Romanos 2:9 - Kaqchiquel Bible

⁹ Kan konojel k'a winaqi' ri yebanon etzelal, k'ayew xtikik'uluwachij y xtikitej poqon. Nabey xtiqaqa ri ruk'ayewal pa kiwi' ri nuwinaq judío, y k'ari' pa kiwi' ri man e nuwinaq ta.

နောက်ထပ်ဗားရှင်းများ

Kaqchikel Santo Domingo (Xenacoj)

⁹ Kꞌayew y qꞌaxomal nduteq pe ri Dios pa kiwiꞌ konojel wineq ri ngekibꞌanalaꞌ itzel teq achike. Keriꞌ ndibꞌan nabꞌey chake ri israelitas, y keriꞌ chuqaꞌ chake ri ma israelitas ta.

Kaqchikel Santa Maria de Jesus

⁹ Quinojiel vinak ri ncaꞌbꞌano itziel tak kax, can xtiquikꞌasaj pakon, y xtiquibꞌanaꞌ sufrir. Naꞌay xtika ri castigo pa quiveꞌ ri israelitas, y xtika jeꞌ pa quiveꞌ ri man israelitas ta.

Kaqchikel Central Guatemala

⁹ Can conojel c'a vinek ri yebanon etzelal, c'ayef xtiquic'ulvachij; xtiquitej pokonal. Nabey xtika' ri ruc'ayeval pa quivi' ri israelitas y chuka' xtika' pa quivi' ri man e israelitas ta.

Re C'ac'a Testamento pa Kach'abal

⁹ Conojel vinak re ye'bano etzelal, camas c'ayef xtiquiban pasar, xtiquitaj tijoj-pokonal. Y pa quive' re israelitas xtika-va nabey re castigo y xtika chuka' pa quive' re man je israelitas-ta.

Kaqchikel Western Solola

⁹ Can quinojel c'a winek ri yebano etzelal, xtiquic'ulwachij ruc'ayewal; xtiquitij pokonal. Nabey xtika ri ruc'ayewal pa quiwi' ri israelitas y c'ac'ari' chuka' xtika pa quiwi' ri ma ye israelitas ta.

Romanos 2:9 ပူးပေါင်းရင်းမြစ်များ

1 Pedro 4:17

Xa kan juba' chik ok q'ij richin ri Dios nuq'et-tzij pa ruwi' ri ruwach'ulew. Nabey nuq'et-tzij pa qawi' roj ri oj ralk'ual chik rija'. Y wi nabey nuq'et-tzij pa qawi' roj, ¿achike chik k'a ruwech chi tijoj-poqonal ri xtiqaqa pa kiwi' ri man xkinimaj ta ri nubij ri utzilej ch'abel richin kolotajik?

Romanos 1:16

Yin kan man yik'ix ta chire ri utzilej ch'abel richin kolotajik, roma re' kan uchuq'a' richin ri Dios richin nukol xabachike ri nukuquba-ruk'u'x rik'in. Ri ch'abel ri' nabey xtzijox chiqe roj judío; k'ari' xtzijox chuqa' chike ri man e qawinaq ta.

Ez 18:4

Roma kan konojel k'a ri winaqi' e wichin yin, chi tata'aj chi alk'ualaxela' kan e wichin yin; y roma ri' ri wineq ri nimakun, xaxe rija' k'o chi niken roma ri rumak.

2 Tesalonicenses 1:6

Y yalan choj ri xtuben ri Dios toq xtuya' tijoj-poqonal pa kiwi' ri winaqi' ri yebanon chiwe chi rix nitej poqon.

Romanos 9:24

Man xaxe ta roj judío ri oj royon-pe; xa kan keri' chuqa' ri e royon-pe chikikojol ri man e judío ta.

Romanos 2:10

Jak'a konojel winaqi' ri yebanon utz, ri Dios xtunimirisaj kiq'ij, y xtik'oje' uxlanen pa taq kánima. Y ja ri nuwinaq ri nabey xtiban keri' chike, y k'ari' ri man e nuwinaq ta,

Hechos 3:26

Roma ri' ri Dios xuteq-pe ri Jesús ri ruk'ajol richin yojrurtisaj. Xuben ronojel re' richin keri' chiqajujunal niqaya' ta kan rubanik ri mak, xcha' ri Pedro.

San Lucas 24:47

y chi ek'o ri xkebe pa nubi' yin richin xtibekitzijoj ri ruch'abel ri Dios chike ri winaqi', chi titzolin-pe kik'u'x rik'in ri Dios richin nikuyutej kimak. Nitikeribex-el re wawe' pa Jerusalem.

Colosenses 3:11

Y roma k'o ri k'ak'a' qak'aslen, man jun nuben chiqe wi oj judío o man oj judío ta, wi k'o qetal o maneq, wi k'o juba' qaq'ij o maneq, wi oj ximon pa samaj o oj totajineq chik. Roma xaxe ri Cristo ri k'o rejqalen y k'o pa ruwi' ronojel.

Gálatas 3:28

Junan k'a rubanik richin xa jun xqaben rik'in ri Cristo, stape' judío, o man judío ta, stape' ximil pa samaj, o totajineq, stape' achin o ixoq.

