Romanos 9:4 - Kaqchiquel Bible

⁴ Roj ri oj israelita kan xban k'a chiqe roma ri Dios chi xojok ruwinaq. Rija' xuben chike ri qati't-qamama' chi xe'ok ralk'ual. Chuqa' kan xkitz'et k'a ri ruq'ij-ruk'ojlen ri Dios. Kik'in k'a rije' xban-wi ri jikibel-tzij. Ri Dios chike rije' xuya-wi ri pixa', y xuk'ut chikiwech achike rubanikil richin nikiya' ruq'ij. Y chuqa' k'o ri xusuj chike.

နောက်ထပ်ဗားရှင်းများ

Kaqchikel Santo Domingo (Xenacoj)

⁴ Rejeꞌ e-israelitas, ri achoq chake ri Dios rusujun pe chi nduyaꞌ rubꞌiꞌ chikij chin ndubꞌen ralkꞌuaꞌl chake. Chikikajal rejeꞌ ruqꞌalajrisan pe ri nimalej ruqꞌij, kikꞌin rejeꞌ erubꞌanun pe pactos, y chin kꞌo utz ndukꞌen pe chake rejeꞌ xuyaꞌ pe ri ley chare ri Moisés. Chikiwech ri ojer teq katit-kimamaꞌ ri Dios xukꞌut ri achike rubꞌeyal ndikiyaꞌ ruqꞌij, y kichin chuqaꞌ ri israelitas ri jalajaj teq achike xusuj ri Dios.

Kaqchikel Santa Maria de Jesus

⁴ Ri israelitas qꞌuiy ri xyoꞌx chica. Ri Dios xuꞌon ralcꞌual chica, can xucꞌut rukꞌij chiquivach, y xuꞌon jun pacto quiqꞌuin. Chica ijejeꞌ xuya-ve ri ru-ley, y xucꞌut chiquivach ri chica niquiꞌan chi niquiyaꞌ rukꞌij. Y cꞌo xuꞌon prometer chica.

Kaqchikel Central Guatemala

⁴ Ri kavinak israelitas can q'uiy c'a ri quic'ulun y romari' bin chique chi e ralc'ual ri Dios. Bin chique chi c'o ri Dios quiq'uin, ri c'o ruk'ij-ruc'ojlen. C'o ri ru-trato ri Dios quiq'uin. Ri Dios chique rije' xuya-vi ri ley, y xuc'ut chiquivech achique rubaniquil richin niquiya' ruk'ij. Y chuka' xubij chi xtuya' ri rutzil chique.

Re C'ac'a Testamento pa Kach'abal

⁴ Roma yoj re yoj israelitas camas q'uiy cosas kac'ulun y bin chaka che yoj rajc'ual re Dios. Y can c'o re Dios kaq'uin, re c'o ruk'ij. Re Dios kaq'uin yoj xuban-va re trato. Re Dios chaka yoj xuya-va re ley, y can xuc'ut chakavach andex rubanic nakaban chin che nakaya' ruk'ij re Dios. Y chuka' q'uiy cosas re xusuj chaka.

Kaqchikel Western Solola

⁴ Ri wech aj Israel, q'uiy c'a ri quic'ulun, ruma ri Dios xuben chique chi xe'oc ralc'ual. Y can xc'oje' wi c'a ruk'ij ruc'ojlen ri Dios quiq'ui. Ri Dios xuben chuka' jun trato quiq'ui. Ri Dios chique riye' xuya' wi ri ley, y xuc'ut chiquiwech achique rubanic riche (rixin) chi niquiya' ruk'ij. Y chuka' xubij chi xtuya' q'uiy ruwech rutzil chique.

Romanos 9:4 ပူးပေါင်းရင်းမြစ်များ

Efesios 2:12

Toqaqa chi'ik'u'x chi chupan ri ruq'ijul ri' rix ich'aron-iwi' rik'in ri Cristo. Man ix qawinaq ta y maneq iq'a' chike ri jikibel-tzij ri epeteneq rik'in ri rusujun-pe ri Dios. Man jun oyonbenri'il iwik'in y maneq Dios chiwech ri ixk'es chuwech re ruwach'ulew.

Wuj Richin Bix Chire ri Dios 147:19

Ri ruch'abel kan xuk'ut k'a chikiwech ri e rijatzul kan ri Jacob. Ri jalajoj ruwech rupixa' xuk'ut chuwech ri tinamit Israel.

Romanos 9:6

Man tiqach'ob k'a chi ri Dios man rubanon ta ri rusujun. Roma man konojel ta ri e rijatzul ri Israel ri kan e qitzij e ruwinaq ri Dios.

