Romanos 5:1 - Kaqchiquel Bible

¹ Kan man jun wi k'a qamak yojk'ulun chuwech ri Dios roma ri kuqubabel-k'u'x. Y roma ri' toq junan chik qawech rik'in ri Dios roma ri qajaw Jesucristo.

နောက်ထပ်ဗားရှင်းများ

Kaqchikel Santo Domingo (Xenacoj)

¹ Romariꞌ, roj ri nixta jun qamak qeqalen chuwech ri Dios roma qataqin ri rubꞌiꞌin pe, maneq chik achike jachayon qawech rikꞌin rijaꞌ, roma ri xubꞌen ri Qajaw Jesucristo pa qakꞌexel.

Kaqchikel Santa Maria de Jesus

¹ Manak chic ka-pecado choch ri Dios ruma kacukubꞌan kacꞌuꞌx riqꞌuin ri Kajaf Jesucristo. Y ruma ri Jesucristo, ri Dios vacame otz nkojrutzꞌat.

Kaqchikel Central Guatemala

¹ Can man jun vi c'a kamac yojc'ulun chuvech ri Dios roma kaniman ri Kajaf Jesucristo. Y matiox chire ri Jesucristo tok junan chic kavech riq'uin ri Dios.

Re C'ac'a Testamento pa Kach'abal

¹ Camanak-va c'a kamac ndel chach re Dios roma kaniman re Kajaf Jesucristo. Y xa roma reja' tak junan chic kavach riq'uin re Dios.

Kaqchikel Western Solola

¹ Can majun chic kamac yojtz'etetej ruma ri Dios ruma kacukuban kac'u'x riq'ui ri Kajaf Jesucristo. Y matiox chare ri Jesucristo ruma xuben chake chi c'o chic uxlanibel c'u'x chkacojol riq'ui ri Dios.

Romanos 5:1 ပူးပေါင်းရင်းမြစ်များ

Wuj Richin ri Isaías 32:17

Ri ruchojmilal kan xtuya' uxlanen, kuqubabel-k'u'x y oyobenri'il richin jantape'.

Romanos 15:13

Ri Dios nuben k'a chiwe chi jantape' kuqul-apo ik'u'x rik'in. Y ri nurayibel yin chiwe rix, chi rija' nunojisaj ta ri iwánima rik'in ronojel kikoten y uxlanen roma ri kuqubabel-ik'u'x. Richin keri' xkixruto' ta rik'in ri ruchuq'a' ri Loq'olej Espíritu, richin chi kan kuqul ik'u'x niwoyobej ri rutzil ri Dios.

San Juan 16:33

Ronojel k'a re', kan ninq'alajirisaj yan kan chiwe, richin chi kan k'o ta k'a ri uxlanen pa taq iwánima roma rix itunun chik iwi' wik'in. Y ninbij k'a chuqa' kan chiwe, chi kan xtiwil-wi tijoj-poqonal. Jak'a yin xich'akon yan chirij ri Itzel-Wineq ri chapayon richin re ruwach'ulew. Roma ri' kan tikuquba' ik'u'x iwik'in, xcha'.

Colosenses 1:20

chuqa' kan rurayibel wi ri Dios, chi xjunamatej kiwech rik'in rija' ronojel ri ek'o chuwech re ruwach'ulew y ri ek'o chila' chikaj. Y chi xk'oje' uxlanibel-k'u'x chiqakojol roj y rija' roma ri rukamik ri ruk'ajol chuwech ri cruz.

Romanos 6:23

Roma ri rutojbalil ri mak xa kamik nuk'en-pe chiqe. Jak'a ri Dios nusipaj ri k'aslen ri man k'isel ta chiqe roj. Y ja k'aslen re' ri nisipex chiqe roma ri qajaw Cristo Jesús.

Romanos 14:17

Roma, ri rajawaren ri Dios man wa'in y qumuj ta. Ri nik'atzin ja ri niqak'uaj jun k'aslen choj y k'o uxlanen y kikoten pa taq qánima roma k'o ri Loq'olej Espíritu qik'in.

