe ri utz nuben chike ri nikiben. Keri' nikiben, y ri nikich'ek xa k'isel. Jak'a ri niqach'ek roj kan man k'isel ta.

1 Pedro 3:14

Y wi roma ri chojmilej ik'aslen, rix niwil poqon, jebel ruwa-iq'ij. Y roma ri' man tixibij-iwi' chikiwech ri yebanon keri' chiwe. Ni man tisach ik'u'x.

2 Timoteo 4:8

Wakami xaxe chik k'a woyoben jun sipanik ri xtink'ul roma nuk'uan jun utzilej k'aslen. Y ri' kan ja ri Dios ri utzilej q'atoy-tzij ri xtiya'on chuwe chupan ri q'ij toq xtipe chik jun bey. Y man xaxe ta chuwe yin xtuya-wi ri sipanik ri', xa kan xtuya' chuqa' chike konojel ri kan rik'in ronojel kánima koyoben ri q'ij toq xtipe chik jun bey rija'.

Santiago 2:5

Wach'alal ri kan yixinwajo', tich'obo' k'a jebel re xtinbij chiwe. Ri Dios ja ri winaqi' ri man jun ok k'o kik'in chuwech re ruwach'ulew ri xerucha' richin yebeyomer rik'in ri kikuqubabel-k'u'x, y nikichinaj ri ajawaren ri rusujun chike ri ye'ajowan richin.

1 Pedro 5:4

Y toq xtok'ulun chik qa ri Cristo, ri nimalej Yuq'unel, xtik'ul k'a jun corona ri man jun bey xtik'is.

1 Corintios 2:9

Kan achi'el ri tz'ibatel kan toq nubij:*f5* Man jun k'a tz'eteyon, ni ak'axayon ri xtibanatej. Man jun ch'oboyon ta juba' pa ruwi' ri xtuya' ri Dios chike ri ye'ajowan richin, nicha'.

Deut 8:2

Y toqaqa k'a chi'ik'u'x ri tijoj-poqonal ri xqak'owisaj-pe toq xojruk'en-pe ri Jehová ri qa-Dios re kawineq juna' re', chupan re tz'iran ruwach'ulew, richin xqetamaj ta ri qasanri'il chuwech rija' y richin xojrutejtobej, chuqa' richin xretamaj ri achike k'o pa qánima y wi niqayek ri rupixa' o ni.

Wuj Richin Etamabel-Tzij 17:3

Richin chi nitz'et wi utz ri saqipueq, niya'erisex pa jun bojo'y y ri q'anapueq niya'ox pan horno; jak'a richin nitz'et wi ch'ajch'oj ránima ri wineq, kan ja ri Jehová ri nitejtoben.

Wuj Richin ri Zacarías 13:9

Y ri xkek'ase' kan, xkenq'axaj pa q'aq', achi'el toq niya'erisex ri saqipueq. Xkentejtobej k'a achi'el nitejtobex ri q'anapueq. K'ari' rije' xtikik'utuj to'onik chuwe, y yin kan xkenwak'axaj. Y chupan ri q'ij ri', xtinbij chike: Nutinamit yin, y rije' xtikibij chuwe: Qa-Dios roj.

Apocalipsis 3:21

Achike k'a ri xtich'akon, kan xtinya' k'a q'ij chire richin chi nitz'uye' junan wik'in. Kan achi'el ri xban chuwe yin toq xich'akon, y xitz'uye' rik'in ri Nata' Dios.

1 Pedro 4:13

Paruk'exel ri' xa kan kixkikot chupan ri tijoj-poqonal achi'el xutej poqon ri Cristo. Y wi keri', toq xtapon ri q'ij chi rija' xtitzolin-pe rik'in ruq'ij-ruk'ojlen, kan janila k'a xtikikot ri iwánima rix.

1 Corintios 8:3

Jak'a wi k'o jun ri qitzij nrajo' ri Dios, niq'alajin chi kan richin chik, y ri Dios retaman chik ruwech.

Apocalipsis 3:19

Yin kan yench'olij y yenpixabaj ri yenwajo'. Roma ri' rix kan rik'in k'a ronojel iwánima titzolej chik pe ik'u'x wik'in y tiya' kan ronojel ri imak.

Deut 13:3

kan man tinimaj k'a rutzij jun wineq keri'. Roma ri Jehová ri qa-Dios xa yixrutejtobej richin nutz'et wi kan qitzij niwajo' rija' rik'in ronojel iwánima, chupan chijun ik'aslen.

Hebreos 10:32

Toqaqa k'a chi'ik'u'x toq xitej janila poqon, toq k'a juba' tisaqirisex ri ik'aslen. Jak'a rix kan xikoch' ri ruk'ayewal ri'.

Wuj Richin Bix Chire ri Dios 119:71

Janila utz xuben chuwe toq rat xinaya' pa tijoj-poqonal, richin yin ninwetamaj ri apixa'.

Deut 7:9

Kan tiwetamaj k'a chi ri Jehová ri qa-Dios jari' ri qitzij Dios y kan nuben ri nubij achi'el ri rutzij ri rujikiban, y kan nujoyowaj iwech ri yixajowan richin y nitaqej ri rupixa' ri richin jantape', stape' yeq'ax janila chi sol winaqi' chuwech ri ruwach'ulew.

Hebreos 6:15

Y ri Abraham kan xroyobej k'a rik'in janila koch'onik, y xuk'ul na wi ri xusuj ri Dios chire.