Wuj Richin ri Rutikeribel 17:2

Y xtik'oje' k'a ri nujikibel-tzij chiqakojol roj, y yin xtinben chi xkewinaqir ri awijatzul, xcha'.

Hechos 2:39

Roma jare' ri rusujun ri Dios, man xaxe ta chiwe rix, ni chike ri iwalk'ual, xa kan chike k'a konojel winaqi' ri ek'o nej-naqaj; roma konojel k'a re' e oyon roma ri qajaw Dios, xcha' ri Pedro.

Deut 7:6

Roma rix kan ix jun tinamit ri kan ix ch'aron chire ri Jehová ri qa-Dios; rija' kan xixrucha' chikikojol chijun ri ruwach'ulew ri ek'o, richin keri' rix xkixok jun rutinamit ri kan k'o rejqalen chuwech rija'.

Ex 4:22

Y xtabij k'a chire ri rey: Ri Jehová kere' ri rubin-pe: Ri tinamit Israel kan achi'el ri nabey nuk'ajol.

Hebreos 9:1

Ri nabey jikibel-tzij ri xuya' chike ri qati't-qamama' nubij achike rubanik richin nikiya' ruq'ij ri Dios, y chuqa' xk'oje' jun rachoch ri Dios kik'in ri chuwach'ulew.

Wuj Richin Bix Chire ri Dios 89:3

Rat Jehová kan xaben k'a jun jikibel-tzij rik'in ri asamajel ri acha'on. Xaya' k'a atzij chire ri David ri asamajel.

1 Rey 8:11

Y ri e sacerdote man xetikir ta chik xek'oje' chiri' richin xesamej, roma ri ruk'ojlen ri Jehová xunojisaj rupan ri rachoch.

Romanos 8:15

Y ri Espíritu ri nuya' ri Dios chiqe man nuben ta chiqe chi oj achi'el jun samajel ri janila nuxibij-ri' chuwech ri rajaw. Pa ruk'exel ri' wakami oj ralk'ual chik rija', y qatata' niqabij chire ri Dios.

San Juan 1:17

Ri pixa' xya'ox roma ri Moisés, jak'a ri utzil ri' y ri qitzij, xya'ox roma ri Jesús ri Cristo ri nibix chuqa' ch'abel chire.

Wuj Richin ri Jeremías 31:33

Roma kan jare' k'a ri k'ak'a' jikibel-tzij ri xtinben yin Jehová kik'in rije' chupan ri q'ij ri' y kan xtinben richin xtibek'oje' ri nupixa' pa taq kánima. Chupan ri q'ij ri' yin xkinok ki-Dios y rije' xke'ok nutinamit.

Deut 14:1

Roj kan oj ralk'ual ri Jehová ri qa-Dios, roma ri' man tisokola-qa-iwi' ni man tisokaj-el ri rusumal-iwi' ri k'o nik'aj-iwech, toq k'o jun niken.

Wuj Richin ri Rutikeribel 17:7

Ri jikibel-tzij ri xinben awik'in, chuqa' keri' xtinbenbana' kik'in konojel ri awijatzul, chi wiq chi tanaj ri xkepe chiqawech-apo richin q'asen, chi ja yin xkinok a-Dios y xkinok ki-Dios rije'.

Hebreos 9:10

Ri nabey jikibel-tzij, xaxe k'a xch'on chirij ri achike nikitej y nikiqum y ri jalajoj rubanikil ch'ajch'ojirisanik ri k'o chi nikiben. Ronojel ri xchilabex chike chi tikibana', xaxe numej ri ch'akulaj; y jari' ri ukusan-pe kan k'a toq xoqaqa ri q'ij toq k'o chi xjalatej ronojel ri'.

Hebreos 9:3

Chirij ri tasbel rupan ri jay k'o ri akuchi kan janila loq'olej y man jun wineq nitikir nok-apo.

San Juan 1:47

Toq ri Jesús xutz'et ri Natanael chi xa napon yan apo rik'in, xubij chike ri winaqi' ri ek'o chiri': Titzu' la jun achin la'. Rija' jun qitzij israelita y kan man jun q'oloj k'o rik'in, xcha'.

San Mateo 21:33

Ri Jesús xch'on chik kik'in ri winaqi' y xubij: Kan tiwak'axaj na pe jun chik k'ambel-tzij. Xk'oje' k'a jun achin ri kan tata'aj chik. Rija' xutik k'a ruwech ri rulew rik'in uva y xuk'ojoj rij ri rulew. Xuben chuqa' jun yitz'bel-uva chuxe' ulew, y xuben chuqa' jun ti jay richin ri chajinel. K'ari' xuya' kan pa qajik chike ka'i-oxi' samajela', y rija' xbe nej.