2 Tesalonicenses 3:16

Qach'alal, ri Jesucristo ri niya'on uxlanen, xtuya' ta k'a uxlanen pa taq iwánima richin jantape', chupan xabachike ri nik'uluwachij. Y xtik'oje' ta k'a iwik'in chi'iwonojel.

San Juan 14:27

Ri uxlanen ri k'o wik'in yin, kan jari' k'a ri ninya' kan chiwe. Jak'a ri uxlanen ri' man achi'el ta k'a ok ri uxlanen ri nikisuj ri winaqi' ri xa k'a kikuquban na kik'u'x rik'in re ruwach'ulew. Roma ri' man tisach ik'u'x, y man tixibij-iwi'.

Romanos 4:5

Jak'a ri kolotajik choj nisipex, y man jun k'a ri roma ta ri janila nisamej nril ta kolotajik. Stape' jun wineq man choj ta ruk'aslen, jak'a wi nukuquba' ruk'u'x rik'in ri Jesucristo, ri Dios kan nuben k'a chire chi man jun rumak nik'ulun chuwech rija'.

Colosenses 3:15

Ri uxlanen richin ri Cristo ja ta ri' ri nik'oje' pa taq qánima, roma kan oj richin ri chak'ulaj richin rija' y xojoyox richin yojk'ase' rik'in uxlanibel-k'u'x. Nik'atzin k'a chuqa' chi jantape' qojmatioxin.

Wuj Richin ri Isaías 54:13

Yin kan xkentijoj k'a konojel ri iwinaq; konojel k'a rije' xkek'ase' rik'in ch'uch'ujil.

Romanos 15:33

Ri nurayibel yin chiwe rix chi ri Dios ri niya'on uxlanibel-k'u'x, xtik'oje' iwik'in chi'iwonojel. Keri' ta k'a.

Hechos 10:36

Chiqakojol k'a roj judío xorutzijoj-wi-qa chi nuteq pe ri Jesucristo wawe' chuwech re ruwach'ulew, y rija' ri qajaw qonojel roj winaqi'. Y re ch'abel re' xoruya-qa kolotajik y uxlanen pa taq qánima.

Filipenses 3:9

y richin jun xinben rik'in rija'. Wakami man jun numak yik'ulun chuwech ri Dios. Jak'a man roma ta xintaqej ri pixa' richin kan ri Moisés, xa kan roma k'a xinkuquba' nuk'u'x rik'in ri Cristo.

Wuj Richin ri Isaías 27:5

Jak'a wi ri israelita nikajo' chi yento', kan tikijunamaj k'a kiwech wik'in; ja', kan tikijunamaj k'a kiwech wik'in, xticha' ri Dios.

1 Tesalonicenses 5:23

Rix iwetaman chi ja ri Dios ri niya'on uxlanen pa taq iwánima. Y ninwajo' k'a chi rija' yixruch'er richin kan ix richin rija'. Ninwajo' chi xtuchajij ta ri ik'aslen, ri iwánima y ri ich'akul, richin keri' man jun itzel nilitej chiwij toq xtipe chik jun bey ri qajaw Jesucristo.

Romanos 5:18

Roma k'a jun mak, toq niqa' ruk'ayewal pa qawi' qonojel roj winaqi'. Jak'a roma jun chojmilej banobel, toq qonojel man jun qamak yojk'ulun chuwech ri Dios y niqil ri k'aslen ri man k'isel ta.

San Lucas 19:42

Xubij k'a: Rix ri ixk'o pa Jerusalem, stape' k'a ja ta re q'ij re' niq'ax ta chiwech ri achike niya'on uxlanen ri pa taq iwánima. Jak'a xa ewan kan chiwech.

