Romanos 8:7 - Kaqchiquel Bible

⁷ Ri e uk'uan roma ri itzel taq rayibel kan e etzelanel richin ri Dios. Kan man nikinimaj ta ri nubij ri rupixa', y kan man yetikir ta nikinimaj.

နောက်ထပ်ဗားရှင်းများ

Kaqchikel Santo Domingo (Xenacoj)

⁷ Porque ri bꞌaneq kánima chirij ri itzel teq rayinik chin ri ki-cuerpo, eyakatajneq chirij ri Dios, porque ma ndikibꞌen ta ri ndubꞌij ri ley ruyoꞌon pe ri Dios, nixta ngetiker ndikinimaj ri ley riꞌ.

Kaqchikel Santa Maria de Jesus

⁷ Ri i-ucꞌuan cuma ri itziel tak kax ri ncaꞌquirayij, can itziel niquitzꞌat ri Dios, man niquinimaj ta ri nuꞌej ri ru-ley ri Dios, y man ncaꞌtiquir ta ncaꞌniman.

Kaqchikel Central Guatemala

⁷ Ri e uc'uan roma ri itzel tak quirayibel, niquetzelaj ri Dios. Can man niquinimaj ta ri nubij ri ru-ley ri Dios. Can man yetiquir ta niquinimaj.

Re C'ac'a Testamento pa Kach'abal

⁷ Re je'c'uan roma re itzel tak quirayibal, niquitzelaj re Dios. Can man niquinimaj-ta re nubij re ru-ley re Dios. Can man ye'tiquir-ta niquinimaj.

Kaqchikel Western Solola

⁷ Ri ye uc'uan ruma ri itzel tak quiraybel, niquetzelaj ri Dios, ruma ma niquinimaj ta ri nubij ri ruley ri Dios. Y ni xa ta yecowin niquinimaj.

Romanos 8:7 ပူးပေါင်းရင်းမြစ်များ

1 Corintios 2:14

Ri winaqi' ri man k'o ta ri Loq'olej Espíritu richin ri Dios kik'in, man niq'ax ta chikiwech ri tijonik ri e peteneq rik'in rija'. Chikiwech rije' xa kan man jun rejqalen, roma xaxe ri k'o ri Loq'olej Espíritu qik'in, ri niq'ax chiqawech y qetaman ri tijonik ri'.

Santiago 4:4

Rix ri ichapon chi niya' kan ri Dios, ¿man iwetaman ta k'a chi wi nibe iwánima chirij re ruwach'ulew, niq'alajin chi niwetzelaj ri Dios? Roma ri', rix ri iwojqan re ruwach'ulew, kan niq'alajin k'a chi ix etzelanel richin ri Dios.

Romanos 7:22

Ri wánima kan yalan-wi nikikot rik'in ri rupixa' ri Dios.

Hebreos 8:10

Roma kan jare' k'a ri k'ak'a' jikibel-tzij ri xtinben yin Jehová kik'in rije' chupan ri q'ij ri': Kan xtinben richin xtibek'oje' ri nupixa' pa taq kánima. Yin xkinok ki-Dios y rije' xke'ok nutinamit.

2 Timoteo 3:4

xkepiskolin chikij ri kachibil, man xtikich'ob ta juba' achike nuk'en-pe ri nikiben y más xtikajo' ri kikoten richin re ruwach'ulew, ke chuwech xtikajo' ta ri Dios,

Colosenses 1:21

Ri rubanon kan, rix kan nej k'a ikojol ibanon rik'in ri Dios, roma rik'in ri itzel taq ch'obonik y ri itzel taq banobel ri xek'oje' iwik'in, xq'alajin chi kan niwetzelaj-wi ri Dios.

Romanos 8:4

Keri' xuben richin chi roj yojtikir niqak'uaj jun k'aslen choj achi'el ri natan chupan ri pixa'. Wakami ja ri Loq'olej Espíritu ri uk'uayon qichin, y man oj uk'uan ta chik roma ri itzel taq qarayibel.

Romanos 5:10

Y wakami ri Dios xuben chi junan chik qawech rik'in roma ri ruk'ajol xken qoma roj. Y xtiqil ri kolotajik ri richin jantape' roma rija' xk'astej.

Romanos 1:28

Rije' nikich'ob chi man jun nik'atzin-wi niketamaj ruwech ri Dios. Roma ri' rija' xerumalij kan richin nikich'ob ri itzel taq ch'obonik, y tikibanala' ri man ruk'amon ta.

San Juan 7:7

Rix xa kan man k'a yixetzelex ta koma ri winaqi' ri k'a kikuquban na kik'u'x rik'in re ruwach'ulew. Jak'a yin kan yinketzelaj-wi, roma yin kan ninq'alajirisaj ri itzel taq kibanobal ri yekibanala'.

Romanos 3:31

¿Nich'ob rix chi ri yojniman ri Jesús niqaben chire ri pixa' chi man jun rejqalen? ¡Man keri' ta! Roma roj kan niqaya-wi rejqalen ri pixa'.