Os 11:1

Ri Dios nubij: Toq ri winaqi' israelita k'a juba' kek'iy-q'anej, yin kan janila xenwajo'. Keri', kan k'a pan Egipto xenwoyoj-wi ri e achi'el nuk'ajol.

Wuj Richin ri Jeremías 31:20

Jak'a yin Jehová ninbij chi rix israelita ix achi'el jun nuk'ajol ri kan janila ninwajo'. Stape' k'iy mul ixinch'olin, kan jantape' k'a ixk'o chinuk'u'x. Y roma ri' kan janila ninjoyowaj iwech y yixinwajo'. Yin Jehová ri yibin.

Wuj Richin ri Jeremías 31:9

Xkepe rik'in oq'ej y nikik'utuj utzil chuwe. Y yin xkenk'uaj chunaqaj ch'uti'n raqen taq ya', pa jun bey ri kan choj nibe, ri akuchi ri kan man xtikipajk'ij ta kaqen. Roma yin kan in jun tata'aj richin ri tinamit Israel y ri Efraín ri nabey nuk'ajol.

Wuj Richin ri Isaías 60:19

Man xtik'atzin ta chik chi ri q'ij yixrusaqirisaj ri paq'ij, ni ri ik' yixrusaqirisaj ta chaq'a', roma ja yin ri xkisaqirisan ri ibey richin tibe-q'ij tibe-seq. Y xtinya' ri nuk'ojlen pan iwi' rix.

Wuj Richin ri Isaías 46:3

Kiniwak'axaj k'a rix ri ix israelita, ri juba' chiwe rix ri xixk'ase' kan. Yin kan janila ix wajowan-pe, kan k'a ja toq man jani kixalex, yin kan ix in ch'elen chik.

Wuj Richin ri Isaías 41:8

Jak'a rix israelita ix nusamajela' yin. Rix ix rijatzul kan ri Jacob ri kan xincha'. Rix ix rijatzul kan ri Abraham ri xok wachibil.

Wuj Richin ri Isaías 5:2

Xujosq'ij k'a jebel ri ulew ri' y xrelesaj-el ronojel ri abej chupan. Xerucha' k'a ri más utz ruxe' ri uva y jari' ri xutik-qa. Y pa nik'aj chire ri rutiko'n ri' xupaba' jun tobel richin nichajix ri uva. Chirij re' xuk'ot k'a jun jul, y chiri' xuben jun yitz'bel-uva; y xroyobej k'a chi ri rutiko'n nuya-pe uva ki'. Jak'a pa ruk'exel ri uva ki', xa ch'amilej-uva ri xuya'.

Wuj Richin Bix Chire ri Dios 90:16

Xtiq'alajin ta chik pe ri meyel taq abanobal qik'in roj ri oj asamajela'. Ri ak'ojlemal rat kan ta xtiq'alajin-pe pa kiwi' ri qijatzul.

Wuj Richin Bix Chire ri Dios 89:34

Yin kan xtinben-wi ri nujikibel-tzij ri nubanon rik'in. Kan xtinben ronojel ri nubin.

Wuj Richin Bix Chire ri Dios 78:61

Xuya' k'a q'ij chi xuk'uex-el ri káxa richin ri jikibel-tzij. Xujech k'a pa kiq'a' ri e etzelanel qichin.

Wuj Richin Bix Chire ri Dios 73:1

Kan qitzij wi chi ri Dios kan janila utz rik'in ri rutinamit Israel, kik'in ri ch'ajch'oj kánima chuwech rija'.

Wuj Richin Bix Chire ri Dios 63:2

Richin nintz'et ri awuchuq'a' y ri ak'ojlemal. achi'el toq xatintz'et chupan ri awachoch.

Wuj Richin ri Nehemías 13:29

Roma ri' xich'on rik'in ri Dios y kere' xinbij: Nata' yin, man tamestaj k'a ri itzel taq banobel ri xekiben chawech ri sacerdote, richin xkiben chi maneq rejqalen ri kisamaj, y xkiben chi man ch'ajch'oj ta ri jikibel-tzij ri kibanon ri sacerdote y ri levita, xicha'.

Deut 31:16

Y ri Jehová xubij k'a chire ri Moisés: Rat xkatuxlan yan k'a apo junan kik'in ri ate-atata', y toq rat at maneq chik, re winaqi' richin re tinamit re' xa xkeyojtej y xkekitzeqelibej-el ch'aqa' chik dios ri kichin ri winaqi' ri ek'o pa taq ruwach'ulew ri akuchi xke'apon-wi. Kan xkinkimalij k'a kan y xtikiq'ej ruwi' ri nujikibel-tzij ri nubanon kik'in.

