Romanos 3:4 - Kaqchiquel Bible

⁴ Man keri' ta. Ri Dios kan qitzij wi nich'on, stape' konojel winaqi' e tz'ukuy taq tzij. Roma ri' kan tz'ibatel kan chirij ri Dios,*f5* Xtiq'alajin chikiwech ri winaqi' chi kan choj ri ruq'atbel-tzij ri xuya' pa kiwi'. Y kan ruk'amon toq rija' nuya' ruk'ayewal pa kiwi' ri winaqi'.

နောက်ထပ်ဗားရှင်းများ

Kaqchikel Santo Domingo (Xenacoj)

⁴ ¡Ma ke ta riꞌ! Ri Dios kin ndubꞌen wi ri rubꞌiꞌin chi ndubꞌen, maske konojel wineq xa etzꞌukuy aqꞌ, achel ndubꞌij chupan ri rutzij ri Dios tzꞌibꞌan kan ri kereꞌ ndubꞌij: Kin ta xtiqꞌalajin chikiwech ri wineq chi kin chojmilej wi ri ndabꞌij, Y kin ta xtikitzꞌet chi pa ruchojmil xabꞌen chi xayaꞌ castigo pa nuwiꞌ. Keriꞌ tzꞌibꞌan kan.

Kaqchikel Santa Maria de Jesus

⁴ Man quireꞌ ta. Ri Dios can nuꞌon ri nuꞌej, mesque quinojiel ri vinak man quireꞌ ta niquiꞌan. Incheꞌl ri tzꞌibꞌan can chupan ri ruchꞌabꞌal ri Dios: Ri vinak xtiquitzꞌat chi ketzij ri naꞌej. Y xa icꞌo vinak ri altíra itziel ncaꞌchꞌoꞌ chavij, can xtikꞌalajin chi man ketzij ta ri niquiꞌej. Quireꞌ nuꞌej ri tzꞌibꞌan can.

Kaqchikel Central Guatemala

⁴ Man que ta ri'. Ri Dios can kitzij vi nich'on, stape' ta conojel vinek man que ta ri' niquiben. Achi'el ri tz'ibatel can roma ri David. Rija' rubin can: Xtik'alajin chiquivech ri vinek chi can kitzij vi ri nabij. Y vi ec'o vinek ri janíla itzel yech'on chavij, xtik'alajin ta chuka' chi man kitzij ta ri niquibij. Queri' nubij chupan ri tz'ibatel can.

Re C'ac'a Testamento pa Kach'abal

⁴ Man quire-ta. Re Dios can katzij-va nich'o y man jun bey xtutz'uc-ta tzij, astapa' conojel vinak re jec'o chach re ruch'ulef ye'tz'ucu tzij, pero re Dios can man jun bey xtutz'uc-ta tzij. Ancha'l nubij re tz'iban can roma re Rey David. Y reja' quire' rubin can: Vo xa jec'o vinak niquibij che man katzij-ta re nabij, man quire-ta. Roma can xtik'alajin chiquivach che can katzij-va re nabij. Quire' nubij chupan re ruch'abal re Dios re tz'iban can.

Kaqchikel Western Solola

⁴ Ma que ta ri'. Ri Dios can kitzij wi nich'o, astape' quinojel ri winek ma que ta ri' niquiben. Achi'el ri tz'ibatal ca tek nubij: Xtik'alajin c'a chiquiwech ri winek chi can kitzij wi ri nabij. Y wi yec'o winek ri itzel yech'o chawij, can yit c'a riyit ri xcach'acon y xtik'alajin chi riye' ma kitzij ta ri niquibij. Queri' nubij chupan ri tz'ibatal ca.

Romanos 3:4 ပူးပေါင်းရင်းမြစ်များ

Wuj Richin Bix Chire ri Dios 51:4

Kan chawech k'a rat, kan xaxe k'a chawech rat ximakun. Kan xinben k'a ri man niqa' ta chawech rat. Roma ri' kan choj ri aq'atbel-tzij ri xaya' pa nuwi'. Kan roma k'a ri numak toq naya' ruk'ayewal pa nuwi'.

Wuj Richin Bix Chire ri Dios 116:11

Roma ri nuq'axo'n kan xinmalij k'a nuk'u'x, xinbij k'a chi konojel winaqi' xa e tz'ukuy taq tzij.

Gálatas 2:17

Roj xqakuquba' qak'u'x rik'in ri Cristo richin chi man jun qamak yojk'ulun chuwech ri Dios. Y roma ri' xq'alajin chi roj man xqataqej ta ri pixa'. Jak'a man yojtikir ta niqabij chi ja ri Cristo ri xobanon-qa aj-maki' chiqe. Man keri' ta.

Hebreos 6:18

Ri Dios, kan qitzij wi ri nubij y man nitikir ta nutz'uk-tzij chirij ri rusujun y ri ya'on-tzij ri rubanon. Roma ri' k'o oyobenri'il qik'in roj pa ruwi' ri peteneq chiqawech.