Romanos 1:7

Y re wuj re' chiwe rix qach'alal ninben-wi-el. Ri Dios janila yixrajo' y xixroyoj richin xixruch'er chire rija'. Kan ja ta k'a ri utzil y ri uxlanen ri peteneq rik'in ri Qatata' Dios y ri ajaw Jesucristo xtik'oje' pa taq iwánima chi'iwonojel.

San Lucas 19:38

¡Nimalej ruq'ij ri rey ri peteneq pa rubi' ri Dios! ¡K'o uxlanibel chila' chikaj! ¡Y qonojel tiqaya' ruq'ij-ruk'ojlen ri Dios ri k'o chila' chikaj!, yecha'.

Wuj Richin ri Isaías 55:12

Keri' k'a rix kan xkixel-pe ri chiri' pa Babilonia rik'in janila kikoten. Kan rik'in uxlanibel-k'u'x xkixtzolin-pe chupan ri itinamit. Toq xkixq'ax pa kiwi' ri juyu' y ri ruwi' taq juyu', kan janila kikoten xtik'oje', achi'el ri juyu' y ri ruwi' taq juyu' xkebixan chiwech, y konojel ri che' ri ek'o pa juyu' kan xtikipaq'apa' ri kiq'a'.

Gálatas 2:16

Man rik'in ri' qetaman chi ri wineq kan nik'ulun chi man jun rumak chuwech ri Dios*f3* xaxe toq nukuquba' ruk'u'x rik'in ri Jesucristo, y man roma ta chi nutaqej ri pixa'. Roma ri' roj judío chuqa' qakuquban qak'u'x rik'in ri Jesucristo richin chi man jun qamak yojk'ulun chuwech ri Dios, y man roma ta chi qataqen ri pixa'. Roma man jun nik'ulun chuwech ri Dios chi maneq ta rumak xaxe roma nutaqej ri pixa'.

San Juan 20:31

Jak'a ri e tz'ibatel kan, kan e tz'ibatel richin chi rix tinimaj k'a chi ri Jesús jari' ri Cristo ri ruk'ajol ri Dios. Y toq xtinimaj, xtik'ul ri ik'aslen ri man k'isel ta, roma kan xikuquba' ik'u'x rik'in.

Romanos 10:10

Wi pan awánima nipe-wi richin nakuquba' ak'u'x rik'in ri Dios, wi keri' man jun amak yak'ulun chuwech ri Dios. Y wi nabij chi ri Jesús jari' ri awajaw, xkakolotej.

Romanos 3:30

Xaxe k'a jun Dios k'o. Y ja rija' nibanon chiqe roj judío chi man jun qamak yojk'ulun chuwech roma niqakuquba' qak'u'x rik'in. Chuqa' keri' nuben chike ri man e qawinaq ta, chi man jun kimak yek'ulun chuwech roma nikikuquba' kik'u'x rik'in.

Romanos 1:17

Ri ch'abel richin kolotajik nuq'alajirisaj chiqawech ri rubanon ri Dios richin chi man jun qamak yojk'ulun chuwech. Toq niqakuquba' qak'u'x rik'in, jari' toq man jun qamak yojk'ulun chuwech, achi'el ri nubij chupan ri ruch'abel,*f1* chi ri winaqi' ri nikitzeqelibej ri Dios, kan xtik'oje' kik'aslen roma kikuquban kik'u'x rik'in.

Wuj Richin ri Habacuc 2:4

Y jare' ri rutzijol ri k'o chi natz'ibaj: Ri winaqi' aj-Babilonia man choj ta kánima, y xa kan janila kinimirisan-ki'. Jak'a ri winaqi' ri yetzeqeliben wichin y man xkinkimalij ta kan roma kikuquban kik'u'x wik'in, kan xtink'en chik kiwech, y roma ri' xkek'ase' xcha' ri Dios.

