Romanos 7:7 - Kaqchiquel Bible

⁷ Y rik'in juba' niq'ax chiwech chi ri pixa' itzel, jak'a xa man keri' ta. Roma ri pixa' nik'atzin richin nuq'alajirisaj ri mak. Wi man ta k'o ri pixa' yin man ta wetaman achike ri' ri mak, achi'el toq nubij:*f14* Man tirayij chi iwik'in ta rix k'o-wi ri k'o kik'in ri iwachpochel.

နောက်ထပ်ဗားရှင်းများ

Kaqchikel Santo Domingo (Xenacoj)

⁷ ¿Rikꞌin ri qabꞌiꞌin pe, ndubꞌij kami tzij chi ri ley ndukꞌen pe mak? ¡Ma ke ta riꞌ! Porque man ta ri ley, man ta xinwetamaj achike ri mak, y man ta xinwetamaj chi mak ri ndarayij ri ruchajin jun chik, porque ri ley ndubꞌij: Ma tarayij ri ruchajin jun chik.

Kaqchikel Santa Maria de Jesus

⁷ Y vacame, ¿chica nakaꞌej? ¿Itziel came ri ru-ley ri Moisés? Man quireꞌ ta. Xa man ta ri ley, inreꞌ man ta vataꞌn chica ri pecado. Ri ley nuꞌej: Man tarayij chi aviqꞌuin ta atreꞌ cꞌo-ve ri cꞌo riqꞌuin jun chic. Y xa man ta ri ley, inreꞌ man ta xinvatamaj chi pecado xa nirayij ri cꞌo riqꞌuin jun chic.

Kaqchikel Central Guatemala

⁷ Y riq'uin juba' nik'ax chivech chi ri ley itzel, pero xa man que ta ri'. Ri ley nic'atzin richin nuk'alajirisaj ri mac. Vi man ta c'o ri ley, yin man ta vetaman achique ri' ri mac. Achi'el tok nubij ri ley: Man tarayij chi aviq'uin ta rat c'o-vi ri c'o riq'uin jun chic. Y roma queri' nubij, vetaman chi vi xtinben queri', yimacun chuvech ri Dios. Man ta nubij queri', man ta vetaman chi mac.

Re C'ac'a Testamento pa Kach'abal

⁷ Q'uiba' nak'ax pan ive' y nibij che re ley can man otz-ta, pero xa man quire-ta. Re ley nic'atzin chin nusekresaj re mac. Xe-ta xa manak ley, yen man-ta ntaman andex re' re mac. Ancha'l tak nubij re ley: Man tarayij che aviq'uin-ta rat c'o-va re c'o riq'uin jun chic vinak. Y roma quire' nubij, yen ntaman che vo xa xtimban quire', yimacun chach re Dios. Xe-ta man-ta quire' nubij re ley, man-ta ntaman che mac re quire' naban.

Kaqchikel Western Solola

⁷ Y riq'ui juba' nik'ax chiwech chi ri ley xa itzel, pero ma que ta ri'. Ri ley nic'atzin riche (rixin) chi nuk'alajsaj ri mac. Wi man ta c'o ri ley, riyin man ta wetaman achique ri' ri mac. Achi'el tek nubij ri ley: Ma tarayij ta riyit ri c'o riq'ui jun chic. Y ruma queri' nubij, wetaman chi wi xtinben queri', yimacun chuwech ri Dios. Man ta nubij queri', man ta wetaman chi mac.

Romanos 7:7 ပူးပေါင်းရင်းမြစ်များ

Romanos 3:20

Man jun wineq roma kan rubanon ri nubij ri pixa', roma ta ri' nitz'etetej roma ri Dios chi man jun rumak. Man keri' ta. Ri pixa' xaxe nuk'ut chiqawech chi kan oj aj-maki'.

Ex 20:17

Man tirayij chi iwik'in ta rix k'o-wi ri k'o kik'in ri iwachpochel: Man tirayij kiwech ri kixjayilal, ni ri kisamajela', ni ri kaj-ik'a', ni ri kibóyix, ni ri kibur; ni man jun chike ri e kichin ri iwachpochel tirayij, xcha' ri Jehová.