Tito 1:2

Y rik'in ri' kan qoyoben k'a ri utzilej k'aslen ri man jun bey xtik'is. Y ja k'aslen ri' ri sujun roma ri Dios ojer kan toq k'a man jani k'o ta re ruwach'ulew. Y kan nuya-wi, roma ri Dios kan nuben-wi ri rubin.

Deut 32:4

Ri Jehová achi'el jun nimalej abej ri akuchi niqato-wi-qi', y chuqa' ri rusamaj kan tz'aqet rubanik, roma ronojel ri rubey kan e choj-wi. Kan nuben ri nubij y kan man jun q'oloj rik'in. Rija' kan choj k'a nuben rik'in ronojel, y man jun ri man ta pa ruchojmilal ri nuben.

Wuj Richin ri Achin Job 36:3

Yin kan xtink'ut k'a chawech ri janipe' etamabel ri k'o wik'in, richin chi tawetamaj chi ri Dios ri banayon wichin, xaxe rija' ri choj.

San Juan 3:33

Ri wineq k'a ri niniman ri nuq'alajirisaj ri jun ri peteneq chila' chikaj, kan nuq'alajirisaj k'a chi ri Dios kan qitzij wi.

Wuj Richin Bix Chire ri Dios 119:160

Ronojel ri ach'abel kan e qitzij; ri ruchojmilal ri q'atoj-tzij kan richin k'a q'asen.

Apocalipsis 3:7

Y xubij chik k'a chuwe chi tintz'ibaj el chire ri ángel kichin ri molaj nimanela' ri chiri' pa Filadelfia, y tinbij-el; chi ri Loq'olej, ri qitzij y ri uk'uayon ri llave ri nujeq ruchi' ri rajawaren ri rey David, ri toq nujeq man jun nitz'apen y toq nutz'apej man jun nijaqon, kere' nubij.

1 Juan 5:20

Y qetaman chuqa' chi xok'ulun yan qa ri Ruk'ajol ri Dios chuwech re ruwach'ulew. Rija' xuya' etamabel chiqe, richin xqetamaj ruwech ri qitzij Dios, roma ri' jun qabanon rik'in ri Dios y ri Jesucristo ri Ruk'ajol. Rija' kan qitzij Dios wi, y rik'in rija' peteneq-wi ri k'aslen ri man k'isel ta.

Romanos 9:14

Wi keri', ¿k'o chi niqabij chi man choj ta xuben ri Dios? ¡Man keri' ta!

Wuj Richin Bix Chire ri Dios 138:2

Yitzu'un pa ruchojmilal ri awachoch, y ninya' aq'ij. Xtinbixaj k'a ri abi' roma ri ajoyowanik y kan naben ri nabij, roma kan animirisan k'a ri abi' y ri ach'abel pa ruwi' ronojel.

Wuj Richin ri Miqueas 7:20

Jehová, jantape' ta k'a xtaya' pa qawi' ri awajowabal ri xasuj chire ri Abraham y ri Jacob. Ronojel ri xasuj chike ri qati't-qamama' ojer kan, jari' ta k'a ri xtaya' pa qawi' roj wakami.

Wuj Richin Bix Chire ri Dios 100:5

Roma ri Jehová kan janila utz. Ri rajowabal man k'isel ta, y man jun bey yojrumalij kan roj ri oj ruwinaq.

1 Juan 5:10

Roj ri qakuquban qak'u'x rik'in ri Ruk'ajol ri Dios, ja ri qánima ri nibin chiqe chi qitzij ri nubij ri Dios chirij ri Ruk'ajol. Jak'a ri winaqi' ri man kikuquban ta kik'u'x rik'in, xa nikiben chire chi man qitzij ta ri nubij ri Dios, roma man nikak'axaj ta ri nubij chirij ri Ruk'ajol.

Gálatas 2:21

Yin man xtinwixowaj ta ri rutzil ri Dios, roma wi xaxe rik'in ri pixa' man jun qamak yojk'ulun chuwech ri Dios, ri Cristo man jun ta xk'atzin-wi chi xken.

Romanos 6:15

¿Achike k'a nel chi tzij ri xqabij? ¿Kan jantape' ta k'a xqojmakun xaxe roma ja ri rutzil ri Dios ri nikolon qichin, y man ja ta ri pixa'?

Romanos 3:31

¿Nich'ob rix chi ri yojniman ri Jesús niqaben chire ri pixa' chi man jun rejqalen? ¡Man keri' ta! Roma roj kan niqaya-wi rejqalen ri pixa'.