Hebreos 13:20

Ri Dios, ri niya'on uxlanen pa taq qánima, ri xk'ason-pe ri nimalej Yuq'unel ri qajaw Jesús; ri Jesús ri xken y xbiyin ri rukik'el richin xk'achoj ri jikibel-tzij richin jantape',

Efesios 2:7

Keri' xuben roma nrajo' nuk'ut chi janila nim ri rutzil. Y yalan utz nuben qik'in roj ri qakuquban qak'u'x rik'in ri Cristo Jesús. Nrajo' nuk'ut ri utzil ri' chupan ri q'ij ri peteneq chiqawech-apo.

Gálatas 3:25

Ja k'a re wakami ri pixa' man nik'atzin ta chik richin yojk'oje' pa ruq'a', roma wakami xpe yan ri Jesucristo, y rik'in rija' niqakuquba-wi qak'u'x.

Romanos 10:15

¿Y nitikir kami jun nibin chire wi man ta jun taqayon richin? Y chupan ri ruch'abel ri Dios nubij*f33* chi kan janila jebel ok natz'et jun ri nuk'en-pe utzilej rutzijol, keri' nubij ri tz'ibatel kan.

Romanos 9:30

¿Achike nel chi tzij ronojel re'? Nel chi tzij chi ri man e judío ta y man kan ta kitijon kiq'ij richin chi man jun kimak yek'ulun chuwech ri Dios, xa jari' ri xek'ulun chi maneq kimak roma nikikuquba' kik'u'x rik'in ri Jesucristo.

San Lucas 2:14

¡Nim ruq'ij-ruk'ojlen ri Dios ri k'o chila' chikaj! ¡Re wawe' chuwech re ruwach'ulew k'o ta uxlanen kik'in ri winaqi' ri junan kiwech rik'in ri Dios!, yecha'.

Wuj Richin ri Zacarías 6:13

Ja rija' ri xtipaban k'a ri wachoch y kan xtik'oje' k'a janila ruk'ojlemal. Kan xtitz'uye' k'a pa ruch'akat richin xtuq'et-tzij pa ruchojmilal. Chuqa' kan xtuben ri rusamaj ri sacerdote, y kan xtik'oje' k'a uxlanibel-k'u'x chikikojol.

Romanos 3:22

Ri Dios kan nuk'ut k'a chiqawech chi xabachike wineq ri nukuquba' ruk'u'x rik'in ri Jesucristo, man jun rumak nik'ulun chuwech ri Dios, man jun rubanon wi oj judío o man oj judío ta.

San Juan 5:24

Roma kan qitzij wi ri ninbij chiwe, chi ri nak'axan ri nuch'abel y nukuquba' ruk'u'x rik'in ri taqayon-pe wichin, nril ruk'aslen ri man k'isel ta. Man k'a xtapon ta chupan ri ruk'ayewal, roma kolotajineq chik chuwech ri kamik, richin xuk'ul ri qitzij k'aslen.

Wuj Richin Bix Chire ri Dios 122:6

Tik'utuj ri uxlanibel-k'u'x richin ri tinamit Jerusalem, Konojel ri ye'ajowan richin ri Jerusalem, kan ta k'a utz xtel ronojel chikiwech.

Wuj Richin ri Achin Job 21:21

Toq jun wineq xa kamineq chik el, man xkeruch'ob ta chik kan ri ralk'ual; kan man jun chik k'a xtuch'ob kan, toq xtiqupix-el ri ruk'aslen chuwech re ruwach'ulew.

Romanos 5:11

Y man xaxe ta ronojel ri'; niqaya' matiox chire roma ri ajaw Jesucristo, roma ri rusamaj ri xuben chi junan chik qawech rik'in ri Dios.

Gálatas 5:22

Jak'a wi kan niya' q'ij chi ja ri Loq'olej Espíritu nuk'uan iwichin, ri ik'aslen xtiwachin jebel: Xkixajowan, xtikikot ri iwánima, xtik'oje' uxlanibel-k'u'x iwik'in, xkixkoch'on, nim iwánima xtiben, xtibanala' utzil, kan xtiben ri xtibij,