Romanos 10:12

Kan junan k'a nuben chiqe wi oj judío o wi man oj judío ta. Ri Dios kan qajaw wi qonojel y kan pa ruk'iyal nuya' ri rutzil chike konojel ri nikikuquba' kik'u'x rik'in.

Hechos 28:28

Roma ri' tiwetamaj kan rix, chi ri winaqi' man e judío ta, xapon yan kik'in ri kolotajik richin ri Dios. Y rije' kan nikak'axaj-wi ri ch'abel ri taqon-pe chike, xcha'.

Hechos 28:17

Oxi' yan k'a q'ij tapon ri Pablo pa Roma, toq xuteq koyoxik ri aj-raqen chikikojol ri judío ri ek'o chiri'. Y toq xe'apon rik'in, xubij k'a chike: Nuwinaq, yin man jun achike ta k'a nubanon chike ri ch'aqa' chik qawinaq judío, ni man jun chuqa' achike ta nubin chirij ri kibin kan ri qati't-qamama' chi k'o chi niqaben, jak'a kan ja yan ri chiri' pa Jerusalem xichap y xijach pa kiq'a' ri q'atoy taq tzij aj-Roma.

Hechos 26:20

Roma ri' kan xinchop k'a rutzijoxik nabey chike ri winaqi' ri ek'o pa Damasco; k'ari' chike ri ek'o pa Jerusalem y chike k'a chuqa' ri ek'o pa ronojel tinamit pa Judea, y k'ari' chike k'a ri winaqi' ri man e judío ta, chi nej chi naqaj. Chike konojel k'a xinbij chi titzolej-pe kik'u'x rik'in ri Dios y tijalatej ri kik'aslen. Chuqa' xinbij chike chi kan tikiq'alajirisaj-ki' rik'in ri kibanobal chi e jalatajineq chik.

Hechos 20:21

Chike ri nuwinaq judío y chike ri winaqi' man e judío ta, nuq'alajirisan k'a chuqa' chi titzolej-pe kik'u'x rik'in ri Dios y tikikuquba' kik'u'x rik'in ri qajaw Jesucristo.

Hechos 13:26

Rix nuwinaq judío, ri kan oj rijatzul kan ri qatata' Abraham, y rix ri man ix judío ta, ri kan niya' ruq'ij ri Dios, ninbij k'a chiwe chi ri ruch'abel ri Dios, ri kan nich'on k'a chirij ri kolotajik, kan qichin k'a roj ya'on-pe.

Hechos 11:18

Toq rije' xkak'axaj re', man jun chik xkibij-apo. Jak'a nikiya' ruq'ij-ruk'ojlen ri Dios, y nikibij k'a: Ri Dios kan xuya' k'a chuqa' q'ij chike ri man e qawinaq ta richin chi nitzolin-pe kik'u'x rik'in rija', richin chi nikil kik'aslen rik'in, xecha'.

San Mateo 16:26

¿Roma achike ta k'a nuk'en-pe chire ri wineq, wi nik'oje' ta ri beyomel richin ronojel re ruwach'ulew rik'in y toq xa man kolotajineq ta? Roma ri wineq ri' man xtitikir ta xtuloq' chik ri ruk'aslen.

Am 3:2

Kan xaxe rix ri xixincha' chikikojol konojel ruwach'ulew richin xixok wichin. Roma ri' xkixinpixabaj roma ri imak.

2 Crón 6:23

rat ajaw kan tawak'axaj ri chila' chikaj, y xtaben k'a ri ruk'amon. Xtaq'et-tzij pa kiwi' ri winaqi' ri'. Kan xtaben k'a chi xtiqaqa ri ruk'ayewal pa ruwi' ri aj-mak, y xtaben k'a ri ruchojmilal pa ruwi' ri maneq rumak. Rik'in ri chojilej aq'atbel-tzij rat xtaq'et-tzij pa kiwi'.

Wuj Richin Bix Chire ri Dios 32:10

Ri e banoy etzelal kan janila q'axo'n k'o kik'in, jak'a ri kikuquban kik'u'x rik'in ri Jehová e nojineq rik'in ri rujoyowanik rija'.

Wuj Richin Etamabel-Tzij 11:23

Xa ruyon k'a utz ri royoben-apo ri wineq ri kan chojmilej k'aslen ri ruk'uan, jak'a ri winaqi' ri kijachon-ki' chubanik ri etzelal, xa ruyon ruk'ayewal ri peteneq ri chikiwech-apo.

Ez 22:31

Roma ri' kan xtinwelesaj k'a woyowal chikij y kan xkenk'is roma ri ruq'aq'arinen ri woyowal, richin keri' niqaqa pa kiwi' rije' ri kimak. Yin Jehová ri yibin, xcha'.

Romanos 8:35

¿Achike ta k'a nich'aro qichin rik'in ri ajowabel richin ri Cristo? ¿Nitikir kami yojruch'er-el ri tijoj-poqonal; ri q'axomal; ri yojetzelex roma qaniman ri Cristo; ri wayjal; ri maneq qatziaq; ri qachajin ruk'ayewal o ri kamik?