San Mateo 11:19

Jak'a yin, ri xiqaqa-pe achi'el wineq chi'ikojol, toq yiwa-yinuk'ya' kan nibij k'a chuwe chi in jun achin aj-wa'il, qumuy vino, kachibil ri e moloy taq méro ri nitoj chike ri aj-Roma, chuqa' ri winaqi' ri man nikitzeqelibej ta ri pixa'. Jak'a yin ninbij chi ri etamabel richin ri Dios kan niq'alajin k'a rik'in banobel, xcha' ri Jesús.

Wuj Richin ri Achin Job 40:8

¿Achike roma toq rat nabij chi ri nuq'atbel-tzij yin xa man utz ta ri nuk'en-pe, y xaxe richin chi niq'alajin chi rat xa man at aj-mak ta?

Gálatas 6:14

Y nej k'a k'o-wi chuwe yin, chi ninben ta achi'el ri nikiben rije', roma yin man ninkanoj ta nuq'ij. Yin xa kan xaxe-wi ri qajaw Jesucristo ri xken ri ninya' ruq'ij. Y jak'a chuqa' rija' ri banayon chuwe chi xiken yan chikiwech ri ch'obonik aj-ruwach'ulew. Y re ch'obonik re' xeken yan chuqa' chinuwech yin.

Romanos 11:1

¿Kan qitzij kami chi ri Dios yeretzelaj ri ruwinaq judío? Man keri' ta, roma yin kan wilon ri rutzil ri Dios. Y yin kan in israelita-wi, in rijatzul kan ri Abraham, in richin kan ri tzobaj Benjamín.

Wuj Richin Bix Chire ri Dios 62:9

Kan qitzij wi, chi ri wineq xa q'axel achi'el ri kaq'iq', Stape' beyom o k'o ta pa meba'il, xa kan maneq rejqalen. Wi ta ye'etex pa jun etabel konojel, kan yek'ulun chi xa man jun kejqalen.

2 Corintios 1:18

Ri Dios kan xtuq'alajirisaj k'a chiwech chi xa man keri' ta. Rija' kan retaman-wi k'a chi roj man niqabij ta ja', y ni, pa jun bey.

Romanos 11:11

¿Kan qitzij kami chi ri qawinaq, richin ta jantape' xetzaq pa ruq'a' ri etzelal roma ri pajk'ibel ri'? Man keri' ta. Ri Dios nrajo' chi nuk'asoj k'a jun itzel rayibel kik'in ri e nuwinaq chikij ri winaqi' man e judío ta, y roma ri' xusuj k'a chuqa' ri kolotajik chike.

Romanos 7:7

Y rik'in juba' niq'ax chiwech chi ri pixa' itzel, jak'a xa man keri' ta. Roma ri pixa' nik'atzin richin nuq'alajirisaj ri mak. Wi man ta k'o ri pixa' yin man ta wetaman achike ri' ri mak, achi'el toq nubij:*f14* Man tirayij chi iwik'in ta rix k'o-wi ri k'o kik'in ri iwachpochel.

Romanos 6:2

¡Man keri' ta! Roma roj man niqak'axaj ta toq ri mak yojroyoj, roj xa oj achi'el kaminaqi' chire ri mak. Wi keri', ¿achike k'a roma k'a ojk'o na chupan ri mak?

San Lucas 20:16

Rija' xtipe k'a y xkerukamisaj ri qajoy taq ulew ri', y ri rulew xtuya' chik kan pa qajik chike ch'aqa' chik, xcha' ri Jesús. Toq ri winaqi' kak'axan chik qa ronojel re', xkibij: ¡Man ta jun bey xtibanatej keri'!, xecha'.

Romanos 7:13

¿Xtinbij ta k'a chi ri utzilej pixa' nuk'en-pe kamik chuwe? Man keri' ta. Jak'a ri mak xukusaj ri utz richin xuk'en-pe ri kamik. Y rik'in ri' xuk'ut k'a chinuwech achike ri' ri mak. Keri' ri mak xukusaj ri pixa' richin niq'alajin chi ri mak kan itzel-wi.

1 Corintios 6:15

¿Man iwetaman ta k'a chi rix xa jun ibanon rik'in ri Cristo, achi'el xa ta ix ruch'akul? Y wi kan jun ibanon rik'in, ¿utz kami chi nich'er-iwi' rik'in rija' y nitun-iwi' rik'in jun ixoq ri itzel ruk'aslen? kan man utz ta.

1 Timoteo 3:16

Y qitzij na wi chi kan janila nim rejqalen ri ruq'alajirisan chik ri Dios chiqawech re wakami: Ri Jesucristo xpe wawe' chuwech re ruwach'ulew, y xok wineq achi'el roj. Xk'ut chiqawech roma ri Loq'olej Espíritu chi kan choj wi ruk'aslen. chuqa' xtz'etetej koma ri ángel. Xtzijox chuwech ronojel re ruwach'ulew, y e k'iy xkikuquba' kik'u'x rik'in. Y toq xel-el chuwech re ruwach'ulew, xk'ul chila' chikaj roma ri Dios.