Romanos 4:2 - Kaqchiquel Bible

² Rija' man jun rumak xk'ulun chuwech ri Dios, jak'a man roma ta ri utz ri xerubanala'. Wi ta roma ri', xtikir ta xunimirisaj-ri'. Jak'a ri Dios nubij chi man roma ta ri' toq ri Abraham choj xk'ulun chuwech.

နောက်ထပ်ဗားရှင်းများ

Kaqchikel Santo Domingo (Xenacoj)

² Ri ndiqabꞌij, jareꞌ: Xa ta roma kꞌo utz xerubꞌanalaꞌ ri Abraham, xbꞌan chare chi nixta jun rumak xreqalej chuwech ri Dios, kin kꞌo ta cheꞌel xunimrisaj riꞌ chikiwech ri wineq, pero chuwech ri Dios, naq.

Kaqchikel Santa Maria de Jesus

² Ri Abraham xiel chi man jun chic ru-pecado choch ri Dios, pero man ruma ta ri otz ri xaꞌruꞌon. Xa ta quireꞌ, jajaꞌ xtiquir ta xuya-ka rukꞌij ruyuon. Pero choch ri Dios man quireꞌ ta.

Kaqchikel Central Guatemala

² Ri Abraham man jun rumac xc'ulun chuvech ri Dios, pero man roma ta ri utz ri xerubanala'. Vi ta romari', xtiquir ta xunimirisaj-ri'. Jac'a ri Dios nubij chi man roma ta ri' tok ri Abraham choj xc'ulun chuvech.

Re C'ac'a Testamento pa Kach'abal

² Re Abraham man jun rumac xel chach re Dios, pero man roma-ta che reja' camas cosas otz xe'rubanala'. Xe-ta xa roma re', xtiquir-ta xubij che camas ruk'ij. Pero re Dios nubij che man roma-ta re' tak re Abraham man jun rumac xel chach reja'.

Kaqchikel Western Solola

² Ri Abraham majun rumac xtz'etetej ruma ri Dios, pero ma ruma ta ri utzilaj tak banobel ri xerubanala'. Ruma wi xa ta queri', xcowin ta ri Abraham xunimirisaj ri' ruyon. Astape' ma ruc'amon ta chi nunimirisaj ri' chuwech ri Dios.

Romanos 4:2 ပူးပေါင်းရင်းမြစ်များ

1 Corintios 1:31

Y keri' achi'el ri tz'ibatel kan toq nubij:*f4* Ri nrajo' nunimirisaj-ri', tubana' k'a xaxe roma ri rubanon ri Dios rik'in, nicha'.

2 Corintios 11:30

Rix nich'ob chi nik'atzin chi yin ninya-qa nuq'ij, y kan xtinben-wi k'a. Jak'a xaxe xtinbij ri nuk'ut chi yin xa maneq wuchuq'a'.

Filipenses 3:9

y richin jun xinben rik'in rija'. Wakami man jun numak yik'ulun chuwech ri Dios. Jak'a man roma ta xintaqej ri pixa' richin kan ri Moisés, xa kan roma k'a xinkuquba' nuk'u'x rik'in ri Cristo.

Efesios 2:9

Man xojsamej ta k'a richin xqil kolotajik. Richin keri' man jun ri xtitikir xtunimirisaj ta ri' y xtubij ta chi ruyon xtikir xukol-ri'.

Gálatas 3:22

Jak'a ri ruch'abel ri Dios nubij chiqe chi kan qonojel roj winaqi' kan oj aj-maki-wi; richin keri' tiqetamaj chi k'o chi niqakuquba' qak'u'x rik'in ri Jesucristo richin niqak'ul ri rusujun kan ri Dios.

1 Corintios 9:16

Yin nintzijoj ri utzilej ch'abel richin kolotajik, man richin ta ninimirisaj-wi'. Yin ninben re samaj re' roma kan k'o chi ninben. Toq'ex k'a nuwech yin wi man xtintzijoj ta ri ch'abel richin kolotajik.

1 Corintios 1:29

Ri Dios keri' xuben richin chi man jun wineq ri xtunimirisaj ta ri' chuwech.

2 Corintios 5:12

Man k'a tich'ob chi yojtajin chubixik keri' chiwe xaxe richin chi yojik'ul ta. Roj xaxe niqajo' niqaya' q'ij chiwe chi tina' janila kikoten pa taq iwánima qoma roj. Richin keri' rix yixtikir nipaba-iwi' chikiwech ri nikibananej chi e utz, jak'a ri pa taq kánima xa man keri' ta.

Romanos 15:17

Ri nusamaj ri ruya'on ri Dios, kan nuben k'a chuwe chi jantape' yikikot rik'in ri Cristo Jesús.

Wuj Richin ri Rutikeribel 12:18

K'ari' ri rey xuteq royoxik ri Abram y xubij chire: ¿Achike k'a roma kere' xaben chuwe? ¿Achike roma man xaq'alajirisaj ta chinuwech chi re ixoq re' awixjayil?

2 Corintios 11:12

Y ri nubanon-pe chi nuyon ninq'axaj-wi', kan k'a xtinben na keri', roma ninwajo' ninwelesaj ri ch'obonik ri k'o kik'in ch'aqa' chik ri nikibananej chi e rusamajela' ri Dios. Keri' rije' man xketikir ta xtikibij chi kan e junan qik'in roj.

1 Corintios 4:7

Rix ri nina' chi k'o janila iq'ij, ¿achike kami biyon chiwe chi ja rix ri más nim iq'ij? ¿Roma achike ta kami ri k'o iwik'in rix ri man ja ta chuqa' ri Dios yoyon-pe chiwe? Man jun. Y wi keri', man jun nik'atzin-wi chi ninimirisaj-iwi', roma xa ta iyon rix, man jun ta k'o iwik'in.

Ez 8:9

Y xeri' xubij chuwe chi yinok-apo y nintz'et ri itzel taq banobel ri nikibanala' chiri', ri kan man yeqa' ta chuwech.

Wuj Richin ri Josúe 24:2

K'ari' ri Josué xubij chike: Kere' xubij ri Jehová ri qa-Dios: Ri iwati't-imama' ri xubini'aj Térah ri ojer kan xk'ase' ri juk'an chik ruchi' ri raqen-ya' Éufrates, e rachibilan ri e ka'i' ruk'ajol kibini'an Abraham y ri Nacor, xekisamajij ch'aqa' chik dios.

Wuj Richin ri Rutikeribel 12:20

K'ari' ri rey xubij chike ri rusamajela' richin tikelesaj-el ri Abram pan Egipto, ri rixjayil, y konojel ri e richin rija'.