Romanos 4:1 - Kaqchiquel Bible

¹ ¿Achike k'a niqabij chirij ri xril ri Abraham, ri qatata' roj judío?

နောက်ထပ်ဗားရှင်းများ

Kaqchikel Santo Domingo (Xenacoj)

¹ Si jun wineq roma ndutaqij ri Cristo, ndibꞌan chare chi nixta jun rumak ndireqalej chuwech ri Dios, ¿achike ndiqabꞌij pa ruwiꞌ ri ojer qamamaꞌ Abraham?

Kaqchikel Santa Maria de Jesus

¹ ¿Chica xtakaꞌej chirij cheꞌl xcolotaj ri Abraham, ri ojier katataꞌ ojreꞌ israelitas?

Kaqchikel Central Guatemala

¹ ¿Achique cami nikabij chirij ri colotajic ri xril ri Abraham, ri katata' roj israelitas?

Re C'ac'a Testamento pa Kach'abal

¹ Re Abraham re kamoma' yoj re yoj israelitas, ¿andex como xuban reja' chin xcolotaj?

Kaqchikel Western Solola

¹ ¿Achique cami nikabij chrij ri colotajic ri xril ri Abraham, ri katata' riyoj israelitas?

Romanos 4:1 ပူးပေါင်းရင်းမြစ်များ

Wuj Richin ri Isaías 51:2

Titz'eta' ri Abraham, ri imama', achoq ik'in xixpe-wi, y ri Sara ri iwati't. Roma toq xenwoyoj ri Abraham y ri Sara, rije' kan k'a kiyon na. Jak'a yin kan xinya' urtisanik pa kiwi', y xenya' janila e k'iy kijatzul.

Romanos 4:16

Ri Dios kan xujikiba' rutzij rik'in ri Abraham roma xukuquba' ruk'u'x rik'in. Xuben keri', roma xrajo' chi ri xusuj chike ri e rijatzul, kan jun sipanik chike rije'. Ri xusuj nuya' chuqa' chiqe qonojel ri yojniman, stape' oj judío ri k'o ri pixa' qik'in, o ni; ri nik'atzin xaxe tiqakuquba' qak'u'x, achi'el xukuquba' ruk'u'x ri Abraham. Roma ri' ja rija' ri qatata' qonojel roj ri qakuquban qak'u'x rik'in ri Dios.

2 Corintios 11:22

Rije' nikibij chi e hebreo. Yin chuqa' in hebreo. Nikibij chi e winaqi' israelita. Keri' chuqa' yin. Chi e riy-rumam kan ri Abraham. Yin chuqa' keri'.

Hechos 13:26

Rix nuwinaq judío, ri kan oj rijatzul kan ri qatata' Abraham, y rix ri man ix judío ta, ri kan niya' ruq'ij ri Dios, ninbij k'a chiwe chi ri ruch'abel ri Dios, ri kan nich'on k'a chirij ri kolotajik, kan qichin k'a roj ya'on-pe.

San Juan 8:56

Ri Abraham kan janila k'a xkikot ránima, roma xutz'et kan ri q'ij toq yin xipe, xcha' ri Jesús.

Romanos 7:7

Y rik'in juba' niq'ax chiwech chi ri pixa' itzel, jak'a xa man keri' ta. Roma ri pixa' nik'atzin richin nuq'alajirisaj ri mak. Wi man ta k'o ri pixa' yin man ta wetaman achike ri' ri mak, achi'el toq nubij:*f14* Man tirayij chi iwik'in ta rix k'o-wi ri k'o kik'in ri iwachpochel.

San Mateo 3:9

Man k'a tich'ob-qa rix chi kan xaxe roma ix riy-rumam kan ri Abraham, xkixkolotej. Roma kan ta ri Dios nrajo' xa kan nuben ta chuqa' chike re abej re' chi ye'ok rijatzul ri Abraham.

Romanos 8:31

Y wi ronojel k'a re' nuk'ut chiqawech chi ri Dios kan k'o qik'in roj, ¿achike k'a xtitikir chiqij? Kan man jun.

San Juan 8:53

Ri qatata' Abraham k'o ruq'ij, man rik'in-wi ri' rija' xken, y keri' chuqa' ri xeq'alajirisan ri ruch'abel ri Dios ojer. ¿Más ta kami aq'ij rat ke chuwech rija'? ¿At achike k'a nana' awi' rat?, xecha'.

San Juan 8:33

Ri winaqi' ri' xkibij: Roj kan oj riy-rumam kan ri Abraham, y roma ri' man jun bey xojk'oje' ta chuxe' kitzij ch'aqa' chik, achi'el ta oj loq'on taq samajela'. ¿Achike k'a roma toq nabij chiqe chi xqojkolotej-el?, xecha'.

San Lucas 3:8

Wi kan qitzij chi rix nitzolej-pe ik'u'x rik'in ri Dios, kan tiq'alajin k'a chupan ri ik'aslen. Man k'a tich'ob-qa rix chi kan xaxe roma ri ix riy-rumam kan ri Abraham, xkixkolotej. Roma, kan ta ri Dios nrajo', rija' yeruben ta riy-rumam ri Abraham chike re abej re yeqatz'et wawe'.

Hebreos 12:9

Toq roj k'a oj kokoj na, ri qatata' xojkipixabaj, y man xeqetzelaj ta roma ri'. Xa kan xqaya' kiq'ij. ¿Y man más ta kami ruk'amon chi niqanimaj rutzij ri qatata' Dios, richin niqil ri k'aslen?

Romanos 6:1

¿Achike xtiqabij wakami? ¿Utz ta k'a chi k'a yojmakun na richin chi más niq'alajin ri rutzil ri Dios?

Romanos 3:5

Wi ri qamak nik'atzin richin chi ri ruq'atoj-tzij ri Dios niq'alajin jebel, ¿itzel kami nuben ri Dios chi nuya' ruk'ayewal pa qawi'? Jujun xtikibij chi ja'.