Romanos 4:15

Ri Dios nipe royowal toq nikiq'ej ruwi' ri pixa'. Wi maneq ta ri pixa', man jun ta ri nikiq'ej ruwi'.

1 Corintios 15:56

Ja ri mak ri nibanon chi ri kamik nich'akon chiqij. Y ri ruchuq'a' ri mak, ja ri pixa'.

Deut 5:21

Man tirayij chi iwik'in ta rix k'o-wi ri k'o kik'in ri iwachpochel; man tirayij kiwech ri kixjayilal, ni ri kisamajela' ri e yuqul pa samaj kik'in, ni ri kaj-ik'a', ni ri kibóyix, ni ri kibur, ni man jun chike ri e kichin ri iwachpochel tirayij, xcha' ri Jehová.

Romanos 13:9

Ri pixa' ri' nubij chi ri k'ulan taq winaqi' man tikikanoj-ki' richin yemakun, man k'a kixkamisan, man kixeleq', man titz'uk-tzij, man tirayij chi iwik'in ta rix k'o-wi ri k'o rik'in jun chik. Y k'o ch'aqa' chik chuqa' ri nubij.*f48* Jak'a k'o jun chik tzij ri numej ronojel re'. Y ri tzij ri' nubij:*f49* Kan tiwajo' ri iwachpochel, achi'el niwajo-qa-iwi' rix, xcha'.

Romanos 7:8

Jak'a roma chupan ri pixa' keri' nubij, roma ri' xebek'ulun k'a pe ronojel kiwech itzel taq rayibel wik'in. Man ta k'o ri pixa', kamineq ta ri mak ri k'o pa wánima.

1 Tesalonicenses 4:5

Man k'a tiben achi'el nikiben ri winaqi' ri man ketaman ta ruwech ri Dios, roma rije' xaxe ri itzel rurayibel ri ch'akulaj ri nikiben.

Romanos 3:5

Wi ri qamak nik'atzin richin chi ri ruq'atoj-tzij ri Dios niq'alajin jebel, ¿itzel kami nuben ri Dios chi nuya' ruk'ayewal pa qawi'? Jujun xtikibij chi ja'.

Colosenses 3:5

Roma ri', kan tikamisaj ri itzel taq rayinik ri xa richin re ruwach'ulew. Ri achi'a' y ri ixoqi' man tikikanola-ki' richin yemakun. Kan man k'a kixok man ix ch'ajch'oj ta. Man tiya' q'ij chire ri itzel taq irayibel. Man chik tirayij chi iwik'in ta rix k'o-wi ronojel. Roma ri keri' xa kan junan rik'in ri niya' ta kiq'ij ri dios ri xa man e qitzij ta.

Efesios 5:3

Roma rix kan ix loq'olej, man niben ri nirayij. Chi achin chi ixoq man tikanola-iwi' richin yixmakun, ni man tiben ch'aqa' chik etzelal ke taq ri'. Man ruk'amon ta richin nirayij-apo ri utz ri k'o rik'in jun chik.

Romanos 7:13

¿Xtinbij ta k'a chi ri utzilej pixa' nuk'en-pe kamik chuwe? Man keri' ta. Jak'a ri mak xukusaj ri utz richin xuk'en-pe ri kamik. Y rik'in ri' xuk'ut k'a chinuwech achike ri' ri mak. Keri' ri mak xukusaj ri pixa' richin niq'alajin chi ri mak kan itzel-wi.

Romanos 7:11

Ri mak xukusaj ri pixa' richin xiruq'ol y roma ri' xiken.

Romanos 7:5

Rubanon kan, toq kan k'a ojk'o na chupan ri qamak, ri pixa' xa xuben chiqe chi xqaben ri itzel taq rayinik. Roma ri', ronojel ri xqaben xa xojruk'uaj chupan ri kamik.