San Mateo 25:34

Y jari' k'a toq yin ri in rey xtinbij chike ri ek'o pa wijkiq'a': Kixanpe k'a rix, ri ik'ulun chik ri rutzil ri nata' Dios; kixk'oje' k'a pan ajawaren ri kan iwichin wi rix toq rubanon pa rutikeribel richin re ruwach'ulew.

Wuj Richin Bix Chire ri Dios 119:67

Nabey chuwech richin xaya' tijoj-poqonal pa nuwi', yin xa man nutzeqeliben ta ri abey, jak'a re wakami kan nutaqen k'a ri apixa'.

Wuj Richin ri Nehemías 1:5

Y xinbij k'a chire: Nink'utuj utzil chawe Jehová, Dios ri rajaw ri kaj, ri k'o janila awuchuq'a', y naben chiqe chi niqamey ronojel ri naben y kan k'o akiy. Y chuqa' kan man namestaj ta ri atzij ri xajikiba', y najoyowaj k'a kiwech ri ye'ajowan awichin y ri nikitaqej ri apixa';

Hebreos 11:17

Roma ri kuqubabel-k'u'x, ri Abraham xusuj ri Isaac richin kamelabel toq xtejtobex roma ri Dios, kan xusuj-wi ri juney ruk'ajol ri', stape' kan k'o sujun chire roma ri Dios pa ruwi' ri rijatzul.

Wuj Richin Bix Chire ri Dios 119:75

Jehová, yin wetaman chi ri chojmilal ri naben rat kan pa rubeyal-wi, chi toq yinaya' pa tijoj-poqonal, xa kan roma ri awajowabal pa nuwi'.

1 Juan 4:19

Y ja ri Dios ri xojajowan-pe nabey, roma ri' roj xqajo' rija'.

Wuj Richin ri Isaías 64:4

Kan man jun bey ak'axan ta, ni man jun bey tz'eton chi k'o ta chik jun Dios achi'el rat, ri nibanon chi nusiloj ri nima'q taq juyu'.

Wuj Richin Bix Chire ri Dios 5:11

Xkekikot k'a konojel ri kikuquban kik'u'x awik'in; jantape' k'a xkesik'in rik'in kikoten, roma rat kan ye'ato'. Ri ye'ajowan awichin, xkekikot awik'in rat.

Ex 20:6

Man rik'in ri', kan xtinjoyowaj k'a iwech rix y keri' chuqa' xtinben kik'in ri iwijatzul richin jantape'. Keri' xtinben kik'in ri ye'ajowan wichin y ri nikitaqej ri nupixa'.

Hebreos 12:5

Rix kan imestan chik ri pixabanik ri ruya'on ri Dios, achi'el jun tata'aj chire ri ruk'ajol, ri nunataj chupan ri ruch'abel ri Dios:*f27* Rix walk'ual alaboni', ri ruk'ayewal ri nuya' ri Jehová chiwe, man tiben chi xa man nik'atzin ta, man itzel tina' toq ri Jehová rik'in ruk'ayewal yixruchojmirisaj.

Wuj Richin ri Achin Job 5:17

Jebel ruwa-ruq'ij ri wineq ri nijich'ex roma ri Dios; roma ri', rat Job, kan tak'ulu' ri tijoj-poqonal ri nuya' ri Dios chawe, ri Dios ri k'o ronojel uchuq'a' pa ruq'a'.

Wuj Richin Bix Chire ri Dios 94:12

Jebel ruwa-ruq'ij ri wineq ri nachojmirisaj ri ruk'aslen rat Jehová, ri kan natijoj rik'in ri apixa' rat,

Wuj Richin ri Rutikeribel 22:1

Chirij k'a ronojel re' ri Dios xutejtobej ri Abraham y xroyoj k'a pe y xubij chire: Abraham, xcha'. Y rija' xubij: Jare' ink'o wawe', wajaw, xcha' rija'.

Wuj Richin ri Achin Job 2:10

Roma ri' ri Job xubij chire ri rixjayil: Rat yach'on achi'el ri yech'on ri ixoqi' ri maneq kina'oj. ¿Xaxe kami ri utz ri ruk'amon chi niqak'ul chire ri Dios y ri man utz ta man niqak'ul ta?, xcha'. Man rik'in ri' ri Job man xmakun ta rik'in ri ruch'abel.

Wuj Richin Bix Chire ri Dios 11:5

Ri Jehová kan yerutejtobej k'a ri choj kik'aslen, jak'a ri aj-maki' y ri niqa' chikiwech yekamisan, kan yerixowaj.

San Lucas 6:22

Jebel ruwa-iq'ij rix ri yixetzelex koma ri winaqi', yixkelesaj-pe chikikojol, yixyoq', y nibix chiwe chi ix itzel roma ja ri nubi' yin ri iniman, yin ri xiqaqa-pe achi'el wineq chi'ikojol.

Romanos 5:4

Y rik'in k'a ri koch'onik, niq'alajin chi kuqul qak'u'x rik'in ri Dios. Y re' nuben k'a chiqe chi nik'oje' oyobenri'il qik'in.

2 Timoteo 2:15

Kan tatija' aq'ij yatok jun utzilej samajel chuwech ri Dios, ri man jun achike ta roma yak'ix y kan nak'ut jebel ri qitzij ruch'abel ri Dios.

1 Pedro 4:14

Jebel ruwa-iq'ij rix wi nibix poqon taq tzij chiwe roma itzeqeliben ri Cristo, roma re' nel chi tzij chi ri jebelej Loq'olej Espíritu richin ri Dios kan k'o iwik'in.