Romanos 1:30

xaxe tzij nikiben, niketzelaj ri Dios, kinimirisan-ki' roma k'o kiq'ij, beneq-ruwech nikich'ob achike rubanikil ri etzelal ri nikajo' nikiben, y man nikinimaj ta kitzij ri kite-kitata'.

San Mateo 12:34

Roma ri' ja rix ri ix q'olonela', y chuqa' ix kijatzul kan ri itzel taq q'olonela'. ¿Kan yixtikir kami nibij ri utz, toq xa ja ri etzelal k'o iwik'in? Roma jun wineq kan jak'a ri k'o pa ránima ri nubij.

2 Pedro 2:14

Xabachike ixoq ri nikitz'et, kan jari' nikajo' yek'oje' rik'in. Kan man yekos ta chubanik ri etzelal. Nikiben k'a chike ri kan k'a man jani jebel kuqul kik'u'x rik'in ri Dios chi yemakun. Jebel ketaman ronojel ruwech q'oloj, richin nikimol k'iy méro. Rije' kan xtiqaqa na wi ri ruk'ayewal pa kiwi'.

San Mateo 5:19

Xabachike wineq ri nuq'ej ruwi' jun chike ri nubij chupan ri pixa', stape' ta jun tzij ri achi'el xa ta man jun rejqalen niq'alajin; y kan keri' chuqa' yerutijoj-wi ri ch'aqa' chik winaqi'; ri nibanon keri', xa man jun k'a ok ruq'ij xtik'oje' chikikojol ri ek'o chupan ri aj-chikajil ajawaren. Jak'a ri wineq ri nibanon ronojel ri tz'ibatel chupan ri pixa' y kan keri' chuqa' yerutijoj-wi ri ch'aqa' chik winaqi', ri nibanon keri' kan xtik'oje' k'a ruq'ij chikikojol ri ek'o chupan ri ajawaren ri'.

Wuj Richin ri Jeremías 13:23

¿Nitikir kami jun wineq q'eq, nok ta seq? ¿Nitikir kami jun balma nrelesaj-el ri taq seq'eseq ri ek'o chirij? Rix chuqa' winaqi' aj-Judá, man yixtikir ta chik niben ri utz, roma kan ruk'ulun chik chiwe richin niben ri etzelal.

2 Crón 19:2

Y xbek'ul roma jun achin ri nitz'eton ri peteneq chiqawech y rija' rubini'an Jehú, ruk'ajol ri Hananí y xubij chire ri Josafat: ¿Achike roma ye'ato' ri maneq Dios chikiwech, y at kachibil ri e etzelanel richin ri Jehová? Roma re banobel re', ri Jehová xpe royowal chawe.

Wuj Richin Bix Chire ri Dios 53:1

Ri winaqi' ri maneq kina'oj nikibij-qa pa kánima chi maneq Dios. Konojel rije' xa q'ayineq chik ri kánima, ronojel ri nikiben kan janila itzel, kan man jun ri nibanon ta ri utz.

1 Corintios 9:21

Y toq yik'oje' chikikojol ri winaqi' ri man e judío ta, ri man ek'o ta chuxe' ri rupixa' ri Moisés, kan ninna' k'a qa wi' chi man in judío ta. Keri' ninben roma ninwajo' chi rije' chuqa' nikikuquba' kik'u'x rik'in ri Cristo. Jak'a chuqa' man ninbij ta chi ninmestaj kan ri rupixa' ri Dios, roma kan ninben-wi ronojel ri xubij ri Cristo.

Ex 20:5

Man k'a kixxuke' chikiwech rije', ni man tiya' kiq'ij, roma ja yin Jehová ri in i-Dios ri kan man niqa' ta chinuwech richin niya' ruq'ij jun chik. Jak'a wi yiniwetzelaj, ri woyowal yin xkeruq'i' ri iwalk'ual, k'a pa rox o pa rukaj sol.

Colosenses 2:18

Ek'o winaqi' nikibananej chi janila kiqasan-ki' y nikiya' kiq'ij ri ángel. Man tiya' q'ij chi rije' yixkiq'ol, y nikelesaj ri sipanik ri k'o chi nik'ul chila' chikaj. Re winaqi' re' nikibij chi k'iy kitz'eton ri xa man e tz'etel ta, y xa yesipoj rik'in ri itzel taq kich'obonik roma kik'uan ri ch'obonik richin re ruwach'ulew.

Wuj Richin ri Achin Job 15:13

¿Achike k'a roma toq kan janila yakatajineq awoyowal chirij ri Dios, roma kan jebel q'alaj rik'in ri ch'abel ri ye'el pan achi'?

Ez 14:5

K'ari' yin xtinsiloj kánima konojel ri awinaq ri xkijech'ej kan ki' wik'in roma xa xekiya' kiq'ij wachibel.