Romanos 6:15

¿Achike k'a nel chi tzij ri xqabij? ¿Kan jantape' ta k'a xqojmakun xaxe roma ja ri rutzil ri Dios ri nikolon qichin, y man ja ta ri pixa'?

Romanos 4:1

¿Achike k'a niqabij chirij ri xril ri Abraham, ri qatata' roj judío?

Hechos 20:33

Yin man roma ta k'a xinwajo' ri iméro, ni man roma ta chuqa' xinrayij ri itziaq, roma ta ri' xintzijoj ri ruch'abel ri Dios chiwe.

San Lucas 12:15

Jari' toq ri Jesús xch'on chike ri winaqi' ri kimolon-apo-ki' y xubij: Kan titzu' k'a qa iwi' jebel, richin chi man tipe rayinik iwik'in. Roma stape' janila k'iy rubeyomel jun wineq, man ja ta ri' ri xtiya'on ruk'aslen, xcha'.

San Mateo 5:28

Jak'a yin ninbij chi xabachike wineq ri nuya' ruwech chirij jun chik, ri nibanon keri', pa ránima xa kan xmakun yan.

Wuj Richin ri Miqueas 2:2

Nikirayila' k'a rulew ri jun chik y nikiben kan kichin chire. Nikirayila' ruwech jay kichin ch'aqa' chik y nikimej kan. Rik'in tz'ukun-tzij nikeleq'aj kan ri rachoch ri jun chik wineq. Ronojel ri kichinan kan ri kiwinaq nikelesaj kan chike.

Wuj Richin Bix Chire ri Dios 119:96

Ronojel k'a ri kan jebel kibanik xa kan e k'isel. Jak'a ri apixa' rat, ri' kan man jun bey xtik'is.

2 Sam 11:2

Y k'o k'a jun q'ij, toq xqaq'ij-qa, ri David xyakatej-el pa ruwarabel y xbek'astan-q'anej pa ruwi' ri rachoch. Y k'a chiri' xutz'et-qa jun ixoq ri natin y kan janila jebel ok.

Wuj Richin ri Josúe 7:21

Yin xintz'et k'a chukojol ri k'o rejqalen ri xqamej-pe chuwi-kiq'a' ri e etzelanel qichin, jun tzieq banon pa tinamit Babilonia ri janila utz, y wo'o' libra saqipueq y jun ti tz'ajaj q'anapueq ralal juwineq onza; jari' k'a xinrayij ruwech y xinchop-pe y ronojel re' wewan chuxe' ulew pa runik'ajal ri wachoch, nabey nuya'on-qa ri q'anapueq y ri saqipueq y pa ruwi' re' nuya'on-qa ri tzieq, xcha'.

Wuj Richin ri Rutikeribel 3:6

Y ri ixoq xutz'et k'a chi ri ruwech ri che' ri' kan jebel-wi richin nitij y kan rayixel-wi y kan nuya-wi etamabel. Roma ri' xuk'en k'a ri ruwech ri che' ri' y xutej. Y xberuya' chuqa' chire ri rachijil.

San Lucas 20:16

Rija' xtipe k'a y xkerukamisaj ri qajoy taq ulew ri', y ri rulew xtuya' chik kan pa qajik chike ch'aqa' chik, xcha' ri Jesús. Toq ri winaqi' kak'axan chik qa ronojel re', xkibij: ¡Man ta jun bey xtibanatej keri'!, xecha'.

Romanos 5:20

Toq ri Dios xuya-pe ri pixa', roj winaqi' kan más k'a xojmakun chuwech. Stape' janila xojmakun, más xq'alajin ri rutzil ri Dios.

Hebreos 7:19

Roma ri pixa' xa kan man xtikir ta xuben chike ri winaqi' chi tz'aqet ta ri kik'aslen. Jak'a re wakami k'o chik ri jun ri achoq ik'in niqoyobej-wi ri utzil y nuben chiqe chi yojtikir yojjel-apo rik'in ri Dios.