Romanos 3:9 - Kaqchiquel Bible

⁹ Y wakami, ¿nibij rix chi chuwech ri Dios ri qak'aslen roj kan más utz ke chuwech ri kik'aslen ri man e judío ta? Man keri' ta. Qonojel winaqi', chi judío y man judío ta, qonojel oj qajineq chuxe' ri mak.

နောက်ထပ်ဗားရှင်းများ

Kaqchikel Santo Domingo (Xenacoj)

⁹ ¿Achike ndiqabꞌij pa ruwiꞌ nojel reꞌ? ¿Kꞌo kami más favor chin ri Dios pa qawiꞌ roj israelitas ke pa kiwiꞌ ri ma israelitas ta? ¡Ma ke ta riꞌ! Achel xqabꞌij yan pe, chi israelitas y ma israelitas ta, konojel ekꞌo chuxeꞌ ruchuqꞌaꞌ ri mak.

Kaqchikel Santa Maria de Jesus

⁹ ¿Y vacame chica ntiꞌej ixreꞌ? ¿Ja came ojreꞌ israelitas ri más oj otz choch ri Dios que ri man israelitas ta? Man quireꞌ ta. Incheꞌl xinꞌej yan, quinojiel vinak, israelitas o man israelitas ta, quinojiel icꞌo chuxieꞌ ri pecado.

Kaqchikel Central Guatemala

⁹ ¿Y vacami achique nibij? ¿Chuvech ri Dios ri kac'aslen roj israelitas más cami utz que chuvech ri quic'aslen ri man e israelitas ta? Man que ta ri'. Achi'el xinbij yan ka, chi conojel vinek, chi israelitas y man israelitas ta, conojel e kajinek chuxe' ri mac.

Re C'ac'a Testamento pa Kach'abal

⁹ Y vocame ninjo' nimbij chiva, che mana-ta yoj re yoj israelitas re más otz kac'aslen chach re Dios, y mana-ta chuka' yoj re más otz kac'aslen que chiquivach re man je israelitas-ta. Ancha'l ximbij-yan-ka chiva, che conojel vinak, israelitas y man je israelitas-ta, conojel je'kejnak chuxe' re mac.

Kaqchikel Western Solola

⁹ ¿Y wacami achique nibij riyix? ¿La más ta c'a utz ri kac'aslen riyoj israelitas que chuwech ri quic'aslen ri ma ye israelitas ta? Ma que ta ri'. Xkabij yan ka, chi quinojel winek, chi israelitas y ma ye israelitas ta, quinojel ye kajnek chuxe' ri mac.

Romanos 3:9 ပူးပေါင်းရင်းမြစ်များ

Gálatas 3:22

Jak'a ri ruch'abel ri Dios nubij chiqe chi kan qonojel roj winaqi' kan oj aj-maki-wi; richin keri' tiqetamaj chi k'o chi niqakuquba' qak'u'x rik'in ri Jesucristo richin niqak'ul ri rusujun kan ri Dios.

Romanos 6:15

¿Achike k'a nel chi tzij ri xqabij? ¿Kan jantape' ta k'a xqojmakun xaxe roma ja ri rutzil ri Dios ri nikolon qichin, y man ja ta ri pixa'?

Wuj Richin ri Isaías 65:5

Y nikibij chike ch'aqa' chik kiwinaq: Kixk'oje' chiri' ri akuchi ixk'o-wi. Man kixjel-pe qik'in, roma roj kan más oj loq'olej chiwech rix, yecha'. Re winaqi' re' kan e achi'el q'aq' ri chijun q'ij yebuqun; y kan man utz ta nuben chuwe, roma xa e achi'el sib.

Romanos 11:32

Ri Dios kan nuq'alajirisaj k'a chi konojel winaqi' oj aj-maki'; jak'a nrajo' nusuj ri rutzil chiqe qonojel.

Romanos 3:19

Y qetaman k'a chi ronojel ri tz'ibatel kan, nich'on chiqij roj ri ojk'o chuxe' ri pixa'. Y ri pixa', k'o richin chi man jun tibin chi maneq rumak, y richin nuk'ut chiqawech chi qonojel k'o chi yojapon na chuwech ri ruq'atbel-tzij ri Dios.