Deut 29:14

Y man xaxe ta qik'in roj re qamolon-qi' wawe' nuben ri Jehová re jun jikibel-tzij re' y re jun ya'on-tzij re',

Deut 29:1

Y keri' chupan ri q'ij ri' ri Moisés xtane' chubixik chike ri ruwinaq re ruka'n jikibel-tzij re', toq k'a ek'o na chiri' pa Moab. Y ri nabey jikibel-tzij xban ojer kan chiri' pan Horeb.

Wuj Richin ri Q'axanri'il 7:89

Ronojel mul toq ri Moisés xok-apo chupan ri rachoch ri Dios richin molojri'il richin nibech'on rik'in, xrak'axaj ri ruch'abel ri Dios chiri' pa ruwi' ri tz'apebel-ruwi' ri káxa, chiri' chikikojol ri ka'i' kiwachibel querubín.

Ex 40:34

Y toq xk'achoj ronojel re', jari' toq ri sutz' xumatzej rij ri rachoch ri Dios y ri ruk'ojlemal ri Dios kan xunojisaj ri rachoch.

Ex 34:27

Xeri' ri Jehová xubij chire ri Moisés: Ke'atz'ibaj k'a re ch'abel re', roma rik'in re ch'abel re' nubanon ri nujikibel-tzij awik'in rat y kik'in ri awinaq, xcha' ri Dios.

Ex 12:25

Y toq xkixok chupan ri ruwach'ulew ri xtuya' ri Jehová chiqe kan xtiben chuqa' re jun nimaq'ij re'.

Wuj Richin ri Rutikeribel 32:28

Y rija' xubij chire ri Jacob: Man xtabini'aj ta chik Jacob, xa kan xtabini'aj k'a Israel, roma xatej-aq'ij richin xach'ek ri Dios y ri achi'a'; y kan xach'akon, xcha'.

Wuj Richin ri Rutikeribel 17:10

Jak'a jikibel-tzij re' ri xinben awik'in y kan xtikitaqej ta k'a konojel ri awijatzul, konojel ri taq ak'uala' alaboni' y ri achi'a' ri ek'o chi'ikojolil rix, k'atzinel richin yequpix richin jun retal.

Wuj Richin ri Rutikeribel 15:18

Chupan ri q'ij ri', ri Jehová xuben jun jikibel-tzij rik'in ri Abram y xubij chire: Chike ri awijatzul xtinya-wi kan re ruwach'ulew re', nitiker-el rik'in ri raqen-ya' richin Egipto y napon k'a rik'in ri nimalej raqen-ya' rubini'an Éufrates.

Romanos 3:2

Ja k'a kan k'iy utz ri ruk'amon-pe chiqe. Ri nabey, ja ri ruch'abel ri Dios ri uxqanen kan pa qaq'a'.

Deut 4:13

Rija' kan xuq'alajirisaj chiqe ri rujikibel-tzij ri lajuj pixa' y xubij chi man tiqamestaj niqaben; y xutz'ibaj kan chuwech ka'i' tz'alem taq abej.

Ez 1:28

kan achi'el k'a ri kotoq'a' ri niq'alajin chupan ri sutz' pa ruq'ijul job. Keri' toq ri Jehová xuk'ut ri ruk'ojlemal chinuwech y xaxe k'a toq xintz'et ronojel re' kixukuk xiqaqa k'a pan ulew. Y k'ari' xinwak'axaj toq rija' xch'on-pe wik'in.

2 Corintios 11:22

Rije' nikibij chi e hebreo. Yin chuqa' in hebreo. Nikibij chi e winaqi' israelita. Keri' chuqa' yin. Chi e riy-rumam kan ri Abraham. Yin chuqa' keri'.

Gálatas 3:16

Keri' chuqa' toq ri Dios k'o xusuj chire ri Abraham ri ojer kan, y chire jun chike ri e rijatzul. Y niq'alajin k'a chi ri Dios man xch'on ta chikij konojel ri e rijatzul ri Abraham ri xkek'oje'. Xaxe chirij jun xch'on-wi. Y ri' ja ri Cristo.*f10*

Hebreos 9:5

Pa ruwi' ri tz'apebel-ruwi' ri káxa k'o ri ka'i' kiwachibel querubín kirik'on kixik' pa ruwi' ri akuchi nikuyutej-wi ri mak. Jak'a wakami man nik'atzin ta niqanataj ronojel re'.

Hebreos 9:6

Keri' k'a rubanik ri rachoch ri Dios. Y ri sacerdote beneq-ruwech ye'ok chupan ri nabey jay, richin nikiben ri rusamaj ri Dios y nikiya' ruq'ij.