Filipenses 1:18

Chuwe yin ri más nik'atzin, kan ja ri nitzijox ri rubi' ri Cristo; y man nik'atzin ta k'a chi ninwetamaj wi ch'ajch'oj kánima toq nikitzijoj o xa man ch'ajch'oj ta. Jak'a toq kan ja ri rubi' ri Cristo ri nitzijox, kan janila kikoten ri nuya' pa wánima, y kan jantape' xkikikot.

Gálatas 3:10

Jak'a wi niqajo' niqakol-qi' roma ri pixa', xa kan xtiqaqa-wi k'a ruk'ayewal pa qawi', roma xa man yojtikir ta niqaben ronojel ri nubij ri pixa' ri', roma ri ruch'abel ri Dios nubij*f6* chi ri man nuben ta ronojel ri nubij chupan ri wuj richin ri pixa', kan niqaqa ruk'ayewal pa ruwi'.

1 Corintios 14:15

¿Achike k'a ri k'o chi ninben? Roma yin ninwajo' yich'on rik'in ri Dios rik'in ri wánima y rik'in chuqa' ri nunojibal. Y keri' chuqa' ninwajo' yibixan rik'in ri wánima y rik'in chuqa' ri nunojibal.

1 Corintios 10:19

¿Kan keri' kami chuqa' nibanatej kik'in ri wachibel? ¿Kan nich'ob rix chi jun wachibel k'o ruq'ij, y roma ri' ri ti'ij ri nisuj chuwech k'o rejqalen chiwech rix?

1 Corintios 4:7

Rix ri nina' chi k'o janila iq'ij, ¿achike kami biyon chiwe chi ja rix ri más nim iq'ij? ¿Roma achike ta kami ri k'o iwik'in rix ri man ja ta chuqa' ri Dios yoyon-pe chiwe? Man jun. Y wi keri', man jun nik'atzin-wi chi ninimirisaj-iwi', roma xa ta iyon rix, man jun ta k'o iwik'in.

Romanos 11:7

Xa oj juba' ok chiqe roj judío ri oj cha'on, roma ri Dios xqil ri niqakanoj. Jak'a ri ch'aqa' chik qawinaq ri man e cha'on ta roma ri Dios man xkil ta; xa xkowirisex ri kánima.

Romanos 3:5

Wi ri qamak nik'atzin richin chi ri ruq'atoj-tzij ri Dios niq'alajin jebel, ¿itzel kami nuben ri Dios chi nuya' ruk'ayewal pa qawi'? Jujun xtikibij chi ja'.

Romanos 1:18

Ri Dios yakatajineq royowal chikij ri winaqi' ri itzel taq kibanobal. Roma rik'in ri itzel kibanobal kiq'aton ri qitzij tijonik.

San Lucas 7:39

Ri Simón, toq xutz'et ri xuben ri ixoq, xuch'ob-qa: Wi ta re Jesús kan qitzij wi chi q'alajirisey ruch'abel ri Dios, nunabej ta achike ixoq nichapo la raqen. Roma la jun ixoq la' itzel ruk'aslen, xcha-qa.

Wuj Richin Etamabel-Tzij 20:9

¿Kan nitikir kami nubij ri wineq? Yin kan nuchajin-wi' y roma ri' ri wánima kan ch'ajch'oj. ¿Y kan nitikir ta kami chuqa' nubij? Yin kan in ch'ajch'oj y man jun mak k'o ri pa nuk'aslen.

Romanos 2:1

Roma ri' kan man yixtikir ta nibij chi maneq imak, roma xa yixch'on chikij ch'aqa' chik winaqi' y nibij chi man utz ta ri kibanobal ri yebanon mak ri keri'. Jak'a rix xa kan keri' chuqa' niben, y roma ri' xa iyon niya-iwi' pa k'ayew.

Romanos 3:1

¿Achike k'a nuk'en-pe chiqe chi oj judío? ¿Achike nuk'en-pe chiqe ri oj qupin richin jun retal chi oj rutinamit ri Dios?

Romanos 7:14

Qetaman chi ri pixa' rik'in ri Dios peteneq-wi. Jak'a yin xa in jun wineq ri in ximil pa ruq'a' ri mak.